|
منتدى كلية الآداب بالأحساء منتدى كلية الآداب بالأحساء ; مساحة للتعاون و تبادل الخبرات بين طلاب و طالبات كلية الآداب بالأحساء و نقل آخر الأخبار و المستجدات . |
|
أدوات الموضوع |
2014- 8- 11 | #71 |
أكـاديـمـي
|
رد: إستفسارات المستجدات _2015_ عن كل مايخص الكلية
يعني على الصفحة الرئيسية لموقع الجامعة ؟
|
2014- 8- 11 | #72 |
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
ايوة
|
2014- 8- 12 | #73 |
أكـاديـمـي
|
رد: إستفسارات المستجدات _2015_ عن كل مايخص الكلية
جزاك الله خير ♡
|
2014- 8- 12 | #74 |
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
قريت كلام أعجبني ، واقعي جداً حبيت أفيدكم
_مقتبس_ في كل مكان ناس كويسين وناس لا، انتبهي لنفسك ولاتسوي حاجه الا لما تفكري فيها زيين، أختلطي بالبنات صدقيني بيوسع معرفتك بالناس وأطباعهم ، وتعرفين وجهات نظر وطرق تفكير ممكن تفيدك مستقبلا ، مرات الصديقات يكونون سبب في تهاونك واخفاقك في دراستك ، المحاضرات لا تسحبين عليها ممكن تمر عليك ظروف صحية عائلية او أي حاجه فيكون عندك مجال تغيبين عن المحاضرات ،كثرة الغياب تأثر على مستواك وفهمك وتنزل من درجاتك ، أكتبي الحاجات اللي تنبه عليها الدكتورات والاستاذات ،والاشياء اللي مو مكتوبه او موضحه في الكتاب أكتبيها تحتاجينها لما ترجعي تذاكرين ، الاختبارات الدورية اللي من 20 درجه حاولوا قد ما تقدرون تكون الدرجات كاملة حتى تساعدك بالنهائي ،الواجبات والبحوث تتسلم من بدري ،حتى مايصير عليك ضغط ،مرات تكون الواجبات او البحث او النشاط في قروبات من البنات ،حاولي انك تسلمي الحاجه المطلوبه من بدري حتى ما يكون للبنات أي عذر لهم ، أسالي عن الاشياء اللي ما تفهميها ، من الدكتورات أو من البنات الشاطرات فيهم الخير ان شاء الله ويساعدونك ، ساعدي غيرك بالحاجه اللي تعرفينها يمكن تفرجين عنها كربه وهم ، التزمي بنظام الجامعة وكوني على أطلاع بالانظمة ، لما تصحي الصباح توكلي على الله صلي الفجر والسنة الراتبه ،أذكارك مع المحافظة تحسين بحاجه ناقصتك لما تنسينها ،غير الراحه اللي تحسينها بداخلك ،أستودعي نفسك ودينك وعرضك وأهلك وكل ما تملكين ، لما يكون عندك وقت فراغ في الجامعة صلي الضحى ، وصلاة الظهر صراحه أكثر صلاة نعاني فيها مرات تبدأ المحاضره الساعة 12 وتنتهي 2 ما نصلي الا لما تنتهي المحاضره ،ما يعطونا وقت للصلاة ،عشان كذا توضي قبل المحاضرة الاخيره يصير لما تنتهي من المحاضره في أي وقت سريع تصلي ما في مجال تأخيرها أكثر ، اذا ما فيه مصليات خلي سجادتك معاك ، أدعي ربي بالتوفيق وتيسير أمورك ، والوتر لاتنسونه ودائما وأبدا أدعو ربي في كل وقت وزمان ،ما في أجمل من الدعاء ،تعاملو من البنات او حراسات الامن او الموظفات الكل بدون تحديد بخلق حسن وأحترام حتى ربي