[ اللغة الانجليزية ] : قسم "اللغة الإنجليزية" الاستفسار عن الدكاترة والمقررات وغيرها ~

[إيقاع الغلا]

مرحبا بنات
بسألكم
درست الحين
21 مادة من المقرارات عموما تخصص او عامة
متطلب كلية او جامعة

سؤالي كم باقي مادة لي و اتخرج خصوصا اني متأخرة بمادة " قراءات " باخذها السمستر الجاي
و شكرا

تخصص انجليزي .^

[ملكة احساس]

اخذي الخطه من المنسقه
وشوفي شنهوا المواد اللي باقي لك

[إيقاع الغلا]

هههههههههههه مالي نفس خلاص حفظتني خخخ

[عَناقيدْ الاشتهاءَ]

المشاركة الأصلية كتبت بواسطة إيقاع الغلا

مرحبا بنات
بسألكم
درست الحين
21 مادة من المقرارات عموما تخصص او عامة
متطلب كلية او جامعة

سؤالي كم باقي مادة لي و اتخرج خصوصا اني متأخرة بمادة " قراءات " باخذها السمستر الجاي
و شكرا

تخصص انجليزي .^

العامه27 + التخصص35 =62-22=41 ماده. .الله يعينك

[إيقاع الغلا]

امبيه واجد
اهئ الله يعين الجميع

[إيقاع الغلا]

شكرا

[زمورد]

صبايا عن ايش تتكلم المواد هذي وشنو افضل دكاترة يساعدونا في الشررح
علم المعاني
اللغه النفسي
علم اللغه اﻻجتماعي
اللغه والتقنية
اللغويات التطبقية
تصااميم اﻻبحاث


لو سمحتوا ردوا علي

[كَونيَ]

بنااات الله يسعدكم ويوفقكم
أي احسن دكتورة لهالماده ( انجليزي علمية )..
هبه عبدالله , شعاع ابو لبده

*وانجليزي علميةة اللي يعرف تتكلم عن ايش بالضبط ؟؟

واكون شااااكرة عسولات

[حُلمْ !]

^ ماندرس انجليزي علمية

عندنا انجليزي عام ما ادري اذا هي نفسها او لا

[ارتـــواء.]

المشاركة الأصلية كتبت بواسطة زمورد

صبايا عن ايش تتكلم المواد هذي وشنو افضل دكاترة يساعدونا في الشررح
علم المعاني
اللغه النفسي
علم اللغه اﻻجتماعي
اللغه والتقنية
اللغويات التطبقية
تصااميم اﻻبحاث


لو سمحتوا ردوا علي

بالنسبة لـ علم اللغة النفسي والاجتماعي، هذا رد سابق لي عنها:

كلهم تقريبًا نفس المستوى في السهولة والصعوبة، ما يختلفون كثير.
علم اللغة النفسي يتكلم عن كيف يكتسب الدماغ أو العقل اللغة، والجزء الأيمن والأيسر من الدماغ، والأمراض اللي تصيب الدماغ وتؤثر في تعلم اللغة، ومثلًا الجزء هذا من الدماغ أيش اسمه وأيش وظيفته، وتقريبًا مثل كذا.

علم اللغة الاجتماعي، يتكلم عن اللغة في المجتمع، مثلًا الـ formal and informal speech، وأيش الأشياء التي تخلي الشخص يتكلم formal في هذا السياق، وفي سياق ثاني يتكلم informal، ويتكلم عن اختلاف اللهجات، ومن الأشياء هذي.

لكن بشكل عام، من وجهة نظري، علم اللغة الاجتماعي أسهل، لأن المعلومات اللي فيه ما يحتاج له ذاك التركيز والتعب اللي يتطلبه علم اللغة النفسي، وكله تقريبًا عن اللغة وعلاقتها بالمجتمع، واللهجات يعني شيء نلاحظه في واقعنا. لكن علم اللغة النفسي فيه مصطلحات جديدة تتعلق بالدماغ، ومعلومات يحتاج لها أكثر. لكن اللي مخلي البنات يستصعبون علم اللغة الاجتماعي هو أن اللي كان يدرسها الدكتورة وضحى، ولا طبيعة المادة نفسها أشوفها سهلة وممتعة. بالتوفيق.

علم المعاني والبراقامتك، تتكلم تقريبًا عن الكلمات والمعاني وعلاقتها مثلًا الـ synonyms والـ antonyms، وأشياء زي كذا، ناسية بالضبط، لكن المادة بشكل عام ما تعتبر صعبة.

تصميم الأبحاث ومناهجها: مادة تهيئك لما بعدها وهو مشروع التخرج. المادة تتكلم عن كيفية عمل الأبحاث والمهارات اللازمة لذلك، أيش الخطوات اللي تسوينها لما تعملين بحث. والمادة بشكل عام سهلة. ومهم تجتهدين فيها وتكتسبين المهارات اللي فيها، حتى تدخلين المقرر اللي بعده (مشروع التخرج) وأنت عارفة كل شيء عن البحث.

بالتوفيق.