للي نأوي يعادل مواد ,,, سرعة الدخول و رفع معادلة المواد ,,, للفصل الدراسي الأول لعام 1435هـــ + شرح طريقة المعادلة ....

[o_lg_ll]

يا جماعة بالنسبة للي يستفسر عن شهادته هذي يقبلونها والا لا


الافضل افتحو موضوع في القسم

واكتبو استفساركم


اكتبو ان معكم شهادة من المكان الفلاني وهل سبق واحد عادل هذي الشهادة في جامعة فيصل انتساب

واكتبو كيف نتواصل مع الجامعة ونعرف ان شهادتنا معترف فيها ونقدر نعادل فيها مواد

وان شاء الله تلقون الجواب


وبس خلاص

[o_lg_ll]

المشاركة الأصلية كتبت بواسطة دمعة قصيد

هلا اخوي

ممكن اعرف كيف عرفت المواد اللي تعادلت لك ؟؟

لأني من المستوى الاول طالبة معادلة وماني عارفة كيف اعرف بقبول المعادلة ام لا ؟

اوووووووووووه

انتي بالذات خليت لك رد لحالك


انا ياطويلة العمر والسلامة قصه قضية


انا يوم فهمت معادلة المواد بهذي الطريقة ماكان عندي مانع وفكرت ان معادلة المواد راح تنزل بسرعه

هذي نقطة



النقطة الثانية قلت لهم في مواد مو نفس الاسم و لا نفس الوصف بعد وناس عادلوها

انا في هذي اللحظه فهيت

قلت طيب علموني شنو المواد الى اقدر اعادلها بشهادتي

محد قدر يقولي هذي المادة تعادلها بهذي

وهذي المادة بهذي الخ الخ


قمت رحت الجامعة ورفست الباب وقلت لهم ياجماعة هذا شهادتي علموني شنو المواد الى اقدر اعادلها انتو لحسه بصراحه

والكل في الجامعة يتفلسف وماندري الدكاتره هم الى يدرون



حست الدنيا ودخلت على عميد كلية الاداب

وقالي شوف هذا الرجال يخدمك وابد رسلني على مسئول الانتساب حق المعادلة وقالي هذي وهذي وهذي

وتمت المعادلة وانتهينا


انا لو معادل المواد عن طريق النت كان ماتمت المعادلة الا بعد المستوى الثاني او الثالث ويمكن تطول

هم كذا زفت

بس انا رحمني ربي ان فزع لي عميد كلية الاداب وفكروني واسطه وانا رايح ناشب لهم في حلوقهم وتمت المعادلة بسرعه


ارجع واكرر انا ماني واسطه انا فقط مشت معي بقدرت قادر



بس هذي كل القصه ولا تعلمين احد ....

[S0ma]

السلام عليكم .. طيب يحسبو درجة الماده في المعدل ولا

[كرز الشتاء]

السلام عليكم

لوسمحتوا أنا معاي دبلوم دراسات إسلاميه ومعاي دبلوم تقنيه مكاتب هل بامكاني أعادل موادي لدبلوم الدين والحاسب حتى ان مواد مستوى ثاني يمكن مادة أو مادتين لو جيت أعادلها وبقية المواد في مستوى ثالث ورابع الله يحفظكم تكفون وضحوا لي كيف يصير أعادل ضـــــــــــــــروري .............

[Saudi man]

المشاركة الأصلية كتبت بواسطة o_lg_ll

مدري

بس الى حابب اوصله لك

انا كلية تقنية وعادلت 3 مواد

عاد مدري والله عن وضعك انت وشهادتك

غيري يجاوبك



تواصل مع الجامعة

او اي احد في المنتدى هنا مثل شهادتك وسبق وعادلو له يقولك

افتح موضوع واكتب استفسارك


اكتب في الجدول المواد الى درستها انت سابقاً الى من المخبز

واكتب عدد ساعاتهم واكتب تديرهم كم

فهمت ؟؟

وش المواد اللي عادلتها لاني مثلك كلية تقنية ؟؟؟

[❀⊰ ريشة العلم ⊱❀]

