[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[الــغـــدراء]

،،

اللي حصل لك يشبه اللي حصل لي ... قبل سنه فارقت وأنا قبل عام
إن كان تبغاني أواسيك : ( قلي ) ... عمرك لقيت أيتام .. تكفل لها أيتام


.

[بيآض]

وأنادي لك ..!
حزين .. ومامعي شمعه ..!
تعال وشوف ..
هو باقي على رمشي أثر دمعة !!
تعبت أحن واشتاقك ...
تعبت أزرع لك اشواقي .. ولاتزهر بي اشواقك !
تعبت اكذب احساسي
واقول إنه يبي يرجع !!
وجع " إحساسي بالكذبه " .. ولكن " الغياب " أوجع !!
تعال وحرك إحساس المكان وحرك احساسي ..
تعال ودليني ويني .. وأنا منهو ..!!
أنا ناسي !!

[✶ جُمان ✶]

.
.

ناس تصير بساعة الضيق مخراج

[ مثل الجبال تذري اللي زبنها]

[بيآض]

اِخذ الفرح/ عطني حِزن
مابيه فـ عيونك يبات

اِزفر وكوّن بي مِزن
واَسقي بها سنين الشتات ...

[إيثاار]

"

ابعدي يا عبرة الحلق ما منك صلاح
لا متى وانا امنعك غصب وانتي جامحه

خلي الوجه المعنىّ يجي فيه انشراح
وقفتك في الحلق تثّر على ملامحه

[✶ جُمان ✶]

.
.

للـه در آلـقلوبٰ الـلي على الفطرهـ

يفوح منها الـنـقا لا كـثْـرت الـقاله

ولله در الـعظيم الـسامي بفكرهـ

اللي علوم الردى مـ تمر فـي باله

[بيآض]

تدرون كيف انسـان يجني على انسـان
يسقيه من نبع الغلا لين يرويه

واذا عرف انه وصل حالة ادمان
يصد عنه ويهجره ما سـأل فيه ..

[الــغـــدراء]

،،


وده أنه يفرش الأرض زوليه ... ومن صخاف عروق قلبة يشربها
أخر العنقود ..ما مثلها بنيه ... كل حاجه عندها .. قبل تطلبها


.

[بيآض]

مانيــب .. لارايـق ولا متـضـايق
والبـوح .. غصن ماقدرت اطوله

حاول على حدب الضلوع توايق ..
وبتـعـرف اللي ماقـدرت .. اقوله !

[✶ جُمان ✶]

.
.

.اصبر على ما جاك واقبل بما جاكك

وحبل الرجا خله مبـــــاري لـ حبلـك'

لو تضرب الدنيــا من هنـاك لـ هناك

مالك من الدنيا سوى ما كتـــب لــك'