يكتب لك الاجر وتلاقي دعوة من وحده للأسف ما لقيت الاحترام هذا من غيرك ، المكافأة مال خاص فيك تصدقي منهها كل شهر فرحي أمك حتى لو عندها والله تفرح كثير حتى لو كانت قليلة ،ومره ثانيه فرحي أخوانك بعشاء على ذوقهم أو لعبه أو حاجه يتمناها على حسب قدرتك مو تكلفي على نفسك ، لاتهملين واجبات أمك وأبوك عليك صح ترجعين تعبانه وبتنامين وغيره لكن لوالديك حق طولت عليكم لكن كلها حاجات مهمة حبيت أنبهكم عليها ، الله يوفقكم جميعا ويحقق لكم ما تتمنون |
2014- 8- 13 | #75 |
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
- نصيحة مقتبسة
من اهم الاشياء الي تمشيك ف دراستك انك تكونين معروفه عند الدكتورة . يعني احرصي انك تشاركين معها وتخلينها تحفظ اسمك وبيني لها انك مهتمه حتى لو انك من جمبها واذا دكتورة ( كويسة ) ماخذه عندها العام اخذي عندها السنه او السمستر الي بعده هذه بعد شي كويس . والله يوفق الجميع . :s_45: |
2014- 8- 14 | #76 |
أكـاديـمـي فـعّـال
|
رد: إستفسارات المستجدات _2015_ عن كل مايخص الكلية
جممممممممممييييييييل الكلامممم أفـــآدني كثييير جزآآكم ربي الجنة ^^
|
2014- 8- 15 | #77 |
أكـاديـمـي
|
رد: إستفسارات المستجدات _2015_ عن كل مايخص الكلية
اللوكرات كيف نظامها ومن وين نحجزها و لازم من أول اسبوع او عادي اي وقت ؟ وكم سعره ؟؟؟ وهل في اوراق نسلمهم لهم لكي يسوونها لنا ولا كيف ؟؟ واذا رحنا يوم التعريفي شنو نسوي ومنين ناخذ الجدول لرحنا الكلية الاداب ؟؟؟ والدراسة سهله فيها نقدر نجي معدل حلو مثلا( A )؟؟ واذا بغينا نحول لكلية التربية نحول في نهاية الفصل الثاني ؟؟؟ وكيف نحول يعطونا ورقة نعبيها ولا نروح لهم ونقول لهم انا احنا نريد ان نحول الى كلية التربية ؟؟؟ وبطاقة المكافأة من اين ناخذها ؟؟؟ هم يسون لنا الحساب ولا لازم نرووح لهم ؟؟ وشنو نعطيهم لرحنا لهم ؟؟ واللبس عادي اي لون ؟؟؟ وهل نستطيع ان نأخذ جوال بوكيمرا ؟؟؟ رايحه فيها انا خبروني كيف حايفة حديي اتمنى تفيدوني |
التعديل الأخير تم بواسطة امونه الامورة1 ; 2014- 8- 15 الساعة 01:40 AM |
|
2014- 8- 15 | #78 | |
أكـاديـمـي
|
رد: إستفسارات المستجدات _2015_ عن كل مايخص الكلية
اقتباس:
ساعدوني ليه ماحد يرد :Cry1 11: |
|
2014- 8- 15 | #79 |
أكـاديـمـي
|
رد: إستفسارات المستجدات _2015_ عن كل مايخص الكلية
اللوكرات كيف نظامها ومن وين نحجزها و لازم من أول اسبوع او عادي اي وقت ؟ وكم سعره ؟؟؟ وهل في اوراق نسلمهم لهم لكي يسوونها لنا ولا كيف ؟؟ واذا رحنا يوم التعريفي شنو نسوي ومنين ناخذ الجدول لرحنا الكلية الاداب ؟؟؟ والدراسة سهله فيها نقدر نجي معدل حلو مثلا( A )؟؟ واذا بغينا نحول لكلية التربية نحول في نهاية الفصل الثاني ؟؟؟ وكيف نحول يعطونا ورقة نعبيها ولا نروح لهم ونقول لهم انا احنا نريد ان نحول الى كلية التربية ؟؟؟ وبطاقة المكافأة من اين ناخذها ؟؟؟ هم يسون لنا الحساب ولا لازم نرووح لهم ؟؟ وشنو نعطيهم لرحنا لهم ؟؟ واللبس عادي اي لون ؟؟؟ وهل نستطيع ان نأخذ جوال بوكيمرا ؟؟؟ رايحه فيها انا خبروني كيف حايفة حديي اتمنى تفيدوني |