شكرا جزيلا لك يا أخ o_lg_ll وجزاك ربي كـــــل خير
فهمت كل كلمه كتبتها ووضحتها ، والله ينورد دربك مثل ما نورتنا في موضوعك
وأنا سألت عن الشهاده الاصليه لأن البعض يقولو لازم نرسلها ، لأنه مستحيل نرسل السجل والوصف فقط
ولأن عندك خبره وخلفيه فكرت بسؤالك وقلت يمكن تفيدني وفعلا افدتني

وعندي سؤال أخير من فضلك:
لدي عدة مواد أرغب بمعادلتها موزعة على مستويات الدراسه الثمانيه ، فهل يلزمني معادلتهم دفعة واحده ؟
أم يمكنني طلب المعادله بداية كل مستوى؟

والله يسهل أمرك ودراستك
ونشوفك من المتخرجين بأعلى معدل إن شاء الله

[o_lg_ll]

المشاركة الأصلية كتبت بواسطة saudi man

وش المواد اللي عادلتها لاني مثلك كلية تقنية ؟؟؟

شوف الاكيد الاكيد وهذي خذها مني اذا انت كلية تقنية


ثقافة اسلامية بـــــ تذوق ادبي

الاحصاء بــــــ مبادىء الإحصاء

مقدمة تطبيقات الحاسب الالي بــــــ برامج االحاسب المكتبية


طبعاً انا محاسبة وداخل قسم انجليزي في جامعة فيصل

اما لو داخل قسم ادارة اعمال كان يمكن عادلت اكثر من هذي المواد بكثير

بس انا تخصصي انجلش هذا الى عادلو


هذول المواد اذا درجتك جيد ومافوق عادلهم اكيد يتعادلون

يعني لاتدرسهم لا مستوى ثاني ولا ثالث حتى لو توصل مستوى ثامن حتى بعد التخرج اطلب معادلة لمن عاد يحنون عليك وتتم المعادلة .....

[دمعة قصيد]

المشاركة الأصلية كتبت بواسطة o_lg_ll

اوووووووووووه

انتي بالذات خليت لك رد لحالك


انا ياطويلة العمر والسلامة قصه قضية


انا يوم فهمت معادلة المواد بهذي الطريقة ماكان عندي مانع وفكرت ان معادلة المواد راح تنزل بسرعه

هذي نقطة



النقطة الثانية قلت لهم في مواد مو نفس الاسم و لا نفس الوصف بعد وناس عادلوها

انا في هذي اللحظه فهيت :looking_anim:

قلت طيب علموني شنو المواد الى اقدر اعادلها بشهادتي

محد قدر يقولي هذي المادة تعادلها بهذي

وهذي المادة بهذي الخ الخ


قمت رحت الجامعة ورفست الباب وقلت لهم ياجماعة هذا شهادتي علموني شنو المواد الى اقدر اعادلها انتو لحسه بصراحه

والكل في الجامعة يتفلسف وماندري الدكاتره هم الى يدرون



حست الدنيا ودخلت على عميد كلية الاداب

وقالي شوف هذا الرجال يخدمك وابد رسلني على مسئول الانتساب حق المعادلة وقالي هذي وهذي وهذي

وتمت المعادلة وانتهينا


انا لو معادل المواد عن طريق النت كان ماتمت المعادلة الا بعد المستوى الثاني او الثالث ويمكن تطول

هم كذا زفت

بس انا رحمني ربي ان فزع لي عميد كلية الاداب وفكروني واسطه وانا رايح ناشب لهم في حلوقهم وتمت المعادلة بسرعه


ارجع واكرر انا ماني واسطه انا فقط مشت معي بقدرت قادر



بس هذي كل القصه ولا تعلمين احد ....

حلو انها تعادلت لك المواد الله يوفقك

يعني برايك لازم اروح الجامعه واطلب معادلة المواد ؟

وثاني شغله احس انها تعادلت لي مادة لأني دارسة دبلوم حاسب وابي تتعادل لي مادة تقنية المعلومات 1 لأني دارستها ..

