ي جرح من وين أبتدي =( !

[بيآض]

-

خلصت كل أموري وأنجزت اليوم أحس إني راضيه عن نفسي ،
وقت المكافأه مع روايتي الجديده




كيف التشويق بس


.

[بيآض]

-


ستصل لمرحلة ما في حياتك ، وأرجو أن لا تصلها متأخراً ..
عرف حينها أن معظم الجهود والكلام والأعمال التي قمت بها من أجل الآخرين كانت مضيعة تامّة للوقت والجهد .. وأنك لو استثمرت هذه الموارد من أجل نفسك لكان أفضل بألف مرّة ..
حِينَئِذٍ.. ستتشابه الأنانية مع السعادة لدرجة أنك لن تفرق بينهما ..


النوم شرف تصبحون على خير جميع


.

[بيآض]

-

يسعد مساكم حبايبي
اليوم حصلت لي حاجه زعلتني لمدة ساعتين واللحين الحمدلله مبسوطه
أقول دايم أردد وعسى أن تكرهو شيئاً وهو خير لكم ،
اليوم ولأول مره أخلي جوالي صامت وأنام وتعمقت بالنومه يعني صحيت صليت ورجعت أكمل
صحيت الساعه 10 ونص أشوف مكالمه عندي من الجبيل ف قلت يمكن أحد من اللي مقدمه عليهم
وفعلاً أتصلت وطلع معهد عندنا قلت انا فلانه متصلين علي وووو الزبده انو يبوني بوظيفه
ويوم مارديت اتصلو على غيري طبعاً مااعجبني الحكي يعني متصلين علي الساعه 9 وانا ماتأخرت كثير
عشان يتصرفون بمكاني لكن الحمدلله كنت معصبه لكن نزلت عند أمي وسولفت لها وكذا أخذت الامور
ببرود قلت يمه مستوعبه وش اقول لك قالت الحمدلله يابنتي لو ربي كاتبها لك بتجيك
ف قمت روقت ودخلت المطبخ ابرد حرتي وهذا اللي طلع معي





على هالحب اللي جايني للمطبخ كويس اني مسيطره على نفسي والا كان صرت بلونه



.

[بيآض]

-

يقهر جداً لما ينحصر حكيك لشخص آخر تحمل له مكان في داخلك بـ عدة حروف
لاتكاد تعبر عن ربع مافي داخلك أكره التقيد بمكان و حرف ..



،

من أحب المناطق لـِ قلبي كانت الرياض وفي كل مره نزورها إبتسامتي تصاحبني من قبلها بإسبوع ،
ولي أهل هِناك وصحبه وحبايب لكن إنقطعت عن زيارتها سنتين وتفاجأت يوم رجعت لها بهالتغيير الحاصل ،
زحمه ، ناس همج مافيه إحترام للأنظمه طبعا كلامي ماأعم فيه الكل لكن هذا اللي حصل معي ماصدقت أرجع البيت أنا ولأول مره أكره السوق هناك ومن عقبها أخذت موقف صغيرون يعني ماافضل زيارتها بما إني بالجبيل الهدوء والنظافه بس الناس الهمج نفسهم ترى موجودين ف ترجح كف الجبيل عندي :)

ولكن دايم الدم يحن تضل معشوقتي الرياض بس من بعيد


.

[بيآض]

-

موب جوي أفلام أبد بس أحس ودي أضيع وقت مدري وش أتابع
امممم اظن بشوف تيد الجزء الثاني يمكن حلو


:

يمكن شوي وأغير رايي أشوف فلم مصري عادي ماينعرف لي أبي ناس ونيسين وخفاف دم



.

[بيآض]

-

كل صباح عندي صاير أحسن من اللي قبله
يارب تمم رضاي عن يومي وبشرني بحاجه تسعدني

:

أول ماأفتح عيني دايما أمسك الجوال وأدخل تويتر ياكثر مايتحلطمون فيه هالعالم
عزتي لهم اللي ينقد واللي يستنكر واللي يبي توضيح واللي مصدوم ونادراً مانلقى أحد راضي ،
والله ماألومهم كل شي صاير هاليومين مغشوش وتجاري ويرفع الضغط وفقط بعض الضماير اللي تعمل والأخرى كتب عليها مع وقف التنفيذ !



.

[بيآض]

-

-


جميل لما تحس إنو فيه شخص يشاركك بعض صفاتك إن ماكانت أغلبها ولو مايربط بينكم شي ،
حلو الشعور إنك تشوف شخص عزيز عليك في كل مره ومع كل حرف تدرك إنه إنت لكن بمعرف آخر ..





.

[بيآض]

-

قررت اليوم أروح أستكن بغرفتي من بدري وأتابع فلم
لكم جويٌ عشان تشاركوني



المهم بغض النظر عن الفلم الجميل هالنكهه معشوقتي مع إني ماأفضل الفراوله كثير
لكن التشيز كيك هنا عامل عمايل خطيره جربوه وإدعو لي


.

[بيآض]

-


قد يخرج من أبشع الأحداث
. . ( صورة جميلة )
وقد ينتج من أفشل الزيجات
. . ( طفل رائع )
وقد ينبع من أسوأ الأماكن
. . ( ماء )
وقد يوجد في أبشع الأماكن
. . ( تُحفه فريده )
وقد يخلق من أردى العلاقات
. . ( حبٌ صادق )


* ليس بالضرورة أن يكون البشع بشعاً
والجميل جميل , نحن من نخلق ذلك الإطار لِأنفسنا
عندما أنظر لِمصيبتي على أنها إختبار !
تختلف عندما أنظر لها على أنها إبتلاء !
الدنيا ليست المسؤولة عن البشاعات المتراكمه
نظرتنا لها / هي السبب بذلك
لو فقط فكرنا بأن كل شيء حولنا سينجب ( فرحة جديدة ) لن ننظر لها كذلك *






صباحكم ورد


.

[بيآض]

-

اكتب لأن المزيد من الحديث يؤذي ،
وﻻن اصابع الكلام تجيد دفع الكلمات والخلاص منها ،
واكتب لأن الحياة ﻻتنصت وﻻن الكثير من اﻻمور حولي ﻻ تنطق أبداً ..



وحشتوني بس الواحد أحيان يحتاج يبعد شوي عشان يختبر قدره لا امزح والله بس انشغلت شوي ,,
.