•·.·´¯`·.·• احاسيس سلطان •·.·´¯`·.·•

[سلطان //]

لاصرت اسولف دخيلك لاتقاطعني

ودي اقول الكلام اللي على بالـي

هي فرصة جابتك وابيك تسمعني

ماني مصدق اشوفك جالس قبالـي

إنس العواذل تعال أقرب وطالعني

ابحتفل فيك لااجل عيون عذالـي

ياسيدالحسن يوم الحـظ طاوعنـي

شف نظرتي كن ماغيـرك يورالـي

يافرحتي فيك رغم انك تلوعنـي

طيرالسعاده علـى لقيـاك غنالـي

يمك بحر عاتي الاشـواق يدفعنـي

ابيك بااول ربيعك حلمي الغالـي

يعني-اباالبسك تـاج الغلايعنـي

وبااكتبك عمري الاول مع التالـي

حبك من آخرعروق القلب شالعني

سوى بنفسي سوايا مالهـا والـي

طاريك لامر عندالنـاس يوجعنـي

أدورك بينهـم والقـاك تبـرالـي

لورحت لآخرحدودالأرض تتبعني

مسافة الحب دونك تقصرحبالـي

بس انت لااقفيت حاول ماتوادعني

أخاف لاأبطيت تكتب قصة هبالي

[سلطان //]

دخيلك كفّ من باقي العتاب وخل عَنْـك اللـوم

على ويـش العتـاب ومابقـى لجماعنـا ليلـة

دخيلك لا ضوا ليل الهجـاد وساريـة منجـوم

على ويش يتغنى وانـت مـا تسمـع مواويلـه

دخيلك طاري الفرقى ؛ خذا من صدره المقسوم

ولا خلاّ من اللي له كثر ما كـان ماللـي لـه

تفنـن فالعتـاب وكـن قلبـك يجهـل المعلـوم

يا بختك ؛ وين يلقى قلب مثلك مـا ونـا حيلـه

دخيلك خل ( يكفي ) يشكي الفرقى جزع وهموم

قبل مايحاصره حزنه ولابه مـن بيشكـي لـه

تخيّل نفسك الواقف على اطلال اللقـا محـروم

من اللي لا سقط دمعك حضنه بطارف الشيلـة

وتصوّر ليلة ظلمـا ولا يضـوي معاهـا نـوم

وتنام الناس من حولك ولا لك في الغفـا حيلـة

على ويش التصوّر دام حـدّك تجتهـد فاللـوم

ولا هـزّك صبـاح بـان ثقلـه عـادك بليلـه

[سلطان //]

كلما ذبْلت عيوني..قمت أشوف الساعـة

وانتظر كم يوم باقي عنك..يـا مِحْرِقهـا

في غيابك شوق..لكن للفـراق أوجاعـه

وفي عيوني ضِحْك..لكن دمعتي تغْلِقهـا

تسهر النجمة معي يوم العـرب هجّاعـة

والسما تسهر معي من غرب لا مشرقهـا

اشترى قلبي غلاك..وغير حبِّـك باعـه

كل من حاول يقرِّب..قـال قلبـي سُقْهـا

ادعسي خشم الدلع وانتي بوسْط القاعـه

خلّي الحِسّاد تـدري ذيـك وش يفْرٌقْهـا

لا مشيتي في سفينـة حبّنـا و شراعـه

علّميهم كيف موج العمـر مـا يغرِقهـا

و اطلبي..كلّي فدا..وأقول سمع و طاعه

لو على روحي قراري..نذر ما تسْبقهـا

ابشري بالعزّ لو روس البشر خضّاعـه

ما نوطّي الـروس ذلّ اِلاّ لمـن يخلقهـا

وساعةٍ ماهي بعندك..لعْن أبوها ساعـة

ماعلى روحي خسارة..لو تغيب.. احرقها

[سلطان //]

فـديتك يالهنوف إللي بـرمش العـين سلهـمتي
وفـدنـك لابسات الجـينز والشـانـيل والـبرقـع

فـديـت عـيونـك إللي في كحـلها كـم تفنـنـتي
رسمتي في محاجرها هـلاك إللي بها يطـمـع

