[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[نورة بنت فهد]

ماهي بالعادة وينك.. عسى العلم خير؟
ليه نايم حبيبي قبل لا أسمع أحـبك؟
بين كيف ولماذا .. لذت بأقصى الزفير
احتريت اتصالك واستحيت اتصل بك
ما تخّـيلت أنام وما تكون الاخير
تسمع أنفاس قلبي ضحكتين بقربك
نام..تصبح حبيبي على الف خـير
صحني لما تصحى انا نايم بقلبك!

[rain drops]

‏الساهر اللي ماطرق عينه النوم
ميت ظما ومن السهر جف ريقه

واللي يلوم المشتحن جعله القوم
ماحس في حزة منامه بضيقه


*****

[H-a]

الجنون عيون ..وعيونك وطن

والوطن من غير عينك وش يكون..؟

[n0_0r]

اليا ساقني صوبك هبوب الهيام الصلف
صبرت وردعت الشوق من خاطرٍ مجبور
لكن لابغيت الكلمه اللي عليها حلف
أنا اشتقت لك لكن حيا الوجه يلعب دور

[2COOL]

صاحبي كان الهموم إجتـاحتك

..... أنثـر الضيقـه علي ولا تضيــق

لا تهمك راحتـي .. خذ راحتـك

... صـاحبك لا شحتّ الرفقة رفيـق

[نورة بنت فهد]

الصبح ماهو طلعت الشمس للكون
واليوم ماهو يوم لو مر دونك
تدري لو ان الامر بيدي وش يكون؟
تعلن صباح الناس طلة عيونك!
،
،
،
صباح الياسمين ~♡

[2COOL]

أنا أشهد إن الرّفيق الكفو مثل الرّصيـد

تـلـقــاه لا كـشّـرت بـقـعـا بــ نـيـبـانـهـا

يـاقـف معك وقـفـة يـليـن مـنهـا الحـديـد

عـنـد الـرِّجـال الـعـوارف يـاكـبـر شانها

[Dr ʀeнαв]

,

و . . آنتظرته !
شي و شوي و : سهرته ،
شي و شوي ،
وظهر صبح وَ نسى ليل ،
وَ ذكرته !
واعتبرته أغنية صدري لـِ فقري :
يا أمانينا ..عطينا
ذاب حَرَّ الشمس فينا ،
والشقوق آسفل مواطينا .. تعدت في يدينا !
يا أمانينا .. تعبنا
طيب .. طبنا ،
غصب .. جبنا ،
شيب .. شبنا ،
وما بقى مينا يبينا ..

[بيآض]

.


اتابعك من دون ما تدري ولاتشوف
اتابعك وان قلت لي ليه مدري
اتابعك وان غبت يرعبني الخوف
واهتم لأمرك كني اهتم لأمري ..

[هـّوجـاس]

نصبح مصابيحك ونمسي مماسيك
وانا ورا ضنك بعيد المدالي
انا لي ضاعت جهود الشبابيك
ارسي على صيد الوحش باحتيالي
ياشبة وضحه زينوا فوقها ديك
تموج للطياح روس المقالي