الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"

[مساعد اكاديمي]

‏يامرحبا ترحيبة مالها حد
من شرق واشنطن إلى غرب باريس

عبر المحيط الأطلسي وين ماامتد
او كثر مافي حائل من السناعيس

[فنوُ *]

أ‏​حيآن من كثر آلحكي
تسكت ومآ قلت آلحكي
تتزآحم بـٍ رآسك طوآبير الجُمل , وتصدهآ
وأحيآن من كثر آلدمع , مآ عآد يمديك آلبكي
كل مآ تخونك دمعتك , تشهق بهآ وتردهآ .

[الــغـــدراء]

،،،

هذي سنين العمر راحت و انا اسوق ... جملة معاذيرك على جرحي الحي
الموت له سبه ؟ و انا موتي الشوق ... لا زاد عن حده .. كوى خافقي كي

[عطرالحروف]

‏أحلـى هديـة في حياتي ، وجودك
جتني من دروب الصدف بابتسامه

بالأمـس خايـف لاتعـدى ، حدودك
واليوم اسمك فـي خفوقي ، فخامه

[عطرالحروف]

‏لا صرت ماتضمن قلوب الاصاحيب
جنب قبل تلقى ........كبار الفشايل

ما نجهل الدنيا ......ولا نعلم الغيب
[بس الزمن آليا...... (تمايل تمايل)]

[عطرالحروف]

‏ياكبر قدرك يا رفيقي عن الناس
مـا يشبهك في طبعك ، الا المرايا

هي تعكس الاشيا بدقة ومقياس
وانت تعكس طيبك وبيض النوايا

[عطرالحروف]

‏ماكل من حط الشنب صار رجال
وماكل من عــرض كتوفه سنـافي

غتــره وطاقيـه ومـرزام وعقـال
والله أعـلـم بٍـ الـقـلـوب الخـوآفـي

[عطرالحروف]

‏نسوق الجمايل راهيه والنفوس عزاز
يدينا دمار اللي يجي في مخابينا

كرامة ضيوف وفي قضى حاجة المعتاز
هذا سلمنا اللي نفتخر به و يرضينا

[دحوم الشرقية]

آخر كلامك قلت لي منت مجبور..
وش رجعك بالله بعدك تبيني ؟!

وصلتها لفراق ومنت معذور..
أبيع بايع واشتري مشتريني..

ومادام قلبك خالي احساس وشعور..
ماني بحاجة قلب ماحس فيني..

ماني على خبرك تمثل لي الدور..
ولاني على كيفك تروح وتجيني..

وإذا الزمن له جور والحب له جور..
جورك على جور الزمن مبتليني..

ضايقتني حتى وأنا دمي يفور ..
وكذبت في شي حصل شوف عيني..

كاذب , أناني , ميت احساس , مغرور..
قاسي , عنيد , وياخسارة حنيني..

وشلون أمد الكف والكف مبتور ؟!
من قلبك اللي مايقدر يميني..

وقتن مضالك مالفى مني قصور..
ماباقي الا أشيلك براحتيني..

وكتبت فيك حروف وأبيات وسطور..
ليتك تحس وليت قلبك يبيني..

زرعت فيك الكبر وأصبحت محقور..
وأعميت عيني من رفالة يديني..

رفعت من قدرك وواجهت بغرور..
وأول وفاك تروح ماتحتريني..

واليوم ترجع لي عقب غيبة شهور..
ودك تعيد الحب؟!
لا ياضنيني

ماعاد باقي غير أوادعك مجبور..
راحت عليك وياخسارة سنيني..

العام قلبي يوم ألاقيك مسرور..
واليوم عقب الود لاترتجيني..

وإذا ذكرت العشره بقلب مقهور..
تذكر اللي صار بينك وبيني..

وابعد بعيد وعن فعايلك مشكور..
الربح نفسي والخساره لعيني..

آخر كلامك قلت لي منت مجبور..
والحين أظنك منت مجبور فيني..

[عطرالحروف]

‏ياعين لا تبكين....... وعيونه تنام
عادش الى ما خاب ظني بترضين

لو الدموع اتفيد .......فادن الايتام
ولو الكلام يفيد...... عادت فلسطين