وفـيها أمــواج تتـلاطـم وتغـرق يوم ناظرتي
بـدون شعـور طـبـيت ف بحرها ليتني ماطـلـع

فـديت حجاج عـيـنك يـوم بـه للعـين سلـمتي
وفديت خدودك إللي لاح بارقها ورى المسفـع

وهـاك المبسم إللـي من شـذاه الكـون عـطـرتي
ومسـلولٍ حـدب رمـز الجمـال ف سلته يجمـع

فـديتـك قـــد غريافٍ مـع النسمـه تمـايـلـتي
جـذبـني يـوم شـفـتـه وبخجـله العـذب يتمـتـع

وعـلى نغمـات لحـن القـلب والاشـواق هيجنتي
طـرب مـدري ترف ولا عـلى ماقـيل تتصـنـع

اقـوله وافتخـر يومك عـلى الإحسـاس هيمـنتي
وخـلـيـتي نظـر عـيني لطـيـفـك دايـمٍ يـتـبـع

وصـرت بشوق اطـالع صـورةٍ فـيها تمثلتي
بجمال الـروح والاخلاق وانتي لأصلها منبـع

عـلى عـرش الغـلا ياشمعـة الجـلاس سلطنتي
ورسمتي لوحة فيها الأمـل بالـروح متشـبـع

وعـلى قـلـب المـولـع بأسلحـتك اليـوم سيطــرتـي
واسرتي فكري بروعة جمال العين فالبرقع

[سلطان //]

ناشـي الحـس خيّـل وارتكـم بالقصـيـد

والمشاعـر تساقـت واقبـلـت بالـمـداد

يـا هجـوسٍ تزبّـر برقهـا لــه وقـيـد

أمطري أنّ شئتي ..!! ماطـرك لـي سنـاد

إن هميتـي قريّـب .. أو هطلتـي بعـيـد

زاهـرك بالحنايـا فـوق ذيــك الحـمـاد

المطايـا تدرهـم خلـف صـوت العقـيـد

والسنابـل تمـايـل بانتـظـار الحـصـاد

ناظري مل صبـره .. والكـرى لـه نديـد

ما سليـت الطمـوح .. ولا تحقـق مـراد

آآآه ياطـول ليلـي فالمـسـاري وحـيـد

مامعـي غيـر جـرحٍ مـن ليـال الهجـاد

كل ما قلـت ابقـدح زنـد واشعـل وازيـد

عانـد الحـظ .. وافخـت الوقـد والزنـاد

أتجمّـل .. واحـاول فالأمـل مـن جـديـد

بس صار التعب كسبـي .. ونفـخ الرمـاد

حومـة الحـزن تقـرع طبلهـا فالـوريـد

كل ما قلت حطّـت .. اسرجـت لـي جيـاد

أنهك الياس عزمي .. والمـدى .. والمديـد

بين ردني .. وخرجي .. والرسن .. والشداد

عن بلـوغ الأمانـي صـدق مالـي محيـد

دونهـا لا نكيفـه .. لا ملـل .. لا حـيـاد

وكانها عاندت عانقـت ركـب الرشيـد ..!

ما ورى الطالع المايـل .. ذرى .. أو بـلاد

عذري ..!! إني سعيت ولا تحقق مـا اريـد

وإن تمادى الزمن غنيـت : بانـت سعـاد

[سلطان //]

