◄ مَمﭴڕڕد آنـے عـلىآ بآڷڪ يڪَفينـے » ♥

[امواج الغلا]

جمووول حبيبتي لا تبكين .. فديتك والله يابنت عمووو

بكره ان شاء الله اشووف زوولك لا خلا ولا عدم
<< ومن صباح الله ,, تبين شاي حليب وخبزه وجبن


يالله اتمني اشووفك بالحفل ... دعوواتي لك يالغلا وتتخرجين هالفصل قوولي & كل زواري يقلوون

آآآآميين

ونفتك من جاااامعتنا الحلوووووه

[امواج الغلا]

بشاير / ربي يسسسعدك يالغاليه ،، ماشاء الله مبرؤؤك التخرج الله يفرح قلبك كماان وكمان
انا اسمي التخرج " فرحت الصبر " خخخخ عقبال فرحتي ياااارب مشواري طويل ياااهـ ><

مبــرؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤؤؤؤؤؤؤؤؤؤؤؤكــ يَ عسسل




ياقلبي يابشووووره .. الله يبارك فيك يالغلا
من جد اسمه فرحت الصبر .. عقبال تخرجك باعلي الدرجات

وتسلمين حياتو ع التهنئه الحلوه مثلك



وينك يابوي / كيفَ وضعَك !
مَ بقى لككَ كمّ سآعه وبعدَهآ تتخرجيَن

كيفَ حلمكَ !
هوَ بآقي داخلَك . .
م تمادته السنيَن !

ايه يـ الله وشّ عليَك
بسّ سآعآت وترقصَ الدنياا
لفرحَك وتضحكيَن

افرحيّ يَ سنة [ 1433 هـ ]
هذَي هي بتتخرجَ فيَك . .
يَ سعد سعدكك اييه اسعَدي . .
وارفعيهآ فوقَ ولآ تنكرينَ



أموااج ألفَ ألفَ مبرووَك آلتخرج
والله متَحمسه معكَم , مبروكيَن يَ الغوآليّ


الله يبــــــــــــااارك فيك يالغلااااا

عقبااالك يارب .. والله شعوري مدري شلون اقول يعني بين الفرحه والحماس والفخر بتحقيق حلمي
+ عدم استيعاب << انشهد اركضت الايام

واليوم شريت القبعه وضبط العبايه وكويتها والفستان جاهز <<سويت برووفه ع العبايه والقبعه

تسلمين ياقلبوو ع مشاركتك لفرحتنا ..

[امواج الغلا]

مسسائكم شكووولاته ..

كل مادخلت عشان اكتــب عن الحفل انشغل

ومشاءالله المكالمات شغاله من بنات عمي وصديقاتي يباركون لي بالتخرج ويشاركووني الفرحه

واحس اني مرهقه من الحفل ورجولي متكسره من الكعب ..
وامس كنت معزوومه فكملت


وتفاصيل الحفل قلتها كامله 4 مرات <<من الحماس وكل وحده تبي التفاصيل

اللحين قررت اكتبها واطبعها عشان اللي يسئلني اعطيه .. :58545:
اذا فضيت كتبتهااااا .. اللحين بروح اراجع التحضير للدرس ..

___ ___ ___

اشكــر كل الاعضاء اللي شاركووني فرحتي بالتقييم

جمول & قلبي مجنونك & هداوه & وحي & حلوه بحركاتي & جوريه& بشاير & مصفووقه

اهذريبك & الغلا فيني & شرقاوي & الغدراء & غلاي غير

عقبـــــــــــــــــــــالكم يارب .. وبالتووفيق لكم باختبراتكم ..

[امواج الغلا]

مســـــــــــــــــــــائكم اكووس شئ بالدنياا ..

