مـراجـــعــــة مـــــادة المـــقــــــال للاخــتبــار النــهـــائي :: هنا ::

[البريئة2]

صح الترجمة اسهل من الصوتيات
خلاص انا غيرت ترتيبي اول شي ترجمة بعدين صوتيات

[السالفة مليون]

المشاركة الأصلية كتبت بواسطة البريئة2

اسهل شي مهارات التحدث بالنسبة لي
الصوتيات يبي له دقة وحفظ مثل الفول ورموزها وين تحط السترس واللينك فيها قواعد مختلفة وكلها مربوطة في بعض لازم تحفظ بعضها عشان تمشي في بعضها الثاني
الفكر والثقافة يصادفك احيانا نوع من الدسومة والثقل المعلومات الجديدة والتواريخ يمكن هي الاصعب من بين المواد اللي اخذتهم ( على فكرة انا ما اخذت الادب بس قاعد اخذ حق الترم اللي قبل طبعا هو ما يقارن باي شي ثاني ومع ذلك الفكر والثقافة احيانا يذكرك فيه )
الترجمة افكار جديدة لكنها سهلة الفهم وفيها سلاسة بس يبي لها تركيز يعني تقييمها بالنسبة لي متوسط

يعني اذا بارتبهم من الاسهل

مهارات
مقال
صوتيات
ترجمة
فكر ثقافة << بالنسبة كونه عطانا الاسئلة سهل علينا بعض الصعوبة وساعدنا على التركيز على اشياء معينة انا لو ما كان عندي وقت لمذاكرة الفكر والثقافة كان اقتصرت على حلول هذي الاسئلة

من يوافقني على هالترتيب
و
هذا اللي اخذته من مواد مستوى خامس

+ ظهور الروايه حلووو ماعدا المحاضرات الاخيرة
ربنا يعين ويوفق

[البريئة2]

المشاركة الأصلية كتبت بواسطة فضيل

شكرا ع المعلومات, أنا جدولي شي ماتتخيلينه. يعني المواد الصعبه هذه أول اربع أيام وبعدها حوالي أسبوع مافيه ولا مادة يعني يمديني فيه أذاكر قواعد البيانات على راحتي وأيضاً بعدها مهارات التحدث وعلى ماقلتي سهله يعني يومين مذاكره وبعدها اللي هو آخر يوم
حاضر العالم الإسلامي ويكفيه يوم أو يومين . مشكووووووووووووره

انا يشبه جدولك بس احلى
اول شي كلهم متجمعين في البداية بس كل واحد بين يوم راحة الا بين مادتين
بعدين اجااازة راحة شي اربع ايام خمس بعدين مهارات التحدث
عاد انا ما فتحت مهارات خير شر
اخليه حق بعدين في اشياء اولى

شوفو اسهل مادة صار قبلها فترة

ابسالكم
عندي مادة برامج حاسب سهلة صح
ما فتحتها ولا شي بس اليوم فتحت المحاضرة الاولى شفتها تتكلم عن اشياء معروفة ونطبقها يوميا في الحاسب فقلت اخليها ليومها
قبلها بس يوم عندي

[السالفة مليون]

المشاركة الأصلية كتبت بواسطة البريئة2

انا يشبه جدولك بس احلى
اول شي كلهم متجمعين في البداية بس كل واحد بين يوم راحة الا بين مادتين
بعدين اجااازة راحة شي اربع ايام خمس بعدين مهارات التحدث
عاد انا ما فتحت مهارات خير شر
اخليه حق بعدين في اشياء اولى

شوفو اسهل مادة صار قبلها فترة

ابسالكم
عندي مادة برامج حاسب سهلة صح
ما فتحتها ولا شي بس اليوم فتحت المحاضرة الاولى شفتها تتكلم عن اشياء معروفة ونطبقها يوميا في الحاسب فقلت اخليها ليومها
قبلها بس يوم عندي

يسعد صباحك بريئة
برامح الحاسب مرررررره حلووه اذكر كان الاختبار سهل
موفقه ياارب

[Saudi Girl]

الله يوفقكم جميعاً .. المادة بصراحه سهله مره

[البريئة2]

المحاضرة العاشرة

هالمحاضرة شوي فيها قواعد وتفاصيل اكثر من اللي قبل

من اول قلنا ان الجملة لها ثلاث انواع وفصلنا في الكومبوننت اللي هو المركب من اندبنتين يعني جملتين مستقلتين وبينهم رابط ومنها الكورديتن المجمعوعة في كلمة (fanboys )
الكوردينتن هذا يجعلهم لهم نفس حكم القرامر بمعنى ان اذا كان الفعل في الاندبندنت الاول كان ماضي يكون الفعل في الثاني بعد ماضي وما يصير واحد يجي مضارع والثاني ماضي مثل العطف عندنا في قواعد اللغة العربية المعطوف له نفس حكم المعطوف عليه
هذي الملاحظة اللي كنت ابي اقول

