 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
2010- 8- 13
|
#81 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقة الرابعه و الثلاثون :
" حـــــــــــــــ أسطوري ــــــــــــب " هـذي عيونـي قبـل لاقـول ../ جاتـك تبكي المسافة / والصبـح / وامنياتـي .. يالهف حال اللـي .. حيابـك ! وماتـك ! فرقاك .. كلمة / مختصرها : .. مماتي ..! ياقـو قلبـك .. لاا .! ...... يـاقـو ذاتــك من غاب طيفك .. والحصيلة : رفاتـي ..! && مـــــــــاجــــــــد && عقبك الدنيا عساها ما تكون ... واشحلاها غير شوفك يا غرااام.. يشهد الله مسكنك وسط العيون ... وانك اول من صحي فيها ونام.. لو تبي من عمري ايامه تموون ... فدوتك عمري ولا فيها كلام.. مالي خلق ارد البيت .. بدونهاا الحياة مالها طعم .. كله مني لو اني تحكمت باعصابي كان ماصار اللي صار .. حبكت يعني هالطريقه .. ليه دايم بدال لا اقربها مني ابعدهاا .. ابي الزين اقوم اصلح الشين .. مليت من نفسي و حالي ,, حتى اخلاقي صايرة شينه .. لو ما ذاك اليوم المشؤم .. كفايه بعدهاا و هي قريبه و اني ما عدت اتحمل قربهاا بداخلي الف احساس و امنيه اني المسهاا اضمهاا .. احس بكييانهااا .. دخلت عليها حجرتهاا بعد ما قفلت مع منور وتركت الشباب و جيتها .. شفتها وهي شلون تشيل روب الحمام عنهاا بعد الشور اللي خذته , وجالسه تتدهن من العطر و الدهن و المرطب .. اغراء .. فتنه .. ايه فتني كل شئ فيهااا جمالها سحر يجذبني لهاا .. صوتهاا يحسسني وش كثر تحمل من حنان .. و اخلاقها مع الكل باستثنائي مابه مثلهاااا .. و الحين جسدها كأنها ملكان,, عارضة ازياء ما ابالغ .. فتني و اغراني ,,انا رجال يا نااس احس لو ما حسيت ما اكون انسان .. وهي ما غير تعاندني .. تعاند رجولتي .. كنت بخوفهاا بس عشان تعرف اني الرجال اللي ينسمع كلمته ,, قسم بالله ماانويت ابد اعاملهاا هالمعامله حتى وانا باشد عصبيتي ,, يمكن لاني بغيت المسها باي طريقه حتى لو بالقوة بس مستحيل اخذ منها شئ وان كان حق من حقوقي بالعنف .. اذا يوم خبرتني انها مهي بمسؤله عن اكلي و شربي و ثيابي ما ناقشتهاا وسكت اجي الحين اخذ اعز شئ لها,, و الحين وقت اللي حبيتهاا اقوم اخذ منها شئ غالي بهالطريق لااا مهوب ماجد اللي يسويهاا .. ما دريت ان بيصير هذا كله .. ظلت تخاف مني و كل مااقرب منها تنفر مني و احس بجسمها يبدء يتشنج .. ما تطيق تشوفني حاولت اهديها بعد ذاك اليوم بس هي ما تبيني .. ماااقدرت اشوفها تتعذب بشوفتي الى ان جاء يوم و قالت لي : طلقني ماابيك .. طلقني .. حياتي صعبت اكثر .. جلسنااا حوال الثلاث اسابيع .. على هالحال الى ان اخذتها عند هلي بالقصيم تغير جو و يوم رجعتنا الرياض عيت ترجع معي .. ما رضيت اتركهاا,, من يراعيهاا ,, اناا مااعرف اجلس بدونهااا وان ما كانت تطيقني بس همبعد ابيهاا .. تعبت يومهاا و طلبت امي مني اتركها عندهم و يوم تطيب اجي و اخذهاا سكت عالموضوع لانها جد تعبانه ,, غير خوفي لا تنطق قدام امي و لا ابوي انها تبي الطلاق .. بيوقفون معها .. ونا لو امووت ما اطلقك شعوله .. تركتها اسبوع و الله لو ما الشغل و الشفتات اللي ما خلتني اكون عندها لكن بالاسبوع الثاني رحت لهاا ونا كلي شوق و غرام لهاا .. شفتها هي و نجود جالسين بالساحه و ابوي و فهد على الحصان يدخلون المضمار .. شكلهم بيتسابقون .. قربت منهم بدون ما يحسون .. كانت مستانسه.. نجود : شعوله من بتشجعين ؟؟ انا بشجع ابوووي و انتي ؟؟؟ مشاعل : انا اشجع بابا ,, خذي فهد انتي ونا بابا .. اتفقناا .. نجود " بعناد " : لااااا انا ابووي و انتي فهد .. ماجد " عاد هنا طق كبدي من نجود ,, بكيفها هو .. قال خذي فهد " .. بعدين جاء ابوي وقرب بجنبهم نجود مسكت الحصان من راسه تمسد عليه و مشاعل بعدت عنه .. ضحكوا نجود و ابوي عليهاا .. نجود : شعوله ما بيأذيك .. تعالي .. مشاعل : لااا .. اللي تظنينه قريب و ما بيأذيك هو اللي لزوم تخافين منه .. الجميع استغرب كلامهاا اللي كان واضح من عيونها الباينه من لثمتها كأنها تقصد شئ ما حبيت اظهر لهم عشان لا يشكون بشئ ,, بس كلامها حز بخاطري ,,ظليت بمكاني اراقبهم .. شفت شلون يوم تضحك مشاعل قمرر ياناس تهببل .. يا حبيلك .. ضحكتهااا تلمس اطراف قلبي و تلعب به .. بالنهايه فاز فهد على ابوووي .. وهنا مشاعل : هيييييييييييييييييييي نحنا فوزنااااااااااا .. هههههه .. نجود : لا و الله اشوفك مستانسه يعني مب كأن انتي اللي قلتي انك تبين ابوي ترااا لو مااناا قلت لك خذي فهد كان الحين حنا الفايزين بس خفت لا ينكسر خاطرك .. مشاعل " بضحكه " : لا و الله فيكي الخير ياقلبي .. كللك ذوووق .. فين اودي جمايلك اللي مغرقتني .. قرب فهد لهم : كأني سمعت اسمي ؟؟ نجود "بسرعه علمته وش اللي قالته " مشاعل " مفتشله من فهد و قالت بصوتها الرقيق وهي متلعثمة " : فهد .. والله ما اقصد .. بس قلت .. يعني بابا .. فهد " يضحك " : شفيك ماابكلك تراا .. ماعليك تمونين مرة اخووي .. كرت ماجد "صحيح اني تضايقت من وقفتها مع فهد لكن استانست على وناستها و ضحكهاا .. شعولتي رقيقه و حلوة و خفيفة دم و سهلة المعشر الا معي وهناا وناستي راحت هبوب الرياح " ليش معي انا غير ؟؟؟؟ ,, مستحيل شعولتي تخوني بيوم حتى ولو ماتحبني .. طيب و اللي سولفت عنه يوم مرضهاا من كانت تقصد ؟؟ خطر ببالي ليه ما يكون ابوها و لا اخوها و لا عمها و لاحتى خالهاا ,, ايه معقوله ليش لاا بالذات ان منور تقول انها مشتاقه لاهلها بالحيل و مشاعل من شكلها و لبسها و مشيتها باين عليها بنت ناس ونا شفت حالتهم الماديه اوكي ايه اكيد احد يقرب لهاا ,, ونا ليه ما فكرت بايجابيه ليه فكرت بسلبيه " تركهم ابوي راجع عالبيت وقابلني بطريقه سلمت عليه و بعدها رحت لمشاعل و البقيه لما شافتني مشاعل رجعت على ورى بالظبط ورى ظهر فهد .. لو تدرون وش اللي خالجني وقتهاا انا زوجهااا .. انااا اللي احبهاا تخاف مني و تروح ورى اخوي فهد .. يعني تأمنه على نفسها ونا لاا .. حزنت من قلبي على حالي .. لفيت بوجهي و لا كأن شفت شئ .. ما بغيت فهد يحس ان اللي صار مقصود تميت مع فهد و مشاعل اختفت .. متاكد انها من شافتني راحت .. للحين ما نست .. تنهدت بتعب .. فهد "معقد حواجبه " : علامك ياخوي .. متضايق من شئ ,, حاس بشئ ؟؟ ماجد " بالم " : بموووت ياااخوي بموووت... فهد " بخوف " : علمني وشفيك ونا خوك .. ماجد " ربي بلاني بالحب اكثر من مرة وكل حب اردى من الثاني الاولى و تركتا عشان الثانيه و الثانيه بتتركني و السبه عنفي .. " : سلامتك ياااخوي .. الشغل لراااسي .. لراااسي .. " ونا بقلبي اقول الا الهموم لراااسي .. " .. فهد " ما صدقت ماجد .. اخوي و اعرفه ما يبين اللي بقلبه لاحد ابد .. لكني شفت بعيونه طيف شوق ووله وكانت نظراته تتجه للي وراي .. بس ابعد نظراته لاجل لا يبين قدامي لهفته لمشاعل .. يحق لك يااخوي .. الله يخليها لك و يوفقكم ويا بعض .. ماجد " رجعت الرياض خايب الرجااا .. كنت باخذها .. بس نظراتها و هروبها مني اكبر دليل انها للحين قلبها شايل علي .. كسرت بخاطري يومي أجيك بلهفتي محتــاااج.. عن العالم تمنيتك بأحزانـي معـي توقـف ! تحريتك و ناديتك و حـس القلـب بالإحـراج رجعت و خاطري مكسور و حزني فوق ما يوصـف ! ونا راجع الرياض سألتني امي ليه مااخذ مشاعل معي قلت لها وراي سفر هو صدق اني مسافر بس موب الحين الاسبوع الجاي .. فقلت لها خلها عندكم لما ارجع من السفر بجي اخذها بس الحين ماابي ان سافرت احاتيهاا ام فهد : انزين يمه تروح و ترجع بالسلامه .. قابلني ابوي عند الباب : وووين بدري يبه نام الليله و باكر روحوا .. ماجد : ما عليه يبه مرة ثانيه وراي شغل .. بو فهد : اليوم خميس ما فيه دوام ... ماجد : لا عندي اوفر تايم .. " ياشين الكذب " .. بو فهد " ما مشت عليه الكذبه .. يمكن بيختلي بمرته ,, لساتهم عرسان " : زين يبه .. مااشوف اغراض مشاعل .. يبه هي ضعيفه .. شل اغراضها انت ... ماجد " يبلع ريقه " : يبه مشاعل بتجلس عندكم . بو فهد " عقد حواجبه " : عسى ماشر ؟؟؟ ماجد : الشر ما يجيك ,, وراي سفره و ابيها تجلس هني عشان مااحاتيها .. بو فهد " مشاها بكيفه " : انزين روح انت فمان الله .. سلم ماجد على ابوه و راح .. وترك وراه قلبه .. مر الاسبوع الثاني ونا خايف اروح لها ترفضني .. كل يوم اتصل بأمي اكلمها و اطمن على مشاعل منهاا ,, مااطول معاهااا اخاف تعطيني هي و اخاف اكثر ان رفضت تكلمني .. مر الاسبوع الثالث ونا حالتي صعبه وتلاه الاسبوع الرابع و لا حياة لمن تنادي و هالاسبوع بيقفل عالخامس يعني فوق الشهر .. وهي تاركه البيت هذي ليه ما ترحمني و الله ما عاد امد يدي عليهاا ,, حتى لو تبي تلبس عباة الكتف ما بمنعهاا اللي تبيه بيصر بس ترجع لي .. مما بلمسها حتى بس اناظرهاا احس بوجودهااا .. فقدتك الله لايطول غيابك وش تنفع الدنيا بليا وجودك انا السبب من البدايه اهملتهااا و لا فيه احد يوم دخلته يهين عروسته ,, ما شافت مني الا كل شين .. مرتني هالاسبوع منيرة ما جلست معي وااايد .. شوي وروحت جابت لي معها عشاء و راحت .. ظنيت مشاعل جت معهااا .. بس للاسف كانت امنيه و شكلهاا صعبة التحقيق لو مرة بس تسامحيني .. اعز ما على الرجال رجولته ,, وانتي ما قصرتي بكلامك و الحين شلون ادوس عزة نفسي ونا دستهاا يوم رادين الرياض وقلت لك اااسف مية مرة و انتي تعيين علي .. دستها اكثر وانتي للمرة الثانيه ما تبين تردين لي و لبيتك ,,, يا سبحان الله الحين صار بيتها ما كأن انا قلت لها هذا بيتي مهوب بيتك .. الحين البيت و راعيه لك لك وحدك .. && مــــــــــشـــــــــــــاعــــل && تعلمت أزيف ضحكتي والقلوب أســـرار على إني بخير بعين من يجهل أحــــزاني يومين ونا افكر بكلام نجود .. محتارة .. صدقها نجود لمتى بظل كذاا ... اهلي و رموني لزوجي .. وزوجي ما يبيني .. بس ليه مااجرب ابدء حياة جديدة معاه .. اخاف يرفضني .. اصلاا بكل الاحوال انا خسرانه اذا رفضني و طعني بكون كذاا سويت اللي علي عشان ربي لا يلومني صدق بخسر كرامتي و قد خسرتها قبل .. .. ااااااه لو تدري كيف احيى بدونك .. انت ما تدري عن حياتي شلون مضت قبلك .. ماتدري شلي مريت فيه من حوادث من عمري 8 سنين على مااذكر كنت بثالث ابتدائي .. سوت لي ماما حفلة لنجاحي و المشكله ان الحفله ما حضرها صغار الا كلهم صديقاتها يعني انحسبت حفله علي بالاسم .. رحت لما مجلس الحريم و خذيت لي شوكولاة .. و انتبهت علي مااما .. خرجت و خرجت وراي مسكت يدي و ضربتني و قالت لي لا عاد تعيدينهااا ماانسى ذاك اليوم حفلة تخرجي و ما قدرت اشارك فيها كأنها جمعة اصدقااء ماما تحب المظاهر .. مع ان قلبي يقول انها طيبه .. ادري الكل يقول انتي طيبه بزياده .. بس صدقوني انا اللي عشت مع ماما هي طيبه تعطف على المسكين و تحن على اليتيم حتى انها تتبرع كثير .. و تبرعهاا ما كان مظاهر لاا .. لانها تحب تشوف الناس يضحكون.. الا اناا ليش يا ماما وش ذنبي بماضيك .. ذنبي هو اني مشاعل .. مشاعل اللي كرهتها ماما ... مشاعل اللي على قولت ماما دمرتها و حطمت حياتها حتى من قبل زواجها .. مشاعل سبب في معاناة ماما سنين .. لكن يا ماما اللي لزوم تعرفينه ان مشاعل غيررر غيررر .. بعد ما ضربتني بكيت و رحت المطبخ جتني شغالة جيراناا اسمهاا " فييني " كانت احن علي من امي .. تخيلوا شغاله من دوله ثانيه احن علي من امي .. حزنت علي و جابت لي شوكولاة لو تسألوني شلون بقول مااعرف .. سولفت معي و تلاعبني الى ان راحت و كنت ابكي بذاك اليوم عشانها رايحه .. بس وعدتني كل يوم بالظهر بتستناني عند باب البيت اجيها نلعب ويا بعض ... و هذا اللي صار كل يوم تصلح لي كيك و لا حلى عاد كنت صغيره وقتهاا .. و اموووت عالشوكولاة .. كل يوم امرهاا بعد ماما و بابا ياخذون قيلوله وكفيل فييني و زوجته بعد نلعب مع بعض ... مااحلاهاا من اياام " الابتسامه على وجههي يوم لمحت طيف هالايام و الذكريات الحلووة بسسس مسرع مااختفت لما تذكرت ذاك اليوم " .. بيوم غبت عن المدرسه كنت شوي مريضه مسخنه يعني .. خفت ماما ما تخليني اطلع الظهر اروح عند فييني .. يومها جت خالتي و طلعت ماما معها رايحين جمعيه .. قلت فرصه اطلع بسرعه و ارد عشان اروح عند فييني .. وصلت البيت و دخلت لان باب الفيلا مفتوح ورحت من باب المطبخ كالعاده لما نتقابل .. دخلت و انتظرت شووي يمكن خمس دقايق او اكثر مدري قد ايه انتظرت الى ان سمعت صوت شئ طاح و صرخه مكتومه .. خفت .. طلعت ونا ارجف الدرج .. ما كان فيه احد بالصالون اللي فوق .. سمعت صوت حركه رحت للحجرة اللي بابهاا شبه مسكر و الظاهر ما تسكر زين .. شفت اللي ما يخطر ببال احد .. " بدء جسمي يتشنج لما بدءت اذكر الموقف و دموعي نازله " .. شفت فيين ف .. فيني .. بكيت ونا اكتم صوتي " .. شفت فييني و الوغد الحقير النذل كفيلهااا يعتدي عليهااا .. الله ياخذه حسبي الله عليه .. شفت شلون لما تحاول تهرب يضربها يجرها مع شعرهاا .. الدم يغطي جزء من جسمهاا .. وقتها كنت طفله ما فهمت ان هذا اعتداء اللي فهمته ان هذا الوسخ يضربها يعاملها بعنف .. يحاول يسوي شئ منيب فاهمته .. لكن لما كبرت و عرفت الحياة وش هي فهمت .. مااذكر وقتها الا ان من خوفي ما قدرت اتحرك وجسمي بارد .. شفت فييني تتوسله يتركهاا .. شفتها تصيح و نا ما صلحت لها شئ .. رجولي ما شالتني .. ما حسيت بنفسي الا ونا ببيت اهلي .. شلون وصلت بسريري .. لا يكون كنت احلم و اللي شفته ما كان حقيقي يمكن كنت نايمه و مارحت عند فييني .. جاني بابا يكلمني بعد ما صحيت بغيت اقوله على اللي شفته لكن لساني مو طايع ينطق حاولت افتح فمي بس صوتي ما طلع .. بابا خاف علي يقولي تكلمي .. ايشبك ؟؟ ونا الحرف مو راضي يتنطق مني .. وداني المستشفى وكشف علي قالوا له سليمة .. و حولوني على دكتور نفسي .. بعد الكشف علي ومحاولات الدكتور .. قال اني تعرضت لصدمه سببت لي عدم القدره عالكلام بس هالشئ ان شاء الله مو دايم .. سأل بابا صار على بنتك شئ ؟؟ احد تعرض لها بشئ ضايقها .. بابا انبخ وقتهاا .. قام يلوم ماما على اللي صار وهنا ماما صدق خافت علي بس تعاملني بجفاا يمكن بسبب معاملة بابا لهاا .. تطلع حرتها علي .. الى ان جاء ذاك اليوم كنت نايمه و سمعت احد يناديني فتحت عيوني و شفت فييني بجنبي .. فرحت و تكلمت وقتهاا وقلت : فيييني انتي هناا .. انا ظنيت انك تعبانه .. هذااك الحوماار ضربك انا بعلم بابا يضربه لا تخااافين .. صاحت فييني و تضمني اذكر كلامها و حزنهاا : انا كلاااص .. اناا كلااص .. فيه روووه .. هبيبي .. انتي هبيني ؟؟ ( انا خلاص .. انا خلااص .. فيه روح .. حبيبي ... تحبيني ؟؟ ) مشاعل ابكي معاها : ايوة احبك .. لا تروحي .. اذا تروحي انا مااحبك .. فييني : انا لازم رروووه .. انا خلااص تئبااان .. انا ابقى موووت .. مشاعل : ليش ؟؟ فييني عورك ؟؟ فييني ضمتني لهاا بقوة وطلبت مني مااعلم احد على اللي شفته .. اللي فهمته منها انها هي اللي حصلتني عند الباب و طايحه فخافت لا يشوفني المجرم الشرير حسبي الله عليه و ما يرحمني و لا يعتدي علي تجي منه النذل .. و للمعلومه فييني عمرها 16 سنه يعني مراهقه صغيره دمر حياة البنت الله يدمر حيااته .. بنفس اليوم بعد ما صحى بابا قد راحت فييني وودعتني كنت حزينه بس طلبت مني لو اني احبها اتكتم عالموضوع .. ووعدتني اذا جاء يوم وقبل فيها احد و تزوجت بتسمي بنتها باسمي ,, ونا صغيره فرحت .. ما كنت ادري انهاا ادمرت ومن اللي بيتزوج منهاا .. الرجال يظنون الخادمه مو انسانه مثلها مثلنا .. ترا هي مااجت تشتغل هالشغله الا لانها محتاجه وكل انسان محتاج .. الفقير محتاج الغني عشان يعطيه و الغني بعد محتاج الفقير عشان يشتغل عنده .. الحياة سلف و دين .. " حسيت بفكي يتشنج ونا اذكر شلون ماجد كان مثله مثل ذاااك اللي اغتصب فييني .. ماجد كانت بيأذيني مثل مااذااها الحقير كلهم كذااا ... فجأه سمعت صوت باذني يقول لا يا مشاعل ماجد مو مثله لا تظلمينه يمكنه كان معصب ..لو انه بغى مني هالشئ كان من اول ما تزوجنا اخذه بس لاا ماسوى كذا الا لانه عصب مني ونا ما قصرت غلطت عليه .. مهما كان هو زوجي و استاهل اللي جاني .. اصلاا هذا حق من حقوقه مقدر امنعه .. بس هذا مو معناه ياخذه بهالطريقه انا زوجته وقت ما بغاني له ما بمنعه لان الملائكه بتلعني الى ان اصبح .. بس كل شئ بالطيب مو كذاا .. بعدها جلست يومين ثانيه افكر بجديه .. الى ان وصلت لحل كنت وقتها بالحديقه .. شفت بابا و ماما ام فهد و عمة ماجد حفصه فرحت رحت لعندهم و لا انتبهوا لي ونا جايه سمعت كل كلامهم .. بو فهد : ياا اختي ما تشوفين البنت شلون صايره .. ما تاكل و للحين جالسه عندنا و هذا ماجد ما يراعيها معقووله للحين عنده سفر .. و الله لو ما تعدل معهاا براويه كله الا مشاعل .. حفصه : يااخوي لا تطلع حرتك فيه ادري انك بتريح فهد بقبره .. بس هذي ماهي طريقه .. لاتنسى ان ماجد رجال و متزوج و هذي حياته موب كفايه انك زوجته غصب يعني كان .. بو فهد : يشكر ربه زوجته اللي يــ .. ام فهد تقاطعه : خلص يا بو فهد .. اخوك و الله يرحمه مات ما بيرد .. وموته مكتووب .. ربي عوضك بفهد ولدك بيوم مماته هديه من عند رب العالمين .. انسى .. بو فهد : انسى " قالها بحزن " ,, شلون ا نسى اني سبب بموت اخوووي وولدي .. اخووي اللي وصاني عليه ابووي رحمة الله عليه .. اخوي فهد اللي ربيته حتى انه كان بحسبت عيالي .. تذكرين كان يقول لي يبه .. يبه .. لو اني اسعدته باخر ايامه لااا .. مانفذت وصية ابوووي .. زوجته غصب عنه و حرمته من المرة اللي يحبهاا ما حبيت اخذ وحده برا القبيله .. ما بغيته ياخذ الا بنت عمه حيرها ابوي له من صغره.. لكن شصااار ذبحته بنفسي انا اللي قتلته .. حفصه : تكفى يااخوي لا تعذب نفسك انت ما ذبحته .. هذا قدره هو مات بحادث سيارة يعني مكتوب و مقدر .. بو فهد : حادث سيارة بليله زواجه .. ام فهد : دخيلك قفل عالموضوع .. ربي رزقك بفهد ولدك بيوم وفاة اخوك ولدت انا مع ان موعد ولادتي كان بعد شهرين .. لكن الله رحمك خذا منك فهد و عطاك فهد ثاني .. اشكر ربك يابو فهد .. ترا ربك كريم .. بو فهد : ونا اشهد انه كريم .. حفصه : فهد ولدك يااخوي رغم انه سمي اخوي ا الغالي و يشبهه بكل شئ الا شكله .. محد خذا حلى فهد اخوي الا واحد وهو ماجد .. ياليتك يا ماجد تكون مثل عمك فهد .. فهد اخوي كان حليم و ماقد كسر كلمتك و لا رفع راسه يوم تكلمه ياخوووي .. بو فهد : الله يرحمك و يدخلك فسيح جناته .. سامحني ظلمتك ونا اخوك وابوك ما راعيت مشاعرك .. حتى اللي بغيتها يوم درت عنك مرضت هي بعد سنين و ماتت مثلك بحادث سيارة سبحان الله قلوبكم عند بعض ياليتني زوجتك هي و هنيتك قبل لا تروح و انت شايل بقلبك علي .. مشاعل " انصدمت من كل اللي انقال .. ما فكرت بيوم ا ن بو فهد يعاني .. هههه ضحكت على حالي و حال غيري مشاعل فرحانه بنفسك انك الوحيده اللي تعانين .. و تحزنين و الله حالك يابو فهد اردى عن حالي .. الواحد يفتكر نفسه هو المظلوم الوحيد بالدنيا هو اللي يعاني ما يدري وش كثر اللي حوله و الي بعدهم بعد يعانون البيوت اسرار .. ظنيت ان فهد موب ولده اثريه ولده بس سمي عمه .. فهد ولد يوم وفاة عمه .. و بابا بوفهد يعاني لان ضميره يأنبه ,, زوج اخوه اللي بحسبة ولد بنت ما بغااهاا .. وبيوم دخلته مات .. وبعده بسنين ماتت اللي حبهاا بعد ما مرضت لما عرفت انه مات .. جد اللي اسمعه و لا قصه من قصص الخيال .. يعني الحب قبل الزواج حقيقه .. يعني فيه ناس يحبون بس الحب عن حب يفرق فيه حب محرم مثل حبي الاول بس انا يوم حبيته حبيته بدون مااغلط معه حبيته من بعيد لبعيد ,, لا صوتي سمعه و لا حتى شافني .. حتى بيوم ميلاده احتفلت بذاك اليوم بالحالي بعدهااا عفت اعياد الميلاد لانها حرااام .. و اعتبرت يوم حبي له ذكرى جميله احتفل فيها معه و يمكن مثل حب نجود لفيصل لانه غلط بغلط .. و فيه حب نقي مثل حب السيدة خديجه رضي الله عنها اللي اتوج بالزواج ..و حب نقي شريف اسطوووري بالنسبه لي هو حب عمتي .. ايه عمـــتي مشـــــاعـــــل اللي سمعت حكايتها على لسان كل العايله حبت رجال من بعيد لبعيد و مادرت ان اللي حبته حبهاا و بغاهاا .. تعذبت يوم خطب و ماتت روحهاا يوم تزوج و مرض جسدها يوم مات اللي حبته .. لحظه .. " وكأني اربط الاحداث ببعض .. بشهقه قويه لفت انتباه الجميع لاني كنت بقربهم .. معقوله ,, معقوووله .. مستحيل وش هالصدف اللي بحياتي ^^^ |
