الي مسجلين بجامعه محمد بن فهد يدخلون ***

[MeMo_O]

أنا باص
لاول مره بحياتي
ما ادري كيف بيكون الوضع معي

[ღMs.Kღ]

ايه وانا مثلك ..... مشوار من الخبر الي الظهران ومن الظهران الى الجامعه سالفه طويله ومشوارها اطول... افكر افطر في الباص مارا وحده ولو نسيت اي شي كمله بالباص او السياره

بس ميمو انتي معاي بنفس الباص حق الظهران؟ يعني انتي من وين من الخبرولا الدمام؟ :mh19:

يلا وكل وحده تكتب اذا من الباص ولالا ومن اي مدينه؟

[white_diamond]

بنات الي في الخبر ليش تسوون عليكم مشوارين وتطولون الطريق
يعني مافي مكان غير مجمع الظهران
انا بروح في سواقنا

[ღMs.Kღ]

ايه مو هو عشان الباص يةقف بس في عند مجمع الظهران لطلبه الخبر و الدمام ... ايش نسوي مافي الا كذا :011:

[MeMo_O]

لا انا اقرب لي الباص اللي بالدمام عند مجمع الامير محمد بن فهد
لانه بيتنا جاي بالدمام بس قريب للخبر
فـ اظن بروح لذيك المحطه

والله يعين بس:s11:

[hadeel001l]

المشاركة الأصلية كتبت بواسطة ms.k

بنات ما سألتكم ...انتوا بتخلوا اهلكم يوصلوكم ولا بتروحوا بالباص اللي يوقف عند مجمع الظهران (اتكلم عن بنات الخبر و الدمام):mh19:

انا بروح بالباص اللي عند مجمع الظهران ..

صراحه كان ودي اروح بالسياره لين الجامعه مرره وحده .. بس اهلي قالو لا صعبه ..لان الطريق طويل ..



بنات الدمام .. الباص يوقف عند المخازن اللي مقابل مجمع الامير محمد ..

[Chocolate Cake]

بعضكم بالخبر وتقولوا الجامعه بعيده ؟؟

أكيد بتكون بعيده مو مثل المدرسه بنفس الحي ..

انا مشوار ساعه وما تكلمت ساكته وراضيه بالأمر الواقع

كنت اقول بروح بالباص .. بعدين هونت ..

لأنه بيصير علي المشوار ابعد ..

قلت اروح بالسواق مره وحده من البيت للجامعه اريح لي واحسن ..

والله جاي على بالي اركب باص .. احس انه وناسه

[white_diamond]

ايه والله انا بعد مشوار 45 دقيقة والطريق يخووووووووووووف وكله شاحنات ومافيه احد
صحيح الجامعة حلوه بس موقعها مادري كيف اختاروه
قلت اراضي في السعوديه يعني :hahaha_2008:

[ღMs.Kღ]

ايه بنات طيب انا من البيت للجامعه 45 دقيقه

طيب من البيت للمجمع كم؟.... ون المجمع للجامعه كم؟:mh19:

[white_diamond]

اتوقع الوقت كامل من البيت للمجمع ومن المجمع للجامعه بياخذ ساعة وشوي تقريبا
واااااااااااااااااااااااااااااااااااو :o3: