[ المستوى الثامن ] : راسب في التدريب الميداني

[طالب دراسات اسلامية]

المشاركة الأصلية كتبت بواسطة محاور

ليش ياخي زعلت عليه بس حبيت ابين لك ان فيه ناس عملوا بحث بالفقه وجابوا درجات عاليه ولم اجرح فيك بشي وتتهمني بتلك التهمه ... الله يهديني ويهديك ويوفقك لكل خير ويزيل همك وغمك ويفرج عنك ولاتنسى اخي الفاضل انك طالب دراسات اسلاميه يعني قدوه لغيرك المفروض ما تبدر منك تلك اللفاظ " عليك اخي الفاضل بالاستغفار "

لا جرح ولا يحزنون
لكن كل مستوي يجينا واحد يخبص الدنيا
لكن بالغصب بنتخرج بامتياز .

[سااااامي]

المشاركة الأصلية كتبت بواسطة خالة سعود

والله أنك صادق الي جايب درجه حلوه يعلمون ايش بحثه وكيف بحث وشروط البحث الي اعجب الدكتور علشان ننتبه لها ولا نغلط


وبنسبه للجامعه انا اشعر ان فيه شي من العبث مدري من اجهزت التصحيح او من ايش

اولا نسأل الله أن يعوض الجميع خير والي متأكد من بحثه لا ييأس ويراجع الدكتور وإن شاء الله تتعدل الدرجة
بالنسبة لبحثي طبقت فيه جميع ما طلبه الدكتور في المحاضرات المسجلة وخصوصا المحاضرة الي كان يشرح الدكتور في السبورة
وحتى المباحث كانت قريبة جدا من الي ذكرها الدكتور في الشرح
البحث كان عبارة عن خمس مباحث و 35 صفحة شامل للفهارس والمراجع
كان بمجهودي الشخصي لم اعتمد على أي مكتبة سواء في عملية البحث أو في كتابته وتنسيقه
بالنسبة لمن طلب ان انزل البحث اعتذر منه شديد الاعتذار لإن الترم هذا راح اخذ مشروع التخرج فإذا كان البحث قريب من بحث التدريب الميداني راح اعدل فيه وارسله واذا كان يختلف اوعدكم انزله بمشيئة الله
بالتوفيق للجميع

[ابوسعود57]

الاخ محمد اليحي.نزل بحثك.ونبي نقيمك نشوف هل يستاهل 90 والا 75
منوة كذالك نزلي بحثك نبي نستفيد من االبحث .

الاخ محمد اعتقد لو بحث من عشر صفحات

ماراح ينزل عن 75
بس وش السالفه.مدري عن ها الدكتور.

الله يستر منه

انا باقي ما اخذت التدريب كنت بنزله الترم الماضي.بس تفاجأت اني منزل مشروع بحث التخرج.
واخذت فيه 86 ولله الحمد.

والله يستر من السلوم.
لكن فعلا اللي كتب في التفسير اخذ اعلي من اللي كتب في الفقه.

انا كان بحثي عن قيام صلاة الليل والتراويح
عدد صفحات 35 مراجع حوالي 40

[ابوسعود57]

المشاركة الأصلية كتبت بواسطة زبرجد

الله يجزيك خير ممكن تنزل بحثك لكي نأخذ فكره عن خطة البحت

اختي مطلوب عاجلا تنزيل البحثين حقك.
وذالك للفائده وتلافي الاخطاء

[ابوفيصل 2012]

انا اعتمدت على الله ثم على سماع المحاضرات وطبقت كل ما قاله واخذت المصادر والمراجع حوالي 35 كتاب من مكتبة الملك عبدالعزيز واستفدت من اخواني اللي هنا واخص المطوع خالد وسهرت واخذت وانا اكتبه شهرين ونصف والله انه بالمجهودي وتعبت وحطيت حواشي ورتبت الفهارس فهرس الايات والاحاديت والمراجع حسب الابجديه واخرتها عطاني 75 والله اني استحق فوق 90 بس الحمدالله عديناها وهالمستوى ابشركم حملت الانجليزي العامه للمره الثالثه ومناهج الفكر الحديث كانت صعبه مره وابدرسها بالمستوى الثامن معكم لكن فزعتكم معي

