فـ خ آآآآمهة’ الإسم تكفي ^-^

[ǺĽ ẕeeห]

عندي سواليف ي كثرها بس خلوني اجمعهاا عشان لا انسى ""

مابي انسى شي

والبلا اخاف اني انسى كل شي

الكبر شين والله "" يالله حسن الخاتمه ""

[ǺĽ ẕeeห]

شوفو كم انا سنعه نزلت هالصوره بقسم الصور قلت لازم اخلي لمدونتي نصيب منهااا ايضآآ

[ǺĽ ẕeeห]

خلوني اسولف معاكم شويات ""

شرايكم بالي يشوف نفسه دااائمااا صح والناس كلهاا غلط وانه هو الي فاهم كل شي والناس مو فاهمه

نفس - غنيمه - الي بـ غريب الدار تماامااا ونفس اسلوبها وكلامهااا

( انا كبرت ربيت علمت شلت دفعت وتعبت .... الخ )

انا من شفت هالمسلسل قلت سبحان الله يعني في ناس كذا من جد مو بس عندناا ""

شرايكم بالي يقول لو انا ظالمكم بشي كان - ربي سوى فيني شي - هذاني للحين ماجاني شي "

شرايكم بالي وده ان امه ترجع وتقوم من قبرها ويشوفها بس ثانيه وحده وهو حارم عياله من شوفه امهم

ولا سألوه ليه مانشوفها يقول - مزاج -

بالعربي العيال ضاعووو تايهين بين ام واب ""

يقول تبون تشوفونها بالمحاكم وهي تقول عادي اروح محكمه واشتكي ليه لا ""

طيب مافكرتو بـ نفسيات عيالكم ؟؟

تودونهم محاكم يشهدون على ابوهم او امهم "" ولا كأنه صار شي ونخلص من المحاكمه ونرجع البيت وعادي ؟؟

انا مدري من الغلطان امي او ابوي او احنااا الي ضايعين بالطوشه ؟؟

الأب / حارم عياله من امهم لا كلام ولا جوال ولا تليفون يكلومنها من وراه بالدس ويشوفونها بالدس كأنهم مسوين شي حرام استغفر الله

بنته الكبيره / حارمها من الزواج والسبب - لو زوجتك بتروحين لأمك وتشوفينها - لو زوجتك من يقوم بالبيت وينظفه ويقوم بـ اخوانك " اكلهم شربهم قومتهم للمدرسه ""

الولد الكبير / ترك البيت وطلع وراح مكان ثاني استقر هناك واشتغل يجي يزور ابوه واخوانه من اجازه لـ اجازه

والعيال الباقين/ كبروو الحين ومصيرهم يطلعون من البيت زيهم زي اخوهم الكبير "

البنت الصغيره / شخصيتها جدآآ شديده وتاخذ حقها ثالث مثلث ماشاء الله عليها لكن برضو منكسره من داخلها وما تبين اكتفت بالسكون والتظاهر بعدم المبالاه ::

كل واحد يدخل غرفته بالليل ويتوسد على مخدته وينام والمخده كلها دموع ""

ليه الواحد ينحرم من ابسط حقوقه بسبب ناس منقهره وحاقده ""

وش ذنبي انحرم من شوفه امي كل يوم اسأل نفسي هالسؤال ؟ وان شكيت وفضفضت الجواب - اصبري-

اوك انا صابره وساكته وعارفه ان هذا كله مكتوب واكيد فيه خير لي ولـ اخواني ""

بس ابوي الله يهديه اي احد يربطنا بـ امي مايخلينا نتواصل معاه ::

خوالي الي عندنا نروح لهم بالدس اهلي نكلمهم بالدس امي اكلمها بالدس

ومن ولدت عبودي ابوي زاد قهره وحررمنا من السنه الي فاتت من السفر عشان لا نشوفها وسافر هو وتركنا شهر لحالنا بالبيت

بس ماسكت جاء اخوي الكبير وسويت لهم مناحه وصياح ونياح قلت ابي امي

وودانا الرياض ومن ثاني يوم امي ولدت عبودي حضرت ولادة اخوي حبيبي

وقتها قلبي ارتاح ورجعنا الجبيل قبل لا يرجع ابوي بيومين ""

وهالأجازه قال مافي سفر بعد

صحت انا واختي واخوي قدامه واول مره ارفع صوتي عليه قلت له بروح قال لا تعاندين قلت ما اعاندك بس بروح

