الرسوم الدراسيه نعفى منها

[nado-m]

بصراحه انا اشوف اننا في نعمه ع الرسم اللي ندفعها معقوله وبعدين يكفي النظام عندنا جدا سهل مافيه اي تقيد الانضمه الثانيه اللي تكون انتساب يكون فيه حضور وغياب وتقيد وفصل وقلق وفي رسوم في البدايه انا اقول خلونا نركز في درستنا بدال ماندور ع شي نعلق عليه مره جدول ومره رسوم ومره مدري ايش واتمني ماحد يزعل من كلامي

[احمد الشمري]

وعليكم السلام ورحمة الله
صدقتي يااختي بكل كلمه قلتيها
انا مابي اتكلم عن الي عندهم قدره على المبلغ
فيه اخوان وخوات مو قادرين ولا على نص المبلغ
بالله كيف راح يكملون دراستهم يحرمون انفسهم من التعليم
بسبب الرسوم الي مو قادرين عليه اكثر الناس
انا الي اكلمك متدين مبلغ الرسوم
وفيه غيري كثير وفيه بعضهم مو قادر حتى يتدين
الحمد لله الدوله عندنا غنيه ومو بحاجة فلوسنا ابد
اتمنى يعفوننا من الرسوم او اقل شي يخلون الرسوم بيد الكل
اختي
بيض الله وجهك وماقصرتي
الله يعطيك العافيه

[الغزال العارضيه]

المشاركة الأصلية كتبت بواسطة احمد الشمري

وعليكم السلام ورحمة الله
صدقتي يااختي بكل كلمه قلتيها
انا مابي اتكلم عن الي عندهم قدره على المبلغ
فيه اخوان وخوات مو قادرين ولا على نص المبلغ
بالله كيف راح يكملون دراستهم يحرمون انفسهم من التعليم
بسبب الرسوم الي مو قادرين عليه اكثر الناس
انا الي اكلمك متدين مبلغ الرسوم
وفيه غيري كثير وفيه بعضهم مو قادر حتى يتدين
الحمد لله الدوله عندنا غنيه ومو بحاجة فلوسنا ابد
اتمنى يعفوننا من الرسوم او اقل شي يخلون الرسوم بيد الكل
اختي
بيض الله وجهك وماقصرتي
الله يعطيك العافيه

صح لسانك والله انك رجال

[أنور جنبي]

إِنَّ الْإِنسَانَ خُلِقَ هَلُوعاً (19) إِذَا مَسَّهُ الشَّرُّ جَزُوعاً (20) وَإِذَا مَسَّهُ الْخَيْرُ مَنُوعاً (21) إِلَّا الْمُصَلِّينَ (22) الَّذِينَ هُمْ عَلَى صَلَاتِهِمْ دَائِمُونَ (23) وَالَّذِينَ فِي أَمْوَالِهِمْ حَقٌّ مَّعْلُومٌ (24) لِّلسَّائِلِ وَالْمَحْرُومِ (25)

أظن ان من حقنا اننا نطلب لكن ما نطالب، و نحافظ على الأدب في طلبنا من جامعتنا، فجزاهم الله خير فتحو لنا فرصة التعلم ، فمن علمك حرفا صرت له عبدا ، ومن لم يستطع على تكاليفه فالباب لم يغلق و له ان يبحث عن حلول أخرى تناسبه و امكانياته ...

فسبحان الله قبل القبول يتمنى الرجل او المرأة تجد طريقة للدراسة، و مستعدون لدفع الكثير مقابل فرصة لم تتوفر لهم بسبب نسبهم الهزيلة، او درجاتهم المتدنية، وبعد ان يقبلو ليس له الا التبجح و نكران الجميل

رأيي ان تعيدو صياغة طلبكم ، و تخبرو جامعتكم ان ردا لجميلكم بقبولنا، فعليكم تحمل تكاليف المدرسين و خدمات الانترنت و مراكز الأختبارات التي فتحتموها في كل مدينة، فتبا للمعروف ولا تنسو المكافئة أسوة بزملائنا المنتظمين الذين قبلو بجهدهم و اجتهادهم، فنحن شعب لا نأكل حتى نجوع و اذا اكلنا لا نشبع، ثم أختمو خطابكم بتوقيع الشعب

[أنور جنبي]

المشاركة الأصلية كتبت بواسطة رضـ غايتي ـاهم

السلام عليكم ورحمة الله وبركاته

انا اضم اضم صوتي لكم ..