ـــــــــ

واليوم بنتحدث عن الجملة المعقدة Complex Sentences وحديثنا فيها راح يكون عن الدبندنت اكثر من الاندبندنت ونذكر انواع الدبندنت(الغير مستقل ) الثلاث

الجملة المعقدة Complex Sentences : هي جملة تتكون من اندبندنت + دبندنت واحد على الاقل
- الجملة المعقدة ممكن تبدا اول بالاندبندنت ويليها الدبندنت وممكن تبدا او بالدبندنت ثم الاندبندنت لكن في حالة بداها بالدبندنت لازم يتبعها فاصلة بعدها مثل : When I first moved to the city , I was afraid to drive the steep

ما هي انواع الدبندنت ؟
عندنا ثلاث انواع منها :adjective ، adverb ، noun ( دبندنت حال ، دبندنت صفة ، دبندنت اسم )
وكل وحدة من هذولا الدبندات لها صفات معينة وسبوردانت معين ( قلنا السبوردانت هو اللي يسبق الدبندنت دائما ومعددهم في المحاضرة التاسعة في الشريحة الخامسة )

1- dependent adverb:
يعبر دائما عن زمن الحدث ويسبقها سبوردنق يعبر عن الزمن مثل when، while -لكن مو شرط لان احيانا تختلف استخدامات السبوردن من سياق الى اخر لكن نحكي في الاغلب - << نحكي متاثرة بلهجة الدكتور
وفي نفس الوقت هو يجيب عن اسئلة ( اين ? من? لماذا? متى? )

اذاً الادفرب :
- يعبر دائما عن زمن الحدث
- ويسبقها السبوردنات التالية مثل (when- while -becous- although
- يجيب عن هذه الاسئلة ( اين ? من? لماذا? متى? )

يتبع بعد الصلاة الادجكتف والناون
وبقية المحاضرة

[البريئة2]

المشاركة الأصلية كتبت بواسطة السالفة مليون

يسعد صباحك بريئة
برامح الحاسب مرررررره حلووه اذكر كان الاختبار سهل
موفقه ياارب

الله يسعدك
زين الحمدلله
جزاك الله خير

[البريئة2]

adjective

اما الادجكتف adjective dependent : فهو جملة تصف الاسم الذي قبلها وهو يبدا بسبوردن يسمى بالرليتف relative (مثل الاسم الموصول في العربية ) اللي هي مثل ( who - whom -that - which - such as -whos )

مثاله : (man who are not married are colled bachelor) ( الرجل الذي لم يتزوج يسمى عازب )
فجملة who are not married هي وصف لما قبلها من الناون اللي هو المان او الرجال ولاحظ بدات ب who يعني الذي

الادجكتف دبندنت :
تبدا برليتف
يقع وصف للاسم
ياتي بعد الاسم


noun

اما الناون دبندنت : يعمل كاسم وياتي اما مفعول به او فاعل لجملة الاندبندنت ويبدا بسبوردن (wh ) الكلمات اللي تجي دايما حق الاسئلة
مثاله :( scientists know who caused it) الجملة اللي تحتها خط هي ناون دبندنت وهي تقعل هنا مفعول به
noun :
-ياتي فاعل او مفعول به لجملة الاندبندنت (للجملة المستقلة )
يسبق (wh ) Q


كذا انتهينا
بس باقي نقطة ال conjunctive adverbs اللي هي الادوات اللي تصل بين الجمل ومتى نستخدم كل واحد منها و كيف نستخدمها من الناحية القرامرية و ايش معناها اوظيفتها
ومسوي لنا جدول في المحتوى

[~Mrs.ENGLI$H~]

الله يوفقك بريئة ... واصلي

[البريئة2]

المشاركة الأصلية كتبت بواسطة البريئة2

اذاً الادفرب :
- يعبر دائما عن زمن الحدث
- ويسبقها السبوردنات التالية مثل (when- while -becous- although
- يجيب عن هذه الاسئلة ( اين ? من? لماذا? متى? )

خلوني اعطيكم مثال هنا
a citizen can vote in united state when he is 18 years old ( يستطيع المواطن التصويت في الولايات المتحدة حينما يصير عمره 18 سنة )
اللي تحته خط هو الدبندنت الادفرب