[ مذاكرة جماعية ] : طلاب مشروع التخرج د. عبدالعزيز التركي

[نجم عالي]

السلام عليكم ورحمة الله وبركاته

مساكم الله بالخير جميعاً يا أخوان الدكتور مارد على بعض الطلاب وأنا واحد منهم ياجماعة نبي فزعه من أهل الفزعات اللي مارد عليه الدكتور وش يعمل هل يرسل المسوده الأولى مره ثانيه وإذا أرسلها وش نكتب بالرساله، من جد ياجماعه نبي نذاكر ما قدرنا المشروع سوى لنا قروشه والوقت يداهمنا فياليت اللي عنده علم يوجهنا وش نعمل وياليت بسرعه ...ومشكورين كل الشكر على المساعده والفزعه.

[فهد الحميدي]

الي ماوصل له رد الدكتور حدد موعد في نوفمبر بس مادري اي يوم بعدها ارسل له المسوده الاول مره ثانيه وانتظر الرد

[علم بندق]

ياجماعه انا ماجاني رد من الدكتور وارسلت له ايميل قلت ماجاني رد وش اسوي انا واللي مثلي
رد وقال لي ان عنده اكثر من مية بحث عن كلامه ان وقته ضيق
المهم يقول بهاليومين برسل لكم تطمنو

[monster]

صبحكم الله بالخير جميعاً ..بالنسبه للي رد عليهم الدكتور
ترا الرد عااام وليس خاااص يعني رده واحد اتوقع لانه جاني نفس ردود بعض الاعضاء ونفس التعهد الجديد الي كتبه وانك تنتبه مايصير Plagarism في بحثك الي هو السرقه الادبيه
ومن ضمن كلامه ترسله المسوده النهايئه في الموعد المحدد ..

والاخوان الي ماجاهم رد لا تستعجلو انتظروا هاليومين لانه على كلام الدكتور عبدالعزيز في الرد الاول عدد كبير من البحوث وصلته ومن الممكن هذا سبب تاخره في الرد وباقي على الموعد النهائي للمسوده النهايئه 20 يوم فلا تستعجلون وان شالله يرد عليكم خلال هالاسبوع واذا تأخر في الرد ارجعو ارسلو المسوده الاولى Resend first draft,A Fahad,21111111 اذا عنوانك resend بيعرف انه سبق وارسلت المسوده الاولى في موعدها وهذا تذكير له ...
وبالتوفيق للجميع .

[ابولمبه]

السلام عليكم ورحمة الله وبركاته// اخواني الرد اللي جاني مثل رد الاخ فهد تقريبا فحاب اسألكم وياليت احد يجاوب هل اغير عنوان البحث ولا ايش يبي بالظبط تكفون احد يرد ويقول لنا وش السالفه هالحين يعني اذا الكلام عام اجل ما عطاني ملاحظات على بحثي احد يقدر يشرح وله دعوه بظهر الغيب ودمتم بكل خير.

[Saudi__]

السلام عليكم ورحمة الله وبركاته

يا اخوان الرد عام للكل بس اذا فية ملاحظة علي المشروع تلقاها فوق رسالة الدكتور في Action Items
حتي رسالة الدكتور الاولي لما وافق علي موضعك تلقي حاط لك ملاحظة

بالتوفيق للجميع

[ابولمبه]

السلام عليكم ورحمة الله / اسعد الله اوقاتكم بكل خير الاخsaudi الله يجزاك خير ويوفقك على الرد والتفاعل ولكن Action Item لم اجدها في رد الدكتور الاخير ارجو منك التوضيح اكثر هل اعدل الان وش السواه الحين وجزاك الله الف خير.

[اليعربي]

انا حصلت في items actions كتب لي هالجملتين


Please follow the format suggested in the guide (e.g. title- abstract- introduction – literature review—methodology) and write paragraphs under each heading.
Please organize your sections as suggested in the guide.

يا ليت احد يقول لي وش المطلوب وش معنى هالملاحظات انا حاس اني جايب العيد ؟!!

[A.alqarni]

السلام عليكم ورحمة الله وبركاتة
اخيرا رد علي الدكتور لكن نفس الرد الاول الي مرسلة للشباب يعني مافية ملاحظة خاصة بالبحث حقي
مع ان المفروض مثل ماقال السقوفي يرفق الفرست درافت وعليها التشييكات والنقاط التي تحتاج لتعديل
الان مادري وضعني في حيرة من امري هل اعدل ولا ارسلة مثل ماهو

[نجم عالي]

السلام عليكم ورحمة الله وبركاته

رد علي الدكتور نفس رد الشباب الطويل ولكن الـــ items actions وين أحصلها بالضبط ولا يارجاجيل هل هي من مجلدات الأيميل ولا كتابه بواسطة الدكتور وضحوا لنا الله يجزاكم خير والله أني بغيت أعيد المشروع من رد الكتور الأ أني أطلعت على ردودكم الله يجزاكم خير.