‌‌‌‌‌ ‌ ‌ ‌‌‌‌‌ ‌‌‌‌‌ ‌ ‌‌‌‌ ‌‌ من الظلمآت الى " النور !

[ريمنقو]

-

الله يعز شانك ريمنقو والله يسعدك سعادة مابعدها سعادة اثلجتي صدري

جزء من تقييم , في حياتي كلها ماهزني تقييم كثر هذا التقييم ..
والله اني اسعد خلق الله اذا شفت آحد فرح بسببي ..
الله يعلي شانكم ويرفع اقداركم دنيا واخره ...
العمل اذا كان من قلب يصل للقلب فتكون ردة الفعل مثل التقييم

[ريمنقو]

-


ودي اكمل سالفة الدراسه ههههههههه بس قررت اسويها بملف لان السالفه طووويله
ودي اشطح واجيبهآ من النهاية لان النهاية هي المعبره هي اللي فعلاً كانت عظيمه ..

/

عندي سويلفه ..


اذكر مره وحده بدون سبب سوت مشكله ..قلت العلم وش
وصار ماصار ذاك الوقت .. المهم اني عفوت عنها لوجه الله وتحاشيتها قدر الإمكان .. وما كنت حتى اسلم , ماهو حقد او غل . .
لعل اخذتني عزة النفس ولان السفيه في حياتي ما اعطيه بضع من وقتي

فصارت مناسبة عند هذي .. ولاني احب الرسول كنت في صراع ودي اتبع الرسول صلى الله عليه وسلم كان يرد الاساءه بالاحسان
ولكن عزة نفسي و تفكيري بالناس كنت اتردد ابارك ..

كنت اقول هذي ماتستحق ان الواحد يحشمها ويحط لها مقدار .. ولاتستحق احد يكلمها
ولكن لاني ابي الاجر لاني ابي رضا الله لاني ابي افعل الخير كنت ابي اكلمها لوجه الله ..

ايييي وش اسوي ؟ في حيرة والآخره احب لي من الدنيا .. ولكن ما ابي الناس تنظر لفعلي انه من التفهه و السفاهه ..
واناجي الله ياربي والله اني ابي هذا لوجهك واما هي ماتعني لي شي ..

ونمت ..

قمت وانا في حيره رحت كلمت ابوي اخذ الشور ..
ياطويل العمر انا كذا وكذا والبنت سوت لي سوايا الله عليم بهآ ..
وش الراي ؟ قال قد صار لي كذا وبدأ يقصص قصص مع اصدقائه وخيانتهم وغدرهم وظنونهم السيئه ..

ثم قال ان ماكلمتيها مايلحقك لوم ولاتقصير فهي ماهي من لحمك ودمك
وان كلمتيها فبالعكس هذي من شيمك ومن طيبك ومن اخلاقك .. وصدقيني ان فعلك هذا يبقى في ذهنها طول حياتها حتى تقول في نفسها " انا آذيتها وهي تحسن لي " ..!
وراح تجيك طال الزمان والا قصر ..

في نهاية كلامه قال احرصي تضعين بصمه طيبه في حياه كل شخص اذا دخلتيها واذا طلعتي منها
حتى يذكرونك بخير .. فعاهدت نفسي ان افعل ماقاله لي

اسلوب ابوي بالمشوره مايعطي قرار معين .. هو يقول الراي في كل القرارات ويترك تحديد المصير لي
فبعد ساعه ونصف من الاستمآع له قررت اكلمها وادحر الشيطان فما شي اغلى واثمن ان اكون من المحسنين ولعلي بهذا احضى بمحبة الله ..


مسكت الجوال وقلت يالله ما ارجوا بهذا الفعل الا رضاك والجنه .. وكلمتها
وباركت لها وقفلت , بعد فتره من الزمن رجعت لي فتذكرت كلمة ابوي " طال الزمن والا قصر بتجيك "
جات تستسمح قلت لها اني عفوت عنها وكل شي منتهي وكل شي طيب ان شاء الله بس لاعاد تكلميني



بس هذي صوره من مجاهدتي لنفسي , ومثل هالامور اشوفها خاصه بيني وبين الله
ولكن لعلي بهذا أليّن قلوب قد قست ..
فما رجيت بهذا الا ان احيي خصال قد ماتت او انعش خصال ذبلت ..

[ريمنقو]

-




الله ينصرنا على كل ظالم ومعتدي ..
الله يحفظ بلادنا ويحفظ رجالنا اللي على الحد .. الله ينصرهم
الله يجعل هذا الشهر الفضيل شهر خير وبركه وبُشرى لنا ..
فبهذا الشهر كان فتح مكه وكان فتح الأندلس وكانت غزوه بدر كانت افراح المسلمين بالانتصارات الكبرى بهذا الشهر ..
فالله يكتب لنا الخير بهذا الشهر ويسدد خطى جنودنا وينصرهم
والله يرد علينا كل غايب ..

