بعيداً عن الفلسفة والتعقيد الزآئد ~

[عَبيرْ ♥]

تصويرككَ خطيرَ وبالنسبه للغسول انا اكثر وحده تدلع عمرها بس يخلص اللي معي بجربَ اللي قلتي عنههِ اما سالفه دبي لما ضعتو لو اضيع ابكي واختنق ولدوخ مكاني ماااعرف اتصرف هههههه ؛فيونكه

ربي يسعدك ..,

مبسوطه كثير ان تصويري يعجبك

بالنسبه للغسول أنصحك فيه من قلب والمرطب بعد كلها خياليه ويكفيك انها طبّيه وخاليه من العطور اللي ممكن تأذي البشرة ..,,

بالنسبه للضياع .. صدقيني لو معك أحد عآدي بالعكس تصير مغآمرة وونآسة

[عَبيرْ ♥]

يآويله و يآسوآد ليله اللي يآخذك منّي ..,

يآويله و ياسوآد ليله اللي يبعدك عنّي ..,

حبيبي ومآ أظن غيري تعشقة عيني ..

وتيرآ رآم تيرآ رآم

.
,
.

يآ الله صبآح خير

أكره أصحى بدري ملل يآزين سحب النوم للظهر

النوم مفيد للصحّه وللعيون الحميلة

ياللا خلونآ نفكّر وش نفطر فطور مفيد للصحّه ..,

مثلا شيبس مع خبز وحليب بالشآهي <-- يآزين طقوسي زينآه

.
,
.

[عَبيرْ ♥]

عندي كوسشن مآرك سؤآل يعني

عطوني أسماء كوفيات رآقيه في الريآض ووين مكآنهآ ..,

أبغى غير ستار بكس ودكتور كيف وطقّتهآ ..,

أبغى شيء جديد ..,

ياللا أنتظركم

[عَبيرْ ♥]

.
,
.

درس جديد لي في التصوير

درس التحكّم في الفوكس :: الجزء الثآني ::

.
,
.

[عَبيرْ ♥]

أهليييين وسهلين ومرحبتين هآه اشتقتوآ لهذرتي والا لآ

جآلسه أتناقش مع نفسي متى ببدأ أذآكر مثل العآلم والنآس

وللحين مارسينآ على بر

أشتآق للشمس ياناس ودّي أطلع فيهآ تحرقني حرق

<- من عشّآق الشمس ..,

مآعآد صرت أشوفهآ الا في السالفات ..,

بما اني في شقه مآلهآ حوش

بس أمس بعد العصر نزلت حوش عمّي <- مسافرين

ولعبت مع التيس لين مآقلت آمين

.
,
.

اذا رحت الشرقيه وشآفني أخوي يجلس يعلّق على يقول لي اطلعي في الشمس يمه وش ذآ ..,

دائما يعلّق على بيآضي يقول لي ( مع تايد للغسيل مافيش مستحيل )

دلع زآيد ..,,

والله إن البيآض نعمه الحمدلله عآدي عآجبتني أنآ

.
,
.

أذكر سآلفه زمآن شوي ..,

طبعاً أنآ ادماني حليب بالشآهي ..,

أشربه بشكل جنوني وغير طبيعي ..,

مآعلينآ ..,

كآن عندنآ شغّآله جآ يوم من الايآم وشفتهآ تسوي لهآ حليب بالشآهي

أنآ عصّبت لاني محتكره الحليب ما أحب حد يشاركني فيه

قلت لهآ ( غريبه ! انتي ماقلتي انك ماتحبين الحليب )

قالت ( ايوه بس علشان يبغى يصير أبيض سيم سيم أنتي )



أصحآب العقول في نعمه

حالها حال اللي تحوس في نفسهآ بالخرابيط علشان البياض ..,

لون الجلد شيء من عند ربي وش يعني بيغيرون خلقة رب العالمين مثلا ..,

.
,
.

[عَبيرْ ♥]

خلآص خلآص لآتحآولون برجع لمسقط رآسي




قريبا قريبا الجنسية بإذن الله بس الله يبعد الكسل عنّي


,
.

[عَبيرْ ♥]

اذا كنتوآ من النآس اللي ينسون دائما مهوب مثلي طبعاً :D ..,, فـهذي أفضل وأروع وأذكى طريقة ممكن تطلع من مخ بشري :P



.
,
.

[عَبيرْ ♥]

هههههههههههههههه

حتى إم بي سي تكذّب .. والله وتطوّرنآ يا إم بي سي

مدري اذا سمعتوآ بفلم Evil Daed اللي كل الشعب السعودي ينتظرة أمس على تو !

لا... والسآعه 4 الفجر بعد ولأول مرّه يعرض ومدري وشو

جآبوآ لهم فلم يقولون انه أرعب نص الشعب الامريكي وضحّك نص الشعب السعودي

يآآ إني ضحكت ضحك على التعليقات في الهاشتاق في التويتر

ياللا مآعليه خيرهآ في غيرهآ ان شاءالله يعوضونكم بفلم رعب زي العآلم والنآس ..,

والله انا مدري وش السآلفة نآيمة ومكبّرة المخدّة بعد

مادريت الا اليوم الصبح .. صحيت وفيه زلزال في الوآتس أب

.
,
.

[عَبيرْ ♥]

الحلف بغير الله من الالفاظ الشركيه عزيزتي كلمة (وحياة عينيا) لاتجوز حفظك ربي من كل مكروه ويقويك مدونتك استمتعت فيها...آختك قلبي مجنوونك

جزآك الله خير يآذوق ..,

عآد لاتدققين عآدي ..,

إنمآ الإعمآل بالنيآت ولكل إمريء مآنوى

العيون لهآ حيآة والله هه شوفيهآ تفتح وتسكر يعني حيّه وعآيشة

[عَبيرْ ♥]

.
,
.

أحلى كوفي مع نفسي



.
,
.