وثالث شغلة اشوف يطلعلي كذا وما فهمت المقصود :

الوحدات / الساعات الدراسية المحولة التي قبلتها الجامعة
رقم المقرر اسم المقرر الوحدات/الساعات الدراسية
1700101 اللغة الانجليزية
0607201 تقنية المعلومات (2)

يعني هذولا اللي تعادلوا لي او ايش سالفتهم ما ادري ..

يمكن تفيدني وسوري عالاطالة .

[o_lg_ll]

المشاركة الأصلية كتبت بواسطة *~ ريـشة الـ ع ــلـم ~*

شكرا جزيلا لك يا أخ o_lg_ll وجزاك ربي كـــــل خير
فهمت كل كلمه كتبتها ووضحتها ، والله ينورد دربك مثل ما نورتنا في موضوعك
وأنا سألت عن الشهاده الاصليه لأن البعض يقولو لازم نرسلها ، لأنه مستحيل نرسل السجل والوصف فقط
ولأن عندك خبره وخلفيه فكرت بسؤالك وقلت يمكن تفيدني وفعلا افدتني

وعندي سؤال أخير من فضلك:
لدي عدة مواد أرغب بمعادلتها موزعة على مستويات الدراسه الثمانيه ، فهل يلزمني معادلتهم دفعة واحده ؟
أم يمكنني طلب المعادله بداية كل مستوى؟

والله يسهل أمرك ودراستك
ونشوفك من المتخرجين بأعلى معدل إن شاء الله

شوفي ياحلوه لا تتسطرين الحين
انسى موضوع ترسلين شهادتك وشيبون فيها راح يوظفونك هم

-----------------------------------------------------------------------------------------------------

ركزي معي في موضوع موادك


طبعاً الحين انتي رايحة لمستوى ثاني ومن مستوى ثاني الى أخر مستوى

الجامعة ماراح تسجل لك موادك

انتي تسجلين موادك بنفسك يعني تحذفين هذي المادة وتنزلين مادة ثانية بدالها

تجيبين مادة من مواد مستوى سابع وتدرسينها في مستوى ثاني ,, عادي محد راح يقولك لا ,, موادك وكيفك

-----------------------------------

في المعادلة انتي وشتسوين ؟؟

اي مادة تشوفينها تتعادل تروحين تكنسلينها من خططك الدراسية

يعني مادة من مستوى ثاني لاتدرسينها كنسليها مادة من مستوى ثالث نفس الحكاية الخ الخ

لمن يحنون ,, ويطبطبون عليك ,, وينزلون لك المعادلة


يمكن يعادلون لك المواد لمن تروحين مستوى ثالث ممكن في مستوى رابع ينزل عليهم الوحى ويعادلون لك ممكن مستوى ثامن

ترا جد اتكلم ما اتريق

في نأس الى يومك هذا ماتمت المعادلة

----------------------------------------

انتبهي المعادلة فقط تتم مره واحده

يعني اجلسي مع نفسك
خبلي في نفسك
روقي مع نفسك بفرنش كوفي كذا وحركتات واصنفي مع هالبرد ورتبي وخططي المواد
عصبي وسطري الى حواليك


اذا خلصتي ,, ارفعي المعاددلة وحطي في بألك انها لمرة واحده فقط

يعني جمعي كل المواد الى تبين تعادلينهم لمره واحده فقط


بالتوفيق

[o_lg_ll]

المشاركة الأصلية كتبت بواسطة كرز الشتاء

السلام عليكم

لوسمحتوا أنا معاي دبلوم دراسات إسلاميه ومعاي دبلوم تقنيه مكاتب هل بامكاني أعادل موادي لدبلوم الدين والحاسب حتى ان مواد مستوى ثاني يمكن مادة أو مادتين لو جيت أعادلها وبقية المواد في مستوى ثالث ورابع الله يحفظكم تكفون وضحوا لي كيف يصير أعادل ضـــــــــــــــروري .............

اقري الردود الى في الموضوع