2014- 8- 15 | #80 | |
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
اقتباس:
الله يهديك يا اختي بنرد عليك ماله داعي كل هذا وتنزلين الرد بأربع مواضيع ... عموماً اللوكرات تحجزينها من مكتب نسيت رقمه اعتقد 1005 مبنى 101 تروحين تشوفين اللوكر اللي تبين وتاخذين رقمه وتروحين لهم وتعطينهم اثبات لك ( البطاقة الجامعية ) واذا لسة م طلعت ، تعطينهم بطاقة الاحوال وتدفعين لهم مبلغ 100 ريال للسنة ويعطونك الوصل _ حافظي عليه _ + مفتاح اللوكر واذا كنتي تبين النسخة الثانية من المفتاح تدفعين لهم 25 ريال زيادة وطبعاً عادي اي وقت لكن الافضل تروحين من اول اسبوع وبطاقة الجامعة شلون نطلعها ؟؟؟ البطاقة الأمنية _ بدون صورة _ تكون جاهزة ويعطونك اياها لما تروحين تقدمين عالبطاقة الجامعية _ اللي بالصورة _ وهل في اوراق نسلمهم لهم لكي يسوونها لنا ولا كيف ؟؟ تودين لهم نسخة من جدولك + صورة من بطاقة الاحوال او صورة من كرت العيلة + صورتين شخصية لك خلفية بيضا مقاس 4*6 واذا رحنا يوم التعريفي شنو نسوي ومنين ناخذ الجدول لرحنا الكلية الاداب ؟؟؟ ماله داعي تاخذين الجدول باليوم التعريفي ماراح تحتاجين اي شي ، خذي ورقة البريد ( للاحتياط فقط ) والدراسة سهله فيها نقدر نجي معدل حلو مثلا( A )؟؟ سهلة بس لازم تذاكرين أول بأول تسوين مشاريعك وبحوثك وماتهملين وماتغيبين كثير ، تقدرين تاخذين A+ بعد واذا بغينا نحول لكلية التربية نحول في نهاية الفصل الثاني ؟؟؟ تحولين بعد نهاية الفصل الثاني لازم تجتازين 24 ساعة وتجيبين معدل أعتقد من 3.5 وفوق وكيف نحول يعطونا ورقة نعبيها ولا نروح لهم ونقول لهم انا احنا نريد ان نحول الى كلية التربية ؟؟؟ مآعندي فكرة وبطاقة المكافأة من اين ناخذها ؟؟؟ بطاقة الصراف راح يجمعونكم بالمسرح ويوزعونها عليكم هم يسون لنا الحساب ولا لازم نرووح لهم ؟؟ لا ، ماتحتاج تقديم ولاشي ، تجيك البطاقة جاهزة مجهزة وشنو نعطيهم لرحنا لهم ؟؟ ماذكر صراحة ! ماذكر عطيناهم شي بس هم اعطونا ورق وقعناها وكذا ، وتقريبا طلبوا البطاقات الجامعية ! واللبس عادي اي لون ؟؟؟ أكيد عادي اي لون المهم مش قصير ولا شفاف وهل نستطيع ان نأخذ جوال بوكيمرا ؟؟؟ ايه مسموح ، لكن بدون ماتصورين ولا حاجة حتى لو كان اعلان او اي شي على طول بينسحب جوالك رايحه فيها انا خبروني كيف حايفة حديي استهدي بالله اختي ماله داعي كل هالخوف والتوتر الوضع طبيعي وكليتنا جميلة وبتحبينها مع مرور الايام |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|