الله يعوض اللي حملوا الماده خير والف مبروك لناجحين ويوفقكم اجمعين

[abutaif111]

حسبي الله ونعم الوكيل جميع المواد ماخد فيها ممتاز الا التدريب الميداني 3 معطيني فيها جيد
الله المستعان

[المعالي غالية]

المشاركة الأصلية كتبت بواسطة ريحة الهيل

الله يبارك فيك ابشرك نجحنا بتفوق ماشاء الله لا قوة الا بالله .. انتي بشريبني عنك ..


الله يعوض على الي ماحالفهم الحظ

الحمدلله مبروك النجاح والتفوق ما شاء الله من وين جبتيه من ريحة الهيل

لا والله انا ما جبت التفوق بس الحمدلله 83 في التدريب الميداني
والله بعد حوسه وقصص لاتنسي الله يعين اللي سهرو شهور
انتي كم جبتي ؟؟

[وسن 11]

طالب دراسات ممكن تنزل بحثك نشوفه وكم اخذت في التدريب الميداني
وأبغىء الي رسبو ينزلون بحوثهم نشوف وين الأغلاط عندهم الدكتور جدا دقيق ومستحيل يعطي احد أقل من حقه وهو دكتور مو بسيط عنده شهايد كثيره وخبره عظيمه وهو مؤلف كتب كثيرة شوفو حسابه في تويتر
واتصلو عليه وشوفو وش نقصكم عليه يمكن تتعتدل نتائجكم وصحيح الي بحوثهم في التفسير وطبقو جميع ماذكر في محاضراته أخذوا درجه جدا عالي والتقصير مناء مو منه هو شرح لناء وفهمناء عن كل شيء وإحنى كمان ما اخذناء اصول البحث وكان خبرتناء قليله والحمدلله على كل حال والله يعوض الراسبين خير لكل مجتهد نصيب.

[المعالي غالية]

صراحه الدكتور لا دقيق ولا بر اللي شفت انه علي كيف كيفه وهذا الصدق

لما قالت له وحده سويت بحث وعدد اﻷوراق كثير قال لا ليش ها العدد يا فلانه اختصرو لي البحث من ثلاثين او اربعين ورقه لا تسردون لي سرد اختصروا
اللي فهمت ان الدكتور بس يبي يتاكد هل فاهمين اللي درسناه في اصول البحث العلمي ولا لا

ولا يهمه مضمون البحث اهم شي تقسيم البحث والخطه والهوامش والمراجع تكون كلها موجوده والمقدمه والخاتمه

صراحه انا تعبت في البحث بس يوم كامل من الصباح الي العصر وكملت من الصباح الي الظهر يوم ثاني وقبل تقريبا 15 يوم مرضت بسبب فلونزا لان تعرضت لنكبات صراحه ونصيحه اللي ما يعرف يسوي بحث لايروح لاي احد كان بفلوس قسم البحث لقيته نسخ لصق من النت كذابين اللي يقولون لك حسب اﻷتفاق

المهم اول سبب ما اعرف اسوي بحث ودلوني ع وحده يقولون ثقه ومن بداية الترم الي ما قبل الاختبار تقريبا بثلاث اسابيع ع انه بحث جديد ومتعوب عليه من اول كلمه نسختها في قوقل واحصل البحث وقلت استاهل واخذته درس والحمدلله اني اكتشفت قبل ارسله


