النتائج غير مرضيه للجميع ( يوجد خلل في رصد الدرجات)

[مزاجي-]

والله اللي أشوفه كل مادة حسبت أخطائي وطلعت نفس الدرجة اللي حصلت عليها

[M7amad]

المشاركة الأصلية كتبت بواسطة khawla.h

اعذرني يا صاحب الموضوع لكن أحس في مبالغة وتهويل من ناحية المظلومين -زي ما تسمونها- والأصح عدم دراسة حقيقية :)

بلاش نكذب على بعض ولا في ظلم ولاهم يحزنون والظلم إذا موجود فهو في حالات معروفه

بعدين متى البعض راح يفهم إنه ترا مو واحد خسيس ونذل وحاقد عليك يصحح هو الكمبيوتر يدخلون الورقة ويرصد الدرجات

عادي ترا ما فيها شي إذا قلت أنا ما ذاكرت ميه ميه

" والصراحه " الظلم مو منهم الظلم مننا إحنا ولا المناقشات والغشششش عيني عينك اللي ثلاثة أرباعها نفس الإجابة!

بس يزود حرف ولا يكتب هلا... هذا مو ظلم !؟؟

والواجبات بالمنتديات تنزل كاملة وهذا غلط لأنه غش وبعد مش مرضيتكم الدرجات!

بصراحة لو كنت أشتغل على النظام كان علمتكم :) حلوه ذي

وكل سنه هالمواضيع وآلاف يدخلونها ويعيشون دور الضحية عجبي!

وياليتني مشرفة بعد كان بردت حرتي شوي من هالكذب من البعض .. وأطرب العضو يومين عشان يبطل بلبله

مبروك النجاح ومن افضل الى افضل ان شاء الله

ولكن نظام الجامعه بحل المنافشات والواجبات غبي ؟ مع احترامي وهالشي هذا يخلي الاغلبيه يتبع طريقة النسخ والصق الا انتي طبعا .. ولان النظام المعمول به من قبل الجامعه للمناقشات والواجبات بهالطريقه فيه ناس كثير يحلونها عند المكتبات او عند اشخاص يسترزقون بهالطريقه الخطأ واعتقد الشي هذا ما يخفى على الجامعه وحاولت انها تمنعه ولا قدرت ومع ذلك فيه ناس يروحون عند مدرسين خاصيين ويقدرون يحلون المناقشات والواجبات عندهم لكن النظام الغريب يقولك ليش تضيع وقتك تعال وانقلها من هنا ؟؟ الكمال لله وحده ولكن تقبل الشكوى من قبل بعض الزملاء والتهوين عليهم في حمل بعض المواد حتى بوجود تقصير لديهم لايوجد به ضرر او ضرار ..الله لا يحطك بموقف احدهم من اللذين سهروا وتعبوا ووفروا مبلغ من اجل دفع رسوم الجامعه

[absentstar]

بالنسبة لي .. لا يوجد خلل فهي منصفة جدا

من يعتقد بوجود أخطاء يستطيع رفع تظلم ..

موفقين

[ستيلا]

انا مستوى سادس ودرجاتي في الاختبار اللي رصدوها لي غير صحيحه وانا متاكده من الحل و اول ماطلع من الاختبار اراجع حلي في نفس اليوم واعرف الاخطاء اللي عندي وخسفوني في 4 مواد

[ســــلآف]

انا بعد مثلكم عندي مادتين توقعت اجيب فيها 100 %
جاني في وحده 91 والثانية 93 ويعد انا طلعت من الاختبار وحليتها لطلاب هذا البلا
ومتاكده من الاجابات 100 %
لا انا حسيت فيه نقص بجد ورفعت تظلم
مع اني عارفه ما راح يجينا شي بس ابرد حرتي

[Basomi1]

النتائج مرضية جدا والدرجات اللي توقعتها حصلت بالضبط

[ســــلآف]

لا احد يكتب من راسه كلام فاضي ... ويعيب على من يشتكي
ما ذاكرتم ولا حليتم ولا ولا فيه طلاب مجتهدين وفعلا يذاكرون
لا تعممون في الكلام عشان ربي ما يبتليكم بمثل ما ابتلوا به ، واسال الله ذلك
قولوا الحمد لله والشكر لله واقل شي قل الله يعوضكم
ام السب والشتم ما يجوز لان ما راح يكتب شخص الا فعلا مظلوم
والله استغرب من بعض الردود ... ما فيه اخوة ابدا

[treze117]

يا اخوان
المسألة مش مسألة اننا نعتقد ان قيه احد ظلمنا
بالنسبة لي اعتقد انه فيه في ورقة الاجابات دوائر غير مكتملة والكمبيوتر ماصححها وابغهم يتاكدون منها يدوي
لاني متاكد من الدرجة الي باخذها ١٠٠٪ لكن حصلت اقل من المطلوب

نقطة / احد سبق له انه اعترض بعد ظهور النتائج وعدلوا نتيجته ؟

[سفير القلم]

العام الماضي خصمو علي 24 درجة في الأعمال الفصلية
ويقولون السبب برنامج تحميل المحاضرات لديك غير صحيح
والسنة هاذي خصمو علي في 9 مواد من درجة
وحدة مدري ويش يبغون بالضبط يبغون نشتكيهم
في وزارة التعليم العالي الظاهر انهم ما يبغون الطلبة يخرجون
بمعدلات ممتازة هاذا مرادهم حسبنا الله ونعم الوكيل وكفاية
مدح زايد في الفريدان لا نه مايستاهل وماهو كفو

[ســــلآف]

المشاركة الأصلية كتبت بواسطة treze117

يا اخوان
المسألة مش مسألة اننا نعتقد ان قيه احد ظلمنا
بالنسبة لي اعتقد انه فيه في ورقة الاجابات دوائر غير مكتملة والكمبيوتر ماصححها وابغهم يتاكدون منها يدوي
لاني متاكد من الدرجة الي باخذها ١٠٠٪ لكن حصلت اقل من المطلوب

نقطة / احد سبق له انه اعترض بعد ظهور النتائج وعدلوا نتيجته ؟

كلامك سليم والله ... الانسان يخطي كيف بآله
يمكن تعلق يمكن خربانه مثل انظمتهم