|
|
2010- 8- 13
|
#82 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
لم يبقى على النهايه الا القليل
|
|
|
|
2010- 8- 13
|
#83 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقه الربعه وثلاثين
الفصل الثاني ^ - ^ لا تلومين عين غزاها طيفك ^ ~ ^ رحلت بعيد وماقلت لي اذا بيطول المشوار رحلت وانا اتريا .. متى ترجع لخليلك وحيد واكسر الخاطر .. ودمعي من عيوني انهار حزين كثير وماعندي سوى ابكي وابكي لك حسايف إيه انا قلتها ولا ادري وش اللي صار لاني قادر اوصل لك ولاني قادر آجي لك حبيبي .. حاير" بأمري.. وعقلي من عذابه احتار انا مدري وش الحيلة .. شللي بيديني اسوي لك حبيبي ايه انا احبك .. بقلبي حكي واسرار يكفي غياب ارجع لي دخيل الله ودخيلك حب نقي شريف اسطوووري بالنسبه لي هو حب عمتي .. ايه عمـــتي مشـــــاعـــــل اللي سمعت حكايتها على لسان كل العايله حبت رجال من بعيد لبعيد و مادرت ان اللي حبته حبهاا و بغاهاا .. تعذبت يوم خطب و ماتت روحهاا يوم تزوج و مرض جسدها يوم مات اللي حبته .. لحظه .. " وكأني اربط الاحداث ببعض .. بشهقه قويه لفت انتباه الجميع لاني كنت بقربهم .. معقولة ,, معقولة .. مستحيل الدنيا صدف .. طالعني الكل و تعلقت نظراتههم فيني .. ونا أطالعهم وكأن اول مرة أشوفهم .. ها لمرة نظرتي لهم غير ,, ما أشوف الأم الحنونة اللي حبيتها يوم ناظرت بعينها بالمدينة ,, و لا أشوف ذاك الأب المتفاهم اللي نظرته وقار حببتني فيه ,, و لا العمة اللي كلها طيبه و ألفة .. مشاعل : عمتي مشاعل لها علاقة بولدكم فهد ؟؟؟؟؟ " مدري إن كان اللي قلته استفهام و لا هو إقناع لنفسي إن اكتشفت لغز زواجي اللي ظنيته شفقه فيني .. ليه حياتي كل ما أحسها هدأت قلبت علي إعصار أقوى عن قبل .. متى بوصل لمرحلة الأمان و الحنان و السعادة هي بيتي " .. بو فهد و أم فهد والعمة حفصة : ............ ( لا جواب ) .. مشاعل "بخيبة الم " : ما هقيتك يا عمي أبو فهد .. قاطعني : يبه إنا أبوك مهوب عمــ.. مشاعل ها لمرة أنا قاطعته : اعذرني بابا ,, للحظه نسيت إني قد عرفتك بيوم ما شفت قدامي إلا الإنسان اللي حرم قلبين يجتمعون بس ربي اكبر و أقوى منه لأنه جمعهم بطريقته .. الله يسامحك .. الله يسامحك .. بابا : الظروف وقتها غير ,, لا تحكمين علي و أنتي ما تدرين بشي . مشاعل " بحاول أتمالك نفسي اقلها بو فهد و مرته و أخته عاملوني با لزين و الطيبة ليش ارد لهم المعروف بغضب وقته فات لانه من الماضي .. " : آسفة ,, " نزلت راسي و كملت بخضوع " : ما قصدت الي قلته بس هي عمتي ,, و يقولون شبيهتي " ابتسمت بطرف شفايفي ,, و هذي بسمتي يوم اسخر من نفسي " .. ام فهد : يمه لا تعتذري انتي مالك ذنب بشئ .. هذا اللي كاتبه ربي ,, و البركة فيك انتي و ماجد عسى الله يوفقكم و يحقق امانينا فيكم .. مشاعل " تطلبي الكثير مني يا ام فهد .. مقدر على ماجد ,,, ما قدر .. " : الله يقدم اللي فيه الخير . طالعت بو فهد اللي كان منزل راسه ما احب اشوفه و هو كذا .. قربت منه و سلمت راسه : اعذرني يالغالي عسى الله ياخذني ان كنت انا راسك بالارض .. بو فهد " وعيونه حمر " : فديت قلبك يابنتي لا تدعين على روحك تراها غالية ,, غلاك من غلا عمتك و عمتك كانت روح ولدي و اخوي و ضناي . مشاعل " بابتسامه حلوة " : ان شاء الله ,, تامرني على شئ ؟؟ بو فهد : سلامت قلبك يبه . رحت و نا بقلبي مليون سؤال كان ودي اسأله بس حالة بابا بو فهد و لا ماما ام فهد و لا حتى العمة حفصه ما تأهل اني اسأل ,, ما توقعوا اني اسمعهم و بهالوقت بالذات .. وصلت حجرتي ,, وسكرت الباب جلست اذكر كلام عمتي هنادي تصير بنت خال ابوي .. هنادي حبوبة و طيوبه كانت هي و ماما و عمتي مشاعل بعمر بعض ,, صديقات الروح بالروح .. الثلاثي المرح مثلي مثل شيخه و دانة .. مشاعل " ونا أجاوب نفسي بنفسي, واحكي قصتها اللي سمعتها من عمتيــ هنادي وهي اقرب وحدة لعمتي مشاعل " : عمتيــ حبت فهد بقلبها و روحهـــا ,, تقول عمة هنادي إن مشاعل حبته من أول يوم تلاقت فيها عيونهم .. من يوم شافته با لبر,, ما قدرت تنسى نظرته و لا وجوده الطاغي " ابتسمت على كلام عمتي ذكرتني بماجد ما قدر ما حس بوجوده إلا انه خالد بشخصيته ,, بغروره ,, يعجبني ماجد برغم مساؤه إلا إني ما قدر أنكر مزايا رجولته أحس فيها و هو بعيد عني " .. مشاعل كانت مفتونة بشباب فهد و رقته و حنانه اللي كان يسري لها بدون وعي منه و لا منها و رجولته .. " وبترقيه قلت اقلد ماجد و فهد اخوه يوم يتريقون على اصلنا " شكلنا حنا بنات الــ ... الحضران ننفتن بعيال الـ ... البدو القبايلية اصحاب النسب و الجاه ... تفتنا الرجولة الطاغية .. كان عمري 18 سنة .. رحنا عند عمة هنادي اللي ساكنة بالطايف بعد ما تزوجت .. وبذاك اليوم نزلت بالحديقة تعرفون جو الطايف شلون قايل .. حلو ماله مثيل .. الخضار اللي با لحديقه و ريحه الورد الطايفي و بالليل الكاحل ظلامه اغرتني الطبيعة نزلت بهدؤ من غرفتي عا لحديقة و جلست فيها بالحالي .. بجنب الورد اشم ريحته و اشبع نظري و حواسي بنعمة ربي .. فاجأني صوتها و هي تقول : سبحان الله ,, ما اشوف الا مشاعل قدامي .. كأنها هي بس بروحك انتي و يمكن انتي مشاعل بروحها و جسدها .. اشوف بنت عمتي قدامي .. مشاعل " التفت للعمة هنادي و ابتسمت لها بطيبة وقلت " : الله يرحمها .. جد عمتي لها لدرجة أشبه العمة مشاعل ؟ هنادي " قربت مني و جلست جنبي و تناظرني بحب " : لو قلت لك احس اني رجعت حوالي عشرين سنة وراء و اللي قدامي مشاعل قريبتي و صديقتي .. مشاعل " هذي فرصة استفسر فيها عن كره ماما لعمتي مشاعل ,, يمكن اكتشف سبب كرهها لي " : عمة .. هنادي " وهي لا زالت تطالعني " : هلااا مشاعل : لو جد تغلي عمتي الله يرحمها ياليت تحكين لي قصتها ,, يقولوا انها مجنونة .. قاطعتني بحدة : اللي قال انها مجنونة هو المجنون .. مشاعل "بخوف " : آسفة ما قصدت بس هذا اللي سمعته .. هنادي : من قال لك ؟؟؟ مشاعل " حاولت اكذب بس شكلي ما عرفت كيف أكذب " : مدري بس سمعت طلاطيش كلام .. هنادي : امك اللي قالت لك صح ؟؟ مشاعل : عمتي الله يخليكي لا تقولي لها كفاية هي كارهتني .. لا تزيديهاا .. عمة هنادي : الله يسامحها امك .. بس دام انها ألفت على حبيبتي و تؤامي مشاعل بحكيك القصة من البداية للنهاية و بالتفصيل و ياليت تكون سر يني و بينك .. و اعرفي ان مشاعل تشبهك تقولي نسخه عنك الفرق بينكم ان مشاعل اطول عنك بشويه .. و اكثر مرح منك .. و بدت تحكي القصه ... مشاعل و انا و زينب ( امك ) .. كنا ثلاث صح بس قلوبنا وحده نحب بعض لدرجة ما تتصوريها الكل يقول ما تملوا من بعض ,, حياتنا مرتبطه ببعض ما نخبي على بعض شئ .. كنا نقول ما بنتزوج و اذا بنتزوج نتزوج اخوان و اذا ما حصلنا بنتزوج كلنا واحد .. هههههههه .. مشاعل " ضحكت معهاا " كملت : تعرفي صغار على بالنا الزواج عادي سهل يعني رجال ياخذنا و يصرف علينا و يخرجنا و يشتري لنا لا و يجيب لنا اطفال ..اتري الحياة اصعب بكثير من اللي تصورنااه .. انخطبت بنت خال ابوي و هي تصير لعمتك و لامك يعني انتي تدري اننا كلنا من الاهل " بشرح لكم ,, عمتي مشاعل تصير هنادي بنت خالهاا يعني مشاعل تصير بنت عمة هنادي ,, و ماما تصير بنت خالة ام جدتي ام ابوي <<< فهمتم شئ .. اجل مو لازم " المهم عدنــــــــــا انخطبت بنت خال ابويا و زواجها بالرياض و لازم كلنا نحضر عاد تعرفي ان ابوكي كان خاطب امك من زمان و كان يحبها و كلنا عارفين بحبهم لبعض .. المهم رحنا للرياض و حضرنا الزواج .. و اصروا بنات خال ابوي و خال ابوي و مرت خاله الا نجلس كم يوم نتمشى بالرياض .. وقتها الرياض مو زي دحين لاا كانت غير .. او بالنهاية جلسنا قالوا لازم نروح البر ,, عندهم الطلعة للبر زي طلعتنا للبحر بجدة .. طلعنا بذاك اليوم و كان يوم تاريخي كتب فيه ربي يغير حياة عمتك مشاعل و يربط اسمها باسم انسان غريب عنها بكل شئ مختلفين الا اللهم بشئ واحد اتفقوا .. وهو محبة القلوب و الارواح هذا شئ ما يفهمه الا رب العالمين .. طبعاا كنا نتكلم مع بعض و لعبنا العابنا زمان مو زي دحين لااا .. احلى بكثير كنا بريئات و عفويات و الخجل عندنا مو صفه لاا .. طبع و ابو طبيع ما يجوز عن طبعه .. عاد كنا نلعب استغماية و الغروب على وشك و كل وحدة تتخبى ,, الله يستر عليهم من لعبة فين نتخبى هو فيه مكان بالبر نتخبى فيه .. هههههههه .. تصدقي اتذكر امك الهبلة تدري ايش سوت راحت بمكان شوي غاطس و انسدحت على بطنها وقالت لي ارمي التراب فوقي .. عاد انا بققت عيوني وقلت : نعم مجنونه انتي تبيني ادفنك ,, لا و الله فهد خطيبك بيطلع شهادة وفاتي قبل لا تطلع روحك ,, روحي ياشيخه .. ماما : بالله عليكي هنودة حبيبتي .. و الله ان مشاعل بتكشفني .. اعرفها ما ترتاح الا لما تطلعني .. هنادي : والله مالي دخل انا بروح اتخبى .. تركتها ورحت و هي تتحرطم شكلها تسبني بس طنشتها مشاعل : هههههههههه .. طيب من اللي مسكته منكم و من اللي فاز .. هنادي "بابتسامه باهته " : ياليت احد خسر و لا فاز ..الحكاية من لعب قلبت لجد و لحياة ثانية .. جلست تدور علينا مشاعل و بالنهاية تأخرت علينا .. دورناها .. خفنا عليها و لا علمنا امهاتنا لا ياخذوا أجلنا طبعا زينب تلومني : كله منك يا هنادي انا قلت لكي بلاش هاللعبه انتي ما تعرفي مشاعل تموت و تطلعنا ,,ارتاحي دحين مشاعل ضاعت .. هنادي "بقهر " : اسكتي يازنووبه لا اعطيك بالزنوبه حقتي .. اففففففففف .. لحظات و رجعت مشاعل بس رجعتها ما طمنتي مع ان المفروض افررح بس ما فرحت خفت عليها ليش قلبي قارصني مدري مو بس انا اللي لا حظت لا ,, حتى زينب لاحظت .. نحنا نعرف بعض تمام و نقراء اللي يخالجنا بنظرات العين .. بالليل بعد ما الكل نام ونا بقلبي انتظرهم يناموا و حتى زينب و كأننا حاسين بان مشاعل فيها شئ .. دورناها ما حصلناها بالخيمة طلعنا حصلناها قريبة من الخيمة و جالسه على الارض ولامة ركبها لصدرها " طالعتني عمة هنادي بابتسامة زيك كذا ,, لاني كنت جالسه بنفس الطريقه اللي تتكلم عنها العمه " وكملت : رحنا عندها طالعتنا و بعيونها دمووع .. استغربنا و من الخوف زينب ضمت مشاعل ونا ضميتهم الاثنين .. كنا نبكي لو بكيت وحدة مننا و نضحك لو ضحكت وحدة مننا حتى لو مو عارفين السبب .. جلسنا شويا على هالحال الى ان حسينا براحه .. بدءت امك تقول : مشاعل حبيبتي .. قولي لي ايش صار ؟؟ لا تخوفينا عليكي ..انا قلبي مو مطمن ؟؟ هنادي كملت : و لا انا ,, مشاعل احد اذاكي .. احد قال لك شئ .. لا يكون اخوكي الحمااار خاصمك و هزءك .. مشاعل و زينب الاثنين مسكوني مع يدي و قرصوني حسبي الله على عدوينهم قرصه محترمه بغيت اصحي خلق الله من صوتي بس الاذكياء عارفين بصرخ قامو بيد قرصوني و باليد الثانيه سكروا فمي .. مشاعل " تخيلت الموقف .. و ضحكت من قلبي على اشكالهم تحفه بصراحه " : هههههههههههههه .. هنادي " بمرح " : ايووه اضحكي مو امك و عمتك هم اللي اذوني و الله لو اني اذيتهم كان دحين كشرتي بوجهي .. المهم فين وصلنا ايوه تذكرت .. يومتها ما قالت لنا و لا شئ سكتت و نحنا احترمنا سكوتها مع ان قلوبناا مو راضيه تسكت خوف عليها رجعنا جدة و مشاعل من ذاك اليوم و هي متغيره علينا .. اذكر يوم ردينا من البر و هي تطالع بالمكان كأنها تدور على احد حتى اني شكيت انها بجد تدور على احد الا ان تأكدت لان امك لاحظت و قالت لي ان مشاعل ضيعت شئ ولا ليش تطالع بالمكان و كأن شئ ضيعته .. بس اللي خوفني يوم شفتها تطالع من طاقة ( نافذة ) السيارة لواحد راكب حصان و لابس ثوب بس رافعه لانه جالس على الحصان .. و ملثم بالشماغ .. مشاعل تطالع فيه بشغف و لهفة كأن لها سنين ما شافته لكن مشاعل ايش عرفها بهذا الرجال اصلاا احنا ما قد جينا الرياض الا هذي المرة قطع علي مخاوفي امك اللي كانت هي كمان خايفه امك : هنوده شوفي هذا الرجال يطالع سيارتنا , ياويلي لا يكون من قطاع الطرق .. هنادي " بقهر " : زنوووبه مو فايقه لكي .. يومها تأكدت ان مشاعل لهاا علاقه بهالفارس الملثم ... وانا ادري ان بيوم بتحكي لي قصته .. رجعنا بيوتنا .. مرت الايام و مشاعل بكل مرة نناديها فيها عشان نجتمع كالعادة ما ترضى تجي .. الى ان صار اسبوع على رجعتنا و نحنا ما شفناها اخر شئ اتفقنا انا و امك نجيها على غفله منها و فعلا رحنا لها و لما شفناها .. ما قدرنا نمسك نفسنا و حتى هي حضنا بعض و من بعد عتاب .. سألتها امك : اذا ما تبغي تقولي لنا ايش اللي صار معاكي بكيفيك .. بس انك تبعدي هذا مو بكيفيك .. هنادي : مشاعل نحنا نحبك و بنتفهم وضعك .. قولي و صدقيناا لو مو نحنا نوقف معاكي مين بيكون معاكي .. قالت مشاعل بصوت قريب للهمس : شرايكم ننروح برا بالحوش ( برا البيت فيه حديقه صغيره ) زينب "ببرائه " ماتبغي احد يسمعنا صح ؟؟ اكيد شئ خطير.. ياويلك ياشعوله لو طلع مو خطير وانتي جالسه تمشورينا .. هنادي " ضربتها بكوع يدي" : اسكتي بالله عليكي ,, انتي هبله بتفضحينا خلينا نروح بعدين يصير خير.. رحنا لمى المكان القصود و جلسنا على الارض مانبغى احد يلاحظنا .. طبعا السكوت طال كلنا ندري ان مشاعل هادئه اكثر مننا بس مو اكثر منك يااابنت اخوهاا لانك اهدء بزيادة .. مشاعل من يومها حنونه و شاعريه اكثر مننا ,, بس ما ظنيت ان شاعريتهاا ممكن تكون لها لدرجة .. مشاعل : تذكروا يوم كنا بالرياض و بالظبط بالبر لما كنا نلعب رحت ادوركم و وصلت لمكان بعيد شوي تدروا اني اتلثمت عشان اخاف اقابل احد هناك و لا شئ .. الا شفت احد بالارض قلت هذي اكيد الحمارة زينب .. زينب بقهر : انا حماره يالبقرة .. اوريكي .. قاطعتهم بصرامه : اسكتي يالهبله انتي " وقصدت امك " و تكلمي يالبقرة انتي " و قصدت عمتك " .. كملت مشاعل و كأنها تنتظر احد يقول لها كملي و لا حتى زعلت و لا تناقشت مع امك .. : جريت متجهة للانسان الي مرمي على الارض و الدنيا بدءت تغرب ما انتبهت من بعيد على شكله لانه كان على بطنه .. قلبته على ظهره لو اقول لكم اني انشليت بتصدقوني .. ايوة انشليت من يوم لمحته فتح عينه يناظرني .. يناظر عيوني .. حسيت بشئ دخل فيني يوم ناظرت عينه .. بكل هدؤ و بدون وعي مني لاني ذايبه بنظراته ما حسيت انه شال لثمتي عني و جلس يطالعني بانبهار ,, نظراتنا لبعض تترجم الاعجاب ,, الانبهار ,, .. مر الهوااء علينا سكرت عيني لان الرمل دخل فيهاا و انفتحت طرحتي و طارت بمسكها ,, لكنه مسكها قبلي و عينه ما انشالت عني ,, يمكن تقولوا اني جريئه بس و الله مو جرأه ,, كنت مسلوبة .. ما فيني قوة .. و اللي زاد ضعفي يوم وقف حسيت بقصري و طوله ,, ضخامة جسمة ,, حسستني اني إمرأة و هو رجل بس مو أي رجل .. شال الطرحه بكل جرأ و لبسني هي و دار وجهه و قال : اعذريني يابنت الاجاويد اذنبت بحقك .. بس لا تلومين عين غزاها طيفك .. مشى و كل ما يبعد خطوة ونا احس ان ايدي تنمد له اكثر اخااف يروح و كأني بفقد شئ ثمين.. طيب ليش اخاف يروح .. انا ما اعرفه و لا يقرب لي .. ليش خايفه انه يروح .. ماحسيت بنفسي الا انا جالسه على الارض اشوف اثار جسمه .. صرت المس التراب ابي اتأكد بس جت الريح و شالت اثاره عرفت اني احلم و الحلم احيان ما يتحقق ... ما غاب عني الاحساس بوجوده .. اخر يوم لنا بالبر .. ونحنا رادين بالسيارة قلبي يقول لي انه موجود .. " طالعتني و قالت بصدق " هنوده والله العظيم احس انه يفكر فيني زي ما افكر فيه .. والله ما اكذب .. دورت عليه بعيني ما شفته لكن حسيت احد بداخلي يقولي ارفع عينك ابي اشوفهاا رفعت راسي و نظري معاه شفته هو اللي على الفرس .. والله هو جسمه عيونه جلسته على الفرس قامته .. ونا متأكدة انه ناداني بقلبه و لا كيف طالعته ونا فقدت الامل بشوفته ,, كيف حسيت بوجودة ونا عيني بحضني .. زينب " بخوف " : مشاعل انتي تدري هذا ايش معناته ؟؟ زينب : انتي حبيتيه .. و انتي حتى مو عارفه مين هو .. انسيه يا مشاعل .. و لا تعذبي نفسك ترا الحب صعب .. مشاعل انا احب اخوكي و ادري بحبه لي ونحنا مخطوبين بس انا اتعذب عارفه ليه لاني مقدر اشوفه دايما و لا اقدر اجلس معااه و لا اقدر اشوف طلباته .. صحيح انكم ما تقصروا .. بس اللي يحب قرب الحبيب له عذاب كيف لو كان بعيد صدقيني بيكون هلاك .. لا تحطي نفسي رهينه لهلاك مجهول .. هنادي " بحنيه " : انسيه شعوله .. ا لحياة قدامك .. بعدين هذا بس مرة وحده شفتيه يعني لا تخافي نسيانه سهل بس انتي اللي عليكي لا تكوني فريسه لخيالاتك و احلامك و امنياتك و اطلعي كل يوم انتي من يوم رجعنا و احنا صديقاتك ما تجيناا ,, اكيد هو ناسيكي .. صدقيني .. مشاعل " ساكته ,, مصدومة ,, ما فكرت انها بيوم حبته ,, تخيلي يا مشاعل عقولنا بريئه ,, مشاعل كانت خايفه من اللي تشعر فيه بس للحظه وحدة ما فكرت انه حب ,, جلسنا ذاك اليوم انا و امك عندها و صرنا ما نتركها و ما كنا ندري اننا بهذي الطريقه نعذبها و هي كابته بداخلها " مشاعل البطله : ما فهمت ؟؟ |
|
|
|
2010- 8- 13
|
#84 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
هنادي : يعني يابنتي الانسان لازم ما يكبت اللي بداخله .. لا ,, ضروري يطلع اللي بصدره لربه .. و خصوصا اللي زي
عمتك ما تحب تقول لاحد على اللي داخلها ,, و نحنا بوجودنا كانت تخبي و تسوي انها تضحك و مبسوطه و هي من جواتها شابه نار ,, مرت الايام و صارت شهور ,, و عمتك اللي ظنينا انا و زينب للحظه انها نسيت اتريهاا ما نسيته و لا بتنساه طول العمر .. تخيلي لحظه من حياتها و هاللحظه يمكن ما تعدت دقايق .. خلتها تتعلق في انسان لا و تحبه سبحان الله هذا القلب و الاحساس ملك لربي يعطيه من يشاء و هالشئ لا ارادي ما نتحكم فيه .. مر كذا اسبوع و صار حوالي شهرين على موقف مشاعل مع الرجال الغريب .. مشاعل تغيرت عن قبل .. وهذا الشئ صح انه مخوفني انا و امك عليها بس اللي خوفنا اكثر يوم انقلب حالها من الحزن الدفين اللي كانت عايشه فيه بالشهرين اللي راحوا لفرح واااضح بعيونها .. كم من مرة اسأل نفسي و تسألني امك كيف مشاعل تغيرت ؟؟ احنا مو مستكثرين عليها الفرحه بس خفنا عليها لا يصير فيها شئ .. على قولة امك لا يكون انجنت .. اتريه فيه سبب رجع لها مرحها و زادها فرح و انبساط .. طبعا نمت عندها ذاك اليوم الا امك امها ما رضيت لانها مخطوبة لاخو مشاعل .. و مايصير تكثر زيارات و توصل للمبات .. كنت نايمة بس صحيت كيف لا تسأليني الا اشوف مشاعل عند نافذة غرفتها و النافذة شبه مفتوحه مو طالع منها الا عيونها استغربت ما حبيت اخوفها قلت يمكن البنت بتشم هواء .. اتريهاا مو بس تشمه الا هي بالهوى .. شفت واحد بصراحه عليه وسامة خطير بجد يعني لو يمشي بالحمراء بيجروا البنات وراه جري .. واقف بسيارته يطالع فيها بشوق و لهفة .. يمكن مو فيها في عيونها لان مو ظاهر منها شئ الا عيونها .. انقهرت من عمتك و من اللي يطالعها .. يعني هذا هو اللي مفرحها و منسيها مشاكلها حتى فارس الاحلام البدوي نساها هو كمان .. بغيت اجرها من شعرها بس قلت يا بنت اصبري .. ماابغى اظلمهااا رجعت للسرير و سويت اني نايمة على جنبي جات و انسدحت على الجنب المعاكس ليا بس انا قلت لهاا هنادي : هذا العشم يا بنت العمة .. ما ظنيت بالحظه انك انتي الفاهمة العاقلة المتعلمة كدا .. مشاعل "قامت من سدحتها و جلست تبكي " : هنوده افهميني و لا تحكمي عليا بدون ما تسمعي كلامي للاخير .. هنادي "باستهزاء " : اطربيني .. مشاعل : الايام اللي راحت مرت علي سنين ,, ما كنت اوضح لكم اللي بقلبي لانكم بتقلقوا عليا .. ما كنت ادري اني احبه الا لما زنيب قالت عرفت ان كلمتها لمست احساسي و قلبي .. وقتها بس حسيت اني طحت ولا عاد اقدر اقو م الا اذا شفته .. كل يوم افتح الشباك و ادعي ربي و اناجيه يخفف علي اللي بداخلي .. انتي ياهنادي ما جربتي فلا تحكمي .. الى ان جاء يوم ونا جالسه ادعي الله و دموعي على خدي ما انتبهت للسيارة اللي وقفت بجنب الشجرة اللي بالارض اللي جنبنا .. لكن رجع احساسي اللي اول يوم كنا بالبر و حسيت ان احد يقولي ارفعي راسك .. و دحين سمعت احد يقولي نزلي راسك و بدون ما اتراجع نزلت راسي و شفته .. شفت الانسان اللي ادعي ربي اشوفه .. تخيلي يوم انك تدعي الله و ربي يستجيب كيف تكون فرحتك .. كل يوم يجي و ينتظرني اطلع له و اطالعه بس ,, والله انه ما كلمني و لا حتى حاول يقل ادبه معايا .. من بعيد لبعيد ,,و الله العظيم اني يوم اطالعه هو ينزل عينه ولما يطالعني انزل عيني الا ذا تلاقت عيونا .. هنادي و الله بعده عذاب .. عذاب .. هنادي " حزنت عليها ,, من جد شكلها يكسر قلبك .. قلت لها " : طيب لو من جده يحبك ليش واقف زي روميو عند الباب ليش ما يجي من الباب و يطلبك ؟؟؟ مشاعل : هذا اللي محيرني .. متأكده انه يحبني ,, بس ليش ما يجي و يخطبني ,, ايش اللي يمنعه ؟؟ هنادي الله يخليكي ساعديني .. هنادي : طيب انتي تعرفي اسمه ؟؟ مشاعل " هزت راسها بالنفي " : لا .. هنادي : لا اله الا الله معقوله تحبيه كدا من الباب للطاقه ,, يابنتي انتي هبله و لا تستهبلي ,, كيف تحبيه و انتي مو عارفه عنه الا شكله .. اقول شكلك معجبه في الرجال .. مشاعل : لا انا احبه .. ليش مدري .. بس صدقيني شكله ما كان الدافع لحبه ابداا .. يمكن وجوده ,, شخصه ,, اول مرة احس انه فيه رجال يجمع مابين الحنان و الرجوله ,, جرأته .. مدري مدري .. و غطت عينها بذراعهاا .. هنادي : خلص شعوله لا تبكي بشوف اشاور زينب و نشوف .. مشاعل " بخوف " : زينب ؟؟ هنادي : ايوه فيه غيرها ,, ولا مو ناوية تقولي لها ,, ترى تزعل .. مشاعل : اللي تشوفيه .. المهم ثاني يوم ماطلع الفجر اللي احنا طرنا على بيت زينب و قلت لها كل الحكاية .. طبعاا زينب بما انها تحب كانت حاسة بمشاعل يمكن اكثر مني ,, لان المحب يحس باللي غرقان مثله .. ..وهي اللي انقذتنا بخطتها وجابت لنا مخرج .. بس هالمخرج هو اللي سبب لها مشاكل ما لها اول من اخر و يمكن اثر عليها بعلاقتها مع ابوكي أمك : لحظه جاتني فكرة انما ايه .. هنادي : سمعيني ياختي ... امك : انتي قلتي انه له اسبوع و هو يوقف بسيارته بالحوش اللي قدام بيتكم صح ؟؟ مشاعل " بترقب " : ايوة .. امك : اجل اسمعوا ,, وحدة فيكم تكتب بورقه كل اللي تبغوا تعرفوه عنه .. يعني , امممم مثلا اسمه .. مشاعره .. و اذا فعلا وقع بغرامك ليه ما يجي من الباب بدال قعدة الاحواش بنص الليالي .. هنادي " بتريقه " : والله من جد فكره تهبل بس يازكيه من بيوصلها له انتي و شكلك .. امك : و الله من ناحية زكيه فأنا فعلا زكيه لاننا يا حمارة بنحطها له محل ما هو يوقف دايما بطريقة تبان فيها الورقه فهمتي يا غبية .. هنادي وكأنها فهمت : اهاا .. فهمت .. طيب مين بيحطها ؟ زينب تطالع في هنادي و مشاعل تطالع في امك و نا اطالع في الاثنين .. هنادي "بشهقة " : لا و الله ما حزرتم لا تطالعي ياحبيبت امك فيني كدا .. انا مقدر اروح احطها .. وايش بيوديني هناك زنوبه لا تطالعيني كدا لاعطيكي بزنوبتي بوجهك .. مشاعل "برجاء و حنيه " : زينب حبيبتي الله يخليكي .. حطيها انتي .. طبعا سكتنا انا و امك بجد كسرت قلوبنا .. و قالت امك : طيب .. ومين يكتبها ؟؟ هنادي : انتي طبعا .. امك : احلفي ياشيخه .. وليش مو انتي ؟؟ هنادي : لان خطك احلى من خطي و لا انا ما همني .. امك : طيب ليش مو مشاعل ؟؟ هنادي : هبله انتي .. مشاعل خطها معروف عندنا لانه حلو و كل البنات تكتب لهم و تسوي لهم لوحات يعني بينعرف لو طاحت بيد احد .. امك : طيب اجل هاتي قلم .. وجبنا لهم الورق و القلم .. وصغنا الكلام و كتبناه ,,طبعا يوم خرجنا انا و امك من بيت مشاعل و مشاعل من غرفتها تراقب من الشباك و تعطينا خبر نمر و لا لاء و اذا كان فيه احد .. دخلنا الورقه بطريقه بين فرع الشجر و ربطناها بقماش احمر عشان تتميز و يشوفها .. و جاء الليل ,, روحنا انا و امك بيوتنا و كلنا على نار تصدقي ذاك اليوم محد فينا نام يمكن من كثر ما نحب بعضنا نخاف وش بيصير و يمكن لاننا مشتركين بالجريمة .. اللي صار طبعا مثل ما قصته علينا عمتك الله يرحمها .. انه جاء كالعادة وهالمرة طولت ما خرجت له مع ان بداخلها يقول اطلعي ما اتحمل ما اشوفك الليله .. طلعي بروي نظري بطيفك .. شويا شويا خرجت عيونها كالعاده وشافت طيف ابتسامة على وجهه .. هي كمان ابتسمت لانه ابتسم .. غريب امر العشاق لو ابتسم اللي يحبه ابتسم معه .. عالم عجيب .. لكن نظراتها راحت للرساله و صاركل اهتمامها عالرساله على قولت مشاعل : هنادي زينب انا متأكده انه سمعني اناديه بداخله .. زي ما انا اسمعه يناديني .. و لا ليش التفت فجأة على الرساله و قرب و اخذها ونا من بعد ما اخذها طرت و قفلت الشباك وطيران عالسرير خايفه .. خايفه .. وحاسه بندم .. و زاد احساسي بالندم و الخوف يوم جاء الليل و هو ما ظهر انتظرته الى ان اذن الفجر و اشرقت الشمس .. ظليت اطالع الشباك مو قادرة انام صليت الصبح و رجعت عالشباك اذن الظهر و نا حاسة بتعب ما ينوصف .. اخاف يظن اني ارمي نفسي عليه .. حامت الافكار براسي ووصلت من التعب ان النوم جافاني .. ذكرت ربي وودعيته .. هنادي : مرت الايام و الاسابيع و هذا شهر راح و هو ما جاء و لا حتى بالغلط .. وا ستعجلنا بملكة امك و ابوكي قلنا يمكن تتغير نفسيتها لاكن ما صار شئ بصراحه مشاعل هذيك الفترة كانت تلوم امك ان هي السبب .. و امك طبعا ما عادت تجي عندها .. شوفي الانسان لما يتعب يتفوه بحاجات بدون ارادة منه لان التعب وصل معاه حده زي عمتك بالضبط .. و ابوكي كان يموت فيها اكثر وحده من اخواته .. من مستشفى لمستشفى الى ان جاء يوم ونحنا كلنا عند مشاعل البنات طبعا حتى امك لاني كلمتها و خبرتها بحال عمتك وجت الشغاله و قالت فيه رجال برا يبغى بابا فهد .. زينب : طيب روحي انا بناديه .. راحت زينب لابوكي وقالت له و هو خرج و رجعت لنا ,, و ماصار عشر دقايق الا رجع ابوكي و وجهه احمررر .. و الله عمري ما خفت من احد كثر ما خفت منه قسم بالله قلت اكيد اليوم ياذابح يا مذبوح .. عارفة ايش سوى دخل و ياضرب لك امك و عمتك اللي كانت نفسيتها مأثره على جسمها الضعيف .. ضربهم الاثنين .. ونا من الخوف ماسويت شئ .. طبعا اخذت من اللي فيه النصيب بالطرده .. لو تدري ايش سوى ؟؟ قاطعتها انا باسى : طلق ماما صح ؟؟ هنادي "باستغراب " : ايوه ايش دراكي ؟؟ مشاعل " لان ماما كل يوم و التاني تقول بسبت عمتك طلقني ابوكي و شكله بسببك انتي يقتلني " : تخمين .. هنادي " بشك " : مع اني مو مصدقتك بس يالله امشي .. مشاعل : هههههههه .. طيب كملي ... هنادي : جلست امك شهر و الشهر الثاني خلص و دخل الثالث و ما باقي على العدة الا شئ بسيط بعدين رجعها .. ورد : اممم عمه هنوده .. ليش بابا ضرب ماما و عمتي .. ومن الرجال اللي جااء ؟؟ هنادي : الرجال يصير اخو اللي مشاعل متيمة فيه ... ورد " بتأتأه " : والله ,,طيب ,, و ماما و عمتي ايش السبب اللي خلاه يضربهم ؟؟ هنادي : لان اخو فارس عمتك جاء و اشتكى و هاوش ابوكي و اتخاصم معاه و قاله كلام يجيب السكته القلبيه مشاعل " بتردد " : ايش قال ؟؟ هنادي : ماله داعي تـــ ... قاطعتها ونا اترجاها و حلفتها بالله تكمل و تقول و كملت .. هنادي : قال له انه نحنا ما ناخذ لعيالنا بنات مالهم اصل و لا نسب و الاقوى من هالكلمة ان بناتنا ما اتربوا و لا فيه بنت تراسل رجال و تقولوه اتزوجني طبعا ابوكي ما صدقه و طرده و بغيت تصير خناقه كبيره لو ما طلع الرجال الرساله ووراه هيا وهنا ابوكي مسكين و كأن احد اعطاه كف بوجهه مو بس اخته لا مرته و خطيبته كاتبه الرساله .. مشاعل : وبابا ايش عرفه انه ماما كتبتها .. هنادي : يا حبيبتي اذا جاك يوم و حبيتي غصبن عنك تعرفي كل شئ عن اللي تحبيه و ابوكي كان مو بس حافظ الا خط امك محفور بقلبه .. هنا ابوكي لام امك كيف تكتب الرساله هذا بدال ما تنصحها و اللي زاد قهره انه عرف ان هيا اللي خططت طبعا الهبله امك من يوم سألها جاوبت و لا مشاعل رغم انه ضربها و هي بنفسها تعبانه بس ما قالت شئ و تحملت بس العبيطه امك غبيه من جد .. و امك كرهت عمتك لانها سبب في طلاقها .. وبسبب ان ابوكي رغم انه رجعها الا انه ما كان طايقها و لا صار يجيها .. و يلومها انها سبب ضياع اخته .. مع الايام كبر الحقد و زادت الضغينه .. و بما انك تشبهي عمتك الغاليه فيمكن محبوبه من ابوكي و بنفس الوقت شادد عليكي ,, يخاف تنعاد المأساة .. بالنسبه لامك تشوف فيكي الانسانه اللي حرمتها من حب ابوكي لانه رغم كل شئ ابوكي بعد ما ماتت عمتك كان كاره الدنيا كلها و من ضمنها امك .. بس كان يقول مشاعل قبل لاتموت بايام كانت تقول لي ياخوي ترا مرتك اصيله و هي مالها دخل بشئ ... كله انا اللي خططت له هي بس كانت معايا بفرحي و حزني .... مشاعل " بعفويه " : بس ماما مالها ذنب .. هنادي : ادري بس تعرفي عقول الرجال اعوذ بالله متحجرة .. مشاعل "بقلبي ,, ونا مالي ذنب " : طيب كيف ماتت عمتي ؟؟ هنادي " بحزن .. " : الله يرحمها ,, ربي رحمها يوم اخذها عنده لانها كانت تعاني .. حبت ذاك الرجال و القهر يوم وصلنا كرت زواجه من بنت عمه اللي اخذها و كأنها تقهرها فيه اني اخذته و انتي يالمسكينه لا .. تخيلي يابنتي اننا حتى ما شفنا شكلها و لا نعرفها لكن على مايبدو انها تعرف بقصة عمتك مع خطيبها عاد هنا تعبت اكثر كل يوم مستشفى و ابر مقويه لانها ماترضى تاكل حتى ابوكي نسي صرامته ثاني يوم الصباح جاء لابوكي تليفون يخبره فيه اخو العريس انه توفى بحادث بالطريق هو و زوجته ,, ابوكي انسان يعني عنده رحمه اترحم عليه مع انه كارهه بس مايجوز على الميت الا الرحمة تذكر اخته دخل عليها حصلها ساكته و هادئه كلمها ماردت عليه .. من خوفه جلس جنبها يهزها ما تتحرك بس عيونها مفتوحه و انفاسها مالها صوت شالها وودها المستشفى كشفوا عليها و قالوا انها تعرضت لصدمة سببت لها هالحالة .. ظلت حوالي 4 سنين وهي بهالحاله طبعا كنا نعالجها في مستشفى الــ ..... بالطايف للحالات النفسية .. عرف وقتها ابوكي انها اكبد سمعت الحوار اللي دار بالاتصال و عرفت انه مات .. الا بيوم من الايام كذا من لحالها جات لابوكي و سلمت على راسه و الدموع على خدودها وقتها خاف ابوكي يمكن تتألم شئ يوجعها .. و مو قادرة تتكلم .. سألها : شعوله حبيبتي شئ يعورك ؟؟ مشاعل : قلبي يعورني .. طبعا ابوكي جلس مبله فيها ( صاخ ,, يطالعها زي الابله ) .. فهد : شعوله من جد هذا الصوت منك و لا من فين .. مشاعل "ابتسمت و ضحكت " : ههههه .. مني ياحبيبي .. ضمها فهد لصدره و صار يبكي و لاول مرة تشوفه يبكي حضنته لصدرها وقالت : ما عاش من يبكيك يا اخويا حتى لو كانت روحي ما عاشت .. فهد : لا تقولي كدا .. ما صدقت ترجع وردة البيت و ياسمينه .. حبيبتي انتي .. وباسها على جبينها .. الحلووووة فين تبغى تروح و لا اقولك ايش تبغي تتعشي اممم احسن شئ قومي البسي بوديكي البحر و امشيكي و اسهرك سهرة على كيفيك .. مشاعل : احبــكــ .. فهد : ونا مقدر اعيش بدونك انتي بنتي و اختي .. شعوله ما قلتي لي كيف قدرتي تتكلمي .. مشاعل : اقول لك و ما تزعل مني ؟؟؟ فهد : مقدر ازعل منك .. مشاعل : شفته جاني بمنامي يقول لي : زاد الشوق عندي ووصل حده لمتى احتريك ,, ما بتريحين قلبي و تجين .. "ومسكت شفايفها بشاعريه وقالت بكل عفويه " : لمسني هنا و قال لي مردك لي يا نور العين دار وجهه وجاي رايح الا انا اناديه بصوتي لا تروح لا تتركني .. تعبانه .. التفت علي مرة ثانيه و ابتسم و قال : بتطيبين غلاي بتطيبين .. راح ونا قمت من نومي مشاعل " بحنيه و حب " : فهد حبيبي .. فهد : عيون فهد امريني اللي تبيه بيكون عندك .. مشاعل : و الله .. بتعطيني اللي ابغاه فهد : ايووة اطلبي و اتمني .. مشاعل : ابغى تعامل مرتك بالطيب تراها بنت اصول و تراعيك و تموت عليك و انت تحبها بس تكابر تحسبني ما ادري انك تعاملها معاملة الجدارهي مالها ذنب بشئ .. كل اللي صار لي من تحت راسي ودحين انا بخير .. راضيها عشاني .. فهد : خلص ابشري بس الاول اوديكي المستشفى اتأكد على سلامتك و بعدين يصير خير .. مشاعل " بدلع من زمان عنه بسبب الحب " :ما ابغى مستشفى بعدين انا تمام .. روح لمرتك و راضيها ظلمناها كثير .. وراح ابوكي و راضا امك و قال لها ان مشاعل اتكلمت ما اقولك برغم كل شئ الا ان امك فرحت لعمتك و رجعوا يتكلموا مع بعض .. كان ابوكي بيراجع لها هنا بجدة بس امك قال لا احسن بالطايف لان دكتورها هناك و الافضل هو اللي يتابعها.. و كذا بس ابوكي يومها ما كان فاضي .. قال لها اجل روحي مع مشاعل وامك " ام والدة مشاعل" قالت بتطلع للطايف عشان تشوف الحمام و الزرع كلمتها و ما عندها مانع في طريقها .. ذاك اليوم تعبت امك و بسبب دوخه تجيها .. فقالت لها مشاعل خلص انتي اجلسي ونا بروح .. امك قالت لها : لا لازم تروح معاها و لا فهد بيزعل بس مشاعل اصرت لانها خايفه تكون امك حامل و يصير لها شئ .. وقالت لها انها بتقنع فهد و تقوله هي اللي قالت لها تجلس .. المهم .. طلعوا الطايف و هم بالخط صدمتهم سيارةوايت كبيرة هذي تبع المويه طاحت السيارة الكبيره و معاها سيارة عمتك و توفت عمتك و ستك ام امك هنا ابوكي رجع يلوم امك لانها هي االلي قالت نوديها مستشفى الطايف و ياليتها راحت بدال اخته و لا جلست معاه تعذبه .. مرت سنه و راها سنة بدت علاقة امك و ابوكي ترجع .. و هالشئ أولد خوف عند امك ان ابوكي يلومها عشان كذا تخااف عليكي يمكن انتي بالذات لانك شبيهة اخته حبيبته .. طبعا سنتين بعد وفاتها كان بعيد عن امك بعدين شويا شويا رجعت العلاقات و حملت امك وجابتك و كان يقول هالبنت مستحيل تكون غير مشاعل .. و بس هذي قصت عمتك و ابوكي وامك ونا .. مشاعل الثانيه : حزنت على عمتي بجد حتى ان دموعي على طرف عيوني بس ما نزلتها ليش لا احد يسألني لأن صعب تحصلين جواب لسؤال انتي موب فاهمته .. فتحت عيوني ونا امحي ماضي عمتي من عيني عشان اشوف حاضري انا .. جلست افكر بحياتي ما ابي اكون مثل عمتي .. أبي اكون مشاعل القوية اللي ما تضعف .. عمتي كانت ضعيفه بس انا لا مو ضعيفه لازم ما اضعف و لا استسلم من اول مرة .. و اذا ماجد ما يحبني .. عادي ما صار شئ ,, يا ما ناس اتزوجوا و هم ما يعرفون بعض و حياتهم و لا احلى .. انا بدال لا ابعد عنه المفروض اكون جنبه .. احببه فيني .. بسس "ونا اتذكر اللي صار شلون عاملني بعنف اكره نفسي اني بسامحه .. بس هذا زوجي و الزواج مو لعبة يا مشاعل .. مو كل مااضربني زوجي بروح انام برا و لا اقوله طلقني .. ضروري اكون أعقل من كذا مثل ما الحب مرة بالدنيا همعد الزواج مرة .. وانا تزوجت و انتهى الموضوع هذي حياتي .. لازم الحق على اللي باقي منها.. بس ماجد صعب .. ومايريدني .. اخاف يرفضني .. و ان رفضني ما انتهت الدنيا ,, مصيري يابيت زوجي ونام بسوطه يا ونا ذليله و لا بيت اهلي .. انا لازم اسوي اللي ببالي .. برجع لك يا ماجد مع اني خايفه من اسلوبك هل ممكن يكون كلام منيرة صحيح معقول اني وحشتك ما اصدق ابداا .. كيف اوحشك و انت حتى ما تطالعني .. لكني بخليك تحبني غصب مو بكيفك .. مثل ما حبيتك بخليك تموت فيني .. هههه اضحك على نفسي عمتي اقلها حاولت بكل الطرق تجتمع فيها باللي تحب حتى انها ارسلت له رساله و كان مصيرها الضرب و فوق هذا عانت اربع سنين ما تتكلم .. و لا تتحرك .. قبل ما تموت بأيام ما قلت خلص هو مات و انتهى ,, ما خافت من اخوها رغم ان عيب البنت تقول هالكلام بس برائئتها حسستها ان الكلام بهالموضوع مو بالدنائه هذي ليتني عشت بزمنك كان سألتك وش اللي اصلحه عشان ماجد يحبني و ينسى غروره و لو شوي .. ظليت افكر بحالي الى ان صممت على الفكره اللي براسي .. ثاني يوم الصباح الساعه 9 و ثلث نزلت من غرفتي و رحت لماما و بابا اللي جالسين برا بالحديقه يتقهون .. مشاعل " بابتسامه حلوة " : صباح الخير ... الجميع حتى نجود معهم صباح النور .. مشاعل " سلمت على الجميع و قلت ونا لساتني واقفه " : برجع الرياض .. طبعا نجود "اتشنقت " : كح كح كححححح كح .. عطتها ماما ام فهد مويه و شربت .. بو فهد "و عينه على فنجانه " : ليه يابنتي ناقصك شئ .. مزعلك احد ؟؟ مشاعل : ابدا يا بابا ,, البيت بيتي ونا عمري ما حسيت اقل من كذا ,, حتى اني احسه بيتي اكثر من الشقة بالرياض "وبقلبي .. الله يهديه ماجد من كثر ما يقول شقتي و بيتي حسسني اني غريبه ما قد حسسني ان بيته بيتي بس ان شاء الله بخليك تحس " .. ام فهد : تسلمين يمه .. قعدي كمن يوم وانا بكلم ماجد يجي ياخذك .. مشاعل "بسرعه " : لا ماما ,, اصلا .. انا " و بتردد " : انا .. انا .. انقذتني نجود عسى الله يسعدها : افهميها يمه .. المرة بتفاجأ زوجها و بتحتفل فيه .. حرام يعني .. بو فهد "بابتسامه عريضه " : من قال حرام ,, الا انا بوصلها لبيتها بنفسي .. نزلت كل اشياتي و اغراضي تحت و انتظر بابا .. خلصنا و ركبنا السيارة و مشينا .. طبعا مو بس انا كلنا انا و ماما و بابا و نجود.. احس اني داخله حرب يا خسرانه يا خسرانه .. بس ان شاء الله افوز بقلبك ماجد .. ماجد ما بي اخسرك مثل قبل مثل كل اللي خسرتهم قبلك .. انت لي و بتحبني مثل ما احبك .. اوعدك .. "ابتسمت على كلامي ,, من متى صرت اتكلم كلام تحدي .. يارب استرها معي " وصلني بابا لباب البيت بغى يدق الجرس لكني رفضت .. وقلت له يمكن ماجد نايم و اخاف ازعجه ففتحت الباب بمفتاحي عزمت على بابا يدخل معايا هو و ماما و نجود يرتاحوا بس هو رفض و قال مرة ثانيه .. احلى شئ لما قالي لا تقطعين ,, حبيت بابا ابو فهد رغم اللي سواه بعمتي و اخوه الا انه انسان زين و لا ما يندم الا الانسان اللي عنده ضمير هذي وجهة نظري .. شفت الساعه كانت خمسة العصر ,,أاكيد نايم .. دخلت بخفة .. البيت مظلم اعوذ بالله كأنه مهجور .. بعدين الله يسامحه ماجد ليه مسكر الستاير .. اففف مغبره .. رحت حجرة التلفزيون شفت التلفزيون مفتوح بس مكتوم الصوت لا اله الا الله هذا عشانه ما يدفع الكهرباء .. و الله بخلي بابا يبطل يدفعها بداله .. و اكواب فوق الطاوله و الارض هذا ليه ما يغسل اكوابه انا بعرف شلون كان عايش لما كان عزابي .. اهاا اكيد فهد اللي كان يغسل و لا هذا مو شكله شكل واحد يتنازل و يغسل حتى كوبه .. فسخت عبايتي و شلت الاكواب و غسلتها .. ياوووووووويلي هذا مجنون .. لا حول و لا قوة الا بالله اففففف لو تشوفون المغسله شئ كاسه و شئ ملعقه وشئ صحن .. لا اله الا الله كانه بزر .. وليش ما يغسل القدر شكله صلح بيض مسلوق بصراحه ضحكت ما اتخيل ماجد يعرف يطبخ لا و ماسوى الا البيض المسلوق عاد احلى طبخه .. نظفت المطبخ و اخذ مني ساعه .. و رحت حجرة التلفزيون معايا عدة التنظيف .. و نظفتها .. و توجهت للصاله و نظفتها تصدقون 4 ساعات و نا انظف بس الغبار كان كثير .. توجهت لغرفتي غرفة النوم الغرفه باااردة برود الثلج فتحت اللمبه الصفرا .. شفته عالسرير .. ما تصدقون شلون اشتقت له ؟؟ اشتقت لحسه و وجوده و الله ان البيت و راعيه و هواشه بعد لهم وحشة قربت منه و نا خايفه يكون صاحي و لا يصحى .. الغرفه عاد ما اقولكم كيف صايره مبهدله قسم بالله المطبخ اهون .. هذا على باله يبهدلها عشان انا ارتبها بوريك يا ماجد بخليك تتعلم شلون ترتب الحجرة اصير علي و بتشوف بنت الخــ ..... وش بتسوي فيك ياولد البـــ ... قربت لمه ونا اشم ريحته.. ماجد ما احسك شراني و لا مجرم و لا قاسي و انت نايم مافيه احلى عنك .. ليش وانتي صاحي احسك موب صاحي تعاملني معامله شينه و احسك قاصدها.. يالله اتهنى بعذابي لان جاء دورك بالتعذيب بس هالمرة بعذبك عذاب الاحباب عذاب ممتع و رقيق .. يخطف الانفاس يرد الارواح .. بكون احسن عنك و بيكون عذابي حنون .. ابتسمت يوم تحرك و حك خشمه بالمخده ودي المسه و اربت على شعره مثل الام يوم تمسد على شعر وليدها .. قربت من اذنه بشغف و شوق قلت له .. :: احــــبكـــ .. أحــــبـــكــ .. توجهت لدولابي و خذيت لي فستان احمر ابتسمت بخجل .. ادري انك تحب الاحمر . .. بالبسه بس عشانك مع اني ما احب الاحمر بس لانك تحبه بحبه انا بعد ..و رحت للحمام اللي برا .. و استحميت و تعطرت .. رحت لحجرتي وهو ما زال نايم حطيت مي كاب خفيف حتى الشدو كان وردي فاتح يلمع و الروج ودي احط له لون احمر بس انا ما شريت لي هاللون .. لحظه منور شرت لي .. ايه دورته بشنطة يدي حصلته كان احمر صارخ .. حطيته و من الحواف حطيت غلوس وردي بلمعة .. صار لون الروج غريب ,, بارد على حار عجبني .. اووووبس تذكرت الفحم ولعته على النار .. حطيت القهوة على النار و خرجت بسكويت و سويت حلى خفيف و سريع ما ياخذ وقت .. جبت المبخره و حطيت البخور و جلست ابخر البيت و صلت لحجرته ما حصلته على السرير بصراحه كل الشجاعة اللي فيني اختفت .. و الله ياخوفي يقولي بلا حركات اغراء و مدري ايش .. شلت شرشف السرير و حطيت جديد بداله و رتبت السرير و نظفته .. خذيت من الشموع اللي بالدرج و ولعتها و حطيتها بالصالون .. خرجت لماجد بدلة حلووة بنطال ازرق جينز و بلوزة كت احمر .. .. ابتسمت ابغاه يطقم معااياا .. و حطيت ملابسه على السرير .. رحت برا الحجرة و سكرت بابها عشان ان طلع اسمع صوت الباب و استعد .. صارت نص ساعه من خرجت من عنده ليش ما طلع .. اخاف ما يكون لبس اللي طلعته له .. عمره طويل .. جبنا سيرة القط قام نط . .. هذا هو خرج ياويلي انا خرجت له ملابس عشان يلبس مو عشان يطلع لي ونص جسمه مكشوف و الباقي لاف عليه المنشفه .. طالعني بذهول وقال : انتي جنيه و لا انسيه ؟؟ مشاعل " بصراحه شكله وقتها ذكرني باللي سواه معايا و ذكرني بالحقير اللي اغتصب فييني .. غمضت عيوني بقوة حسيت بقربه لان جسمي كان بارد و بمجرد وجوده حسسني بالدفئ .. بدلخلي صراع افتحي عينك يا مشاعل مو قلتي بتخليه يحبك كيف تخليه يحبك و انتي داخلك خوف منه و حيا و خجل تراه زوجك حلالك طالعيه هذا ماجد اللي تحبينه مو ذاك الحقير .. فتحت عيني شوي شوي .. الا اشووفه .. لكن هالمرة ما اشوف ماجد اشوف ... ؟ |
|
|
|
2010- 8- 14
|
#85 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
أجزاء روووعة
ننتظر |
|
|
|
2010- 8- 14
|
#86 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقة الخامسة و الثلاثون :" الــــ المطيع ــــــــــزوج " قالوا تحبه قلت مــا هو بالحيلبس انه أغلا شوي من نور عينييسوى جميع الجيل الأول وهالجيلاحبابي المــــاضين والمقبلينشوقي له أعظم من ظمى الأرض للسيلواشفق عليــه أكثر من أم الجنينيواحتاج له حاجة ثرى مصر للنيلوعليه أغـــار أكثر من الوالدينهذا هو خرج ياويلي إنا خرجت له ملابس عشان يلبس مو عشان يطلع ليونص جسمه مكشوف و الباقي لاف عليه المنشفة .. طالعني بذهول وقال : انتي جنيه و لا انسيه ؟؟مشاعل " بصراحة شكله وقتها ذكرني باللي سواه معاي و ذكرني بالحقير اللي اغتصب فييني .. غمضتعيوني بقوة حسيت بقربه لان جسمي كان بارد و بمجرد وجوده حسسني بالدفء .. بداخلي صراع افتحيعينك يا مشاعل مو قلتي بتخليه يحبك كيف تخليه يحبك و أنتي داخلك خوف منه و حيا و خجل تراه زوجكحلالك طالعيه هذا ماجد اللي تحبينه مو ذاك الحقير .. فتحت عيني شوي شوي .. إلا أشوفه .. لكن هالمرة ماأشوف ماجد أشوف ....أشوف شبح ماجد .. تصدقون اللحية من بداية ذقنه لنهايتها إلا كل فكه .. صحيح موب طويلة مرة بس مشعثرةتوني شايفته نايم بس ما انتبهت لذقنه لأنه مغطي فمه .. شكله يرعب كأنه خارج له من سجن .. فال الله و لافالي .. مد يده بيلمسني بعدت عنه يمكن لان أرعبني ..ماجد " بألم " : للحين تخافين مني ؟؟ماجد" صحيت من نومي ودخلت أكرمكم الله الحمام ,, طلعت وأنا أحسفيه شئ متغير بس وش هو ؟؟ طالعت الحجرة أشوفها و كأني لأول مرة أشوفها عقدت حواجبي,, هي الحجرة من زمان مرتبه و لا أنا رتبتها ,, غريبة اذكر يوم تركتها شعوله كانت صدق مرتبه ومن يوم راحت القصيم مشاعل ,, وأنا أنام فيها بصراحة افتقدتها حيـــــــــــل ,, نومي بسريرها و أتلحفبلحافها و احط راسي على مخدتها هال شعور يمتعني .. يزيدني شوق لها .. لحظه من رتب الحجرة ما اذكراني رتبتها لااا و اللي فاجأني شفت تي شيرتي الاحمر الكت و بنطلوني الجينز على السرير بصراحة التفت حولي و سميت بالله من يكون ؟؟ خطر بخاطري احساس قريب للفرحة ؟؟ مشيت شبه ركض لخارج الحجرة ..و انصدمت ايه انصدمت هذي مشاعل و لا خيالها و لاا اكيد جنيه .. سألتها اللي جاء على لسانيانسيه و لا جنيه ؟؟؟ غمضت عيونها و انا عيوني كل مالها تكبر قربت بجنبها و فتحت عينها ..ياناس الشمس اليوم اشرقت على حياتي .. برجوعها اشرقت .. فرحت من خاطري لكن اللي خلى الشمستغرب قبل وقتها يوم جيت المسها بعدت عني .. للحين تخافين مني ؟؟ "تألمت من خوفها .. اصلاا كله منيوش عطيتها من يوم تزوجتها لا " استهزء من حالي " من يوم ملكت عليها و أنا ماذوقتها يوم و لا حتى لحظه حلوة و ختمتها بالعن شئ بالدنيا .. زوج يحاول اغتصاب زوجته .. بس و الله ما قصدت اسوي بها شئ قسم بالله كنت بأرعبها و اوريها شلون ما تطيعني و تخاف مني و لاجل ما ترفع صوتها علي .. لحظة غضب وياكرهي لعصبيتي .. رفعت يدي بلمسها لكنها رجعت وراء و ابتعدت عني .. شديت على فكي بقووة و ضغطبأسناني .. صعب انك تحس بان اللي تحبه ما يحبك .. و الاصعب يوم تقرب منه ينفرك ..مشاعل " ما قدرت مو بيدي .. مسكت اعصابي .. و أنا اشجع نفسي .. ورد هذا جودي اللي تحبينه .. هذا زوجك هذا كل دنيتك لا تضيعينه .. إلمسيه مرة و بيضيع الخوف .. صراع داخلي .. الخوف يقول لا مايلمسني ما ابيه بس الحب و المشاعر الحلوة تقول يهون عليك ,, شوفيه شلون وجهه قايل .. و الله لو كافر كان رحمته .. وهذا اعز الناس .. يوم مديت يدي له إلا فات الأوان التفت و جاي رايح .. هنا ناديته : جـــودي ...ماجد " ما راح تسامحني و أنا مقدر انذل لها اكثر .. الحب واضح من عيوني و الندم و الاسف همبعد واضحعلي ..شتبي اصلح لها اكثر من كذا , تركتها و راد بس ,, وقفتني كلمتها يوم نادتني "جـــودي " .. ارتجفاحساسي و ارتعش جسدي لها لكلمة و نبرة صوتها ضيعتني و ردتني ... قطعت علي احساسي بلمستها ..مشاعل " بعد ما ناديته بدلع حسيت بندم ,, بغيت اصرف و مالقيت احسن طريقه اصرف بهااللي قلته و بنفس الوقت اضيع خوفي الا اني المسه ,, لمسته مع كتفه التفت وناظرني بس ما حبيت اطولبنظراته اخاف اتراجع و لا اتجرء ويمكن اغلط بشئ .. رفعت يدي اليمين و برجفة لمست ذقنه لاحظت شلونضاغط على فكه و بابتسامه مدري من وين رسمتها : ذقنك طال .. مو ناوي تخففه ..ماجد " ما صدقت لما مسكتني مع كتفي لكن يوم شفتها بعيني ظليت صاخ و لحظه اللي لمستني فيهاو الله مقدر أوصف هالشعور لو مية سنة قدام .. كنت مستانس ,, ايه مستانس و اللي ونستني صدق ابتسامتهاتهبل ما تشوفون رقة شفايفها و هي تسولف ,, اشوف ارتجاف شفتها السفليا و شلون تحاول تتحكم فيهن ..ابتسمت معها ..مشاعل " بغى يغمى علي يوم شفت فمه مبتسم .. يعني ما نفر مني و لا من لمستي ,, توقعت اقل شئيبعد يدي عنه و يقول لا تحلمين اكون لك , انتي ما تحركين فيني شعره .. لأنه دايم يقول لي هالشئالى ان حفظته ..انبسطت من تفاعله معي اقلها ما كان سلبي .... مسكته من يده و مشيت معهللحجرة و قلت "بابتسامه و دلع قصدته " : هذاني طقمت لك معي ... و أشرت على ثيابه على السرير ..و بقلبي اقول هبله انتي من زينك تتدلعي .. لكن اللي اسويه كأني أتمرد به على مبادئي ..كملت : امممم ممكن تلبسه عشاني .. و إذا ما تبي براحتك .. ونا طالعه قلت له : اعتبرها بمناسبة رجوعي ولا ما أستاهل ...طلعت من الحجرة بدون ما اسمع رده .. و سكرت الباب وراي و اتسندت عليه و أنفاسي مدريان زادت و لا قلت ..ماجد " خرجت و سكرت الباب و راها تبعتها لما الباب و اتسندت عليه بظهري و بهمس " أحبــك "" مشاعل : اموت فيك .. وقفت و رحت الصالون انتظره ,, جلست اقول بنفسي .. انا بتبع فكرتك منور بس بطريقتي أنامستحيل اصلح اللي قلتيه تماما ,, لأني بكون جريئه بزيادة و بخرج عن طبيعتي .. لكن بحاول احببه فيني ..جاني ماجد تصدقون ما اخذ وقت بالتبديل بسم الله هذا من متى هنا ... ابتسمت .. بصراحه حسيت ابتسامتي مالها داعي .. و مع ذلك ماجد ابتسم .. كان لابس البدلة اللي طقمت له هي اجل سبحان مغير الأحوال .. لا يكون صدقتي انه يحبك ,, مشاعل لا تفرحي كثير عشان لا تنصدميماجد "مع إن قلبي عنده الكثير لاجل يقوله بس لساني عاجز أخاف ترفضني ,, كبيرة بحقي لو رفضتني طول الوقت أطالعها "ظل يطالعني ونا حاسه يوم ارفع نظري ينزل عيونه ونا اطالعه بشوق و لهفة ليه احس انه تعبان .. معقول تعبان بسببي تأنيب ضمير يعني .. نزلت عيني .. اممم جوعانه ههههههههههههه تصدقون قلتها بخاطري بس من هبالتي لساني نطقها ماجد "ياحبي لها و هي هادئة تهبل بالأحمر أذكر يوم ملكة نجود وهي بالجلابيه الحمراااء روووووووووووووعه الله يحفظها لي أنا .. أنا وبس وبس .. نزلت عيني عنها اخاف احسدها ما رفعت راسي الا يوم سمعتها تقول جوعااانه يا ناس بتهبل فيني هالبنت فيها برأه مو طبيعيه وربي وهي تقول جوعانه أشفقت عليها كأني أم وهي جنيني ,, قمت من مكاني و قلت : بنزل أشتري عشاء .. وش مشتهية ؟؟؟مشاعل " بخبث " : بس ,, أنا مالي نفس آكل من برا ..ماجد "مستغرب " : اجل شلون جيعانه و أنتي مالك نفس لشئ ..مشاعل : من قال أن مالي نفس اكل شئ ,, "ومن داخلي بضحك " .. بس مشتهية شئ ومستحية أطلبه منك ..ماجد "بابتسامه حنونه " : آآمريني وش بغيتي بيكون عندك بدقايق ..مشاعل "بابتسامه مغريه فتنته " : بجد .. يعني لو ايش بغيت بتنفذه لي ؟ماجد : جربي و بتشوفين ..مشاعل : مشتهية من يدك كبسة .."بردها لك يا ماجد و لا أنا تخليني أقطع البصل "..ماجد "ظل مبله " ...مشاعل " خخخخخخخخخخخخخخخخخخخخخخ بمووت من الضحك على شكله ,, قلت بسوي فيه معروف و بنفس الوقت أطلعه مو حق وعد " : اوكيه خلص ماجد مو لازم اذا ماتبي ,, " وكأني زعلت " انا بصلح لنفسي و لك .. مشيت على المطبخ ولحقني وقال ...ماجد "استغربت طلبها بس انا وعدتها بنفذ لها اللي بغته راحت على الطبخ شكلها زعلت الحين بتظن اني موب قد الوعد ولا بتصدقني ان قلت لها اني حبيتها ..ياربي وش السواااة الحين ؟؟؟؟؟؟؟؟؟ لحقتها على المطبخ وقلت لها : شعووله شرايك اشتريها لك من مطعم شئ ,, خطير ان ذوقتي عنده الكبسه مره ما عاد تبين غيره ..مشاعل " لا والله يتذااكى الاخ " : لا مشكوورما ابي .. "بصراحه كنت اعرف انه ما يعرف يصلح كبسه ,, بس نذاله ايه نذاله , ولا بس هو اللي يذل فيني و يستنذل معي ونا لاا .. بس بربيه شووي " قلت له : انا بصلحه ماابي منك ولا شئ ..ماجد "بصوت واطئ " :انزين بساعدك بأي شئ تبينه ..مشاعل " فرررصه وجتني " : اوكي .. اممممم قطع لي حبتين بصل و ياليت تكون شرايح .. طبعا ما عطيته فرصه يرفض ولا يرضى حتى ,, وخذيت الدجاج و بدءت اقطعه ههههههههههه لو تشوفون شكله قسم بالله لو عندي كاميرا كان صورته .. عيونه حمرررررررر .. يقطع و يمسح عينه ... وربي رحمته قمت قلت له هات عنك .. رفض بس ولا عبرته .. اخذتها منه و كملت تقطيع وقلت له عبال اخلص البصل قطع الطماط وياليتني ما قلت له بهدل لي المطبخ حسبي الله على الشيطان هذا وراه يخرب ما يصلح .. بالنهاية تنرفزت منه و طردته : اطلع برا الحين ..ماجد "يبرر " : خلص مشاعل و الله اخر مرة بتشوفين الحين بظبطه ..