حبيبي يا أساس الحب وسـط (إلا) و (مـا) محصـور

يا همزة وصل فغيابي يا همـزة قطـع وصـل الغيـر

تجينـي ينجلـي همّـي تمـوّت عـاذلـي مقـهـور

تغازلنـي بنظـرات الطفـل فـي حصّـة التعبـيـر

يتأتأ لا بغـى ينطـق "أحبّـك" مستحـي معـذور

يخاف اللمـز مـن فصلـة بضحـكٍ نبرتـه تعييـر

أنا بك مبتـدى مرفـوع أضمّـك يظهـر المستـور

أنا و انتي جمـع سالـم ومـن غيـرك جمـع تكسيـر

يشتتنـي فراقـك ذل علـى جـال البعـد منثـور

يلملمني وصالك عـز علـى جـال الوفـا أكسيـر

حنانـك يبـري العلـة ويجـزم فعلـي المحـظـور

و يعربني دفـا حضنـك و يحـذف علتـي بالخيـر

وتأسرنـي شبـه غمـزة تذوّبنـي كـذا مجـبـور

جمالـك أوّل الجملـة خفوقـي مبـتـدا تأخـيـر

تضيف الودّ بسماتك يضاف القلـب لـك مسـرور

وتنوين الشقـا يمحـى وتكتـب لـي الهنـا تقريـر

حروفك جرّ تجذبنـي شعـور الحـب لـك مجـرور

يتوه الحرف بشفاهك يعطـر حـرف حـرف يغيـر

كلامك يمطر البسمة علـى دفتـر طفـل مكسـور

يسطّـر لـه عبـارات الثقـة يجمـع لـه التفكيـر

يركّـز فاختبـار الحـب و يكتـب جملتـه بالنـور

كتب: ما الحب غير انتي. و بين اقواس (شوووقك غير)

[ولهت عليك]

كلمات أكثر من رائعهـ

وطرح متميز

وذائقهـ راقيهـ في إختيارك

أنتظر إبداعاتك

تقبل مرووري

[سلطان //]

بعد المحبه , علامك مانت طايقني ؟


وانا على خبرك أشواقي هي أشواقي
اسلوبك اليوم يقتلني ويحرقني
سؤال ؟ ابسألك وين اسلوبك الراقي !
حتى كلامك معي بلحيل مقلقني
والشك في داخلي ماعاد ينطاقي
ان كان قصدك تقول إرحل وفارقني
!برحل ولكن مصير الحي متلاقي
وان كان قصدك تغلا وانت عاشقني ؟
ابشرك ماتغير شي بعماقي
وان كنت تمزح ؟ أمانه معك روقني
تراي مكسور خاطر وانكسر ساقي
بس بصراحه , من الآخر وصدقني
صدمتني واستراحت . هقوة الهاقي
ياليتك تحس بحساسٍ مضايقني
وياليت تقرى كلام ٍ داخل احداقي
حلمك من أول ! في هالدنيا تحققني
واليوم في بحر غدرك ناوي اغراقي !


والحظ الاقشر يوم إنه فيك علقني
خلاني دايم على شوفتك مشتاقي
علمتني كيف ( أحبك ) لاتوهقني
علمني ( أنسى ) ولا تستكثر الباقي
كنت احسب إنك اذا جيتك تعانقني
أثريك لا طايق ٍ شوفي ولا إعناقي

[أنين]

المشاركة الأصلية كتبت بواسطة سلطان //

كلما ذبْلت عيوني..قمت أشوف الساعـة

وانتظر كم يوم باقي عنك..يـا مِحْرِقهـا

في غيابك شوق..لكن للفـراق أوجاعـه

وفي عيوني ضِحْك..لكن دمعتي تغْلِقهـا

تسهر النجمة معي يوم العـرب هجّاعـة

والسما تسهر معي من غرب لا مشرقهـا

اشترى قلبي غلاك..وغير حبِّـك باعـه

كل من حاول يقرِّب..قـال قلبـي سُقْهـا

ادعسي خشم الدلع وانتي بوسْط القاعـه

خلّي الحِسّاد تـدري ذيـك وش يفْرٌقْهـا

لا مشيتي في سفينـة حبّنـا و شراعـه

علّميهم كيف موج العمـر مـا يغرِقهـا

و اطلبي..كلّي فدا..وأقول سمع و طاعه

لو على روحي قراري..نذر ما تسْبقهـا

ابشري بالعزّ لو روس البشر خضّاعـه

ما نوطّي الـروس ذلّ اِلاّ لمـن يخلقهـا

وساعةٍ ماهي بعندك..لعْن أبوها ساعـة

ماعلى روحي خسارة..لو تغيب.. احرقها

راقت لي كثيرا

سلمت على هذا الاختيار...

[ولهت عليك]

علمتني كيف ( أحبك ) لاتوهقني
علمني ( أنسى ) ولا تستكثر الباقي

من جد رووووووووووعه
لاتحرمنا من ابدعاتك

تقبل مرووري.. وله