[ الدراسات الاسلامية ] : تجمّع لـ الأنيقات ( طالبات المستوى الرابع - قسم الدراسات الإسلاميّة ) ^^ دفعه 2010

[عندي امل]

ربي يوفقك وينجحك ويجزيك الجنه يااارب

[لوتس ورديه]

الكتاب الاول الين صفحه 122ماشر عندي الخله مو معنا

[تعبني غيابك]

سلآآآآآآم

اه ينآآآت واللله اني درست وحضرت وخططت ومررره مجتهده ولا قدمت زززين

ذبحت صديقآتي ماغير اشكي لهم


يللآلآ بببنآات افيدونننني في قواعد البياناات وبعد تلخيص الحاضر نعتمد عليه ووالآآآ

واخرر شيء الحين فقه العبادات صديقتي مسويه تلخيص كل شيء قاله دكتور سيد اعرابي

وانا عند دكتوره رقيه مدري اخذ تلخيصهم واعتمد عليه دام هو اللي بيحد الاسئله وتلخيص تقريبا كل شيء

قآله

لحد يقول وش فيها ويا كثر اسئلتهااا مير اني مواصله من اممسس كان علي انجليزي رآيت والعقيده

بنات الله لا يوريكمم حيل صعب يارب انجح فيه بذات هو تعبت مره مره مره مره مره

يآآآآآآآآآآآآآآآآرب ثمن تعبي

[هيوووونه]

حتى انا ماقدمت زين في الاختبار كل من سميه خربت علينا ولا د/كمال يازين اسئلة في الشهري

[دنيآك دنيآي]

اييييييييييه سميه خربت علينا من جد

انا اشوف بنات سميه طالعين ومبسوووطين

قلت ايه وش عليكم

يالله انجح فييه

لبى دكتور كمال بالشهري بسسس ياحبي له

وياليت مره ثانيييه يخلون الاسئلة مو موحده

يعني خلاص كل واحد ودكتورهآ / تهآ

اجل وش الفايده نسجل عنده

[badorah]

المشاركة الأصلية كتبت بواسطة تعبني غيابك

سلآآآآآآم

اه ينآآآت واللله اني درست وحضرت وخططت ومررره مجتهده ولا قدمت زززين

ذبحت صديقآتي ماغير اشكي لهم

عليكم السّلام ورحمة الله وبركاته.
عادي يختي، كِذا الحياة ، خلَاص الحمد لله فوّضي أمرك لله وأحمديه لو فكّرتِ فيها طاح همّ كم مادّة، ..

أنا ما صارت تهمّني الدّرجات بقدر ما تهمّني الإستفادة على مستوى المواد أو على مستوى الكلية ..، فيه مواد فيها أشياء مُفيدة ومُمتعة، والكلية تعلّمنا دروس نواجة فيها الحياة ثث
وهذي إختبارات دنيا لَا تحزنين عليها كثير ..، والله يكتب أجرك، وتعوّضينها في الإختبارات الجاية، وبإذن الله إن تقديمك إيجابي وأعلى من توقّعك ..
بالنّسبة لإستفساراتك للأسف ما عندي شيء أفيدك فيه

بالمُناسبة تقول أختي في مواساتنا:

" الإختبارات تاج على رؤوس الطُّلّاب لَايراه إلّا اللي ما عندهم سالفة :P"

[badorah]

المشاركة الأصلية كتبت بواسطة دنيآك دنيآي

اييييييييييه سميه خربت علينا من جد

انا اشوف بنات سميه طالعين ومبسوووطين

قلت ايه وش عليكم

يالله انجح فييه

لبى دكتور كمال بالشهري بسسس ياحبي له

وياليت مره ثانيييه يخلون الاسئلة مو موحده

يعني خلاص كل واحد ودكتورهآ / تهآ

اجل وش الفايده نسجل عنده

هههههههههههههههه وش اللي حدّكم ما تسجّلون عند د.سمية :P < -- أمزح معاك أنا كنت بسجل عند د.كمال لكن عشان أحصّل لي يومين إجازة جرّبت هالمرّة د.سمية وكانت تجربة جميلة، وقد حصل موقف مشابه وكانت تجربة رائِعة لَازلت أحتفظ بتفاصيلها في ذاكرتي .. حتى تندّمت يوم سجّلت عند د.غير وكنت طفشانة من الأساس .
فنصيحة يابنات لَا تعتمدون إعتماد كُلّي على آراء الطالبات في الأساتذة أنا أتكلّم بشكل عام ولا أحدد أحد معين ..
يختي د.سمية لو تجربين جو محاضراتها تبارك الله، وأحسّها تاخذ بالمفهوم أكثر من د.كمال ..
أجل طالبات د.كمال يقولون خربت علينا د.سمية والعكس شكلهم بيتّفقون الأساتذة ويختلفون الطّالبات
أنا بالنّسبة لي الأسئِلة خليط مو ذيك السّهولة اللي تدعوك للإنبساط، أعرف أسئلة د.كمال وأعرف أسئلة د.سمية، الأسئلة فيها من النّوعين يعني ما هي حكر على د.كمال ولَا هي حكر على د.سمية ..
الله يعين على الأيام الجاية يا دنياك ..، والله يوفقك يارب وتنجحين بمُعدّل أعلى من توقّعك، ودرجات أعلى من تصوّرك ..

[آيسكريم]

علوم حديث

عقيـــــــــــــــــــــــــــــــــــــــــــــــ ــــــــــــــــــــــــــــــــــــــــدة



يا رب ألطف بحالي !!!



العقيدة + علوم حديث <<



أدري نفسيه

[badorah]

^
آيسكريم ..
لَا تعصبين خلَاص يختي درجات دنيا لَا تحزنين عليها كثير ..
وبإذن الله إنك جاوبتِ أعلى من تصوّرك ..
أنا لو بعصّب بسرد لكم المواد بالتّرتيب لكن خلَاص جاني شبه تبلّد إحساس من ناحية الدّرجات، وأحيانًا أختي تقول لي إن ما عندي مشاعر < -- تقوله من باب الإستهبال يعني لحد يصدّق ..

[حليب السعودية]

بـــدورة