السبب الثاني قلت اشد حيلي واطقطق وبديت الحمدلله بعشر صفحات من مجهودي وبعده مرضت وسخنت قلت اشوف وحده ثانيه تسوي لي واكمل البحث واتفقت والله ما قصرت لكن البحث لم يرضيني وواضح انه منسوخ وبسرعه بيكتشف الدكتور وناقص كثير كثير مما طلب الدكتور وهذا سبب جلوسي مواصله من الصباح الي المغرب امام الجهاز الزفت اللي صدعني ودوخني وتوكلت ع الله وازيد 20 صفحه شي من الكتب المكتبه الشامله وشي من البحوث الجاهزه في النت وتغيير المواضيع المطالب لحد ما وصلت الي بحث صراحه ما استحق الدرجه هذي عليه لكن استحق جهدي وتعبي وجلوسي امام الجهاز
والحمدلله ربي وفقني ولا انسي دعوات أمي الله يحفظها


فا اللي راح او راحت لاحد يسوي له بحث لا يتكلم ابد ومؤكد انه ما تعب فيه نسخ لصق من النت
واللي تعب وسهر واثقين نصيحه كلموا الدكتور وروحوا له وبتنجحون بأذن الله

وهذي قصتي وعذرا طويله القصه لكن تعلمت منها ويتعلمون غيري

[alaeda]

المشاركة الأصلية كتبت بواسطة المعالي غالية

صراحه الدكتور لا دقيق ولا بر اللي شفت انه علي كيف كيفه وهذا الصدق

لما قالت له وحده سويت بحث وعدد اﻷوراق كثير قال لا ليش ها العدد يا فلانه اختصرو لي البحث من ثلاثين او اربعين ورقه لا تسردون لي سرد اختصروا
اللي فهمت ان الدكتور بس يبي يتاكد هل فاهمين اللي درسناه في اصول البحث العلمي ولا لا

ولا يهمه مضمون البحث اهم شي تقسيم البحث والخطه والهوامش والمراجع تكون كلها موجوده والمقدمه والخاتمه

صراحه انا تعبت في البحث بس يوم كامل من الصباح الي العصر وكملت من الصباح الي الظهر يوم ثاني وقبل تقريبا 15 يوم مرضت بسبب فلونزا لان تعرضت لنكبات صراحه ونصيحه اللي ما يعرف يسوي بحث لايروح لاي احد كان بفلوس قسم البحث لقيته نسخ لصق من النت كذابين اللي يقولون لك حسب اﻷتفاق

المهم اول سبب ما اعرف اسوي بحث ودلوني ع وحده يقولون ثقه ومن بداية الترم الي ما قبل الاختبار تقريبا بثلاث اسابيع ع انه بحث جديد ومتعوب عليه من اول كلمه نسختها في قوقل واحصل البحث وقلت استاهل واخذته درس والحمدلله اني اكتشفت قبل ارسله


السبب الثاني قلت اشد حيلي واطقطق وبديت الحمدلله بعشر صفحات من مجهودي وبعده مرضت وسخنت قلت اشوف وحده ثانيه تسوي لي واكمل البحث واتفقت والله ما قصرت لكن البحث لم يرضيني وواضح انه منسوخ وبسرعه بيكتشف الدكتور وناقص كثير كثير مما طلب الدكتور وهذا سبب جلوسي مواصله من الصباح الي المغرب امام الجهاز الزفت اللي صدعني ودوخني وتوكلت ع الله وازيد 20 صفحه شي من الكتب المكتبه الشامله وشي من البحوث الجاهزه في النت وتغيير المواضيع المطالب لحد ما وصلت الي بحث صراحه ما استحق الدرجه هذي عليه لكن استحق جهدي وتعبي وجلوسي امام الجهاز
والحمدلله ربي وفقني ولا انسي دعوات أمي الله يحفظها


فا اللي راح او راحت لاحد يسوي له بحث لا يتكلم ابد ومؤكد انه ما تعب فيه نسخ لصق من النت
واللي تعب وسهر واثقين نصيحه كلموا الدكتور وروحوا له وبتنجحون بأذن الله

وهذي قصتي وعذرا طويله القصه لكن تعلمت منها ويتعلمون غيري

الله يسعدك دنيا واخره ..
قلبك ابيض تستاهلين كل خير ..
الحمدلله إن باقي ناس مثلك في هذا الزمن ..