[ اسئلة اختبارات ] : اختبار بحوث الأعمال "ظاهره الرحمة وباطنُه العذاب" !!

[اداريه]

المشاركة الأصلية كتبت بواسطة Dr. Diamond

أقول الله يكفينا من شر الدوافير اللي ماوراها إلا كسر المجاديف وتحطيم آمال الناس اللي ظروفها لا يعلم بها إلا الله.

تكفى تكفى يابو تركي خل الناس تفك أسرها من اللي هي عليه ، وأحمد ربك على ما أعطاك من ذكاء وحفظ وحسن الحال.

لا حول ولا قوة إلا بالله ، ناس عاطلة عن العمل وتبحث عن هالشهادة لعل الله يفك قيودهم ويعولون والديهم ، وناس تبي تحط لهم حفر عشان تحطم لهم الآمال.

إنا لله وإنا إليه راجعون

على العموم كانت أسئلة الدكتور كافية ووافية ، ومن قال إنه جميع الأسئلة أجوبتها (أ وَ ب / جميع ماذكر ) فهو غير صحيح ، بل بالعكس فيه أجوبة كانت فيها أ وَ ب لكن إجابتها ماكانت هي ولا أذكرها كله لكن أذكر وحدة منها اللي كان سؤالها عن "السلاسل الزمنية" فلا تظلمون الدكتور على ماتقولون إلا بعد ماتتأكدون.

وصلى الله على نبينا محمد

^^^
ناس عاطله وحاطين Dr وناس عاطله واداريه هههههههههههه الله يحقق احلامنا
بس انا ممكن تصير اداريه بس انت/ي شلون تصير دكتووور

[فاكهة النجمة]

دقيق الاسئلة روحوا راجعوا ولا أقولكم انبسطوا بس خبروني بعد ماتطلع النتيجة

قال سهلة قال د. عبدالرحمن الحماد معروف بدقة الاسئلة

[medovip]

لاحول ولا قوة الا بالله
-----------------
الاسئلة ممتازة والدكتور بيض الله وجة وفعلا بعض الناس ماتدري اساسا وش يبي

[اداريه]

المشاركة الأصلية كتبت بواسطة فاكهة النجمة

دقيق الاسئلة روحوا راجعوا ولا أقولكم انبسطوا بس خبروني بعد ماتطلع النتيجة :cry111:

قال سهلة قال د. عبدالرحمن الحماد معروف بدقة الاسئلة

جد والله انا معاك ب هالشي دقيقه الاسئله حيل ومو كلها جميع ماذكر لان ماجاء نصأ من المحتوى باقي الاجابات

[أم علاوي]

أن اكرمت الكريم ملكته... وأن اكرمت اللئيم تمرد

[حبروك]

اتفق معك بالسؤال اللي ذكرته ما تدري تختار أ و ب او جميع ما ذكر ..عني حطيت أ و ب ما دري وش نظامهم كيف يحسبوها

الاختبار حلو ومستواه متوسط ترى مو بذاك السهوله

بعض الاسئلة غامضة وعددها قليل كذلك جايب اسئلة جديدة ولا سبق كررها بالاترام الماضية واشوف اختبار الترم الماضي اسهل بكثير

اشوف الشباب معي باللجنة مبسوطين ويرقصون طرباً على سهولة الاسئلة وانا مدري وش جاني بأول ساعة قعدت اقلب بالاوراق ولا ادري وش السالفة شوي واقول انا مين انا فين خخخخخ

حتى قبل الاختبار كنت بصلي العصر فلقيت واحد جاي متاخر معي قلت له خلنا نصلي جماعة فقدمني الرجل للأمامة لما رأه من تقوى وصلاح تشع من وجهي النير

رفضت التقدم فسأل عن السبب جاوبته لا إراديا انا ماني ع وضوء ههههههه وانا موضي والله بس مدري وش جاني انلخمت عاد رحت قدامه كنت بوضي وسلكت الامور بحمد الله


الزبدة الدكتور ما قصر واتوقع بأذن الله درجتي ع الاقل a ولو جات اقل من كذا بكسر الجامعة ع رؤوسهم

[أبو محمد 32]

المشاركة الأصلية كتبت بواسطة أبو تركي الرياض

بسم الله الرحمن الرحيم


في الحقيقة لم أود كتابة هذا الموضوع .. ولكن مادعاني لكتابته هو تكرار وجود خيارات (أ،ب) و (جميع ماذكر أعلاه) و (وليس مما ذكر أعلاه)

في اختبار بحوث الأعمال .. فهذا الاسلوب في الاختبار ماهو إلا إستهتار وعدم الإهتمام في الطالب و التعليم فهذا الاسلوب لا يعكس مدى فهم الطالب للمنهج

ولا يخدم الطالب الجامعي .. ويسبب تشتت وتداخل في المعلومات


فهل يعقل اختبار اجوبته 95% منها (أ،ب) و (جميع ماذكر أعلاه)

هذه مهزله في حق الجامعة بكل ماتعنيه الكلمه من معنى !!

أين إدارة الجامعة تشاهد طريقة الأسئلة التي توضع بهذه الطريقة المستفزه !!


كذلك وجود أخطاء في اختبار بحوث الأعمال

ومنها السؤال رقم 17 بنموذج e





يجب على إدارة الجامعة تكوين لجنة خاصة في مراجعة الأسئلة قبل اعتمادها


ولا حول ولاقوة إلا بالله العلي العظيم

أبو تركي ليتك ساكت

الدكتور يهمه ان المعلومه ترسخ وانت يا أخ مصطفى تبي التعقيد

بدال ما تقوله جزاه الله خير اللي يهمه وصول المعلومه مواده تثقيفيه بشكل عام بحوث الاعمال واخلاقيات الاعمال

[رافايللو]

انا حسيت الاسئلة صعبة

ودقيقة مرررة

اتوقع اغلبكم نص حله غلط

[اداريه]

نهايه الاختبارات بسوي تجمع درجات بحوث الاعمال وبشوووف الناس اللي يقولون سهل كم جابوا

[الزعيم2]

بصراحة الدكتور الحماد ماقصر بيض الله وجهه

الرجال ماكذب عليكم وقال الحل في متناول الجميع

لمن ذاكر المادة واستعان بأسئلة الاترام الماضية

اسلوبة واضح ومافي اي من اللف والدوران

يا اخي ارجوا ان تراجع نفسك فيما كتبت وان لا يصل خبر للدكتور عن ماكتبتة

والا سوف يكون هناك ضرر لمن ردة فعل الدكتور على من سوف يأخذ المادة حيث من المحتمل تغيير اسلوبة

للاسوء وخصوصا انة يدرس كذا مادة مثل اخلاقيات في المستوي الثامن

الله يرضي عليك لا تكبر الموضوع

ماعرفنا لكم اذا عقد الاسئلة انزعجتم واذا سهلها تذمرتم

الله المستعان