حل جذري لتعديل الشهادة من انتساب الى تعليم عن بعد

[طلال1391]

الانتساب المطور اقوى من التعليم عن بعد بعدين التعليم عن بعد له ضوابط منها الاختبار ليس في قاعات الاختبار وانماعن طريق الحاسب بعدين جميع جامعات المملكة نفس نظام جامعة الملك فيصل وتمنح الخريج شهادة انتساب

[عبدالله الرشدان]

أصلاً كل واحد فينا ألتحق بالجامعة وهو عارف أنه أنتساب ، ومع ذلك أشوف تضارب وتناقض وأختلاف في الآراء ووجهات النظر
أصلاً المشكلة الأولى والتي ينشأ منها أغلب المواضيع ؟ وهي للأسف أن البعض أصبح أسيراً للرأي العام
وهذا من الثقافات الخاطئة ،
هالموضوع تناقشنا فيه مليوووون مرة
ومع ذلك ينعاد ويتكرر بدون اي مردود إيجابي ..!!!
ولو تحقق هذا المطلب راح ينفتح موضوع جديد ومطلب آخر
ومهما تحققت الرغبات والمطالب مثلما حصل سابقاً لمطالب سابقة ، فلن يملأ
جوف ابن آدم إلا التراب !

يأمل دنيا لتبقى له فوافىَ المنية دون الأجل
حثيثاً يروي أصول النخيل فعاش النخيل ومات الرجل

أدعوا الله أن يختار لكم خير من أختياركم لأنفسكم ؟
تحياتي لكم ،،،

[loler]

يااخوان والله انكم تتجادلون في حلقة مفرغة والسبب البيروقراطية السقيمة الي تنتهجها الوزارات في قرارتها وطريقة التعامل معها ووضع آليات صحيحة لكل مسلك تعليمي لكن نجد اغلب الجامعات طبقت نظام الاعمال الفصلية والبعض لازال يختبرك علي مجهودك بورقة واحدة ونجد لكل جامعة لها مسمي مختلف من جامعة لجامعة .. هنا موطن التخبط في جامعات يدورونها دكاترة واصحاب سعادة ومعالي كل واحد يسمي بكيفه وينتهج طريقة التعليم الي تعجبه وتريحه
والان ... الخدمة المدنية تصدر تعميم بأنهاء برنامج الأنتساب والتعليم عن بعد والانتساب المطور ..بقرارة نفسك تتأكد انه قرار ارتجالي في الاصل من الأساس وبسبب تعنت وزارات من عدم التعين وبسبب رفض جامعات قبول طالب المنتسب او تعليم عن بعد ايآ كان اسمه بأكمال دراسته للدراسات عليا ..الان هنا كل واحد يبرفع قضية وبيشتكيه وبيطالب بحقه الي مافي نص مادي او قانوني يقول لايحق له التوظيف بالكادر التعليمي او اكمال دراسته العليا وبيدخلون في معمة وانت بيروح عمرك وباقي لاانت الي نلت بلح الشام ولاعنب اليمن ؟؟
وبمايتعلق من قوة شهادة تعليم عن بعد من الأنتساب ياغالي انا اقولك هذا يتعلق في الدول الي تحط خطط استراتجية وناس عارفه ايش تبغا من هذه الدراسه ومن هذه التخصصات ..لانه نلاحظ كل التخصصات الي ندرسها نظرية .. فلااسمع يقول الشركات العالمية تفضل دراسة عن تعليم عن بعد من الانتساب وانت دراستك تخصص لغة عربية.. سابك وارمكو وبترو رابغ تبي مهندسين او فنين والوظائف الأدارية قد توزعت بينهم بين بارك الله فيك ..ماعندك غير ديوان الخدمة ويقولك اهلا فيك مقبوله شهادتك ووزارة العمل تقولك اهلا فيك مقبوله شهادتك والقطاعات العسكرية تقولك اهلا فيك وشهادتك مقبوله ...فوالله مادري ويش الغايه من مطالبة بتغير مسمي وهم بالأًصل بيلغووو البرامج الثلاثه كلها وتحويلها للجامعة الألكترونية يعني ماعندهم في الاساس الوحي الي نزل للمؤيدين لموضوع التغير والأقتباس بدول اخرى وبقبول الشركات العالمية لكلمة تعليم عن بعد دون سواها ومفاضلتها عن الانتساب وكلنا تخصصنا جغرافيا ..بارك الله فيكم
تخرجووا وشدو حيلكم والله يرزقكم بالوظائف الطيبة الي توفرلكم حياة كريمة وترزقون بذرية صالحة ..

[جمال الروح2]

المفروض يسمونه انتساب مطور مش انتساب كذا اما عن بعد مااحس بفخر ابببد

[بنتوو لعبدالله]

مش موافقه

[طموح فتاه]

المشاركة الأصلية كتبت بواسطة rooz musk

.
.