مشاعل " مسكته مع كف يده وجريته لبرا المطبخ وقلت " : مجوود اطلع برا بالطيب لأخليك تقطع لي كيس بصل زيين .. و سكرت الباب بوجهه .. حمااار خرب كل شئ المهم صلحت الكبسه بساعه ونص ماأخذ وقت .. جهزت العشاء مدري ليه بغيت أذوقه من الكبسه اللي يحبها هو من يد ماما ام فهد ,, لما كنت بالقصيم تعلمتها عشانه الدب ..هويت المطبخ شوي احس الجو حار .. قلت احسن نتعشى بحجرة التلفزيون أخاف نظل ساكتين طوال الوقت و الاكل ما ينبلع .. طلعت برا المطبخ شفته بالصاله جالس على الارض ... ههههههه .. اهبل ..مشاعل "ببرود مصطنع " : ممكن اعرف شلي تسويه هنا ؟؟؟ماجد " يا انحرجت احراج الله لا يحرج احد ما توقعت بتطلع ,, الحين وش ببرر لها .. بقول لها اني متحقرص بمكاني من القهر لي ساعه امشي رايح جاي و مرة جالس بالكرسي ومرة بالارض .. " : هاا .. انا ..مشاعل "رافعه حاجب و حاجب لا ,, باستهبال " : لا يا حلو أنا ... يالله ممكن تحط لي السفرة بحجرة التلفزيون ..بسرعه لو سمحت ,, ايه لا تنسى تشيل معك الكاسات جهزتها بعد بروح اغسل وجهي واحصل السفرة جاهزة و أنا بغرف الأكل أوكي ..مشيت لغرفة النوم غسلت وجهي و تعطرت رحت لحجرة التلفزيون و ابتسمت ياحبيلك يا ماجد و انت مطيع .. ما احس يناسبك ها لدور .. الزوج المطيع .. ههههههههههههه .. بالفعل صلح اللي قلت له عليه .. تووجهت للمطبخ و غرفت العشاء .. وحطيته على السفره و ماجد جالس يطالع بالسفره .. تعشينا طبعا ما تبادلنا الحديث غير التلفزيون صوته اللي يصدح بالمكان ..خلصنا .. شلت الصحون بالحالي .. و أنا قايمه اوديها المطبخ قلت لماجد : ممكن تجيب السفره للمطبخ .. التفت بخرج من الحجرة الا سمعته قال بعصبيه : تحسبيني خداااام أبو... " و سكت " ما أنكر إني أول ما عتبت البيت و أنا خايفه يرجع يعاملني مثل قبل أو حتى أردى بس لهفته و حالته الصعبه و مساعدته لي .. اقصد محاولته يساعدني نستني أنه ممكن ماجد يرجع مثل أول .. ليش كل ما أقول هانت أرجع من جديد وكأن شيئا لم يكن قلت له وعيني على عيونه " بثقه يبطنها ألمي " : انت زوجي ما عشت و لا عاش من يقول انك خدامي و لا خدام أبوي .. عن إذنك .. رحت لما المطبخ حطيت الصحون و رجعت خذيت السفرة وهو مازال بالحجرة ..ماجد " و أنا احط السفره دق علي ولد عمي سألني وش أصلح ؟؟ بعفويه قلت له بحط السفرة .. سألني وينها حرمتك ؟؟قلت له إنها بالحمام .. قام يتمسخر علي و الأردى بنات عمي همبعد يتمسخرون علي.. اسمع أصواتهم يقولون .. و الله ولد عمنا صاير شيف على آخر عمره ,, ماجد المغرور صاير خدام المدام هنا وصلت حدي وقلت بعصبيه : اسمع انت و سمع اللي بجنبك ماجد تاج راسك و إن ساعدت زوجتي فهذا لانها ملكة عندي و تاج على رؤؤسكم كلكم .. و قفلت الخط عصبت حدي منه ..وفرغت عصبيتي بمشاعل .. والله ندمان كل ما أكحلها أعميها .. الله ياخذ الشيطان كله منه ..مشاعل "خلصت شغلي و توجهت لغرفة النوم غسلت جسمي و لبست لي بجامة لونها ليموني كت .. رحت لمكاني بالسرير و حطيت راسي بعد ما قفلت نور الحجرة و شغلت نور الابجورة الصفراء .. بالظبط كم من الوقت مر ؟؟ ما عندي علم الا يوم فتح الباب بهدؤ و دخل على باله نايمة .. خذا له لحاف و مخدة .. وهو طالع قلت له : هذا بيتك و هذي حجرتك اذا بتنام فيها نام ..ماجد "ظنيتها نايمة أصلا مالي وجهه أطالعها بس سمرني صوتها يعني صاحيه "مشاعل " حسيت بدخوله و خروجه مثل الحراميه " : ماجد ترا البيت يتك و الحجرة حجرتك يعني .. كنت بكمل بس سكت .. أخاف أقول بلاش حركات الحراميه بدخولك وطلوعك بس قلت الحين لو قلت له بيتحسس من كلامي .. و بيناقرني .. و أنا ما فيني على المناقر ..ماجد : يعني وشووو ؟؟مشاعل : ماجد اذا تبي تنام هنا نام ماله داعي تنام برا و البيت بيتك والغرفه غرفتك .. و اذا عني لا تشيل همي"بصوت هادئ كملت " : بيجي يوم وبتركك و اترك لك البيــ.... ما شفته الا بجنبي من طرف السرير بالجهة الثانية جالس على ركبه و شادني له .. صرت لا مسدوحه و لا جالسة معلقه بمسكته لي من زندي "ماجد " بصوت خافت بس غريب عنه .. أول مرة أحس إن ماجد فيه نسبة خوف " : شتقصدين ؟؟ شلون بيجي يوم و تتركيني ؟؟ ووين بتروحين ؟؟ فهميني ؟؟مشاعل " ما شاء الله على يده تألم حتى بمسكته .. غمضت عيوني ونزلت راسي من الالم ,, أحيان احس ان ماجد ما يحس ,, رجع يسألني بصرامه شتقصدين ؟؟؟ وين بتتركيني ؟؟ "مشاعل : انت اللي ما بغيتني ..ماجد "بصدمه " : أنا .. من قال ؟؟مشاعل : انتي اللي علمتني بعضمة لسانك .. ولا نسيت ..ماجد "باستغراب " : متى ؟؟؟؟مشاعل "بلوم و عتاب " : أول يوم زواجنا .. قلت بعد سنه بتطلقني ..ماجد "بندم " : هذاك أول ..مشاعل " بأمل " : و الحين ؟؟؟؟؟ماجد : مستحيل تكونين لغيري و إن مت بسحبك معي لقبري .. إنتي حقي أنا .. مشاعل حق ماجد .. ماجد وبس .. فهمتي ضمني له بقوووة ما قد حسيت بهالشئ حتى يوم كنت نايمة بحظنه وانا مدري .. احسا س يرعشني هز قلبي من جوا حتى دموعي انهمرت .. اشعر بنغزات بقلبي , بصدري . . احس إني بدوخ .. لا أعتقد إني دايخه .. قوة تنفسه الا واضحه من صدره .. أرجفتني ... و خرني عنه شوي و ناظرني .. ريح وجهي بين كفوف يدينه ناظرني بحنان بلهفة بشوق ما أصدق .. هذا ماجد .. قرب وجهي منه لكني بعدت عنه تدرون ليش ما بغيته يأخذني بها لسهولة .. لا تعاتبوني ,, ماجد تعود يأخذ كل اللي يبيه و بسهوله لأنه ذكي لكن هالمرة لا يا ماجد ما بعطيك اللي تبيه إلا يوم أحس إنك تعدلت .ماجد " عقدت حواجبي و شفت الدموع اللي بعيونها و قلت " : عمري بحياتي ما بأذيك أوعدك ..مشاعل "درت وجهي للناحية الثانية ما أبغى أضعف ,, أرحمني يا ماجد .. عمرك ما رحمتني ,, مو وقتهأضعف عندك .. باقي أخليك تبطل حركات الغرور اللي فيك .. "ماجد "بصدق " : ادري بتقولين إني موب قد الوعد .. لكن بقوولك أقسم بالله اللي زوجني فيك " وبداخلي قلت و حببني بكل شئ منك و فيك " .. عمري ما باخذ شئ منك و لا بألمسك كزوجة و إن كان حقي إلا يوم تقولين لي ماجد خذني ..ماجد أبيك تلمسني ..مشاعل " مدري ليه انقهرت من وعده و من حلفانه يمكن بقرارة نفسي أبيه يلمسني .. بس مو ألحين "وقف ماجد بيروح مسكته مشاعل من يده .. رجع نزل على ركبه و ناظرها و قالت له : لا تتركني و تروح ..ماجد " بابتسامة حب و رضا " : ليش ؟؟؟مشاعل : أخاف ..ماجد : تحسين بالأمان و أنا معك ..مشاعل : إيييه ..ابتسم لها ماجد و ما علق راح بالجنب الثاني من السرير هو بطرف و هي بالطرف الثاني حط مخدته و تغطى بلحافه مع إنه حاس انه حراان .. و الحلوة شعوله عكس ماجد كانت تحس ببرودة بالعظم ..
|
|
|
|
2010- 8- 14
|
#87 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقة الخامسة و الثلاثون :
" الــــ المطيع ــــــــــزوج " قالوا تحبه قلت مــا هو بالحيل بس انه أغلا شوي من نور عيني يسوى جميع الجيل الأول وهالجيل احبابي المــــاضين والمقبلين شوقي له أعظم من ظمى الأرض للسيل واشفق عليــه أكثر من أم الجنيني واحتاج له حاجة ثرى مصر للنيل وعليه أغـــار أكثر من الوالدين هذا هو خرج ياويلي إنا خرجت له ملابس عشان يلبس مو عشان يطلع لي ونص جسمه مكشوف و الباقي لاف عليه المنشفة .. طالعني بذهول وقال : انتي جنيه و لا انسيه ؟؟ مشاعل " بصراحة شكله وقتها ذكرني باللي سواه معاي و ذكرني بالحقير اللي اغتصب فييني .. غمضت عيوني بقوة حسيت بقربه لان جسمي كان بارد و بمجرد وجوده حسسني بالدفء .. بداخلي صراع افتحي عينك يا مشاعل مو قلتي بتخليه يحبك كيف تخليه يحبك و أنتي داخلك خوف منه و حيا و خجل تراه زوجك حلالك طالعيه هذا ماجد اللي تحبينه مو ذاك الحقير .. فتحت عيني شوي شوي .. إلا أشوفه .. لكن هالمرة ما أشوف ماجد أشوف .... أشوف شبح ماجد .. تصدقون اللحية من بداية ذقنه لنهايتها إلا كل فكه .. صحيح موب طويلة مرة بس مشعثرة توني شايفته نايم بس ما انتبهت لذقنه لأنه مغطي فمه .. شكله يرعب كأنه خارج له من سجن .. فال الله و لا فالي .. مد يده بيلمسني بعدت عنه يمكن لان أرعبني .. ماجد " بألم " : للحين تخافين مني ؟؟ ماجد" صحيت من نومي ودخلت أكرمكم الله الحمام ,, طلعت وأنا أحس فيه شئ متغير بس وش هو ؟؟ طالعت الحجرة أشوفها و كأني لأول مرة أشوفها عقدت حواجبي ,, هي الحجرة من زمان مرتبه و لا أنا رتبتها ,, غريبة اذكر يوم تركتها شعوله كانت صدق مرتبه و من يوم راحت القصيم مشاعل ,, وأنا أنام فيها بصراحة افتقدتها حيـــــــــــل ,, نومي بسريرها و أتلحف بلحافها و احط راسي على مخدتها هال شعور يمتعني .. يزيدني شوق لها .. لحظه من رتب الحجرة ما اذكر اني رتبتها لااا و اللي فاجأني شفت تي شيرتي الاحمر الكت و بنطلوني الجينز على السرير بصراحة التفت حولي و سميت بالله من يكون ؟؟ خطر بخاطري احساس قريب للفرحة ؟؟ مشيت شبه ركض لخارج الحجرة .. و انصدمت ايه انصدمت هذي مشاعل و لا خيالها و لاا اكيد جنيه .. سألتها اللي جاء على لساني انسيه و لا جنيه ؟؟؟ غمضت عيونها و انا عيوني كل مالها تكبر قربت بجنبها و فتحت عينها .. ياناس الشمس اليوم اشرقت على حياتي .. برجوعها اشرقت .. فرحت من خاطري لكن اللي خلى الشمس تغرب قبل وقتها يوم جيت المسها بعدت عني .. للحين تخافين مني ؟؟ "تألمت من خوفها .. اصلاا كله مني وش عطيتها من يوم تزوجتها لا " استهزء من حالي " من يوم ملكت عليها و أنا ماذوقتها يوم و لا حتى لحظه حلوة و ختمتها بالعن شئ بالدنيا .. زوج يحاول اغتصاب زوجته .. بس و الله ما قصدت اسوي بها شئ قسم بالله كنت بأرعبها و اوريها شلون ما تطيعني و تخاف مني و لاجل ما ترفع صوتها علي .. لحظة غضب و ياكرهي لعصبيتي .. رفعت يدي بلمسها لكنها رجعت وراء و ابتعدت عني .. شديت على فكي بقووة و ضغط بأسناني .. صعب انك تحس بان اللي تحبه ما يحبك .. و الاصعب يوم تقرب منه ينفرك .. مشاعل " ما قدرت مو بيدي .. مسكت اعصابي .. و أنا اشجع نفسي .. ورد هذا جودي اللي تحبينه .. هذا زوجك هذا كل دنيتك لا تضيعينه .. إلمسيه مرة و بيضيع الخوف .. صراع داخلي .. الخوف يقول لا مايلمسني ما ابيه بس الحب و المشاعر الحلوة تقول يهون عليك ,, شوفيه شلون وجهه قايل .. و الله لو كافر كان رحمته .. وهذا اعز الناس .. يوم مديت يدي له إلا فات الأوان التفت و جاي رايح .. هنا ناديته : جـــودي ... ماجد " ما راح تسامحني و أنا مقدر انذل لها اكثر .. الحب واضح من عيوني و الندم و الاسف همبعد واضح علي ..شتبي اصلح لها اكثر من كذا , تركتها و راد بس ,, وقفتني كلمتها يوم نادتني "جـــودي " .. ارتجف احساسي و ارتعش جسدي لها لكلمة و نبرة صوتها ضيعتني و ردتني ... قطعت علي احساسي بلمستها .. مشاعل " بعد ما ناديته بدلع حسيت بندم ,, بغيت اصرف و مالقيت احسن طريقه اصرف بها اللي قلته و بنفس الوقت اضيع خوفي الا اني المسه ,, لمسته مع كتفه التفت وناظرني بس ما حبيت اطول بنظراته اخاف اتراجع و لا اتجرء ويمكن اغلط بشئ .. رفعت يدي اليمين و برجفة لمست ذقنه لاحظت شلون ضاغط على فكه و بابتسامه مدري من وين رسمتها : ذقنك طال .. مو ناوي تخففه .. ماجد " ما صدقت لما مسكتني مع كتفي لكن يوم شفتها بعيني ظليت صاخ و لحظه اللي لمستني فيها و الله مقدر أوصف هالشعور لو مية سنة قدام .. كنت مستانس ,, ايه مستانس و اللي ونستني صدق ابتسامتها تهبل ما تشوفون رقة شفايفها و هي تسولف ,, اشوف ارتجاف شفتها السفليا و شلون تحاول تتحكم فيهن .. ابتسمت معها .. مشاعل " بغى يغمى علي يوم شفت فمه مبتسم .. يعني ما نفر مني و لا من لمستي ,, توقعت اقل شئ يبعد يدي عنه و يقول لا تحلمين اكون لك , انتي ما تحركين فيني شعره .. لأنه دايم يقول لي هالشئ الى ان حفظته .. انبسطت من تفاعله معي اقلها ما كان سلبي .... مسكته من يده و مشيت معه للحجرة و قلت "بابتسامه و دلع قصدته " : هذاني طقمت لك معي ... و أشرت على ثيابه على السرير .. و بقلبي اقول هبله انتي من زينك تتدلعي .. لكن اللي اسويه كأني أتمرد به على مبادئي .. كملت : امممم ممكن تلبسه عشاني .. و إذا ما تبي براحتك .. ونا طالعه قلت له : اعتبرها بمناسبة رجوعي و لا ما أستاهل ...طلعت من الحجرة بدون ما اسمع رده .. و سكرت الباب وراي و اتسندت عليه و أنفاسي مدري ان زادت و لا قلت .. ماجد " خرجت و سكرت الباب و راها تبعتها لما الباب و اتسندت عليه بظهري و بهمس " أحبــك " " مشاعل : اموت فيك .. وقفت و رحت الصالون انتظره ,, جلست اقول بنفسي .. انا بتبع فكرتك منور بس بطريقتي أنا مستحيل اصلح اللي قلتيه تماما ,, لأني بكون جريئه بزيادة و بخرج عن طبيعتي .. لكن بحاول احببه فيني .. جاني ماجد تصدقون ما اخذ وقت بالتبديل بسم الله هذا من متى هنا ... ابتسمت .. بصراحه حسيت ابتسامتي ما لها داعي .. و مع ذلك ماجد ابتسم .. كان لابس البدلة اللي طقمت له هي اجل سبحان مغير الأحوال .. لا يكون صدقتي انه يحبك ,, مشاعل لا تفرحي كثير عشان لا تنصدمي ماجد "مع إن قلبي عنده الكثير لاجل يقوله بس لساني عاجز أخاف ترفضني ,, كبيرة بحقي لو رفضتني طول الوقت أطالعها " ظل يطالعني ونا حاسه يوم ارفع نظري ينزل عيونه ونا اطالعه بشوق و لهفة ليه احس انه تعبان .. معقول تعبان بسببي تأنيب ضمير يعني .. نزلت عيني .. اممم جوعانه ههههههههههههه تصدقون قلتها بخاطري بس من هبالتي لساني نطقها ماجد "ياحبي لها و هي هادئة تهبل بالأحمر أذكر يوم ملكة نجود وهي بالجلابيه الحمراااء روووووووووووووعه الله يحفظها لي أنا .. أنا وبس وبس .. نزلت عيني عنها اخاف احسدها ما رفعت راسي الا يوم سمعتها تقول جوعااانه يا ناس بتهبل فيني هالبنت فيها برأه مو طبيعيه وربي وهي تقول جوعانه أشفقت عليها كأني أم وهي جنيني ,, قمت من مكاني و قلت : بنزل أشتري عشاء .. وش مشتهية ؟؟؟ مشاعل " بخبث " : بس ,, أنا مالي نفس آكل من برا .. ماجد "مستغرب " : اجل شلون جيعانه و أنتي مالك نفس لشئ .. مشاعل : من قال أن مالي نفس اكل شئ ,, "ومن داخلي بضحك " .. بس مشتهية شئ ومستحية أطلبه منك .. ماجد "بابتسامه حنونه " : آآمريني وش بغيتي بيكون عندك بدقايق .. مشاعل "بابتسامه مغريه فتنته " : بجد .. يعني لو ايش بغيت بتنفذه لي ؟ ماجد : جربي و بتشوفين .. مشاعل : مشتهية من يدك كبسة .."بردها لك يا ماجد و لا أنا تخليني أقطع البصل ".. ماجد "ظل مبله " ... مشاعل " خخخخخخخخخخخخخخخخخخخخخخ بمووت من الضحك على شكله ,, قلت بسوي فيه معروف و بنفس الوقت أطلعه مو حق وعد " : اوكيه خلص ماجد مو لازم اذا ماتبي ,, " وكأني زعلت " انا بصلح لنفسي و لك .. مشيت على المطبخ ولحقني وقال ... ماجد "استغربت طلبها بس انا وعدتها بنفذ لها اللي بغته راحت على الطبخ شكلها زعلت الحين بتظن اني موب قد الوعد ولا بتصدقني ان قلت لها اني حبيتها ..ياربي وش السواااة الحين ؟؟؟؟؟؟؟؟؟ لحقتها على المطبخ وقلت لها : شعووله شرايك اشتريها لك من مطعم شئ ,, خطير ان ذوقتي عنده الكبسه مره ما عاد تبين غيره .. مشاعل " لا والله يتذااكى الاخ " : لا مشكوورما ابي .. "بصراحه كنت اعرف انه ما يعرف يصلح كبسه ,, بس نذاله ايه نذاله , ولا بس هو اللي يذل فيني و يستنذل معي ونا لاا .. بس بربيه شووي " قلت له : انا بصلحه ماابي منك ولا شئ .. ماجد "بصوت واطئ " :انزين بساعدك بأي شئ تبينه .. مشاعل " فرررصه وجتني " : اوكي .. اممممم قطع لي حبتين بصل و ياليت تكون شرايح .. طبعا ما عطيته فرصه يرفض ولا يرضى حتى ,, وخذيت الدجاج و بدءت اقطعه ههههههههههه لو تشوفون شكله قسم بالله لو عندي كاميرا كان صورته .. عيونه حمرررررررر .. يقطع و يمسح عينه ... وربي رحمته قمت قلت له هات عنك .. رفض بس ولا عبرته .. اخذتها منه و كملت تقطيع وقلت له عبال اخلص البصل قطع الطماط وياليتني ما قلت له بهدل لي المطبخ حسبي الله على الشيطان هذا وراه يخرب ما يصلح .. بالنهاية تنرفزت منه و طردته : اطلع برا الحين .. ماجد "يبرر " : خلص مشاعل و الله اخر مرة بتشوفين الحين بظبطه .. مشاعل " مسكته مع كف يده وجريته لبرا المطبخ وقلت " : مجوود اطلع برا بالطيب لأخليك تقطع لي كيس بصل زيين .. و سكرت الباب بوجهه .. حمااار خرب كل شئ المهم صلحت الكبسه بساعه ونص ماأخذ وقت .. جهزت العشاء مدري ليه بغيت أذوقه من الكبسه اللي يحبها هو من يد ماما ام فهد ,, لما كنت بالقصيم تعلمتها عشانه الدب .. هويت المطبخ شوي احس الجو حار .. قلت احسن نتعشى بحجرة التلفزيون أخاف نظل ساكتين طوال الوقت و الاكل ما ينبلع .. طلعت برا المطبخ شفته بالصاله جالس على الارض ... ههههههه .. اهبل .. مشاعل "ببرود مصطنع " : ممكن اعرف شلي تسويه هنا ؟؟؟ ماجد " يا انحرجت احراج الله لا يحرج احد ما توقعت بتطلع ,, الحين وش ببرر لها .. بقول لها اني متحقرص بمكاني من القهر لي ساعه امشي رايح جاي و مرة جالس بالكرسي ومرة بالارض .. " : هاا .. انا .. مشاعل "رافعه حاجب و حاجب لا ,, باستهبال " : لا يا حلو أنا ... يالله ممكن تحط لي السفرة بحجرة التلفزيون ..بسرعه لو سمحت ,, ايه لا تنسى تشيل معك الكاسات جهزتها بعد بروح اغسل وجهي واحصل السفرة جاهزة و أنا بغرف الأكل أوكي .. مشيت لغرفة النوم غسلت وجهي و تعطرت رحت لحجرة التلفزيون و ابتسمت ياحبيلك يا ماجد و انت مطيع .. ما احس يناسبك ها لدور .. الزوج المطيع .. ههههههههههههه .. بالفعل صلح اللي قلت له عليه .. تووجهت للمطبخ و غرفت العشاء .. وحطيته على السفره و ماجد جالس يطالع بالسفره .. تعشينا طبعا ما تبادلنا الحديث غير التلفزيون صوته اللي يصدح بالمكان ..