[ مذاكرة جماعية ] : ورشــة مقرر ♥ الإحصــاء في الإداره ♥ ..

[Abo Rahma]

المشاركة الأصلية كتبت بواسطة هيلـہ *

اخوي turki1400 & abo rahma
احد منكم حضر المباشره ال2 للاحصاء ولا لا؟
اذا ممكن واحد منكم يذكر لنا الي ذكره الدكتور ف المحاضرة ..
لان للحين الشباب الي مشتركين ف الورشه ماردو علينا تأخرنا ف تنزيل المحاضره ،..

اعتذر منك اختى هيله بتأخر بالرد على طلبك
والله ماكنت متواجد الاسبوع الماضي بسبب ظروف العمل واليوم اول دخول لى
والحمدالله ماقصر الاخ تركي والاخت روز
كل تقدير واحترامي للجميع

[Decent Hafrawi]

المشاركة الأصلية كتبت بواسطة ام حنان

طيب النرد كم وجه له ست وجوة وقال لي مرتين ارميه
ارفعه للاس 2
6 اس 2 يطلع لي 36
مجموع الحتمالات الي راح تطلع لي من رمي نرد مرتين


هو بسؤال قال مجموع العددين الظاهرين
اقل مجموع ظهر لي من رمي النرد مرتين (1.1) مجموعهم 2
واكبر مجموع طلع لي من رمي النرد مرتين (6.6) مجموعهم 12
امثل من 2 الي 12 وهذا المتغير العشوائي
2.3.4.5.6.7.8.9.10.11.12

بنسبه للجدول مافهمت اي جدول تقصد

المشاركة الأصلية كتبت بواسطة ام حنان

عدد لك انواع العينات
اول العينه العشوائيه البسيطه
يعني قالوا لك يافواز هذول 2000 طالب ونبي منهم 100 طالب يروحون رحله
جتك فكره وقلت اوزع ارقام عليهم من 1 الي 2000
واجيب اوراق مكتوب عليها نفس الاراق واحطها في صندوق واختر منهم عينات عشوائيه عدد ميه يعني(القرعه)
او قلت اريح نفسي واخلي الكمبيوتر يختار لي عشوائي ميه طالب

العينه العشوائيه الطبقيه
هذي لها قانون حجم العينه ×حجم الطبقه ÷حجم المجتمع
جاب لي مثال
عندي جامعه الملك فيصل فيها كليات والكليات فيها طلبه اختار من كل كليه عينه عشوائيه
وعطاني مجموع جميع العينات 500
كليه العلوم (200) اختاروا منها 200 عينه
كليه الصيدله (150)
كليه الهندسه (150)
كليه الاداب (400)
كليه الطب (100)
القانون اطبقه على كل كليه
اعطاني حجم العينه 500 وحجم الطبقه هي عينه كل كليه
المفقود حجم المجتمع
حجم المجتمع هو جميع عينات الكليات لو اجمعهم .. 200+150+150+400+100=1000
اخذ كليه كليه واطلع العينه العشوائيه لكل طبقه
كليه العلوم
500×200÷1000=100
يعنيالعينه طبقه العشوائيه لكليه العلوم =100
وهكذا
واخر شي لو اجمع كل العينات العشوائيه الطبقيه لجميع الكليات راح تعطيني 500 القيمه الي اعطانيها بسؤال


العينه العشوائيه المنظمه

مصنع يصنع 100 قطعه اثاث قال اختار عينه 10 قطع منظمه
اوزعهم الي مجموعات
اقول
1.2.3.4.5.6.7.8.9.10
المجموعه الاولي
11.12.13.14.15.16.17.18.19.20
المجموعه الثانيه

وهكذا
اختارعشوائي
طلع لي الرقم 5
اخذ الرقم خمسه من كل مجموع يعني
5.15.25.35.45.55.65.75.85.95
هذي هي العينه العشوائيه المنظمه

العينه العنقوديه ذات المرحله الواحده

قال لي عندي دراسه بسويه على المستشفيات المملكه
مناطق المملكه مقسمه على خمس مناطق
شرقيه ..غربيه ..جنوبيه ..وسطه ..شماليه

نختار منهم عشوائي طلع لي غربيه وشماليه اسوي لهم دراسه للمستشفيات
وهنا اتوقف عند مرحله واحده


اذا قال لي نفس المرحله السابقه لكن عنقوديه على مراحل
اخترنا غربيه وشماليه
من غربيه اوزع المدن واختار عشوائي المدينه المنوره
وشماليه اوزع المدن فيها واختار مدينه عشوائيه مثال طريف


ان شاء الله تكون فهمت
العينات دراسه كامله لكن هنا مختصرة جدا ورؤس اقلام
اهم شي احفظ القانون واطبق عليه

الجدول الي يقول طلع البيانات التاليه
p(aub) , p(b) , p(a) هذا قصدي

يعطيكي العافيه ماقصرتي...

الله يوفقك يارب

جزاك الله خير

[صبآإ]

الله يعطيكم الف عافية ماقصرتوا جميعاً
سؤال: الواجب الأول عندي غير عن اللي منزلينه هنا كيف كذا صآر؟ :(

[Bsooomh^_^]

الله يسسسسسسعدك ويوفقك ياأم حنان مجهودك عظيم تشكري عليه شروحاتك ممتازه ☆🌹

[turki1400]

ابداع ام حنان بارك الله فيك انتي وبقية الاعضاء

[عليوي]

السلام عليكم نشكرك على هذا المجهود الجبار ..,,,بس واجب الطلاب يختلف عن الموجود في الواجبات ....ممكن الي عارف الحل يقدمه لنا ,,,,,,,,,,ربي يوفقك

[هيلـہ *]

المشاركة الأصلية كتبت بواسطة عليوي

السلام عليكم نشكرك على هذا المجهود الجبار ..,,,بس واجب الطلاب يختلف عن الموجود في الواجبات ....ممكن الي عارف الحل يقدمه لنا ,,,,,,,,,,ربي يوفقك

وعليكم السلام ورحمة الله وبركاته ،،
ابشر نزل الأسئله وان شاءالله راح احلها لك

بالتوفيق
~

[هيلـہ *]

المشاركة الأصلية كتبت بواسطة صبآإ

الله يعطيكم الف عافية ماقصرتوا جميعاً
سؤال: الواجب الأول عندي غير عن اللي منزلينه هنا كيف كذا صآر؟ :(

عزيزتي اذا ممكن نزلي الأسئلة
وان شاءالله راح احلها لك

بالتوفيق
~

[ابو عباس]

السلام عليكم أعتذر عن التأخير ومرفق ملف المحاضرة الثامنة

[هيلـہ *]

وعليكم السلام ورحمة الله وبركاته ،،

الله يعطيك العافيه اخوي ابو عباس
ويكتب اجرك ..

ياليت تجهز كويز لمحاضرتك ال8
ونكون شاكرين لك ،..

بالتوفيق