اسئلة اخـــتبارات الدراسات لجميع الاعوام هــنا

[أبشه]

العول سهل جدا
أولا لازم تعرفين ان المسأله اللي يصير فيها عول لازوم يكون أصل المسأله 6 و 12 أو 24
طيب كيف تعرفين اذا فيه عول او لا
تحلين المسأله عادي وتطلعين أصل المسأله بعدين :
تقسمين أصل المسأله على مقام الفروض الموجوده :
مثال : مات عن زوج - أخت ش - أخ لأم
زوج : 1/2
أخت ش : 1/2
أخ لأم : 1/6
ال 1/2 اذا جاء مع اي فرض من النوع الثاني فأصل المسأله = 6
طيب الحين نبي نعرف المسأله فيها عول أولا؟
نقسم أصل المسأله (6) على جميع المقامات :6 تقسيم 2 = 3
و 6تقسيم 2= 3 و6تقسيم 6 = 1
بعدين نجمع ناتج القسمه 3+3+1 = 7 !!!
وأصل المسأله عندنا 6 فنعرف ان المساله أصلها 6 لكن عالت الى 7

[أبشه]

وفيه طريقه عطتنا اياها الدكتوره عشان تتأكدين ان حلك صح
وهي :
انك تضربين الناتج بعد القسمه في (البســط) لكل فرض
3في 1 =3
3في 1=3
1في 1 = 1
3+3+1=7
وبسس

[أبشه]

قووولي اذا مافهمتي :)

[انسه فوشيا]

يافديتك وربي ليت كل الناس مثلك مشكوره يالغلااا الله يجزاك خير

واسأل الله ان يوفقك من حيث مالقيتي وجهك

وربي شرحك واضح ويجنن مره قسم ريحتينى ربي يريحك كنت شاله هم المسأل ومن بيشرح لي

الله يوفقك ياقلبي

<< اليوم راح اجلس ع المسائل وامشي ع طريقه شرحك

بس سؤال يالغلا نتي انتساب ولا انتظام ؟

[انسه فوشيا]

ابشه يالغلااا

مشيت مع شرحك وربي فهمت المسائل اللي كانت اكبر همي ربي يفرج همومك ويوفقك

بس فيه نقطه ماعرفتها وهي تصحيح المسأله ممكن توضحينها<< وربي منحرجه منك

[أبشه]

آنسه فوشيا ،، لي عوده ..
أرتب معلوماتي واجي :)

[أبشه]

المسأله الصحيحه :
يعني << السهام على قد الورثه
مثل: توفي عن زوج -4 أخوات شقيقات -
أصل المسأله : 6
زوج: 1/2 6 تقسيم 2=3
4 أخوات ش : 2/3 6تقسيم 3 =2 (2 ضرب البسط (2)) =4
الأخوات عددهم (4) والسهام (4) يعني المسأله صحيح ومايبي لها تصحيح
__________________________________________________ ________
* ملاحظه مهم ياآنسه فوشيا دائما اذا شفتي أكثر من شخص مشتركين في النصيب تضربين ناتج القسمه في البسط مثل هنا عندنا 4 اخوات ولما قسمنا على 6 طلع 2 ضربنا في البسط اللي هو 2طلع (4)

[أبشه]

المسأله اللي يبي لها تصحيح:
أنك تشوفين السهام ماتنقسم على الورثه مثلا يكونون 9 بنات والسهام 6 كيف تقسمينها عليهم ؟
أولا :تشوفين عددهم وتشوفين عدد سهامهم هالعددين فيه شي يجمعهم :
مثلا (4 بنات والسهام حقتهم 8) رقم (4) و(8) في بينهم علاقة ؟
أذا مالقيتي علاقه فهذا معناه انهم بينهم (تباين)
واذا لقيتي بينهم علاقه بأنهم ينقسمون على بعض فهذا اسمه (التداخل)
واذا لقيتيهم ماينقسمون على بعض بس في عدد ثالث يقسمهم اثنينهم هذا اسمه (التوافق)
واللي يهمنا احنا التوافق والتباين
التوافق:
اذا كان عدد السهام ماينقسم على عدد الورثه ولكن فيه رقم ثالث يقسمهم :
تآخذين أصغر عدد يقسمهم مثلا : (12 و30) 30 تقسيم 2 =15 تقسيم 3=5
12تقسيم 2 = 6 تقسيم 3 = 2
تلاحظين اننا لقينا عددين يقسمون ال 12 و30 وهم (3و2) وال 2 أصغر من ال 3 فنآخذه
ونضربه في أصل المسأله اللي عندنا وفي كل السهام الموجوده وب كذا طلعت لنا أصل مسأله جديده وسهام صحيحه وصححنا المسأله
__________________________________________________ ____
طيب اذا كان مالقينا اي رقم يقسم (عدد السهام وعدد الورثه ) يعني بينهم (تباين) :
في هذي الحاله تآخذين عدد الورثه نفسهم اللي مشتركين في نصيب واحد وتضربينه في اصل المسأله وفي السهام وتطلعين أصل جديد ومسأله صحيحه. يعني لو كان عددهم (7) وسهامهم (3) 7 و3 مابينهم ابد علاقه ! فتاخذين عددهم اللي هو (7) وتضربينه في كل المسأله
__________________________________________________ _____
طبعا فيه شي مهم وهو انك بعد ماتطلعين (الناتج ) لازم تقسمينه على الورثه المشتركين وتطلعين كل واحد منهم كم ياخذ بالضبط وهذا اسمه (جزء السهم ) يعني قيمة السهم لكل واحد منهم

[sιlєит ṡσυl]

ماشاء الله و الله يعطيكم الله ع تعاونكم
واللي تذكر اسئله سنه 3 ياليت تقوله عشان الكل يستفيد

[أبشه]

آنسه فوشيآ اذا انتي تدرســك د. وداد الخان فأطمنك انها قالت انها ماراح تجيب مسائل غير اللي في الكتاب فقط
موووفقه ^^