[ غير ذلك ] : (تجمع )الدبلوم التربوي 2014 للطالبات لكلية التربية بالدمامًًًََُُ

[عسجـــد]

المشاركة الأصلية كتبت بواسطة بسمة $

ام جوجو حبيبتي فديتك
انا كنت ادعي ربي ان كان هو لي خيره زي ماذكرت بردي السابق فارزقني فيه ياربي وان كان لا فبعده عني والحمد لله رب العالمين ربي استجاب لي
وخلاص ماراح اقدم مره ثانيه ربي صرفه عنه لانه مو خير لي
كنتم خير زميلات لي بالفتره اللي اجتمعنا فيها للتسجيل ام جوجو نايس برد وغيرهم الله يوفقكم ويجعل دربكم كل خير وفالكم التوفيق والسعادة
استودعتكم الله الذي لا تضيع ودائعه

اختي بسمه صحيح هذا خيره بس يمكن السنه وفي هالوقت ما راح تستفيدين منه بس السنه الجايه يمكن يصير فيه خير لك

لاتيأسين اختي وقدمي وان شاء الله القادم افضل واللي فيه الخير راح يختاره ربي

الحياة كفاح ولابد أن نطرق كل الأبواب ونستنفذ جميع المحاولات لكي لا يصيبنا الندم على ما فوتنا

دمت بود

[جنان الهادي]

ألف مليون مبروك للمقبولات جميعا و الله يوفقكم و يبلغكم مرادكم و يوفق جميع من لم يقبل كذلك ثقوا تماما إن الله مقسم الأرزاق فمن كان له نصيب بالدبلوم فهو سيكسبه شيء بالحياة
و من لم يكن له نصيب فرزقه بشيء آخر أفضل من هذا الدبلوم
صحيح الواحد بالبداية يتضايق بس ما في يأس مع رحمة الله
( و عسى أن تحبوا شيئا و هو شر لكم )
دعواتكم لي بالتوفيق

[ليه؟]

ايش شروط القبول ؟
متى التقديم ؟
كم سنه الدراسه وايش اسم الشهادة؟

[بسمة $]

اختي عسجد تسلمين على ردك
بس انا ماعرفت اليأس بحياتي الحمد لله على قوة الإيمان اللي ربي وهبني اياها
وانا طبيعتي كيذا اذا ربي صرف عني شي من اول مره اكون مو مرتاحه له خلاص بالمره وبرضو هذا الشي حكمه من ربنا
قدمت على وظايف دعواتكم بالقبول

[ندى الفراج]

الله يعافيكم عندي كم سوال ردو علي تعبت ادور احد يرد
متى بدا التقديم ع الدبلوم التربوي ؟ وكم الرسوم ؟ ومتى راح يبدا مره ثانيه ؟ وكيف الدوام مسائي ولا صباحي ،، الله يوفقكم ردو علي

[mes_33]

الدوام صباح او مساء ؟

[تاظي]

السلام عليكم و رحمة الله و بركاته
بنات اللي بتروح اليوم تودي اوراقها ياليت تقولنا الي مكتب يتسلم الاوراق و اي مبنى
الله يجزاكم خير

[ميس جورية]

السلام عليكم


مبرووك للي انقبلوا ومعوضين على السنة الجاية اللي ماانقبلوا


صديقتي جاتها رسالة قبول راحت اليوم الساعة 9 الصبح
مبنى كلية العلوم
مبنى الدراسات العليا


الدور الثاني


غرفة 13 على ايدك اليمين اخر الرواق او الممر


تحضرين معك اصل شهادة الباكلوريوس وصورة منها مع اصل بطاقة العائلة فقط


تاخذ اسمك اذا موجود في الاوراق انت مقبولة اذا مو موجود خطا من السيستم للكمبيوتر انه ارسل لك رسالة بقبولك وكم وحدة رجعت خايبة بسبب خطا من الكمبيوتر


عدد اسماء الللي انقبلوا في كشف الاسماء 106 طالبة

توقعين على ورقة الترشيح للقبول والدوام في 5 / 11 / 1435 ه ـ من الساعة 2 ظهرا حتى 6 مساء


الصباح ماتدري ماسالت عنه


تجين اول يوم دراسي الى نفس المبنى يعطونها الجدول والمواد



هذا اللي علمتني عنه

[سارة الصغيرة]

السلام عليكم
الي أعرفخ بخصوص الدوام انه مسائي مافي صباحي
الدوام من الساعة 2الى 6
من السبت الى الخميس يعني طول الاسبوع في كل الترمين
وبالتوفيق
ماشاء الله عدد المقبولات 106كان رفعوا العدد ل110 ........محظوظه الي رقمها 106
وكيف بيقسمونهم كم سكشن ربي يوفقككم وربي يكتب لنا فيها نصيب أن شاء الله

[تاظي]

الله يجزاكم خير