ي جرح من وين أبتدي =( !

[بيآض]

-

إسمحو لي إنشغلت اليومين اللي فاتو بس وربي كلكم بالبال
أصحاب التقييمات اللي تسعدني حقكم محفوظ لما تفتح التقييمات

,

كنت يومين إستجمام بالخبر عندنا زواج والتجهيزات تاخذ وقت الله يكثر من هالزواجات اللي تخلينا ننام بالسوق < هذي الدعوه وانا افر بالسوق ارددها
أمس على 1 بالليل رجعنا البيت نمت بدون شعور ورجولي مااحس فيهم
قبل احط راسي كالعاده أتفق مع نفسي إني بصحى بدري وأنجز بعض الشغلات والحمدلله صحيت وأنجزت
وحالياً أحتسي قهوتي حياكم





.

[بيآض]

-

يسلب الله أحياناً أكتاف , نعتقد أن الحياة
لاتستمر إلا اذا ارتكزنا عليها .. يعلمنا درساً عظيماً
أنه هو الوحيد الذي لن يتخلّى عنّا أبداً ..





.

[بيآض]

-

ورجوت عيني أن تكف دموعها
يوم الوداع نشدتها
لاتدمعي

أغمضتها ،
كي لاتفيض فأمطرت
أيقنت أني لست أملك مدمعي
ورأيت حلماً .. أنني ودعتهم
فبكيت من ألم الحنين
وهم معي ..
مرٌّ علي بأن اودّع زائراً
كيف الذين حملتهم في أضلعي ؟



^
من أقرب ماقرأت لـِ قلبي





.

[بيآض]

-

يسعد مساكم حبايبي جميع

من أكثر الأمور تأثيراً على نفسيتي وبلحظه بس ريحة عطر أحبه ،
كذا قادر هالشي يشيلني من مكان لمكان ثاني أستكن فيه وبنفس الوقت قادر يقلب مودي 180 درجه لو كان له علاقه بذكرى تعنيني سواء حلوه او مره
من أكثر الروايح حباً لـ قلبي الروايح البارده اللي تعطيك إنتعاش بين الورد والمسك والليمون والصندل ومن أشدها كرها في قلبي الفانيلا والفراوله

المهم خلاصة المدح اللي فوق كله
تلاقونه هِنا




عطري الحبيب هالفتره

لأن كل موسم أقلب على غيره ..



.

[بيآض]

-


-

-

اكتب لأن المزيد من الحديث يؤذي وﻻن اصابع الكلام تجيد دفع الكلمات والخلاص منها ،
واكتب لأن الحياة ﻻتنصت وﻻن الكثير من اﻻمور حولي ﻻ تنطق أبداً ..





.

[بيآض]

-





حالياً مباشره


.

[بيآض]

-

نومي يستهبل جد صايره مااعرف له
لي 3 ايام ماتجي 12 الا انا نايمه وصاحيه مع اللي عندهم دوامات أشد على أزرهم
ومن أمس واليوم لي ساعتين بفراشي اغمض عين وأفتح عين ماضبط الموضوع غمضتهم ثنتينهم برضو مافاد
سويت أجواء ظلام وكذا ماش فجأه تلاقون جنبي كوب قهوه وكتاب أقراه ماتصدقون إني انا اللي توي بنام
دايم عندي الوضع يقلب بلحظه


.

[بيآض]

-

تعلم كيف تقف وحيدا دون مساعدة ،
تعلم الا تعيش على الانتظار
وان لا تكون هامش بحياة احدهم
تجاهل مشاعرك كثيراً ..



يسعد مساكم جميع



.

[بيآض]

-

* يمكن أنا الوحيده اللي مو متحمسه للشِتا لحد يعصب عليٌ !

* هاليومين مو طايقه حتى نفسي بسبب هالحساسيه اللي جايتني ومالي خلق مستشفيات ماطبيب الا انا < ذكرتكم بمن بالله ماأحارش أحد ابد ..

* ودي أبدا أقرا روايه جديده بس المشكله صايره أنام بدري من أمس

* أشخاص أسعدوني بتقييمات لكم قلوب من هِنا لمكانكم

* فيني شوق الدنيا لدبي أحتاجها هالفتره ..

* أستغفر الله وش حاصل للناس كثر الفساد والله ولا حيا ولا مستحا كل مالها وتطيح من هالعين أكثر < دريتو منهي اللي يعرف له جائزه مقدر أصرح أكثر إحتياطات أمنيه :)




وبس


.

[بيآض]

-

بالرغم من تحفظاتي على تصرفات بعض الأشخاص إلا إني أطنش بمزاجي وأتغاضى ،
محادثه لي مع شخصيه قريبه مني تمت هذا الصباح تجاذبنا أطراف الحديث لمده لاتقل عن الساعه
صديقه وأخت أرغمتها ظروف عمل والدها للإنتقال إلى قريه بعيده بعد رفقه دامت 11 سنه وللآن كل ماسولفنا وجبنا طاري البعد زاد تذمري على هالمدير و إكتشف إني أحمل كمية عتب عليه مانقصت يمكن زادت
قالت لي كل شي تعلمته منِك فادني إلا إني أتعاطى مع الناس وأنا عارفه نواياهم هذا الموضوع للحين ماقدرت عليه !
قلت يابنتي تعودت من صغري وأنا حاطه في بالي إني بعايش ناس كثير فيها الزين والشين والصالح والطالح والمؤدب والوقح والصادق والمنافق ووو فلو بحط ببالي إني كل ماقابلت شخصيه من هالناس بيضيق صدري وأقطع علاقتي وأبتعد مادام لي إلا عدد أصابعي يمكن أنا بكل شي ضعيفه وعاطفيه إلا هالموضوع أعيش فيه تحدي مع نفسي كبير يعني أجلس مع ناس أدري إنهم مايحبوني ولا أحبهم لكن لحاجات داخليه أكون بهالمواقف عشان هالشي أعتبر هالموضوع شجاعه فيني يمكن تختلف وجهات النظر كثير حول هالموضوع لكن هذي من جهتي
وبس كم كلمه في بالي حبيت أفضفضهم ..


.