أيّ استفسار خاص بكلية الجبيل الجامعية .. هنا

[شيخ الشبآب]

لو سمحتوا ..

هل تاريخ 7/10 هو اللي اسوي فيه الفحص الطبي

[علوش18]

لو سمحتم انا ابسأل عن حاجه اللي هي موعد انهاء اجراءات القبول

مطلوب احضار نموذج التفويض البنكي معتمد من قبل البنك

طيب النموذج انا ارسلته بالبريد الممتاز الى الكلية الجامعية

كيف الطريقه احين هل انسخه من جديد واروح البنك مره ثانيه واخليهم يعتمدونه او كيف ؟؟

[AhMaD.11]

المشاركة الأصلية كتبت بواسطة شيخ الشبآب

لو سمحتوا ..

هل تاريخ 7/10 هو اللي اسوي فيه الفحص الطبي

نعم على كلام موقعهم والموظف !!

[البشري]

السلام عليكم

عندي بعض الاستفسارات لأني قبلت في الكلية فأنا متحير:
1- كيف الكلية صعبه او سهلة تحتاج دراسه اول بأول ولا لا
2-وظيفتها بعد التخرج مضمونه شهادتها قويه في سوق العمل
3-محاضراتها لها وقت محدد ولا اقدر اعدل في الجدول زي اي جامعه
4-كم مكافآتها
5- اقدر اتوظف في اي مدينه ولا بس الهيئه الملكيه
6- السكن الجامعي يشترطون واحد يسكن معي ولا لا
7-يقولون مايقدر الواحد يكمل ماجستير لانها أكاديمي تقني
8-انا ارسلت نموذج التفويض البنكي في البريد الممتاز والا لازم ارجع وساوي نموذج من جديد واخذه يوم 8-10
والله يوفق الجميع

[عبير السعادة]

المشاركة الأصلية كتبت بواسطة البشري

السلام عليكم

وعليكم السلام ورحمة الله وبركاته

عندي بعض الاستفسارات لأني قبلت في الكلية فأنا متحير:

أنا شفت موضوعك وبرد على الأسئلة اللي ما تجاوبت

1- كيف الكلية صعبه او سهلة تحتاج دراسه اول بأول ولا لا

مثل ما ذكر الأخ اللي أفادك بالضبط

2-وظيفتها بعد التخرج مضمونه شهادتها قويه في سوق العمل

حسب تخصصك وشطارتك ونسبتك بالاضافة الى شي مهم جدا ألا وهو فيتامين واو >> ما أمزح ترى

3-محاضراتها لها وقت محدد ولا اقدر اعدل في الجدول زي اي جامعه

لا وقتها محدد والسنة التحضيرية ثابتة والتخصص عدل مثل ما تبي

4-كم مكافآتها

990

5- اقدر اتوظف في اي مدينه ولا بس الهيئه الملكيه

حسب تخصصك .. الخدمة المدنية اعتمدت 3 تخصصات (نظم معلومات ادارية / علوم حاسب آلي / اللغة الانجليزية )

6- السكن الجامعي يشترطون واحد يسكن معي ولا لا

ما عندي فكرة

7-يقولون مايقدر الواحد يكمل ماجستير لانها أكاديمي تقني

تقدر اذا كانت نسبتك عالية تقدر تكمل على حساب الهيئة الملكية بهثات خارج المملكة
الى الآن ما سمعت وحدة قدمت بس الوكاد انهم يبون خبرة في الساحة المهنية

8-انا ارسلت نموذج التفويض البنكي في البريد الممتاز والا لازم ارجع وساوي نموذج من جديد واخذه يوم 8-10

ما عندي فكرة

والله يوفق الجميع

آمين وياك

أتمنى اني أفدتك باللي أقدر عليه
ويعطيك العافية


ودي
عبير

[علوش18]

طيب الفحص الطبي يوم 7/10 هل بيكون ف الكلية الجامعية نفسهاا ؟؟

[LAMA9]

يكون ب احدى العيادات التابعه للهيئه الملكيه
يعطوك ورقه توديها للعياده وتسوي الفحص

[عبير السعادة]

الفحص الطبي عادة يعطونكم ورقة يحولونكم لإحدى العيادات التابعه للهيئة الملكية
ويملون الأبليكيشن ويعطونكم اياه مصدق من مدير المستوصف
وتودونه للكوليج وتكتمل أوراقكم لو كان هذا الشي الوحيد اللي ناقص
يعطيكم العافية
ودعواتكم


ودي
عبير

[طقطق]

بسألكم سؤال ؟؟؟؟

الحين نزلوا لبنات التحضيري مكافأه وهم لسى مادرسوا؟؟

وسلامتكم

[T7mLTeK]

كيف يعطونك مكافأة بدون دوام!
بعد الدوام إن شاء الله الدراهم