أنا ضد تغيير المسمى ..
الإنتســـــاب أفضل من كل النواحي ..
عيني في عينكم لا تنكرون المناقشات الأغلب ينسخها والواجبات كذالك
والإختبـــــاراااات أغلبها مكرره من نفس الأعوام السابقه ...
أقول الانتساب أفضل بكثيييير من التعليم عن بعد بهذي الطريقه العقيمه

مو أغلب الاختبارات مكرره كثير مواد اسئلتها تعجيزيه ومواد اختياراتها متقاربه
أجل فيه جامعات الدكتور يعطي الطلاب ملزمه من 25 ورقه يذاكرها والاسئله تجي منها مع نموذج اسئله
والطلاب معدلاتهم ماتنزل عن 4.25 بسبب سهولة الدراسه ومسمى شهادتهم انتساب

[حماااده]

انا اشوف الموضوع ما يحتـاج ( راي ) في الاصل !
واعجبـ لوجود الاختلاف.. وردي سيكون تشخيص الوضع الحاصل هنا مو في الحديث عن الموضوع

اشبـه اختلافكم مثل اللي اذا جاء فلان يقول ( اعطيك ريالين ونص وتشتغل كذا وكذا ) او اعطيك 10 ريال وتشتغل نفس الشيء ) ولك الخيار !! صحيح اني برفض كلاهما ، بس اذا انا مجبر اختار .. فاكيد ساختار الاكثر ! وهنا لا يوجد راي !

اسباب الاختلاف التي اظهرت الرآي الثاني ! وتعبيرها ( بالراي الثاني اكثر تلطيفا ) ولا هو ليس راي < ديكتاتوري الجينات:


السبب الاول : الموضوع في تصور البعض فيه كمية نقص معلومات
وكيف يجي هذا النقص !
في المثال السابق .. هو شاف ( الريالين والنصف ) وشاف العشره < ولا عرفها ! شكل العشره ريال والوانها غريبه عليه .. ففضل اللي فيه ( نصف ) xd .. فرفض العشره لانها ما يعرف شكلها ههههه


السبب الثاني :لاشاعات اللي تلقوها .. هي تعتبر من ضمن ( نقص المعلومات ) بس نضعها في سبب مستقل
وكيف تجي في مثالثنا السابق
في ناس تعرف ان قيمة ( العشره اعلى من الريالين والنصف ) .. ولكن لان قلبه معلق بالاشاعات .. فان تعلقه بمعلومات اخرى خاطئه هي النقص ..يقول في نفسه من يملك العشره سيلقى حتفه لانها ملعونـه ! .. كعادة الانسان التعلق بالخرافات ، والخرافات ( اشاعات يسلم لها بدون براهين )


السبب الثالث : قصر النظر في هذا (الواحد اللي يعطي ويصنف على كيفـه) ، انت مجبور على التعامل معه
فاذا اخذت العشرة اعتبرها مثل الريالين والنصف ..



الان العلاجات :
علاج السبب الاول ان ( تقرأ وتفهم )
علاج السبب الثاني : ( ان تسد اذانك وتؤمن بما تبين لك)
علاج السبب الثالث : ( ان تعلم بان الحال سيتغير للحقيقة ) وهذا العلاج غير فعال لان قصير النظر يظل حاله كما هو
^^
^ اكتشفت بعد هالعلاجات اني اصلح كاتبـ مواد دين

معلومات ساذكرها:
-الجامعات المنتظمه في الدول الغريبه بعضها متوجه ان يكون بعض موادها تعيلم عن بعد .. وايضا لا تختبرهم اختبارات نهائيه وثلاث ارباع مجرد قدم بحث ( واسألوا اقاربكم المبتعثين !) ! ( معناها ان الاختبارات النهائيه تعتبر فاشله بالوقت الحديث = الانتساب مجرد اختبارات نهائية )

-الجامعة الالكترونية السعوديية تعتبر شهادة منتظم وليست شهادة تعليم عن بعد

- التفاضل في المناصب في العمل يمشي معك طول حياتك الوظيفي وليس الحالي ،

-----------
ولو سألنا هل تحمل 100 كيلو او 4 كيلو .. ما هو الاخف ؟ وترى النتيجة بنعطيك شهادة اسمها انك حملت الاوزان !
وش تفضل ؟!



.. وانا الان اصبحت من مناصيرين الديكتاتوريه .. واشوفها مناسبـه افضل من الديمقراطيـة بعد ما شفت هذا الموضوع

[عمر14]

المشاركة الأصلية كتبت بواسطة طموح فتاه

مو أغلب الاختبارات مكرره كثير مواد اسئلتها تعجيزيه ومواد اختياراتها متقاربه
أجل فيه جامعات الدكتور يعطي الطلاب ملزمه من 25 ورقه يذاكرها والاسئله تجي منها مع نموذج اسئله
والطلاب معدلاتهم ماتنزل عن 4.25 بسبب سهولة الدراسه ومسمى شهادتهم انتساب

على أي اساس اعتمدت ان الاختبارات مكررة وما نسبت التكرار ....... انتو طلبة من نفس الجامعه والا ناشطين في الملتقى بس واي ملزمة 25 ورقة ماشاء الله ... اذا كان المحتوى للماحضرة الواحدة يصل احيانا فوق 23 صفحة .

[طموح فتاه]

المشاركة الأصلية كتبت بواسطة عمر14

على أي اساس اعتمدت ان الاختبارات مكررة وما نسبت التكرار ....... انتو طلبة من نفس الجامعه والا ناشطين في الملتقى بس واي ملزمة 25 ورقة ماشاء الله ... اذا كان المحتوى للماحضرة الواحدة يصل احيانا فوق 23 صفحة .

انا ماقلت ان الاختبارات مكرره صاحبة الرد الأساسي قالت ان اغلب الاختبارات مكرره وكأنها تقول ان مسمى شهادة انتساب
وكثير علينا
فيه جامعات نظام الدراسه سهل جداً ومسمى الشهاده مثلنا انتساب
عندنا مواد نذاكر من كتاب ومن ملزمه واذا تقصونا في المشاركه نعجز يجبرون لنا الدرجات

[اسمرني]

تم التصويت