[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[بساام]

سلام ياللي نور القلب طاريك
ياعزوتي ويادنيتي وراس مالي..

الله يعزك يايبه دوم يبقيك
من طيب فالك يايبه طاب فالي..

يابوي تلميذك تعلم مباديك
علمتني و شلون انا ارقى المعالي..

اخذت من معناك كامل معانيك
حتى ارتفعت واصبح الراس عالي..

ياما سهرت الليل بقسى لياليك
تشعل حنينك يايبه في وصالي..

[2COOL]

على النقا نمشي ولا عندنا طيش

وبخوة اهل الطيب نرقى معاها

نتعب على الجزلات ونقوم ونشيش

ونطرد وراها لين نوصل سماها

[بيآض]

.



اشتاق لك وانت خابر زحمة اشواقي
في ذمتي في غيابك صار لك فقده

وان شفت زولك بغني لك من اعماقي
حي الله اللي يغيب ويسرع الرده ..

[أسماء عبدالعزيز]

‏
الطيب ما هو سلعـة عند بيّاع
إليا بغيته مــن رصيدك شريته

الطيب بذر نابت بين الأضلاع
يموت في قلـبك إذا ما سقيته

[بيآض]

..


هنيّالك !
تكمّل يومك بـ ضحكة..
تضيع بـ زحمة أشغالك..
مهو مثلي،
إذا أرسلت لي "مشغول" ؟
أرد بـ لهفة "أفضى لك"..
هنيّالك !

[إيثاار]

يا أغلى من المولود في ..عين العقيم
و يا أصعب من الحاجه بـ عين المستحي

و يا أمرّ من كلمة ( يبه ) عند اليتيم
صقه المشاعر كيف ياصلها الوحي ؟

[إيثاار]

‏انآ كن قلبي قشع بيت وهشيم مرآح
‏طوته السنين وذآري آلنود هبّت به
‏
‏بعد مآزمآني حط فـ آلصدر ركز رمآح
‏تجبرت في عزمي والأقدآر ثنّت به

[أسماء عبدالعزيز]

أهم حاجة تعيش ونظرتك عليا
لوترخي السمع نص الناس هرّاجه

وإن جاك واحد مسوي فاهم الدنيا
حاول تصير أنت ماتفهم ولاحاجه

[Dr ʀeнαв]

_

مرّني طيفَكْ و طِيفَك صَاحبي مَدْري عَدوَّي
جايبٍ صُوتَك وصُوتك سِكَّة الذِكْرَى الحَزينة

قال أنا جوّي تكدّر .. قلت : ما هو كِثْر جَوّي
قال فرقَانا غبينة .. قِلتْ : وَ أكثَر من غبينة

قال : أنا بأمُوتْ من غِيبْتَك قِلْ لي ويش أسوَّي ؟
قِلت : أنا أبغى المُوتْ في غيبتَك قِل لي بس وينَه !

[إيثاار]

صب الوجع وأغسل همومك من الدمع
ترى البكاء .. في بعض حالات لايق

مع عبرتـك ... لا تتخـذ منهـج القمع
الدمعــة اللي ماتحوّل .. تضـايـق !!