قال امك رمتكم وقطتكم علي وتركتكم وووو .... الخ

المشكله كل الي قاله ماصار من انا صغيره ابوي مهبل ب امي مسكينه حتى يوم انفصلوو جيرانا صلحو لأمي عشاء

واهلي حفله

وخالاتي عشاء

من زود الوناسه

المشكله هو احسن واريح لها والله اتحمل قهر ابوي لين اموت ولا ترجع امي واشوف دموعهاااا ""

على قد ما اتكلم محد بيحس الي بداخلي انا واخواني

لا سمعت اغنيه عن الأم لا شعورياا عيوني تدمع حتى لو كنت ميته من الضحك "

لا شفت صديقاتي مع امهاتهم اناظرهم وابتسم اقول اعوذ بالله امي حيه وعايشه وهي بمكان وانا بمكان

من وقتها صرت لـ اختي ام واخت وصديقه وكل شي عشان لا تحس بالي احسه واخواني بعد صرت لهم ام اي شي يبغونه يجوني اول " ويسألوني


ان طلعت من البيت او مرضت - متى بتجين - يلا تعالي بسرعه - طفشناا - احنا جوعانين - احنا تعبانين

من وقتها قلت انا لو طلعت من هالبيت بينهد " فـ بلا زواج وخرابيط من وقتها شلت سالفه الزواج من راسي "

مع اني وحده تموت بشي اسمه اطفال وخاصه بنات ""

حاطه حرتي بـ فخر وشيماء بنت صديقتي ""

وفديتهم صديقاتي بعد يجيبون بناتهم عندي يخلونهم ينامون عندي كم وم احس بـ الأمومه كم يوم من جد شي يحزن "

لكن الحمد لله على كل حال ""

[ǺĽ ẕeeห]

وووووووووجععع

كتبت رد ياطوله وهج

وش اسوي بـ هالمنتدى افجره ولا افجره

آآخ ياربي

[ǺĽ ẕeeห]

ابوي حليل وطيب ومو مقصر معانا ماديااا ابد

وهو يشوف اننا كذا خلاص تمام ونفسياتنا حلوه

يعني ماشاء الله بدال الخط عندي 3 خطوط - 3 جوالات - ولاب توب وجالكسي تاب آخر موديل وفله ملك لنا ناكل ونشرب وننام بـ احسن مكان ونلبس احسن لبس "

بالعربي اشوفها عيشه ملوك "

بس مابي كل ذا انا ابي امي والله لو اعيش معاها بـ كوخ عادي اهم شي هي معاي ""

يقول قطتكم علي ورمتكم علي وخلتكم وراحت ووو ... الخ

وكلنااعارفين ان هالشي ماصار امي تركته لأنه جننها فديتها وانا صغيره كنت اشوف كل شي "

لين كبرت ""

تركته وراحت وتطلبت الطلاق وارتاحت منه "" ومن يومها وهو كارهها كره

طيب احنا وش ذنبناا ننتظر اجازه العيد من سنه لـ سنه عشان نشوفها "

حاله والله ""

يلا مايخالف انا كتبت هالكلام لأني ارتاح اذا كتبت وطفشت من الكلام صراحه ""

الي يسمعون صارو يجيبون المرض

اسولف لين احس صوتي انبح والي تسمعي ماهي معاي ولا تدري وش أقول اسألها شرايك بالله

الوو :: ي هوو انتي معاي ؟؟

فجأه تقول / هاه ايه ايه معاك مايخالف اصبري واحتسبي الأجر . واقول بداخلي باين انك معاي مره باين "

وقلت ابد ماراح استسلم واروح لصديقتي الثانيه واشكي لها تقل توها اسلمت كل ردها

- اصبري اصبري انتي وانتي و فيك وفيك والصبر والصابرين -

وارد ونعم بالله بس وهي اصبري اقول طيب اسمعي وذيك تقل مسجل معلق اصبري اصبري اصصصبرييي

لين انفجر اقول هذاني صابره ووووووووووجع لو ماصبرت مادقيت عليك حشآآ بالعه مسجل ومعلقه على اصبري واصبري "

واذهب للثالثه /

واقول واشكي توصل للصياح والله اقولها اتذكر اليوم الي طلعت فيه امي من البيت وجلسنا 9 شهور بدونها وبعدها - خلعت - ابوي

وذيك بوادي حنيفه ماهي معاي ابد "

وانا تنزل دموعي وامسحها وشوي اضحك واقولها اسفه بس خنقتني العبره " مشكوره سمعتي لي مابي رد منك يكفيني انك سمعتي لي وخليتيني اطلع الي بخاطري "