[ريمنقو]

-



اللي يصير بالسوبر ماركت امر اقل مايعبر عنه بأن الشعب همجي !!
سلامات الأرفف فاضيه ، انتم تصومون والا في مجاعه !! هههههههههههههههه
انتقد اللي يروح يتقضى ويخم فوق حاجته ولايرضى الا بسفره ممغوطه لآخر المجلس !


من يتشرط بالفطور ويُوجب على أهله الطبخ من اول النهار الى نهايته عليه مراجعه نفسه
فانه والله مسؤول عن هذا ،،
هي لها حق في العباده وهي مخلوق يتعب تصوم معك ومن الظهر في المطبخ بهذا الحر ..


الحمدلله ربعي ماهم من الصنف اللي انتقده والا كان يمديني منجلطه هههههههههههههههههه

[ريمنقو]

-

اقرا سورة ابراهيم فوقفت عند هذي الايه ..
تحتآج لوقفه طويله ،، اسالكم بالله لا تمر عليكم مرور الكرام
من لا تحرك في نفسه شي عليه ان يراجع نفسه
اقلها الندم واستحقار الدنيا ..!

انا بصراحه استفزني رد الشيطان


(وقال الشيطان لما قضي الأمر إن الله وعدكم وعد الحق ووعدتكم فأخلفتكم وما كان لي عليكم من سلطان إلا أن دعوتكم فاستجبتم لي فلا تلوموني ولوموا أنفسكم ما أنا بمصرخكم وما أنتم بمصرخي إني كفرت بما أشركتموني من قبل إن الظالمين لهم عذاب أليم ) .

[ريمنقو]

اسماء بن خارجه احد التابعين كان سيد قومه مقدم عند الخلفاء
ماتت زوجته وابنته صغيره ،، فهو من تولى تربيه ابنته هند حتى كبرت وزوجّها الحجاج بن يوسف

فلما كانت ليله الزواج قال لابنته :

يابنيه ان الأمهات يؤدبن البنات وان امك هلكت وانتِ صغيره
فعليك بأطيب الطيب الماء ، واحسن الحسن الكحل وإياك
وكثرة المعاتبه فإنها قطيعه للود وإياك والغيره فإنها مفتاح الطلاق
وكوني زوجه امه يكون لك عبداً


فسمعت هند وصية ابيها وكان الحجاج يمدحها ويذكرها بخير في مجلسه

[ريمنقو]

-


‏و لما قسـا قلبي و ضاقـت مذاهبي
جـعـلت رجـائي نحـو عفـوك سلـما

‏تعاظـمــني ذنبــي فلـمــا قرنتــه
بعـفــوك ربـي كـان عفوك أعظـما
‏


""

[ريمنقو]

-



‏

في مثل هذا اليوم #٣_رمضان كان وقت خروج جيش المسلمين من المدينه تجهيزاً لغزوه بدر الكبرى الواقعه في السابع عشر من رمضان
وبمثل هذا اليوم توفت سيدة نساء اهل الجنه فاطمه رضي الله عنهآ

والاحداث كثيره

[ريمنقو]

-







قال الله لموسى وهارون (اذهبا الى فرعون انه طغى *فقولا له قول لينا لعله يتذكر او يخشى )
رغم جبروت فرعون ورغم طغيانه وعصيانه وتمرده وكفره بالله سبحانه وتعالى ماقال الله روحوا حاربوه واقتلوه
قولوا له قول لين عساه بس يتذكر ويخشاني ..

قالوا موسى وهارون لله ( قالا ربنا اننا نخاف ان يفرط علينا او ان يطغى )
فكان الرد الشافي اللي يطمئن به القلب ( لاتخافا انني معكما اسمع وارى ) الله اكبر

ومابعد هذي الآيات حوار بين فرعون وموسى

الى ان وصل الحوار بأن يجمع فرعون كبار السحره ويتحدى هارون وموسى
فقالوا نلقي ماعندنا والا انتم ؟ فقال موسى القوها

(قالوا ياموسى اما ان نلقي واما ان نكون اول من ألقى * قال بل ألقوا فاذا حبالهم وعصيهم يخيل اليه من سحرهم انها تسعى )

خاف موسى ويقول اهل التفسير انه خاف على الناس ان تفتن بهم وهو مابعد ألقى ماعنده فيكذبونه (فأوجس في نفسه خيفة موسى )

قال الله له ليثبتّ موسى ويقويّه ( (قلنا لاتخف انك انت الأعلى )
الله اكبر الحق
ثم قال له ألقي ماعندك فلما القى سجد السحره وامنوا بالله

الله اكبر ..

[ريمنقو]

في مثل هذا اليوم #4_رمضان كان اول لواء عقده الرسول صلى الله عليه وسلم لحمزه بن ابي عبدالمطلب، وعددهم 30 رجل امرهم الرسول اعتراض عير قريش القادمة من الشام وفيها ابو جهل و ثلاث مئه رجل فالتقى الفريقين وكان معهم ( مجدي الجهني ) وهو حليف للفريقين فحجز بينهم فلم يقتتلوا