لحظه معقوله لي اسبوعين عن مدوونتي الغاليه <<افا ياأنا صرتي تتغلين عليهااا
من جد مدري وش صار علي تخيلوا من كثر الفضاووه مشغووله <<ادري ماتركب بس هذا اللي صاير

المهم خلوكم مني دقايق .. دخلت بطلب بشووره تبي تعرف وش صار في الحفل الجميل


* في هذاك اليوم من فرحه صحيت بدري شبعانه نوم مع انو تاخرت بالنومه
ورحت الصالون استشور شعري .. وعقب جيت ضبط الميك اب ..
ولبست الفستان مع اشياءه وعبايه التخرج والقبعه ..وطلعت لاهلي بالصاله والكل يبارك لي ويسم بالرحمان
وخاصه ابوي كانت فرحته كبيره مره وهو يستني هاليووم <<واهم شئ عجبه شكلي
وجلست اتصور واستهببل ..لين جات ع الساعه 5ونص طلعنا متوجهين للقاعه

ومشاء الله يوم وصلنا زحمه السيارات ... طبعا انا نزلت من جهه الطالبات وامي راحت جهه باب الامهات

الموقف المضحك هناا انو من العجله نسيت اعطي امي بطاقتها كانت معي بالشنطه
<< عايلتنا لازم تصير معها مواقف طاش ماطاش
المهم انا دخلت وفتشوني سريع وخذوا بطاقتي والحمدلله مانتبهوا لجوالي الكام لانو كان بكم العبايه
<<وربي صارت بالصدفه واستانست

شووي الا امي تدق ع الجووال وتقول وين البطاقه يالذكيه:58545: .... قلت يؤ لازم يعني انا نسيت وبعيد عنك
وطبعا بعد كم مكالمه حاستني امي فيها وعيوا اني اعطي امي البطاقه من داخل المبني
ولازم اطلع وانا ماعرف الطريق
اخر شئ جات امي بمساعد السكورتي وخذت البطاقه مني ورجعت لمكانها
<<وعطتني نظره منقهره من ثوارتي .. بس صدق وانا وش دراني

*المهم المصيبه يوم دخلت دروا عن جووالي وخذووه مني وجعععع
وجلست ادور مكان بنات قسمي وصديقاتي ولقيتهم اخيـــراا
وجلسنا سوووالف واستهبال .. لين جاء وقت يرتبوناا استعداد للمسيره الساعه كانت 7 ونص

<<واثناء هالوقت كل شوي ادور ع جموول المرجوجه تاخرت حيييل وما معي جووال اكلمها
كنت ابي اسلم عليها واعطيها القبعه حقت التخرج عشان تلبسهاا
وشفت وحده من معارفها وحسبت انها انجلش مثلها وعطيتها القبعه عشان تعطيها
لانو جاء دورنا بالمسيره وتركتها واكتشفت بعدين انو ضيعتها البنت ولا عطتها جموول
كنت حابه تكون ذكري مني لها .. وربي للحين بخاطري مع اني عارفه جمول تقدر تجيب عشره بدالها

* نرجع للمسيره الشئ المفرح كثيــــــــر ان قسمنا اول قسم يطلع من مسيره كليتنا
والشئ الثاني رتبونا ع اساس اللي متخرج الفصل الاول قبل وبالتقدير وانا كنت الرابعه بالصف
وقت العبور ع السجاد الاحمر ..له شعوور رااائع وخااص واحساس بالرهبه
والكل يطالعك من الاميره وهيئه التدريس والامهات والخريجات ..
واحلي شئ انقال اسمي بتوقيت طلعتي بالتماام <<في اثناء هذا الوقت امي تاشر لي فديتها ولا انتبهت من كثر الامهات صرت حوله من كثر مااطالعهم ولما جلست شفتها واشرت لها

وقعدنا ولين اكتملت جمييع المسيرات .. وبعدها بدا التصفيق واطلاق القصاصات الملوونه
وبدا برنامج الحفل بتلاوه من الايات وكلمه العميدات والاميره <<انا ماسمعت وش قالت كنت اسولف
وطلعات طالبتين يلقون قصيده وتحمسنا معهم وصرنا نردد ونصفق <<فصل المخ
طبعا انا اقصد بنات ادااب فديتهم مسوووين جووا:58545: << بوقتها قمت من مكاني وجمول شافتني من جهه ثانيه وابي اسلم عليها وتمسكني اللي تنظم الحفل تقول اجلسي ممنوع .. قلت لها بسلم ع صديقتي
تقول لا اجلسي الاميره موجوده بيخرب شكل المكان ,, واسحب عليها واروح احظن جمول حظن افغاني ع قولة سدووم . وراجع مكاني ولا كاني سويت شئ :58545:

وامم وش صار بعد اضن قاموا يتكلمون عن انجازات جديده للطب .. وكرموا بنات الدرسات العليا
واخر شئ قسم بناات الطب ولحظه رمي القبعات