بس عندي ملاحظه لام بودي الله يجزاك خير لاتقارنين جامعات برا بجمعاتنا لان شهاداتهم اقوى والدليل اللي يدرس برا وظيفته هنا الشي الفلاني عكس لما يدرس بجامعاتنا حتى وظيفه مايلاقي الا بالواسطه وبعد طلعة الروح بعدين انتي عندك تدفعين غيرك ماعنده وانتي عارفه الحال الله يرضى عليك عندك قولي الحمدالله اظن ظروف الناس محد عالم بها الا الله ...

أختي اجزم ان نص الي يطالبون عندهم سيارة و جواليين و أكيد توها مشترية ملابس العيد من أحلى الماركات و ربما سافرو للخارج ، لكن لما جا الموضوع لرسوم الجامعة فجأة صار فقير و مسكين و يكسر الخاطر لأنه من الي يتعشى جزرة و يفطر خيارة وما عنده الا ثوب صوف واحد و مرقع!!، ثم ان لم يناسبك شهادة جامعة الملك فيصل فلم يجبرك أحد على التقديم ولا الدراسة، و كنت تعلمي بالرسوم و قدمتي عليها و انتي تلهثين، فسبحان مغير الأحوال.

الجامعات الي انتسابها ببلاش لا تفكري تشوفي منها لا محاضرة ولا خدمات ولا خرابيط، اول الترم لازم تسافري لهم عشان تسويين الجدول و آخر الترم تسافري حق الأختبارات، تخيلي تقعدي بتبوك اسبوعين عشان اختبارات، مين بيروح معاكي؟ و مين بيدفع حق الشقة المفروشة و أكلك و شربك و تذكرة طيارتك!!

جامعة الملك فيصل وفرولك كل شي و حاولو يسهلولك الدراسة بأكبر قدر ممكن ، حتى المحاضرات تجينا و أحنا مبطوحين ببيتنا، و الشي الوحيد الي يبونه منك هو انك تدرسي، و أغلب الطلاب حتى في هذي مو فالحين

على فكرة الجامعات الي بره أكيد أحسن من كل الجامعات الي عندنا، لكن خريجيها ما يتوظفو لأن شهادتها أحسن و بس ، لكن لأننا شعب معقد و نحب كل شي يجي من ذوات البشرة البيضاء لنقص ثقة فقط لا غير، و أغلب الي تقولي عليهم توظفو فبألف فأقولك مو لانهم عندهم شهادة من جامعة سعودية، لكن لانهم شعب فاشل و سوو مثل الي تسوونه انتي و غيرك ، ظل يركض و يلهث عند عتبة الشركة حتى يقبلوه و كان راضي حتى لو وظفوه فراش، و بأول يوم بعد الثلاثة الشهور التجريبية يبدأ مسلسل خالي مات و أمي اتوحمت و جدتي ولدت!!!

من حقكم تطلبو بأدب ، لكن المطالبة بطريقتكم هذه ليست الا لليهود

بالتوفيق للجميع

[الطالبة المعذبة]

أضم صوتي الى صوت أنور وكلامه عين العقل
قال كل اللي في خاطري

ما اقدر اقول الا الله يوفقكم يارب

[حلم&& حياتي]

من حقكم تطلبو بأدب ، لكن المطالبة بطريقتكم هذه ليست الا لليهود

من صجك انتي على هالكلام علشان نطالب بحق من حقوقنا كمواطنين انه الدوله توفر لنا الدراسه علشان نخدمها في المستقبل تقول اتقول مطالبات مثل اليهود

لعلمك من حقنا انه احنا نطالب بالدراسه ومقاعد الدراسه واذا ما وفرت لنا الدوله اقل شي تسويه انه تتكفل بتعليمنا على حسابها لانه واجب من واجبات الدوله بدال ما ترسل حق فلسطين مساعدات وتبني مدارس في افغانستان احنا اهل هالبلد اولى في هالمساعدات

غزال العارضيه كلامش عين العقل والله وانه اوافقش في الراي ميه بالميه

[القادم أحلا]

صراحه المبلغ مبالغ فيه يعني علشان احنا سعوديين يبغون ياخذون فلوسنا مو كل السعودييين مقتدين كل ما نروح لمكان قالوا ادفع الله يكون في عونا*

[الثابتي]

:150:انا اضم صوتي وبقوه لان مملكتنا في خير من رب العالمين ولا قاصرنا شيء وابو متعب يود الخير والعلم لجميع افراد الوطن وانا اتوقع انه لويدري راح يسوي كل شيء من اجل ابناء وطنه ...
ونسأل الله لمليكنا وقاداتنا ولجميع افراد هذا الوطن التوفيق ..

[نورة الامورة]

انا معاكم 000 بس اذا مايرضون على الاقل تكون الرسوم موحده في كل المراحل ولالا تتجاوز 2000 ريال انا بصراحه رسوم الترم الثاني مادري اقدر ادفعها ولالا