زووود درجاتك بكبسة زر وأنت مرتاح... برنامج تحميل يتعامل مع البلاك بورد

[عقدألماس]

الف شكر

[سكرتيرعبادي]

المشاركة الأصلية كتبت بواسطة اجتماعي

يعطيك العافيه بس التحميل بطيء ما فيه تسريع للتحميل ؟؟؟

سرعة التحميل تعتمد على سرعة الاتصال عندك وبنفس الوقت فيه خيار يحدد نمط سرعة التحميل

افتح البرنامج واضغط على الاختصار ( Ctrl+3 ) للتحميل العالي ويقصد فيه ( يمص اتصال النت ويحمل لك ملفاتك حسب سرعة تحميل الملف المسموح بها من السيرفر )

المشاركة الأصلية كتبت بواسطة بنت العبدلي

مشكور على جهودك اخوي /انا استعمل هالبرنامج من سنه تقريبا اكثر من رائع بس ابي اعرف فيه خيار اسمه انشاءتحميل جماعي واذا اخترته تطلع نافذه فيها مكان رابط وخيار اعداد من 1-100
ياليت لو تفيدني وش المقصود فيه؟
مع العلم انه يحمل لي اكثر من ملف بنفس الوقت

وهل هناك مميزات اخرى غير الي انت ذكرت بالموضوع ؟
وشكرا

ممكن أنتي تقصدين اذا ضغطتي بزر الفارة الأيمن في أي مكان في الصفحة يكون في الأخير خيار تحميل الكل باستخدام Free download manager .... هذا الخيار يسمح لك بتحميل كل شيء ممكن يتحمل في الصفحة هذي بمافيها الصور والأيقونات والأزرار وكل شيء كل شيء ممكن تتخيلينه عشان كذا فيه خيار فلتر علشان تحددين بالضبط وش ممكن تحملين بالضبط أو وش الملفات المطلوب تحميلها
في الترم الأول كنت أحمل كل المحاضرات المسجلة بهذي الطريقة 12 محاضرة أحملها بضغطة زر بس المشكلة الآن وزعوها في صفحات مختلفة وعشان كذا مانقدر نستخدم الخاصية ذي ولا كان ذكرتها من الأول

بالنسبة لباقي المميزات فهو مليان يعني مثلا أنا كنت أترك البرنامج يحفظ لي الروابط واترك الجهاز مفتوح وأروح أنام وهو بعد الساعة 1 في الليل تلقائياً يبدأ يحمل وبعد مايخلص يطفي لي الجهاز فكنت أجي الصباح أحصل كل شيء محمل والجاهز مسكر وكله ميه ميه

البرنامج يدعم رفع الملفات فالي عنده مساحة على سيرفر ممكن يستخدمه يرفع فيه الملفات وممكن بعد يستخدم لتحميل ملفات التورنت واستعراض المواقع وتحميل محتوياتها

والبرنامج مليان بالخصائص الي تفيد بالتحميل ومن الصعب أسردها كلها بس إذا فيه شيء محدد أبد أشرو عليه بس لأني ما أدري وش المفهوم والسهل ووش الي ممكن يسوي لخبطة لكم



أخيراً ... شاكر للجميع تواجده ومروره وثناءه ... أحرجتوني بكرم ردودكم


تحياتي للجميع

[@أم ناصر@]

جزاك الله الف خيرررررر عليه

[بنت العبدلي]

مثلا أنا كنت أترك البرنامج يحفظ لي الروابط واترك الجهاز مفتوح وأروح أنام وهو بعد الساعة 1 في الليل تلقائياً يبدأ يحمل وبعد مايخلص يطفي لي الجهاز فكنت أجي الصباح أحصل كل شيء محمل والجاهز مسكر وكله ميه ميه

لو سمحت اخوي ابي اعرف كيف اشغل الخاصيه هذي الي انت ذكرتهالاني من الفصل الاول اختار تحميل كل محاضره لوحدها,اكررهالكلام مع كذا محاضره واتركه وهو يحملهم لي ورا بعض لمن تخلص ,واذاخلص يبقى الجهاز شغال ,ومااعرف سالفه حفظ الروابط هذي, اكيد طريقتك اسهل .
محتاجتها عشان اتركه يحمل لي الصبح وارجع من الدوام القى المحاضرات موجوده واذا خلص يطفي نفسه ,,,واسفه على الازعاج كثرت الاسئله عليك.

[سكرتيرعبادي]

بنت العبدلي

هذي عادي أمرها بسيط نفس خطوات التحميل العادي ولكن قبل ماتضغطين على OK ليبدأ التحميل
فيه على اليسار ثلاث خيارات:
1. تلقائي
2. يدوي
3 جدولة

اختاري جدولة لتظهر لك نافذة جديدة تختارين فيها الوقت الي تبينه يبدأ فيه وكذا خلاص بس أهم شيء لازم تكون أيقونة البرنامج الي جنب الساعة موجودة وكذا هو من نفسه راح يبدأ تحميل

بعد كذا روحي لقائمة أدوات وبعدين خيار إغلاق الكمبيوتر بعد الإنتهاء وهو راح يقفل لك الجهاز إذا انتهى آخر ملف تحميل يعني لو كان تحملين 10 ملفات ماراح يتقفل إلا إذا انتهى آآخر واحد وهذي صورة عشان تكون أوضح




هذي أهم خطوة بعدها تروحين لقائمة أدوات وتحددين خيار إغلاق الكمبيوتر بعد الانتهاء



أتمنى كذا يكون أوضح ....



شاكر للجميع تواجده


وتحياتي لكم

[روبينيا]

مشكوووووووور والله ذكرتني بالذي مضى
هذا البرنامج من زماااان كنت استخدمه لتحميل افلام هنديه <<<< مراهقه
تسلم مرررره مفيد وررروعه

[حورية الجنه]

وفقك الله وسدد خطاك

[بْحھَہّ آلـْمَ !]

يعطيك ربي الف عااافيه الله يجعلها في ميزان حسناتك

[حلم قلب]

سكرتير عبادي انا صايرتلي مشكله مع تحميل الروابط هالفتره ماقد صارلي كذا<<<الله يزين الحظ
كل مابي احمل شي يجيني تم التسجيل برقم تسلسل خاطئ ...ماهذا ووش الحل...وشاكره جهودك

[فرااااس]

تم التثبيت ربي يوفقك