حـوار بـيـن البـنـات والشـبـاب هـــااام للمشــاركـه ..

[سنتين وتعدي]

سعودي عشان افيد ولد ديرتي اولى من الاجنبي ومن ناحية ثانيه سواليف ووناسه مو هندي يقلبها نكد ويتمسكن عندك عشان خمسة ريال زيادة :hahaha_2008:

[دنيتي قلبك]

أنا بالنسبة لي أفضل الشايب السعوودي لأني أولاً وأخيراً مع ماامي وأختي أكيد يعني مو برووحي وبنص البلد
أنا دايم أقول لأمي خل نركب مع سعوودي << عندها عنصرية قوية :c8:

لذلك نركب مع كبير في السن

[محمد القحطاني]

بو تركي اتوقع ان وقف الاثنين بنفس الوقت اظن ذالك
حلوه الشايب ههههههه لو جاك شاب وانتي مع امك بتركبين او لا

[STUART LITTLE]

شايب الله واكبر ..اسمع ..


اماا الشيبان اذا جاك بيصير كنه هندي يلبس بدله ومادري ايش اناا انتقده بصراحهـ ..

يقولون الزباين مايركبون اذا شافوني بثوب وشماغ ..ليهـ ..؟؟

[دنيتي قلبك]

لا لا لا عاادي جداً نمشي الهندي ونقوول مانبي << تصكه بالوجه ولا همها


لييييييش بالعكس فيه كباار بالسن يعني مو شاايب شااايب تقرباً بالخمسين وعادي لابسين ثياااب << مجربة

أصلاً ناادر نروح مع ليمووزين لأن عندنا سوواق و إذا سواقنا موموجود سواق خالي أو خالتي أو .. يعني فيه بديل وإذا أزمت الله يعين نركب مع ليموزين

[BeeB]

بالنسبـــه لليموزين عادي سواء سعودي او اجنبـــي ماتفرق معي ..

لكن لو صار سعودي ماآخذ راحتي بالكلام .. ساكتين طول المشــوار

تفرق لو كان هندي .. اقوول اللي بخاطري مايفهمــون ههههه

[مستغرب]

انا أفضل اركب مع اجنبي على السعودي .. اول شي الاجنبي ما هو راعي هرج .. البعض الله يهديهم ما يخليك تتهنى بوقتك

الاجنبي ما يتهور ويخالف الانظمـه .. ياما وياما ركبت ليموزينات وما حسيت الا قلبي يرجف من الرجـه

[همي اشيل همك]

يسعد صباح الجميييع .... عز الله انتم اشباب ماعندكم مشكله تتونسون وسوالف هذا المهم عندكم وشيء ثاني اباء البلد .. وانا معكم لو انا شاب راح اوقف مع السعودي ... لكن انا بنت يماااه اركب مع سعودي مستحيل صراااحه ماقدر ولالا ابي اصلا سعودي ..يمكن يمككككن اذا هو شايب اروح معه واتكل ع الله .. يعني اروح مع الاجانب اريح..

[محمد القحطاني]

هههههههههههه اراء مختلفه من الجنسين واخوي مستغرب حلوه تبي تركب وانت ساكت كلن له طبعه
beeb هنا المشكلة
همي لديك قل ثقه بالشباب من خلال ردك

[همي اشيل همك]

ايه صح انا ماأثق في السعودي احس ماله امان ... والله لاتلومني احس السعودي بس يتلفت يمين ويسار...!!!
اساسا ماتوقع اهلي يوافقون اروح مع سعودي الا اذا كان شايب... وانا صراحه اشوف انه مو من الامان ان شاب سعودي يسوق للبنات ... فياليت يقتصرون على توصيل الشباب يكون افضل لاني ماراح اقول لاتسوقون خير شر ماراح اقطع رزقهم لكن تفاديا لبعض الامور افضل ان يبتعدون عن توصيل البنات ... اجمل تحيه اخوي.