لن يُهزم شخص يؤمن بنفسه *{.. نهاية المطاف ..}*

[ام حنان]

في موضوع نفسي اتكلم فيه
وبنفس الوقت خايفة انفهم غلط
مره تكلمت بموضوع صارت مشكلة من وراها
كلموني اكثر من شخص انه انا مقصود
عاد والله العظيم ماكانوا بالي بموضوع هذا هههههه
شلون حسوا انهم هم مدري
ومره صارت لي مشكلة مع ... مااني قايله ههههه
بس لان كنت صح ولا اقصد احد ولا بالي نفس اللي بالهم
اموري بسليم
لكن المره هذي معرف نفسي اتكلم وبنفس الوقت ماالي طاقة لتوضيح اذا كان في مجال لشك عند البعض

[ام حنان]

_



‏ يذّبل كلٌ الهم في القلبِ ، حينما
‏ تنادي يا الله ، فكم من حائرً في
‏ أمره نادى ياربٌ فتشتت همه و
‏ كأنه لم يكٌن وكأنه سراب .

#الحمدلله

[ام حنان]

‏قد يريد العقل إيصالنا لطرق مضيئة
لكننا نستسلم ونضعف عند سماع صوت العاطفة

//

قد نستسلم مرات ونضعف
هذا شئ طبيعي اذا كنت في اول الطريق
الان هذا اللي اعاني منه
لكن انا متأكدة عندي قدره على تغلب الضعف
وراح استمر في طريقي
لان نفسي اولاً

[ام حنان]

https://www.youtube.com/watch?v=QKhxd3_fyBY


اذا ضاقت عليك نفسك لا تشتكي لانسان
بل ردد ربي إني مسني الضر وأنت أرحم الراحمين

[ام حنان]

لا احد يستطيع مساعدتك ساعد نفسك بنفسك
جملة ايقنتها وتأكدت منها مؤاخراً

انا كنت من النوع الكتوم جداً
وصلت لمرحلة خلاص راح انفجر
نفسي اتكلم وافضفض ابي احد يساعدني على نفسي
توجهت لأكثر من شخص
على أمل مساعدتي لكن للأسف بدون اي فائدة
صحيح ارتاح لكلامهم لفتره لكن ارجع نفس قبل
ذاتياً ما كنت متقبله التغير ولا قادره اساعد نفسي على التغير
كنت ابي التغير من الخارج وبمساعدة من الخارج
لكن للأسف ما كنت استفيد شي
بالعكس مرات كنت اتعب زيادة لما اتكلم وانسحب او اسكت عن الكلام
التغير اذا ما صدر من داخلك تأكد ما راح تتغير من الخارج
انه اشتكي و اتكلم وافضفض للغير الأمر هذا فقط راحه نفسيه
لكن ما يساعد على التغير كلامهم ما راح تقتنع فيه
او تقتنع بس ما تطبقه
هذا اللي كنت اسويه اقتنع بدون تطبيق
او اسمع وانا مو مقتنعه
لان ماكنت مستعده لتغير
ما كان في حافز لتغير مافي دافع لتغير
بحثت وبحثت وحاولت بدون فايدة
بالعكس كنت اتعب اكثر واكثر
والتعب النفسي كان له تأثير على تعبي الصحي
لكن ما كان الامر هذا يشجعني على التغير
انه صحتي في تدهور بالعكس كنت مستسلمه للأمر وانه امر ومكتوب خلاص
لين كتب لي ربي وصار لي موقف
كان الموقف هذا الحافز لتغير
ساعدني على نفسي
خلاني اتحذ قرار التغير واشوف الامور من زاوية ثانية غير اللي كنت اشوفها فيها
للآن اغير امور في نفسي وللآن في اول الطريق
لكن متأكدة ان شاء الله اقدر على نفسي
وانه القادم اجمل وافضل
..
قد نحتاج موقف او تصرف او حافز خارجي لتغير
لكن تأكد التغير يبدا بنفسك ومااحد يقدر يغيرك
اذا انت ما كنت مستعد لتغير
قرارك بيدك مو بيد غيرك
الآخرين نفضفض لهم ونرتاح لكن ما بيدهم تغير
التغير بيدك انت فقط

[ام حنان]

كلمة حق قلتها بتويتر لان متابعين اكثر من هنا
وحبيت اشكر الشخص هذا بطريقتي
ونقلتها هنا

[ام حنان]

اذا حبيت اكتب شئ او افضفض بشغله
على طول اروح للملاحظات بالتلفون واكتب
بعضها احذفها
وبعضها تبقي بالملاحظات ما تطلع
والباقي ينتقل للمدونه
اهم شئ الله يستر وما احد يشوف الملاحظات

[ام حنان]

[ام حنان]

‏كل الذين كنت أظن أني سأعجز عن العيش بدونهم ! هاأنا فقدتهم، وقد عشت.. ظن سوء ظننته بنفسي وأعتذر لنفسي؛ فلا أحد ستتوقف الحياة من بعده.

[ام حنان]

‏قد لا نُحب من نُشبه.. ولكننا سَنُشبهُ من نُحبّ

//
قرقرت اليوم اكثر من اللازم

نقفل المدونه نشوفكم على خير