فجأه اسمعها تضحككككككككك اقول بسم الله شفيك

تقول فيلم بالتلفزيون يموت من الضحك من اول قاعده اتابعه / ايوه وش كنتي تقولين / اقولها لا ابد خلاص خلصت "

ومن عقبها قلت ي قطوه ي حلوه مالك الا الكتابه "" اوراقي خلصوووو

صرت اكتب بالوورد اطلع الي بخاطري كللللللله واخلص وامسح

بس قلت اليوم بـ اكتب جزء بسيط بالمدونه لأني عارفه انه بيجي يوم ويتعدل كل هذا ""

واجي واكتب ان وضعنا تحسن وشفت امي وعبودي وصار وصار """

وتصير ذكرى كل ما اقرى المدونه اتذكر واتبسم واحمد ربي انه احسن حالنااا

- ان الله اذا احب عبدآآآ ابتلاه - بـ اصبر واحتسب الأجر لأن هذا الي صاير والي جاي كله فيه خير لي اكيد "

الله يخلي لكم اهاليكم " الوالده والوالد " ويرزقكم الجنه برضاهم من بعد رضا ربي ولا يحرمكم من شوفتهم وريحتهم ""

[ǺĽ ẕeeห]

بنات كثير يقولون لي - ليه ما تتعرفين على شباب -

من ذي الي للحين ماهي متعرفه على شباب وناسه يدلعونك ويقولون لك كلام حلووو ويعوضونك عن كل دمعه نزلتيهااا "

الشباب الحين مو زي قبل والله يحبون من قلبهم ومايضحكون على البنات زي قبل ""

والي تقولي لا ابد الشباب مامنهم فايده حبي لك بنات احسن ومحد داري عنك ""

مهابيل هالبنات مع نصايحهم الغبيه ذي"" ومن عقبها تركتهم الي يعرفون بنات وشباب

وتعرفت على شله تهببببببببببل قمه في الأحترام والأخلاق والفله كلهم بحي واحد نتجمع اسبوعياا والله طلعوني من الضيقه من ادق على وحده منهم على طول الاقيها عندي ""

الله لا يحرمني منهم ""

لو ابي اتعرف على شباب محد بيردني بس ليه ؟؟ ووش الفايده

اتعرف عشان اسمع كلمه حلوه ؟ عني ماسمعت انا ادلع نفسي فديتني "

شي غلط والكل عارف انه غلط بس لأنه صار منتشر صارو يشوفونه عادي ""

الله لا يبلاني بواحد يضحك علي ويستغل طيبتي ""

اصلا حتى لو عرفت هههههههههههاي بيمل مني ومن كلامي كل شوي بقوله ابوي سوى وصار وصار بيقول وش هالبنت الحنانه ماتسكت

ومن عقبها بيعتكف بالمسجد ويحسب ان كل البنات مثلي ويهون يتعرف ههههههههههههههاي ""

اكون السبب بهدايته

[ǺĽ ẕeeห]

" مجٍ'ـَـَنۈن منٍ... 28-05-12 07:09 pmقطرات الحب مدونة مييزة *_* وربي يفرحك برد امك لكم

هلا وغلا ي حلللللللللللوه منوره االمدونه ياقلبي ""

لالا فديتك يارب ماترجع لأبوي

الله يخليها لزوجها ولعبودي "" ولا ترجع له """الله يهديه ""

منوره الحته ي قمرهم ""

[ǺĽ ẕeeห]

احبه هالولد موووت مووووت اكثر واحد من اخواني اعشقه "" مدري ليه يمكن لأنه جاء بعد 15 سنه ""

اخوي من امي وابوي اصغر واحد عمره 15 عبود اخوي من امي جاء من بعد كم سنه ""

فديته كلنا نحببببببببببه "

احلم فيه اسبوعياااا ""

وامي كل ماتصوره ترسل لي صوره بالواتساب "

وانا اموت من الحزن << ي حياتي انتي ي حساسه روقينا بس

هههههههههاي ""









هذه الصور يوم صار يجلس ""

[ǺĽ ẕeeห]

وهذه يوم صار يحبي ""

يموت بطيور الجنه تقول امي ""

من يسمع شي يغنونه تقول امي على طول يروح للتلفزيون ""

هههههههههاي

احط صوره بالبي بي واكتب ليتني التلفزيون ي عبودي

[ǺĽ ẕeeห]

هذه كان يكملني هههههههههههههاي "" ويوم خلصت امي قعدت يلعب بالسماعه "" امي صورته ورسلتها لي ""