ڛڪر عٌيُوُنْڪ..*

[عاشقة H]

٤ ايام بريك تكفيني

يوم اختباري لكن حصل شي ماحد يتمناه لعدوه
خلصت اختبار قالت مبروك نجحتي نزلت من السيارة و دخلت مبنى المدرسة بسألهم عن الصورة إلي تكون في الفحص حق المستشفى قالت لي ما يحتاج صورة لانه مربوط بأبشر
طلعت رحت المرور قالت لي النتيجة ما انظافت رجعت المدرسة قالت لي السستم عطلان و اهي جاية مستعجلة المسؤلة عن الاختبارات و تنادي وحدة من الفاحصات يا فلانه يا فلانه
حولي بنات الفاحصة الفلانية إلي اهي فاحصتي للفاحصة الفلانية
انا استغربت اقول شفيها معقول تعبت او شي كذا
بعد ما رجعت البيت انتشر خبر
وفاة طالبة و اهي تختبر اختبار الرخصة يعني توفت و اهي ف السيارة
خبر صراحة محزن
و طلعت البنت إلي توفت كانت مع فاحصتي عشان كذا حولو البنات إلي عندها لفاحصة ثانية

الله يرحمها برحمته و الله يعين الفاحصة موقف لا تُحسد عليه

[عاشقة H]

العَـافيَة لَا يُعادِلها أَيّ شَيء , فَمن عُوفيّ فَـ ليحمِد الله ♥

الحمدالله على نعمة العافية
صباحكم خير يارب

[عاشقة H]

ف البريك إلي اخذته ٤ ايام تركت فيهم الجوال
ابغى اريح عيوني من كثر تبققت فيه من ايام التدريب الى يوم الاختبار
تعبت من جد
بس الحمدالله ف الاخير جبتها

[عاشقة H]

الذين يشاهدون محتوى الموضوع الآن : 2 ( الأعضاء 2 والزوار 0)
‏عاشقة H, ‏P e a c e

منور منور بيس

[عاشقة H]

الجو خيالي خوقاقي

ليش ما علقو الدراسة ما ادري
و انا اليوم محبوسة ف البيت و جهاز البخار جنبي 😂😂😂😭
ما استرجي اطلع ف هالجو الجميل الانيق الوسيم

[عاشقة H]

على طاري حبتور

اول شي قرت عين إلي وصلو الى اهاليهم
تبريكات موسى ف السنابات عندي ٣ ليالي تبريكات الحريم مو طبيعيه فيها جو الوناسة مو قصدي تصوير الحريم لا بس الصوت يكفي يبين فيه الفرحة

صراحة شي مو معقول معجزة سبحان الله اذا الله كاتب ينكشف كل شي مرت عمي تعرف عمة موسى قالت لها قبل لا يتضح كل شي بأسبوع او اسبوعين احنى ما يأسنا امه ابوه ما يأسو ابداً املهم ف الله كبير ان موسى يرجع
ي الله مدري كيف قصة يتوقف عندها الزمن يعني كنا الاول نقول لا هذا الشي اوفر ما يصير هذا الشي مو معقول يصير بس صار العكس لا تقول ما فيه شي ما يصيرر او هذا الشي مستحيل يصير الحين كل شي يصير
تدخل متنكرة بزي الممرضات تطلبه عشان تسبحة و تطلع لا من شاف ولا من درى يا ويلي شي ما يقدر الواحد يتخيله
عندي سناب اخوه ضفته عشان اشوف الاستقبال و الحشود إلي جتهم تبارك لهم من كل مكان فرحة لو ل ١٠٠ سنه قدام ما تنسى

البارحة بنت عمي راسلة لي مقطع فيديو تمثييييييل الحادثة في مستشفى او عريش فرضية فقط مو حقيقة يعني كيف يصير سرق الاطفال
من كثر ما كانت اعصابي مشدودة و قاعدة احط لي كريم في رجولي من كثر الاندماج و الاعصاب المشدودة حطيت في رجولي كريم مرتين بدون ما احس افكرها الرجول الثانية 😂😂😭

كيف لو كان الفيديو حقيقة يا ويلي ويلاه 😑😑

[عاشقة H]

ي الله انتهت ترويقتي بعصبيه

العناد إلي ف الاطفال من اي نوع
هذا احنى لسه ف الروضه كيف لو كناا ف المدرسة

الله يعيني عليه السنه الجاية ف المدرسة 😭😭😭

ي الله جنني طلعني من طوري

[عاشقة H]

ﻟﻴﺲ ﺟﻨﻮنا ﺃﻥ ﻧﺤﺐ ﻣﻜﺎنا ﻣﺤﺪﺩﴽ ، ﺗﺎﺭﻳﺨا ، ﻳﻮﻣا ﺃﻭ ﺣﺘﻰ ثوبا ..~
فقط .. لأنه كان جزءا من ذكري جميلة عبرت أرواحنا ... !!

صباح الذكريات إلي محتوية مخي من كل مكان
صباحكم خيرات من رب العالمين ج

[عاشقة H]

فيه سر في قلبي عمره ٨ سنوات
ما لقيت الشخص إلي اثق فيه و أبوح له هالسر
و بالاساس انا ما عندي ثقه في احد اساساً

افضل انه يكبر في قلبي افضل
بس ي انه الموضوع متعبني

[عاشقة H]

شعور انك تكون على صلة مع شخص تعتبره كل حياتك
وفي لمح البصر يحصل شي يخليك تنجبر انك تختفي بدون ما تفصح لهذا الشخص و بدون اي مقدمات يشوفك مختفي يكون الشي متعب مهلك قاتل 😭😭😭💔

يارب يارب يارب وين ما كان يكون وين ما كانت اراضية تجعله سعيد و مرتاح 💔💔💔💔💔