وبعدها كلن تفرق يسلم ويحووس تحت <<وانا اخذت لفه ع المكان وسويت لي باقه من الورد الطبيعي
وشفت جموول تاشر لي من فوق بتنزل لي وسلمنا ع بعض مره ثانيه <<فلم هندي من الفرحه
واهم شئ رقصنا ..يااربي من جد كان فينا ردحه مو صااحيه وطلعنها

وبعدها وديتها عندي امي وسلمت عليهاا .. وكلن راح بطريقه وطلعنا من الحفل وانا ودي مافارقهم كلش
ورجعت هلكاانه من الكعب والوقفه وجوعانه حدي .. اي صح نسيت اقولكم هم وزعوا علينا ملف فيه كتيب فيه اسماء كل خرجين جامعه الدماام دورت اسمي وأشرت عليه

وبث وخلصت قصتي ووه احس هذرت وااجد ..
brb بكمل حلقه المسلسل

[امواج الغلا]

صبآحكْ طيّر
لك هّزه الحَنين ,
وبعثره بُعدكْ ~


صبآحكْ حلّم
يتطهّر فـ عينيكْ ,
وإنعكّس مشّتآقْ ..

[امواج الغلا]

النآس في عونك آذآ الحظ يعطيك..
وآن شح حظك قآلوآ آلله بعونك..!

وآن ضقت آو ضآق آلزمن آرفع يديك

لك رب .. مآيخذلك......لو يخذلونك..!

[امواج الغلا]

القلْب غصَنٍ ..،
يميّله الحنِين ويميِل
والدمَع مثل البحر والعِين هيَ ساحله
واللَيِل .. ،
كنّه علىَ عيِن السهاَرى دخِيل
إليَا سهْى رمشَ ضاقْ الثانِي وصاح لهَ
والَصبر ..،
ماهو بكْل أحوال صَبرٍ جمِيل

لاْ تسَأل الراحل إسأل عنَه الراحلَه !

[امواج الغلا]

يـا البقايا ؛
ثرثري بعض الحِكايا !
ردّدي بعض المواويل القديمة

خبْرينَـا ،
عن صِباحاتْ الهدايا
هُم هَدايا ؟!
أو لوازمنا الأمينه

دثـّرينا ..
لا عَرينا بِ/ الحنين وما بكِـينا
واعِدينا بِ / اللقـاء لو تكذبينه : "
يا البقاياا : خبّرينا ، دثرينا
و خبّريهم عَن : حنييينٍ فاآح فيناا

[امواج الغلا]

أحبآبنآ

للحِينَ انَا أنْتِظِرْكمُ ..
أصْحَى قَبِل صبح الشبآبيك يشْرِقْ

أبَرْوِزَ الحِلْم النّدِي مَعْ صُوَرْكُم
و امْشِيْ عَلَى حَدّ ابْحُر الدّمْع واغْرَقْ

[امواج الغلا]

الأصحاب خمسة :
فصاحب كالهواء لا يستغنى عنه .
وصديق كالغذاء لا عيش إلا به ، ولكن ربما ساء طعمه ، أو صعب هضمه .
وصاحب كالدواء مرٌ كريه ، ولكن لابد منه أحياناً .
وصاحب كالصهباء تلذّ شاربها ، ولكنها تودى بصحته وشرفه .
وصاحب كالبلاء .


أما الذي كالهواء . فهو الذي يفيدك في دينك وينفعك في دنياك ، وتلذك عشرته ، وتمتعك

وأما الذي هو كالغذاء ، فهو الذي يفيدك في الدنيا والدين ، لكنه يزعجك أحياناً بغلظته وثقل دمه وجفاء طبعه
وأما الذي هو كالدواء ، فهو الذي تضطرك الحاجة إليه ، وينالك النفع منه ، ولا يرضيك دينه ولا تسليك عشرته
وأما الذي هو كالصهباء ، فهو الذي يبلغك لذتك وينيلك رغبتك ، ولكن يفسد خلقك ، ويهلك آخرتك
وأما الذي هو كالبلاء ، فهو الذي لا ينفعك في دنيا ولا دين ،
ولا يمتعك بعشرة ولا حديث ، ولكن لا بد لك من صحبته !


من كتاب ( صُور وخواطِر)
للشيخ علي الطنطاوي رحمه الله . .