خلصنا .. شلت الصحون بالحالي .. و أنا قايمه اوديها المطبخ قلت لماجد : ممكن تجيب السفره للمطبخ .. التفت بخرج من الحجرة الا سمعته قال بعصبيه : تحسبيني خداااام أبو... " و سكت " ما أنكر إني أول ما عتبت البيت و أنا خايفه يرجع يعاملني مثل قبل أو حتى أردى بس لهفته و حالته الصعبه و مساعدته لي .. اقصد محاولته يساعدني نستني أنه ممكن ماجد يرجع مثل أول .. ليش كل ما أقول هانت أرجع من جديد وكأن شيئا لم يكن قلت له وعيني على عيونه " بثقه يبطنها ألمي " : انت زوجي ما عشت و لا عاش من يقول انك خدامي و لا خدام أبوي .. عن إذنك .. رحت لما المطبخ حطيت الصحون و رجعت خذيت السفرة وهو مازال بالحجرة .. ماجد " و أنا احط السفره دق علي ولد عمي سألني وش أصلح ؟؟ بعفويه قلت له بحط السفرة .. سألني وينها حرمتك ؟؟ قلت له إنها بالحمام .. قام يتمسخر علي و الأردى بنات عمي همبعد يتمسخرون علي.. اسمع أصواتهم يقولون .. و الله ولد عمنا صاير شيف على آخر عمره ,, ماجد المغرور صاير خدام المدام هنا وصلت حدي وقلت بعصبيه : اسمع انت و سمع اللي بجنبك ماجد تاج راسك و إن ساعدت زوجتي فهذا لانها ملكة عندي و تاج على رؤؤسكم كلكم .. و قفلت الخط عصبت حدي منه .. وفرغت عصبيتي بمشاعل .. والله ندمان كل ما أكحلها أعميها .. الله ياخذ الشيطان كله منه .. مشاعل "خلصت شغلي و توجهت لغرفة النوم غسلت جسمي و لبست لي بجامة لونها ليموني كت .. رحت لمكاني بالسرير و حطيت راسي بعد ما قفلت نور الحجرة و شغلت نور الابجورة الصفراء .. بالظبط كم من الوقت مر ؟؟ ما عندي علم الا يوم فتح الباب بهدؤ و دخل على باله نايمة .. خذا له لحاف و مخدة .. وهو طالع قلت له : هذا بيتك و هذي حجرتك اذا بتنام فيها نام .. ماجد "ظنيتها نايمة أصلا مالي وجهه أطالعها بس سمرني صوتها يعني صاحيه " مشاعل " حسيت بدخوله و خروجه مثل الحراميه " : ماجد ترا البيت يتك و الحجرة حجرتك يعني .. كنت بكمل بس سكت .. أخاف أقول بلاش حركات الحراميه بدخولك وطلوعك بس قلت الحين لو قلت له بيتحسس من كلامي .. و بيناقرني .. و أنا ما فيني على المناقر .. ماجد : يعني وشووو ؟؟ مشاعل : ماجد اذا تبي تنام هنا نام ماله داعي تنام برا و البيت بيتك والغرفه غرفتك .. و اذا عني لا تشيل همي "بصوت هادئ كملت " : بيجي يوم وبتركك و اترك لك البيــ.... ما شفته الا بجنبي من طرف السرير بالجهة الثانية جالس على ركبه و شادني له .. صرت لا مسدوحه و لا جالسة معلقه بمسكته لي من زندي " ماجد " بصوت خافت بس غريب عنه .. أول مرة أحس إن ماجد فيه نسبة خوف " : شتقصدين ؟؟ شلون بيجي يوم و تتركيني ؟؟ ووين بتروحين ؟؟ فهميني ؟؟ مشاعل " ما شاء الله على يده تألم حتى بمسكته .. غمضت عيوني ونزلت راسي من الالم ,, أحيان احس ان ماجد ما يحس ,, رجع يسألني بصرامه شتقصدين ؟؟؟ وين بتتركيني ؟؟ " مشاعل : انت اللي ما بغيتني .. ماجد "بصدمه " : أنا .. من قال ؟؟ مشاعل : انتي اللي علمتني بعضمة لسانك .. ولا نسيت .. ماجد "باستغراب " : متى ؟؟؟؟ مشاعل "بلوم و عتاب " : أول يوم زواجنا .. قلت بعد سنه بتطلقني .. ماجد "بندم " : هذاك أول .. مشاعل " بأمل " : و الحين ؟؟؟؟؟ ماجد : مستحيل تكونين لغيري و إن مت بسحبك معي لقبري .. إنتي حقي أنا .. مشاعل حق ماجد .. ماجد وبس .. فهمتي ضمني له بقوووة ما قد حسيت بهالشئ حتى يوم كنت نايمة بحظنه وانا مدري .. احسا س يرعشني هز قلبي من جوا حتى دموعي انهمرت .. اشعر بنغزات بقلبي , بصدري . . احس إني بدوخ .. لا أعتقد إني دايخه .. قوة تنفسه الا واضحه من صدره .. أرجفتني ... و خرني عنه شوي و ناظرني .. ريح وجهي بين كفوف يدينه ناظرني بحنان بلهفة بشوق ما أصدق .. هذا ماجد .. قرب وجهي منه لكني بعدت عنه تدرون ليش ما بغيته يأخذني بها لسهولة .. لا تعاتبوني ,, ماجد تعود يأخذ كل اللي يبيه و بسهوله لأنه ذكي لكن هالمرة لا يا ماجد ما بعطيك اللي تبيه إلا يوم أحس إنك تعدلت . ماجد " عقدت حواجبي و شفت الدموع اللي بعيونها و قلت " : عمري بحياتي ما بأذيك أوعدك .. مشاعل "درت وجهي للناحية الثانية ما أبغى أضعف ,, أرحمني يا ماجد .. عمرك ما رحمتني ,, مو وقته أضعف عندك .. باقي أخليك تبطل حركات الغرور اللي فيك .. " ماجد "بصدق " : ادري بتقولين إني موب قد الوعد .. لكن بقوولك أقسم بالله اللي زوجني فيك " وبداخلي قلت و حببني بكل شئ منك و فيك " .. عمري ما باخذ شئ منك و لا بألمسك كزوجة و إن كان حقي إلا يوم تقولين لي ماجد خذني ..ماجد أبيك تلمسني .. مشاعل " مدري ليه انقهرت من وعده و من حلفانه يمكن بقرارة نفسي أبيه يلمسني .. بس مو ألحين " وقف ماجد بيروح مسكته مشاعل من يده .. رجع نزل على ركبه و ناظرها و قالت له : لا تتركني و تروح .. ماجد " بابتسامة حب و رضا " : ليش ؟؟؟ مشاعل : أخاف .. ماجد : تحسين بالأمان و أنا معك .. مشاعل : إيييه .. ابتسم لها ماجد و ما علق راح بالجنب الثاني من السرير هو بطرف و هي بالطرف الثاني حط مخدته و تغطى بلحافه مع إنه حاس انه حراان .. و الحلوة شعوله عكس ماجد كانت تحس ببرودة بالعظم .. <<< وجودها بقربه يحسسه بمشاعر غريبه .. و بالذات يوم يذكر شلون شافها ذاك اليوم .. <<< أما عن مشاعل فحاسة بالبرد تبيه يدفيها و يحسسها بالدفء و الحنان اللي فقدته من زمان .. @ اليوم الثاني @ مشاعل " صحيت على صوت منبه الساعة .. صحيت ماجد بهدؤ قربت منه و بحنيه اهمس بإذنه : ماجد ,, قوم صلي الصبح .. اذا ما صحيت ما بتلحق يالله عاااد .. اذا ما صحيت بكب عليك كاس مويه <<<< مطيحه الميانه .. حركات شعوووله .. ماجد " فتح عينه و غمضها و رجع كرر نفس الحركة كذا مرة " : انتي بجد بالرياض ؟؟؟ مشاعل "بابتسمة صباحيه حلوووة " : لا بجدة .. يالله .. أصحى يا نايم ,, الصلاة بتقوم الحين يادووب تلحق .. تركته بعد ما جلس حطيت القهوة على النار ... و جهزت التمر .. و رحت أصلي صلاة الفجر و جلست استغفر ربي و أحمده و أدعوه يوفقني للي براسي و يكسبني حب ماجد و إهتمامه و إن شاء الله اللي شفته بعيونه أمس يكون حقيقه و واقع مو من خيالي .. " قصدت باللي شفته بعيونه من شوق و حب ,,,, " رجع من الصلاة و أنا كنت أقرأ قرآن .. فسخ ثوبه و علقه .. و أنا كملت قرأتي .. ظنيته نام بس التفت و شفته يطالعني و هو نعسان و كل شوي يتثاوب .. ماجد : متى بتخلصين ؟؟ مشاعل : باقي لي صفحتين .. ماجد " بتعب " : كثير .. مشاعل "بعفويه " : و انت وش عليك نام .. ماجد " بإحراج " : بنتظرك ننام سوا .. مشاعل " انحرجت من كلامه ,, اللي بيسمعه بيقول ما شاء الله كل يوم انام بحضنه اصلا ما نمت الا بطرف السرير من جهة اليسار و هو من الجهة الثانيه و مساحه كبيره تفصل بيننا غير المخدة اللي حطيتها جنبي على بالي حاجز " : ماجد ما عليه أنا بتأخر إنت وراك دوام و صحوة من 7 نام ساعه و نص ترتاح فيهم .. ماجد " بعناد " : خلص ما بنام الا اذا نمتي .. مشاعل " اعرفه بيعاند قمت قفلت القران و شلت شرشف صلاتي .. توجهت للايت و قفلته و شغلت اللايت الاصفر .. رحت لما مكاني و نمنا .. جت الساعه 7 الصبح صحيته و قهويته و أكل له تمر و جت الساعه 7 و ثلث لبس ثوبه و شماغه .. وطالعني وكأنه يسألني .. ما فهمت من نظرته الا انه متردد بشئ .. إبتسمت له بحنيه : وش اللي بخاطرك ؟؟؟ ماجد "نزل عينه " : بتنتظريني لما أرجع من الدوام ولا .. " وسكت "؟؟ " كنت خايف أروح و أرد ما أحصلها أخاف تروح عني و أنا هالمرة ما أبي أقفل عليها باب الشقة أبيها تحس بالأمان اتجاهي " .. مشاعل "بحب , مسكته من يده و رحت لما باب الشقه " : بنتظرك " وبقلبي طول العمر " .. واذا ما طلعت ألحين و تأخرت عن الدوام .. بغير رأيي " قلتها بمرح " .. ماجد " ابتسم و ضحك " : إن شاء الله .. تآآمريني بشئ .. مشاعل : سلامتك .. ماجد ما أ نكر فرحتي يوم قالت سلامتك .. وقلت هذي فرصه أتأسف على كلمة خدام أبوك و تأسفت منها فأبتسمت و قالت رووح لا أغير رأيي .. طلعت بسرعه و أحس إني أسعد إنسان بالكون رحت على الدوام .. و أنا كلي و ناسه و وجهي بشوش مع ذاك الصباح اللي ما في أحلى عنه و أنا أصبح بوجه سبحان من خلق .. آآآآه الله يعيني الى أن أخلص الدوام .. بالطبع الكل استغرب فرحتي .. خلصت شغلي بسرعة .. بس أنتظر الدوام يخلص .. سألوني الشباب وش اللي صار و قلبني 360 درجة ضحكت عليهم .. و هم استانسوا معي و علي .. و يقولون تو ماجد خوينا رجع موب ذاك اللي أعوذ بالله و كأنه ينتظر الهواش .. خلصت دوامي على الساعه اربع و رحت بعدها للحلاق .. أصلح من نفسي شوي و فعلا رحت و ظبط شكلي و شعري اللي طوول .. و بالطريق مريت على محل حلويات و شريت لنا ,,رجعت على البيت و أنا كلي شوق لها على الساعه 6 الا ثلث .. مشاعل " خرج ماجد من هنا و بدءت أخلص أشغالي ,, رتبت الحجرة .. و طبخت و أكرمكم الله غسلت الحمامات .. غير ملابس ماجد اللي بالكوم ما اتغسلت ..و خذيت لي حمام دافئ أسترخيت فيه .. إلا أن أذن الظهر و بعدها اخترت لي بنطلون جينز اسود و تي شيرت لوزي يوصل لنص الفخذ .. وعليه حزام أسود مزين باحجار بلون العسل و اللوز .. خذيت لي حلق ذهبي فاتح و خاتم دبلتي .. حطيت لي غلوس لحمي على بيج ,, و بالنسبه للشدو ما حطيت الا ملمع .. شعري خليته مربوط على وراء كأنه ذيال حصان <<< و لا احلى تشبيه ,, انتظرته و انتظرته .. صارت الساعه 4 و نص و هو ما جاء .. جت العقربه على 5 و هو ما شرف و الحين 5 و 40 دقيقة .. سمعت صوت الباب توجهت للمطبخ و أنا كلي قهر و غيض يعني بيتأخر كان علمني ,, و لا ليش يقولي مو أنا ولا شئ عنده هامش بحياته .. ما يراعي حتى قلقي عليه لا و حتى التليفون حاجزه بالمكتب .. دخل المطبخ و أنا حاسه بوجوده بس مطنشه حتى ما ألتفت له و ليش ألتفت له يعني هو اللي عبرني .. انا بوريه بطنشه ماجد " بهدؤ و بصوت فيه من الشوق اللي هز به قلب مشاعل " : مساء الورد .. مشاعل " غمضت عيني " : و عليكم السلام و رحمة الله و بركاته .. ما انتبهت على ردي السلام و هو ما غير مسى علي .. سمعت صوت ضحكته اللي صحتني ..<< ووين اللي بتطنشه كلااام و الله .. ماجد " ياحبي لها يا ناس تهبببل .. هههههههههههههههه اقولها مساء الورد ترد علي و عليكم السلام اجل ان قلت لها سلام عليكم ردت علي صباح الخير ,, اكيد مسرحه .. اكيد فيني <<< واااثق الاخ " ماجد : عقلك موب معي ؟؟؟ <<< افهميها يعني مع منو ؟؟؟ مشاعل عطيته أكبر طاف و لا همني ... ايه شعوله على مين ... ماجد : لها لدرجة مشغوله ؟؟؟ مشاعل " ألتفت له و أنا كلي عبوووس " : بغيت شئ ؟؟ ماجد " عقد حواجبه ,, شفيها توني الصبح شفتها و لا في أحلى منها " : بك شئ ؟؟ مشاعل : ممكن تغير ملابسك عشاني بحط الغداء .. ماجد : الغداء لحقين عليه .. تعبانه .. مشاعل " لا و الله أهمك يعني ,, وبحزم " : ممكن تروح تغير ثيابك و طنشته و جلست أجهز الغداء .. ماجد " علامها هذي ,, غيرت ثيابي بثواني و رجعت قولت يمكن تعبت من شغل البيت فبساعدها شوي " مشاعل " قرب مني و اخذ الصحن بيشيله قمت اخذته عنه و قلت " : ما عليه أنا بشيله ما أحب تكون خدامي و لا خدام أبوي ... ماجد " انحرجت من كلامها " : قلت لك ما كنت أقصد .. و تأسفت لك .. قاطعتني : خلص ماجد تغدى .. ماجد : ما ابي .. مشااعل : بكيفك .. تركته و رحت .. دخلت حجرتي و دوبني بقفل الباب فتحه و دخل .. ماجد : علامك ؟؟؟ مشاعل "بنرفزة ": قلت لك ما فيني شئ ,, بالقوة يعني بيصير شئ .. ماجد : مشاعل ,, ما أحب هالاسلوب ... مشاعل : و لا أنا أحبه .. ممكن تتركني بالحالي .. ماجد : لا ... مشاعل : اجل انا بتتركك و رووح .. ماجد " بصرامه و بصوت عالي " : قلت لك لااااااااااا ,, كم مرة بعيدها عليك .. شلون تفهمين ؟؟؟ اجيب لك سبورة و طباشور اشرحلك .. انتي لي و ما بتروحين و لا بتتركيني تفهمين .. مشاعل "بغصه " : لا تصرخ .. ماجد " غرس اصابعه بشعره " : ما كنت أصارخ .. مشاعل : بجلس لوحدي شوي .. ماجد " تركت الحجرة و طلعت " .. مشاعل " يعني ضروري اسوي نفسي زعلانه ,, من حبه لي يعني بيراضيني ,, اصلا لو كان يحبني جد كان جاء راضاني " << شلون يراضيك و هو موب عارف وش اللي فيك .. ماجد " لزوم كان أرفع صوتي الحين ظنت اني اصارخ عليها و اهاوشها ,, من كثر ما تأتمني يعني لو إنها تحس بالأمان اتجاهي كان أأتمنتني و علمتني ؟؟ ماجد " رحت للمطبخ انسد نفسي فشلت الغداء ,,, أذن المغرب صليته بالمسجد ,, رجعت البيت و أنا مصدع .. حصلتها بحجرة التلفزيون ,, دخلت حجرة النوم و خذيت لي حبتين بنادول .. مضى الوقت بسرعه و اذن العشاء و صليته بالمسجد رجعت .. حصلتها تصلي بالحجرة غيرت ثيابي ببجامة و حطيت راسي على المخده و الصداع ما خف الا احسه زاد " مشاعل " بعد صلاة المغرب رجع البيت و دخل الحجرة ما خرج منها الا اذن العشاء و راح صلاه بالمسجد .. توضيت و صليت خلصت صلاتي و اشوفه مسدوح على السرير و يضغط على جبهته بقوة و حواجبه معقدوة حسيت انه يتألم شلت شرشف الصلاة و قربت منه جلست بجنبه من جهتي على السرير .. و بحنيه ... حطيت يديني الثنتين على جوانب جبهته و بدءت أدلكها له ,, فتح عينه يناظرني بطريقه غريبه على ماجد اللي كله كبرياء و غرور .. مدري ليه حسيت إني أظلمه .. حسيت بالالم بنظراته كأني أعذبه .. رجع غمض عينه ما حبيت هالنظره .. ما حبيتها ,, مع ان لو وحدة ثانيه كان استانست لما تشوف بعين من عذبها الالم .. بس ماجد لا .. مقدر .. حبيته بغروره ,, برجولته ,, بخشونته ,, ما عاش من يألمك و لا يذلك يا ماجد و أنا حيه و إن كنت أنا .. بدءت حواجبه تستقيم و ملامحه ترتاح .. قلت له : اغرف لك الأكل ؟؟ رفض ,, ما حبيت اضغط عليه اخاف يعصب و لا يرجع يصارخ خرجت من الحجرة و تركته يرتاح دخلت المطبخ و حطيت راسي على الطاوله أنا اللي صدعت راسه جلست ألوم نفسي الى ان سمعت صوته يقولي " بطريقه حلوة كأنه بزر جوعان " : ما بتأكليني جوعان ؟؟؟ مشاعل " ابتسمت من قلبي على حركته " : ان شاء الله .. سخنت الاكل و حطيته ,, أكلنا ساكتين .. بس ماجد يتحمحم كل شوي بالنهاية قال : زعلانه علي ؟؟ قالها و هو عيونه على صحنه .. قلت له : بصراحه ايه كنت زعلانه بس الحين لا .. ماجد : مني ؟؟ مشاعل " جاوبت عليه بهزه من راسي معناها ايه " .. ماجد : شسوويت انا ؟؟ مشاعل : تاخرت يا ماجد اليوم بالمررة .. ماجد "بدفاع " : تدرين اني اخلص على العصر و بعدها رحت للحلاق و شريت الحلا اللي بالثلاجه .. يعني ما كنت العب .. مشاعل : و أنا شدراني ,, لا عندي تليفون و لا حتى جوال تطمني عليك و لا حتى أطمن عليك .. ماجد " بابتسامه " : و لا يهمك الحين بطلع التليفون و بشتري لك احدث جوال ,, وشتبين بعد ؟؟ مشاعل " ابتسمت على كلامه " : ماجد أنا ماقلت لك كذا عشان ابغاك تشتري لي ,, لا انا ببرر لك موقفي .. ماجد : مشاعل انتي زوجتي ما يحتاج تبررين موقفك .. و انتهت الليله بسلام و كلا ًمنا بمكانه و الأحلام تداعب مخيلتنا .. للمستقبل .. مر أسبوع و وراه الأسبوع الثاني و كان من أحلى أسبوعين من يوم تزوجنا ,, قربنا فيها من بعض نجلس نسولف , نضحك ,, ماجد خفيف دم و ظل ,, اللي يشوفه يقول انه ثقيل و رزه وشكله ما يضحك لكنه يجمع صفات كثيره كل يوم أكتشفها فيه .. أذكر يوم ملينا من السوالف ,, طلعنا برا البيت و رحنا مطاعم و أسواق .. يعني بصراحه لفيت الرياض لف مع ماجد حبيبي ,, كان نعم الصاحب و ممتاز بالسوالف ,, قدر يخليني أتكلم معه و أقول له اللي بقلبي اذكر أول ما خرجنا أنا و هو وداني المطعم اللي عزمنا عليه فهد أنا و منور و عيالها ,, وقتها جلسنا و هو على باله أول مرة أدخل المطعم .. سألني شرايك بالمطعم ؟؟ قلت له حلو ونايس .. قال لي : شكله ما عجبك .. ترا اذا مو عاجبك بوديك ثاني .. ابتسمت له بعفويه و قلت بالعكس ,, مع إني للمرة الثاني أدخله بس عاجبني و كأني أول مرة أجيه ماجد باستغراب : متى ؟؟ مشاعل : يوم عزمنا فهد انا و منور و العيال .. ماكنت ادري ان ماجد بكلامي هذا بيضايق .. ماجد " بصراحه تضايقت و مودي صاير زيروو ,, و اكثر شئ يضايقني يوم تجيب سيرة فهد يمكن لاني ما اقدر اتخيل انه كان ممكن مشاعل تكون له , كانوا ناويين فهد ياخذها بس بالنهايه انا خذيتها و الحمد لله " : اها .. جلسنا ساكتين فترة .. و مدري ليش كل ما اكلمه ما يناظرني حتى .. الى ان سألته مشاعل : ماجد شفيك ؟؟؟ تعبان ؟؟؟ ماجد " بعصبيه احاول اكتمها " : اهمك يعني ؟؟ مشاعل " بهدؤ " : ايش تشوف ؟؟؟ طالعني و قال : و لا شئ مااشوف الا النقاب .. مشاعل " ابتسمت و جتني ضحكه قالها بطريقه تضحك .. ولما ضحكت ابتسم لي و رجع وجه عبس مرة ثانيه ,, سكت ما سألته الا لما ردينا البيت .. وحسيته للحين متضايق وحنا بحجرة النوم و كل واحد بجهته .. مشاعل : ماجد .. ماجد : همممم .. مشاعل : ممكن أسألك سؤال و تجاوبني بصراحه ؟؟ ماجد : ........ طال الصمت بعدها قال : شلي بخاطرك ؟؟ مشاعل : ليه اعتفست ملامحك بالمطعم و حسيت انك معصب ؟؟ ماجد : يتهيأ لك .. مشاعل " قهرني كلامه هو عارف انه ما يتهيأ لي على قولته بس يصرف و تصريفه ما في اغبى منها ,, قمت على حيلي و جلست على السرير و فتحت نور الابجورة اللي بجنبي .. لكنه ما تحرك ,, قمت و رحت برا الحجرة .. خذيت لي كاس وصبيت فيه ماي .. شربته و حطيت الكاس اللي اشوفه متكئ على باب المطبخ يناظرني وهو متكتف : هاا ارتويتي و لا للحين ؟؟؟ مشاعل "شمقت فيه و جيت طالعه و هو ساد علي الباب " : ممكن توخر بطلع ؟؟ ماجد : ماا ابي .. مشاعل : ابعد عن طريقي .. انت ما تفهم .. ماجد "بانزعاج " : ايه غبي ما افهم ,, لو انا ما افهم كان مافهمت انك للحين ما تأتمنيني مع إني أنا زوجك و أنا احق فيك بكل شئ من كل الناس .. مشاعل "باستغراب " : انت ايش قاعد تخربط ؟؟ وش تقصد ؟؟ ماجد " وعيونه فيها من الالم و الغضب " : لا تحسبين اني ما اعرف انك تأتمنين أخوي فهد أكثر عني .. مشاعل "بنرفزة " : انا نفسي افهم لمتى يعني تشك فيني ؟؟ لمتى تظن اني أخون .. وأخون من زوجي ؟؟ ماجد : أنا ما أشك ,, وبعدين ما قلت انك تخونين .. مشاعل "باستهزاء " : يعني مو شاك الا متأكد .. قاطعتها : لا تغيري مسار الكلام .. مشاعل "بأسى " : كنت أظن إنك ممكن تتغير ,, بس الظاهر أتأملت فيك كثير .. عن إذنك بروح أنام .. ماجد " مسكتها من ذراعها بقوة " : أنا ما خلصت كلامي ... مشاعل : وش بتقول اكثر أخاف اجلس دقيقه بعد و تقول اني اقابل اخوك و اخرج معه لا و احبه .. ماجد " فقدت السيطرة على نفسي و مديت يدي بظربها بس وقفتها قبل لا تلمس خدها " مشاعل " صحيح انه عطاني كذا مرة كم كف ,, لكن ما توقعت ابدا انه ممكن يمد يده و الحين بعد ما حسيت ان الامور بدت تهدء و تمشي حلو ,, طالعته بألم و قلت " : ليه يا ماجد شلي قلته و اطرك انك ترفع يدك ؟؟ بقولك كلام حطه حلق بوذنك .. عمري ما خنتك لا قبل زواجي فيك و لا بعد ما تزوجتك ,, و لا عمري بخونك مع الغريب شلون بأقرب الناس لك ,, فهد هذا اخوي ,, أخووي يا ماجد اخوي اللي ما جابته امي .. لكن انت زوجي و أولى منه .. قاطعني : لو اني صدق أولى منه عندك كان ذاك اليوم ,, يوم جيتك متعني من الرياض للقصيم لاجل اشوفك ما تبعدين عني و تتخبين وراه و كأنه هو .. هو .. و سكت .. مشاعل " و لأول مرة تطلق مشاعر الالم قدام أحد من بعد 13 سنه و قالت له " : إنت نسيت شلي سويته فيني ,,انت .. سكت و بعدين قلتها بالعافيه . .. انت حاولت تاخذني بالقوة بطريقه ووووسخه فهمت ايش يعني وسخه .. زيك زي الكلااااااااااااب .. " حسيت باصابع يديني تشنج " ليش يا ماجد ؟؟؟ ليش ؟؟؟؟ حتى بنات الشوارع و الليل ما يتعاملوا معاهم زي ما سويت معاي .. انت زيه,, ايه انت مثلك مثل ذااك الحقير .. اللي حاول يغتصــ ... سكت لاني حسيت بألم برقبتي و عضلات جسمي .. قرب مني ماجد و الخوف في عيونه " ... : مثل ميــــــــن ؟؟؟؟ و بخوف شقصدك من اللي حاول يغتصب ... شفت اصابعها شلون تشنجت قمت خذيتها و دفيتها و دلكتها ... و سمعتها تقول كلام بجد صدمني خلتني احس اني نذل و مثلي مثل كلاب الشوارع على قولتها .. مشاعل بدون وعي مني قصيت عليه قصت فييني .. وما استوعبت نفسي الا انا بحضنه .. ضمني له بقوووة و هو يمرر كف يدينه من راسي بادء من شعري يمسد عليه الى كل ظهري يحاول يدفيني و يشيل عني التشنج صحت قدامه بقلبي .. صحت فييني و صحت نفسي اللي عاشت بخوف مكبوت ,, و يمكن صحت لاني الحين بحضنه ,, إيه و أخيرا بحظن ماجد اللي احببته لحد النخاع و يمكن بلا حدود ... هدءت و حسيت براحه ما تتخيلوها ,, و الله ان حضن الرجل و بالاخص زوجك نعمة من الله تميت بحضنه الى ان هدءت شهقات بكائي ... شلني لسريري و حطني و هو يتركني عشان انام قلت له مشاعل : لا تروح و تتركني .. ماجد " ابتسم لي بحب و ندم " : سامحيني .. اسف و الله .,, سامحيني .. مشاعل : اذا تبي السماح ما عاد تبعد عني و تتركني وحيدة .. ماجد "بابتسامه كبيرة " : كلي لك لمدى الحياة ,, و عمري ما راح اتركك ابد .. مشاعل ارتحت لكلامه و نمت و انا كلي أمن و أمان .. بدءت بعدها حياتي تتغير للأحلى كفايه ان ماجد ما صار يطلع مع خويااه ابد من يوم رجعت للرياض و هو يلازمني ,, و ان خرج ما يخرج الا و انا معاه .. و هالشئ اسعدني .. يستشيرني بأشياء كثيرة أهمها يوم نروح السوق .. شرايك اخذ هذي و لا هذي؟؟ و لا ياخذني معه بالسوبرماركت .. صارت معانا مواقف حلوووة .. أهمها هههههههههه ... يحب يحرجني الدب .. الحين رحنا قسم الكريمات و هالاشياء .. عاد انا بشوف .. الفرجه ببلاش و اذا عجبني شئ باخذه بس مااحب اشتري كريمات الا من الصيدليه ,, جاني ماجد و بوجهه ذيك الابتسامه اللي شاقه الوجه تعرفون الاسمايل اللي بالمسنجر مثله ضحكت عليه و قلت : نعم خير شو صاير بالدنيا اشوفك مهرج ... وكانت يدينه وراء ظهره و يقول : حزري شلي شريته لك .. عاد على بالي زوجي رومانسي اتري الرومانسيه بمدينه و هو بقارة ثانيه .. الا الاخ اظهر ما يخفيه تدرون شلي كان معاه ؟؟؟ شئ كل البنات سواء المراهقات و لا المتزوجات و لا غيرهم يستخدمونه كل شهر .. مالت عليه يا جاني احراج ما قد مر علي .. الحمد لله اني كنت متغطيه و مو باين الا عيوني .. لا و القهر جايب لي نوعين و يقول شرايك هذا احلى و لا ذاك اممم عني انا فأفضل هذا شوفيه شلون خفيف و ما ياخذ مكان يوم تخلصين من استخدامه .. عاد هنا وانا وجهي راح 6 في 7 .. تركته و مشيت مدري لووين ؟؟؟ و مرينا محل العاب و شرينا لنا اونو و كيرم و يعني نوعنا بالالعاب ... كأننا بزرااان خخخخخخخخخ .. و كل يوم احيان بعد صلاة العشاء واحيان بعد الغداء اللي يكون بعد المغرب نجلس نلعب و نندمج ما نحس بالوقت .. و اللي يقهر انه دااايم يفوز علي .. و الله قهر .. احس انه يغش .. مرة كنا نلعب و طبعا الحلو فاز علي قلت له بقهر طفولي : ماجد حرام عليك كل مرة انت تفوز خليني مرة افوز و الله حرام .. ماجد : لاا ما حزرتي لو تحلمين بفوز بفوز بعدين عيب عليك تقولين لي اتعمد الخسارة .. قاطعته "بشهقه " : انا قلت اخسر عشاني ؟؟؟ لا تكذب ... ماجد : افااااا تنعتيني بالكذب ترااها كبيره و فيها قبايل .. مشاعل " و كأني أحس اني غلطانه و ما عرفت ايش اقول فسكت وبعدها قلت " : اسف .. جلس يضحك علي .. ههههههه احيان اقوله غشااااش يقوم يفرصع عينه و لا كأنه الا فرصع بقرة خخخخخخخخ .. المهم جلسنا حول الثلاث اسابيع و نحنا في تقارب و لله الحمد الا بيوم جاء ماجد من الدوام و هو ساكت استغربت حسيته متردد يقول شئ ,, فقلت اساعده .. مشاعل : ماجد تبغى تقول شئ ؟؟ ماجد " كأنها قرأت أفكاري " : ها ايه .. اقصد مين قال .. لا .. اقصد لا .. لا موب لا الا ايه .. مشاعل صدع راسي من كلامه المتقطع ما قد شفته متردد و لا متلعثم بالكلام قد هالمرة .. مشاعل : اوكي براحتك تركته و ماشيه جاني لحد المطبخ و قال لي بسرعه : طلبتك تقولين تم .. مشاعل " غمضت عيوني و فتحتها كذا مرة " : نعم .. ما فهمت .. ماجد : قولي تم ؟؟؟ مشاعل "ببراءه " : تم .. ليش ايش صار ؟؟ ماجد " بابتسامه عذبه " : دقايق و بكون عندك .. مشاعل استغربت حركاته و انتظرته جاني و بيده مغلف هدية كبير .. ابتسمت ما قد قدم لي هديه بحياته من يوم عرفته .. ماجد : هذا لك ,, مدري يمكن ما يعجبك .. مشاعل " بابتسامة خجل " : كل شئ منك حلو .. ماجد : و الله .. مشاعل اشرت براسي ايه .. جيت بفتحه بس رفض و قال لي باكر يوم اروح الدوام افتحيه .. وافقت مع ان خاطري افتحه و اشوف ايش فيه لا يكون ملغم بقنابل يبي يتخلص مني .. و مضى يومنا حلو .. نسيت أعلمكم ان ماجد صار يساعدني بشغل البيت و احيان هو يصلح العشاء الللي ما كان ما غير اندومي و لا بيض و ياشينه لو طجنه افضله مسلوق معه ... اليوم الثاني الصباح راح الدوام و انا صحيت معه خلصت اشغالي كالعادة و انا كلي نشاط دخلت الحجرة فتحت الكبت تبعي باخذ لي منشفه .. و اشوف الهدية تذكرتها و فتحتها ما قدرت اقول كلمة غير ان فمي ظل مفتوح كانت هدية و لا اروع شئ رومانسي بجد ..فستان كلاسيك روووووووووووووعه لونه ابيض من الحرير حلو كأنه فستان سهرة لاحد نجوم هوليود مثل اللي لبسته انجلينا جولي باحد الحفلات .. يهبببل .. حطيته على جسمي من برا لا مو بس كذا كان فيه علبه ثانية بداخل المغلف .. طقم ابيض يهبل عليه كم فص و اشك انه يكون غير الالماس .. روعه .. الطقم مكون من حلق للاذن و عقد و خاتم ناعم .. ههههههه .. حتى الجزمة اكرمكم الله شراها ما كنت ادري انه ذووويق لهالدرجه خبركم دفش الرجال اتريه كلاسيك .. يا ناس امووت فيه قررت البسها له اليوم بس مو الحين لا بخليها بالليل .. غسلت جسمي بس .. وجاء ماجد من الدوام و طوال فترة الغدى ظل يناظرني و كأنه ينتظر جوابي او رأيي بالهدية و انا و لا كأني فاهمة شئ .. بعدين سألني : فتحتي الهدية ؟؟ مشاعل " بعباطه " : أي هدية ؟؟ ماجد : اللي جبتها لك امس ... مشاعل وتسوي نفسها تتذكر : ايه تذكرت .. اووووبس ماجد ما عليه ما شفتها نسيتها صراحه.. بعد الغداء بشوفها و بعطيك رأيي أوكي .. ماجد "بقهر " : لا مو ضروري و ترك الغداء و راح على حجرة التلفزيون .. مشاعل "" هذا ليش يزعل بسرعه بس براضيك و لا يهمك كم جودي عندي " رحت له و أنا بيدي الشاي و صلحت له حلى بسيط .. معظم الوقت ساكتين لان ماجد ماله مزاج يسولف .. خرج لصلاة المغرب خلصت الصلاة و هو مارجع اتصل على جوالي اللي شراه لي و كانت أول مرة من شرى لي الجوال يكلمني فيه : الو .. مشاعل " بنعومة " : هلا .. ماجد " حسيت برعشة داخلي من سمعت صوتها بالجوال له نغمة عجيبة و كأني أعرفها او مألوفه وقلت اللي بخاطري لها " : شعوله .. مشاعل : اهلين .. ماجد : مدري ليه احس اني قد سمعت صوتك .. مشاعل " كلامه خوفني و بعدين قلت له " : كل يوم و أنا معك بالبيت اكيد سمعته .. ماجد : لا موب هذا قصدي انا اقصد اول مرة اكلمك جوال بس احساسي يقول لي قد كلمتك قبل كذا .. مشاعل "بتردد ": لا ,, الا اذا كان انت اللي اتصلت يوم صار الحادث لفهد .. ماجد : ايه انا اللي اتصلت و كأنه استوعب و كمل ,, لا تقولين انتي اللي رفعتي سماعة التليفون و انتي اللي سكرتي الخط بوجهي .. مشاعل " وانا ابلع ريقي " : ايوه انا بس ما كنت اقصد .. ماجد قطع كلامي : سمعي بطلع مع خوياي و فهد اخوي للبر ساعتين كذا ما بطول و اذا جاك النوم نامي زين .. مشاعل "بتاكد أكثر " : ساعتين ؟؟ ماجد "بصراحه " : مدري و الله اممم يعني الحين و طالع ساعته الساعه 7 ان شاء الله الساعه 10 و لا 11 بالكثير و أنا بالبيت .. مشاعل " اممم لو ايش ما خليك تجلس كل هالوقت برا ,, بس حلو عشان البس الفستان و اوريه هو " : ماجد لا تطول .. ماجد "وده تقول له لاني بفتقدك " : ليش ؟؟؟ مشاعل : أخاف بالحالي في البيت .. ماجد " وخاب ظنه " : انزين فمان الله و قفل الخط ... توجهت لخوياي اللي اتصلوا علي اشتري لهم اشيات من البقاله لانهم سبقوني .. مشاعل خذيت لي شور وانا ما زلت بالمنشفه ,, خليت شعري منسدل بس حطيت فيه كريم يعطيه بلل كأنه مبلول مع انه صدق توني تروشت ومبلبل شعري ,, و حطيت لي غلوس وردي بلمعة وشدو وردي و على حدود الحواجب جهة الجفن ملمع ابيض يعطي تحديد للحواجب .. و تو البس الفستان بس مو عارفه اربط الحبال اللي بظهري لأن من نص الظهر لنهايته حبال و يبيلها ربط ... ^^^^^^^^^^ ^^^ |
|
|
|
2010- 8- 14
|
#88 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقة السادسة والثلاثون :
"" مثل الشوك بالبلعوم " أبي اضمكـ × ضمتين × ضمه الحين وضمه يفرضها × الحنين × أبي لا همت فيك انسى كل صيحات الانين ..! وأبي اذا التقت قلوبنا أسمع (نبــض) قلبي وقلبك .. وكل ما أزيد في ضمك ..؛ × أسرح بعيــد × وأروي لك قصة عذاب ... مدفونه في قلبي الحزين .., // نجـــــــــــود // نجود " الحمد لله إن مشاعل فكرت بعقلها زين و لعبتها صح .. ماجد أخوي و أنا أدرى به هو عنيد و المشكلة ثنيناتهم أعند من بعض الله يوفقهم و الله يعطيها على قد نيتها و قلبي يقولي بتنجح حياتهم بس لو واحد منهم يتنازل شوي .. سافرنا كلنا ويا مشاعل وصلناها على شقتهم و رحنا بيتنا اللي بالرياض .. جلسنا يومين بعدها ردينا القصيم أتصلت على منور و علمتها إننا بالرياض الحين وان مشاعل ردت لبيتها عاد تعرفونها الهبله من الفرحه بتروح لهم و تبي تبارك بالردة مالت عليها هبله هذي و لا شلون نجود : بلااستهبال منور .. منور "من جدها تسولف ": شفيها يعني مستانسه حرام .. نجود "و بيطق لها عرق " : لا قلبي موب حرام المشكله اخاف تروحين بداهية بسبت هاللقافه اللي فيك .. منور "بشهقة " : لقااافه بسم الله علي ما غير الفضول اللي فيني .. ترا الفضولي هو المثقف على فكره يعني اذا ما تعرفين .. نجود : تصدقين انا الهبله اللي علمتك .. ياويلك يامنور لو رحتي لهم قسم بالله أعلم عليك أبوي .. شوفيني حلفت .. منور "بقهر " : وانتي شكو تحلفين .. اووووووف .. الحين شلون بعرف وش بيصير معهم .. نجود "بغرابه " : وانتي ليش بتعرفين ؟؟؟ ياااربي اقووول باااااااااااااااااااي .. و قفلت الخط بدون مااسمع ردها .. ياربي هالبنت تزوجت و هي مثل ماهي ,, الله يكون بعونك سعوودووه .. // منـــــورة // منور " اوريك جود تقفلين بوجهي و الله مردودة و بتشوفين .. الحين شلون بروح لماجد و شوشو .. جلست افكر لكن صدق كلام نجود اصلا مالي وجه اروح لهم ,, لا و متهاوشة مع مشاعل و أروح عندهم ما تجي .. بس شسووي ما يهون علي ماجد احبه هو اخوي و اختي و صديقتي و كل شئ هههههه .. أذكر يوم رحنا( أحد الدول العربيه ) انا و هو بسسسسسسسس .. خخخخخخخخخ حركات و الله يا بهدذلته بهذله ... منور : مجوود طالع هالبنت حليلها ما عندها فلوووس .. ماجد " بعبط ابتسم للبنت بمجامله لانها كانت تناظرة و مستغرب من كلام منور ": الحين هالجمال كله و هالكششخه و ماعندها فلوس اجل حنا عندنا .. منور "بضحكه " : ماتشوف وش لابسه ما عندهم قماش زيادة تستر فيه صدرها مالت عليها .. و يوم قربت البنت لا و تقز بماجد قز عسى عيونها الحوول .. قلت بصوت عالي : مااالت من زين ضروسك مسوسه و مصفرة ما عندكم سيجنل تو و لا سنسوداين حتى كريست اب .. ديرة وش كبرها أشكال و ألوان وجع ان شاء الله سكري فمك وععع ريحته فايحه .. البنت من يوم قلت لها هالكلمة وجهها غدا طماط تصدقون ظنيتها بليا دم لو تخجل جد كان مالبست اللي لا بسته .. و لها عين تضحك و ضروسها مسوسه الحمد لله و الشكر .. سحبني ماجد من ذراعي لبرا و هو يتأسف منها ,, و أنا اقوله وراك تتأسف انت ما سويت شئ انا اللي قلت لها و بعدين هي تستاهل .. قال لي : و الله لو ماتسكتين لأخلع فكك الحين سكتي .. منور بصراحه ما خفت منه بس انقهرت اجل يسبني عشان هالوسخه .. مالت .. ماجد : اوريك يالحمارة هذا انا الغلطان اللي شلتك معي يالبدويه قلت احضرها شوي .. منور "بشهقة " : بدويه تسواك و تسواها فاهم ... ماجد : و انتي شلي قاهرك ,, عطيها طاف موب كل شوي تتهاوشين مع وحده بلاك هبله .. منور : والله اغار عليك تراك حلالي .. ماجد " بنص عين " : زوجتي على غفله و أنا مدري انقلعي اشوووف .. حرم ياخذني بعدها معاه يوم يسافر . يقول توهقيني و تفضحيني قدام خلق الله .. هههههههههههههههه .. ايام حلووووة .. اخاف اتدخل الحين يقوم يرميني من الدريشه .. و الله ان مجود حبوب و طيوب بعد بس شوية غرور على حبيتين عناد وهذا اللي محليه فديت خالي بعد عمري الجذاااب قلتها بصوتي وأنا ارمي بوسه بالهواء وهنا سعود دخل .. سعود و بضحكه : هذي البوسه لي .. اجل لو كنت ادري انك تنتظريني كان من وقت جيت بس و لا يهمك هذاني معك .. قرب منها و هي بعدت عنه عقد حراجبه ما توقعها منها .. : شفييك ؟؟ منور " من طرف خشمها تقول " : ما فيني شئ ممكن تتركني بحالي .. سعود "رفع حواجبه " : لا و الله حلفي ,, اجل تو من كنت تحبين لا تقولين الهوا ؟؟ منور : سخيف .. كنت ابوس بعد قلبي و هلي ,, حبيبي " طالعته شلون يطالعني بقهر " .. مــــاجـــد .. تركني و طلع من الحجرة .. أحسن خله ينقهر و لابس انا اللي اموووت من القهر بسبت امه و هو كل يومين خلص عشاني قلبي .؟. تحملي و أحيان أحسه وده يكفخني .. و الله مليت و اللي قاهرني هذي جارتنا كل يومين عندنا ,, احس ان عمتي ما تغيرت الا من جت هالعقربه وو سكنت بجنبنا لا و فرحانه هي ووجهها ببنتهاهي صدق زوينة بشرتها شوي حنطيه و عيونها سود وساع و شعرها الى كتفها بس انا احلى عنها .. ياخوفي يصير اللي ببالي قسم بالله وقتها ما بسكت .. تخيلوا ذاك اليوم جت العقربه الله ياخذها قال شنو بتتقهوى عندنا عساها السم<<< بسك دعوات على خلق الله .. عدنــا المهم .. عاد و أنا بقهويهم تحت عمتي مسوية مثل بيت الشعر للحريم اللي هم صديقاتها و أنا بقهويهم و العقربه جالسه تتمدح ببنتها و تقول اللي ما تستحي بعد ما باشرتها القهوة و ذاقتها ( العقربه ) أم الهنوف : وييييه وش ذا بالله عليتسم هذي تسمونها قهوة لا و تحرك شفايفها يمين يسار اللي ما كأنهااعوذ بالله خلوني ساكته لا انطرد من الدور اللي انا فيه المهم كملت العقربه : عشتوووو .. اقوول يااوخيتي مابتذوقين قهوتي ابشرتس ان بنيتي الله يحفظها هي اللي صلحتها لتس .. منور "بقهر و غيض مكتوم " : افاا ياخاله ما عجبتك القهوة هذا و أنا مصلحتها بيدي .. العقربه تصطنع الاسف : لاااا حلفي .. تصدقين عاد ظنيت ان الشغاله مصلحتها .. منور " ايا القهر الحين قهوتي ما عجبتها و بنتها هذي تصلحها احلى عني , ما عطتني فرصة عقربة الغبره و خذت الدلة و عطتها بنتها تصب القهوة .. و أنا من قهري تميت ساكته و لا كل شوي تتمدح ببنتها قدام عمتي بنتي و بنتي و بنتي و همبعد بنتي حشى ما كأن الا هي بس اللي عندها بنت .. و الله قلبي موب مطمن لهم ابد .. أخاف يلعبون على راس سعود و ياخذها كفايه ان عمتي ما تحبني اااه بس لو ادري شلي غيرها علي .. // نجـــــود // نجود " و الله يا مللل ما تتخيلونه و بعد ما راحت مشاعل احس ان البيت فضي علينا .. و حياتي مهيب عاجبتني .. أحس بقلق لحياتي المقبلة و كأني بضياع ماله أول و لا آخر .. و هذا متعب المفروض هو اللي يبدء يقرب مني ,, هو صدق أنا رفضت من البداية بس كان لزوم أنه يحاول مهوب من أول مرة .. الكورس على نهايته و بخلص دراسة و بتزوج و روح بيت زوجي و اهتم فيه و اجيب منه عيال وش بعد ؟؟ أحس إن حياتي مملة ماسويت بها شئ .. وجت الاختبارات و اشغلتني عن قبل و شكرت ربي حتى ان علاماتي مرتفعه هالترم .. و بما انه اخر ترم لزوم ابدع فيه بودع الجامعه بعدها .. بأسبوعين خلصت امتحاناتي .. ما عندي غير أربع مواد .. // مشــــاعل // مشاعل " مشاعل خذيت لي شور وانا ما زلت بالمنشفه ,, خليت شعري منسدل بس حطيت فيه كريم يعطيه بلل كأنه مبلول مع انه صدق توني تروشت ومبلبل شعري ,, و حطيت لي غلوس وردي بلمعة وشدو وردي و على حدود الحواجب جهة الجفن ملمع ابيض يعطي تحديد للحواجب .. و تو البس الفستان بس مو عارفه اربط الحبال اللي بظهري لأن من نص الظهر لنهايته حبال و يبيلها ربط .. فجأة و انا بقمة إنشغالي بهالحبال الا بحس دافئي و بأصبع لسعت ظهري لدرجة حسيت بكهرباء وصلت لقلبي و أنعشته .. تو أحس إن قلبي بيرجع يحيى وش أوصف وش أقول ؟؟؟ اللي يصير معي أبلغ من أي وصف .. اترك الاحداث توصف نفسها .. // مـــــاجـــد // "ماجد: سمعي بطلع مع خوياي و فهد اخوي للبر ساعتين كذا ما بطول و اذا جاك النوم نامي زين .. مشاعل "بتاكد أكثر " : ساعتين ؟؟ ماجد "بصراحه " : مدري و الله اممم يعني الحين و طالع ساعته الساعه 7 ان شاء الله الساعه 10 و لا 11 بالكثير و أنا بالبيت .. مشاعل " اممم لو ايش ما خليك تجلس كل هالوقت برا ,, بس حلو عشان البس الفستان و اوريه هو " : ماجد لا تطول .. ماجد "وده تقول له لاني بفتقدك " : ليش ؟؟؟ مشاعل : أخاف بالحالي في البيت .. ماجد " وخاب ظنه " : انزين فمان الله و قفل الخط ... توجهت لخوياي اللي اتصلوا علي اشتري لهم اشيات من البقاله لانهم سبقوني ..وأنا رايح لهم بالطريق نفسي مرة بس تقولي أحبك . ياااه متى يجي اليوم اللي تحبيني فيه شعولتي .. يوم قالت لا تطول استانست سألتها ليش تمنيت انها تقول لاني بشتاق لك و لا بفتقدك بس خيبت ظني تقول تخاف اذكر ذاك اليوم اللي حكت لي عن شغالة جيرانهم حسبي الله عليه النذل يلعب بعرض الناس و ما جت الا عليها هي و شافته الحين تعقدت وشكلي انا بتعقد من عقدتها أخااف ان تأخرت عليها تخاف و تتغير علي ما صدقت صارت تسولف و تضحك معي بس و الله قهرتني اجل اشتري لها فستان جايبه خصيص لها من (( من احد الدول )) وطقم ذهب ابيض عليه الماس و لا حتى شافته و الله قهرتني كأني ما أعني لها شئ ليش هي باردة معي يعني لا يكون تظنني أخوها و هالمعامله الزينه على اساس اني اخوها و الله بذبح نفسي ,, اجل أحبها حب رجل لامرأة و هي تظحك و تسولف بس يوم أطالعها بنظرات حب و افتتان أحسها ترتبك و تخرج من المكان اللي انا فيه .. ياربي من القوي اللي يتحمل هالاغراء و الافتتان و البراءة و يسكت ما يحرك ساكن مامداني اشتاق لها بس و الله اشتقت و لا لي نفس اروح لخوياي مابغيت ارو ح الا لما شفت برودها .. اتصل خوويي و سألني ... سالم : وووينك بو نواف ؟؟ ماجد : بالطريق , سالم .. سالم : هلا .. ماجد : مانيب جاي .. سالم : وشوووو ؟؟ أقول مجود اركد و أنا اخوك المرة موب طايرة يارجال ماشفناك من زمان الحين لك شهر خافي ربك بتحرمني من شوفتك . ماجد "باستهزاء" : مرتي وانا مدري , اذا المرة ما اشتاقت لي انت يعني اللي ميت فيني .. مانتبه ماجد ان اللي بخاطره قاله .. سالم سكت بعدها قال لي سالم : صدق ما بتجي البر .. ماجد إنت موتك و حياتك البر ,, انت اللي كنت تهبقنا .. ماجد بضياع : مالي خاطر بشئ سلووم.. سالم : انزين انت وينك فيه ؟؟؟ ماجد " وصفت له مكاني بالمحطه و اقل من نص ساعه كان سالم معي .. سالم : عسى ماشر شفيك شكلك موب عاجبني .. ماجد بتعب : تعبااااااااااااااان يا اخووك .. سالم : سلامت قلبك يا اخوي .. سكتنا ثواني و لا دقايق مدري ... سالم بهدؤ : تحبها ؟؟ ماجد وأنا كنت أفكر بتأمل قدامي ما ألتفت لسالم و لا حتى تكلمت .. سالم : لها لدرجه حبها أكبر من حب الريم ؟؟ ماجد "ابتسمت " : الريم ما عذبتني يا سالم أنا اللي عذبتها الريم عزتني و أنا أهنتها .. الريم حبتني و أنا كرهتها فيني .. سالم : للحين متذكرها اجل شلون تحب زوجتك ما عدت أفهمك ماجد .. ماجد : ههههه انت ناوي تفهمني .. اذا انا موب فاهم نفسي جاي انت بتفهمني .. اللي أقدر أقوله إن ذكرت الريم أحس بحبها بقلبي و إن كنت مع زوجتي أنسى الدنيا كلها و بما فيهم الريم .. ابتسم سالم : لانك تحبها .. ماجد ابتسم نص ابتسامه : مو جديد أدري . سالم بتردد : وهي تحبك ؟؟؟؟ .. ماجد كان السكوت هو جوابي وش اقولك يا سالم انا زوجها مادري ان حبتني و لا لاء تكلمت و قلت له : تأخرت بروح البيت تامرني بشئ .. سالم : هالله هالله بنفسك .. ماجد : ان شاء الله .. "رجعت البيت وأنا مشتاق لها شلون بغيت أتركها بالحالها دخلت حجرة النوم بهدؤ ابي افاجأها برجعتي بسرعه ووبشوف ان اشتاقت لي اغراني الموقف وفتني جمال جسمها اللي حلى الفستان شفتها تحاول تربط الحبال اللي بظهرها استانست اني اخترت هالفستان قربت منها و أنا كلي شوق و حب و عطشان حيل حييل لحبها أبي كلمة و لا حتى لمسة ترويني و الله ما وعيت بحالي الا و انا قربها و اهمس بإذنها : بربطها عنك حسيت برجفتها يوم لمست بصبعي ظهرها قالي : ووين الطقم .. ما قدرت انطق شاف علبة الطقم على التسريحه قربني من ذراعي للتسريحه بحيث وجهي عليها و ظهري عليه و لبسني الطقم انا من خجلي راسي بالارض .. لفني عليه و قرب مني وااايد لبسني حلق وذني الثنتين قرب مني و قال اول مرة اشوف اذن يخجل ياحلوك أحلى من شافت عيني و أحب من حبه قلبي .. ماصدقت اللي يقوله هذا ماجد الللي اخيرا قالها قال لي احب لكن لا هو ما قال احبك لا قال لي احب من حبه قلبي لازم يقولي انه يحبني و ياليتني طلبت الجنه لحظتها لفت وجهي عليه و رفع راسي و أنا عيوني مغمضه ابوح اللي بقلبي من جروح و جنون حب مدفون .. قال فتحي عينيك ملاكي بطواعيه فتحتها كأنه يحكم مساري ليه الخل و رفيق العمر له كلمته ان قالها نمشي وراها بدون وعي و لا حضور .. ماجد : تسرقيني من نفسي لا خاطبتك بكلامي ,, تسرقين أنفاسي يوم إني أناظرك .. دخلتي حياتي غصب و صرتي اللحين تملكين كل ما فيني .. قرب مني أكثر و قال أحبك كثر البحر و عدد حبات المطر ,, أحبك كثر أيامي و سنيني , أحبك بكل معنى لشوقي و احساسي .. أحبك يا اغلى ناسي و ساسي .. و بنتظرك الى أن يحن علي الزمن و تحبيني مثل ما احبك و قبل لا يتركني قال احبك تركني و رايح .. مسكته من ذراعه .. // مـــاجد // ماجد " شلون قلت لها كل اللي قلته مدري لحظة ضعف .. لمستني لا مسكتني من ذراعي هذي حقيقة و لا خيال ما اصدق قربت مني و أصدق القول اني خفت خفت تقولي ما ابيك أكرهك .. صدقوني بتحطم .. لكن اللي فاجأني يوم قالت مشاعل ما قدرت اتحمل اكثر مسكته قبل لا يروح لان بعدها ما عاد بتجيني فرصه و قلت : إذا انت تحبني مرة فأنا أعشقك مليار .. .. ودفنت وجهها في تجويف كتفه و قلت.. ضمني مابين قلبك والعيون .. خلني أنسى زماني والمكان ضمني بأحساس تكفى يالحنون .. وأروني من فيض حبك والحنان ....و ابتسمت تلك الليله بعذوبه تتسلل لها نغمات حب إكتمل و عطش الشوق اللي ارتوى .. ....... صباح اليوم الثاني فيصل كنا انا و فهد ويا بعض عندي بالبيت من امس و هو عندي و هذا بيت ابوي بالاصل بس يوم مات صار لي و لاخوي و الحين اخوي مات و ماله وريث فصار لي .. كنا نايمين و صحيت على الساعه 7 و عشرة و صحيت فهد و صلحت له الشاي و خرجت له فطور .. جلسنا نفطر و عرض علي فهد شغل عنده بمكتبه هو و سعود .. من امس و هو يقنع فيني الى ان اقتنعت .. و اليوم اول يوم لي بداوم معه و ناوي اشتري لي سيارة .. بس خلني اشوف رصيدي بالبنك و ناوي بعد اضبط البيت شوي .. مليت من ديكوره .. رحنا للدوام وفهد يوريني مكتبي وين كان قريب من مكتبه المهم معظم الوقت و هو معي لاجل يفهمني بعض الاشغال وحوالي الساعه تسع يمكن جاه اتصال و انا كنت بجنبه .. رن جواله .. فهد : هلا يبه .. .. .... : .... ... ... فهد"اعتفست ملامحه و باين عليه الصدمه : وشوووو ؟؟؟ متعب ؟؟؟ شلووون ؟؟ مااصدق .. جايكم ... ماجد .. ايه انزين بجيبه .. يالله فمان الله .. فيصل وقفت معه : عسى ما شر ؟؟ فهد ياخذ شماغه : فيصل خلك بالدوام و كلم سعود اني بتأخر انزين .. فيصل : ابشر لكن شفيك ؟؟ صار شئ فهد انا اخوك ان بغيت الفزعه تراني معك .. فهد : ما تقصر .. و راح فهد استغربت قلبي موبمطمن اخاف نجود صاير لها شئ ... // مـــــــــــــاجد // الساعه 10 و ربع صباحا ... صحى ماجد واول ما فتح عينه التفت لها ناظرتها خدودها ورديه مع الصباح و شكلها نعووم .. قمت من مكاني و خذتي لي شور يااه حاس براحه مو طبيعية .. خلصت خذيت لي برمودا سودا و كت بيج .. قربت منها و نفخت بوجهها تضايقت و فتحت عينها شافتني و ابتسمت لها و هي بخجل غطت وجهها باللحاف و أنا و خرته عنها و قلت : صباحية مباركة .. حطت صبعها السبابه على افمي و بسته لها سحبت ايدها و غطت راسها من جديد قربت منها بعدت عني .. الا سمعنا صوت جرس الباب ........ ماجد : اووووووووووووووووووووووووف .. وش ذا جوال و قفلته عشان لحد يزعجنا ,, دوام و اعتذرت ما رحته الحين من جاينا مع الصباح .. مشاعل ضحكت برقه .. على كلامه يهبل و هو معصب .. ماجد بقهر: ايه ضحكي لكن وين بتركك جايك جايك بس خلني اشوف من عند الباب .. مشاعل : من تحت اللحاف يارب منووورة .. ماجد بهلع : مالت عليك تكرهيني قوليها , بس ليش تجيبين سيرة منور هذي تشم اسمها و تنط لنا .. مشاعل ضحكت مرة ثانيه .. ماجد : ااااخ بس جايك طيران .. ركضت لعند الباب ..فتحت الباب و أنا ناوي على منيرة .. اللي استغربته انه اخر انسان توقعته يطق بابي .. ماجد باستغراب واضح : فهد حياك تفضل .. فهد بجديه و ملامحه ما تدل الا على كارثه : ماجد البس ثيابك و مشي معي ماجد بخوف من كلام فهد لانه يعرفه ما يقول شئ و هو بذا الشكل الا ان كان كايد : فهد موب ماشي الا لما تعلمني .. فهد "بحزن ممزوج بقهر" : أختك نجود .. ماجد بخوف : علامها .. فهد " بقهر " : تطلقت .. مشاعل "بشهقة " : لااااا .. فهد التفت و عطيته ظهري نازل الدرج و قلت : انتظر ك بالسيارة بنطلع القصيم ابوي يقول انها مقفله على نفسها الباب وموب راضيه تكلم احد تكفى اسرع ما بغيت اخرب عليك بس اخاف تسوي بنفسها شئ ومشى.. جاء ماجد وبسرعه يلبس ثوبه .. مشاعل : بروح معك .. ماجد: لا .. مشاعل :تكفى .. وعدتني تكون معي و ما تتركني .. ماجد بعصبيه ما قصدتها صرخت : قلت لااااااا ما تفهمين .. مشاعل "صرخته خلت دموعي تتجمع بعيني .. سكت و ما تكلمت حتى اني طلعت من الحجرة و هو يلبس و رحت بالصاله و جلست على الكرسي و انا حاضنه رجليني و مسندة ذقني على ركبتي طلع و ناظرني و انا درت وجهي الناحينة الثانية .. خرج من الشقه و سكر الباب .. مشاعل "انا الغبية اللي ظنيتك بيوم بتتغير " .. ماجد ماكان ودي أصرخ عليها بس الموقف اللي أنا فيه و معرفتي ان نجود تطلقت خلاني أعصب و هي بعد ناقصها أنا ..طلعت للصاله بشوفها بس شكلها و هي ضامة رجلينها كسرت خاطري .. أحبها و الله .. تركتها الحين ما عندي وقت لما أرجع براضيها .. نزلت تحت شفت فهد داخل السيارة رحت له .. وحرك على طول و قلت : مشاعل .. وسكت .. فهد "بجدية مع إن داخلي إهتمام من يوم طرى اسمها " : شفيها ؟؟ ماجد : تخاف تجلس بالحالها ودها تجي .. قاطعتهفهد : انزين خذها .. ماجد : ما تعرف اخوانك الحين لا شافوها بيجلسون لي على الوحدة .. فهد لف راجع للبيت : و انت وش عليك منهم زوجتك و انت حر تجيبها وين ماتبي .. ماجد : شورك و هداية الله اتصلت عليها بالبداية ماردت شكلها زعلانه بعدين ردت علي بس ما تكلمت قلت لها : لبسي عباتك دقيقتين و أنا عندك و قفلت السماعه .. مشاعل خذيت عبايتي و لبستها قفلت الانوار و جلست انتظره فتح الباب و قال لي : طلعي رحت معه بدون ما اكلمه .. ركبنا السيارة و قلت : سلام عليكم رد علي فهد : هلا .. و عليكم السلام و رحمة الله و بركاته شلونك أم نواف ؟؟؟ مشاعل استغربت : من ام نواف ؟؟ ماجد : انتي .. مشاعل استغربت بس قلت : الحمد لله .. و سكت لان ماجد يوم قال لي انتي كأنه بينهي الكلام .. طوال الطريق و أنا احس الجو مكهرب .. وصلنا القصيم و دخلنا البيت و أنا ماشيه ورى ماجد كانوا جالسين بالصاله يعني قريب من المدخل طالعوني بطريقه خوفتني كانت كل الانظار علي من حرجي اتخبيت ورى ماجد ..طبعا اللي كان بالصاله هم اخوان ماجد ما شاء الله و عددهم 4 و مع ماجد و فهد صاروا سته ومع ابو فهد و امه 8 اشخاص حسيت نفسي غريبه .. خذاني ماجد لداخل و قال : خلك داخل مسكته من ذراعه و قربت و أنا مازلت ملثمة مشاعل : آسفه حطيتك بموقف محرج .. ماجد مسكني مع وجهي وقال : ان كان وجودك احراج فأنا مستعد انحرج طول عمري يا عمري باسني على جبهتي و راح .. ظليت واقفه شوي اخذت نفس كنت طالعه لنجود .. لكن وقفني صوت ماجد العالي : انت مالك خص بزوجتي فاهم ولا شلون ؟؟ حمدان : ماجد لا ترفع صوتك هذا اخوك اكبر عنك .. ماجد : انت موب شايفه شلون من شافها جت هب فيني هب .. لا و أخوك الثاني يسانده .. بفهم داست عليكم بطرف .. علي : ما قلنا شئ .. كلام الحق يزعل .. كلنا ما علمنا احد بما فيهم زوجاتنا أما انت ياليت معلمها و بس لا وجايبها معك .. اذكر انت يا ماجد اللي قلت ياليت زوجاتكم مايدخلون باللي ما يعنيهم .. كمل أحمد أخوه : و الحين انت اللي اخلفت .. و بتنتشر السالفه .. فهد يرد على احمد : على ما أظن موب مشاعل اللي تنشر سوالفنا ما في غيرها زوجتك شغالة ونانه بالبيوت .. أحمد : احترم نفسك و انت شعليك لا يكون زوجتك و حنا ما ندري .. بو فهد : خلاااااااااااااااااااااااااااااااااص .. ماتستحون انت و هو وهو و انت بعد .. مانيب مالي عيونكم تتهاوشون و قدامي بعد , هذا بدال ما تشوفون اختكم شصار عليها ؟؟ و شلون طلقها ؟؟ و ليه ما خبرتنا ؟؟ جلس ابو فهد بتعب على الكرسي .. و كمل كلامه : أحس إني سبب تعب نجود هي ما كانت تباه و حنا اللي نحليه بعينها .. أم فهد "بحزن " ما هقيته يسويها الا متعب ليه طلقها ليه شسوت بنيتي ؟؟؟ ماجد بقهر : لا تطرينه يمه .. فهد : بطلع لها .. ماجد : و أنا بعد .. عبد العزيز و أحمد: و حنا معكم .. طلعنا لها و طقينا الباب مارضت تفتح لنا حتى ان فهد حاول فيها فهد : جود حبيبتي فتحي الباب انا فهد اخوك حبيبيك .. نجود ما تكلمت .. عبد العزيز : لا يكون صار عليها شئ ؟؟ أحمد : شرايكم نكسر الباب .. فهد "بغيظ بسبب كلامه على مشاعل " : اركد يا خووي تراك اكبر عني .. ماجد : وش الحل ؟؟ مشاعل "بنعومتها المعتاده " : ماجد .. طالعها الجميع نزلت عيني بالارض و قلت بقلبي انا قلت ماجد ما قلت يا جماعة الخير .. و كأن ماجد قرأ اللي بقلبها و قال بعد ما التفت لهم : اعتقد انها قالت ماجد و لا شرايكم ؟؟؟ حسوا بالاحراج و عطوهم ظهورهم .. قرب ماجد بقهر من مشاعل : قلت لك خلك داخل لا تطلعين .. مشاعل : اجر ب ادخل لها ؟؟ ماجد : ما فهمت .. مشاعل : خلوني اكلمها يمكن تقتنع ,, يمكن تستحي تكلمكم انتم اخوانها بس انا بنت و افهمها .. ماجد بعفوية : هذاك اول كنتي بنت الحين مرة .. مشاعل انحرجت منه و هو مستانس على احراجي و قال : انزين .. كلم اخوانه فهد رضى و عبد العزيز بس أحمد ساكت بالاخير قال مدري عنكم .. قربت من البا ب و قلت : نجود ياقلبي فتحي انا مشاعل " سكت شوي بعدها قلت " : ظنيتك بتفتقديني .. ماجد كان وراي قلت له : ماجد لو دخلت لحد يدخل معي .. ماجد : ليش ؟ .. مشاعل : قلت لك يمكن تستحي منكم .. ماجد : انزين .. ردت مشاعل تكلم نجود : اوعدك ما يدخل عندك غيري هذا اذا تبيني .. وانتي تعرفين وعدي .. فهد "مشاعل تكلم نجود من عند الباب و أحمد يطنز " يقول : لا يكون فيلم هندي قدامي وش ذا ,, ظنيتك بتفقديني ,, لا يكون زوجها اجل ماجد وشو , وعلى كيفها توعدها ترا راح و لا جاء وعد ماله اهميه .. فهد "بصوت واطئ مليان قهر" : وراك ماتسكت بالع راديو انت ويا حرمتك .. احمد : فهد احترم نفسك حرمتي لا تجيب طاريها .. فهد وهو رافع حاجب و الثاني لا و الله بجيب طاريها دامها خربت اخوي العاقل و صاير مثلها انا ادري ان الزوج يغير زوجته و يمشيها على طبعه موب العكس .. ما سكتنا الا صوت الباب يوم انفتح و كنا متجهين داخل لو ما ماجد و قفنا و قال يخاطب مشاعل : دخلي محد بيدخل .. دخلت مشاعل .. أحمد : وليه ما ندخل ؟؟ ماجد "مقهور من احمد " : لاني وعدت زوجتي ما يدخل غيرها عن اذنكم بنزل لابوي تحت .. فهد : خذني معك .. و نزل معنا عبد العزيز .. علمت ابوي انها رضت تكلم مشاعل و دخلتها حسيته ارتاح شوي و اشوف امي و حمدان و عمر و علي كل واحد يكلم بالجوال .. سألت ابوي : علامهم ؟؟؟ بو فهد : يحاولون يتصلون بمتعب و لا باخواته و ازواجهم .. // مشـــــــــــاعل // مشاعل دخلت الحجرة و سكرت الباب و قفلته بالمفتاح .. شفتها واقفه عند الدريشة شلت عباتي عني .. رحت اكرمكم الله للحمام و غسلت وجهي و مسحته قربت من الدريشه من الجهة الثانية و اطالع برا و مضى وقت مو قصير على سكوتنا نجود : كنت مستانسة واايد ,, استانست لأول مرة من يوم تزوجته .. سكتت مشاعل و انا مثل ما انا حتى ماقلت كلمة .. كملت نجود : اتصل علي ما ظنيت أنه هو حتى إني ما رديت عليه لو ما أرسل لي رساله كتب لي فيها بمر عليك اليوم بالليل بعد أذان العشاء" متعب " فرحت و استانست قلت بداية المشوار لاني صدق مليت من حياتي و قررت انسى فيصل من زمان و كنت انتظر ولو اشارة من متعب اصلا فيصل انتهى من حياتي من يوم ما متعب دخلها .. تلبست و تعطرت و تزينت من الوناسة ما كنت أظن إن هذي نهايتي معه , دخلته امي المجلس بعدها دخلت انا ظنيت انه يناظرني بس حسيت ببرود ما تتخيلينه رفعت راسي و اشوفه منزل راسه استغربت بعدها قلت له السلام عليكم اكيد بتستغربين شلون اتجرء و ابدء انا .. لاني مليت سكوته و الانتظار و كنت متاكدة لو اني ما تكلمت كان هو بعد ما تكلم .. رد علي: و عليكم السلام و رحمة الله و بركاته .. بعدها سكتنا و اخيرا تكلم و قال لي : شخبارك بنت عمتي ؟؟ بهدؤ قلت له الحمد لله و سألته بالمثل شلونك ولد خالي ؟؟ قال لي احمد الله و اشكره .. بعدها بدقايق قام من مكانه استغربت قومته حتى اني قلت له : بدري تو الناس ؟؟ متعب مارد علي مشى للباب و قال لي وظهره علي .. طالق يا بنت العمة .. سكت , و رجع قال لي : طالق يا نجود طالق .. اصلا حسيته حلم لا موب حلم الا كابوس لكن يوم قال لي بكرا ورقة الطلاق بتوصل لك صحيت من كابوسي اللي صار حقيقة , حسيت بقلبي يتحطم و التفت علي و دموعها اربع اربع يا مشاعل انا اللي اتعذب فيصل و تزوج و نساني , و متعب هو اللي سعى لي موب انا بالاخر تركني طلقني طلاق بلا رجعة تفهمين و ش معناته .. يعني مابرد له الا اذا تزوجت ثاني .. وش بيقولون الناس عني ولد خالها طلقها لا و طلاق بدون ردة اكيد شاف عليها شئ .. مليت مليت .. ضميتها لي و لا تكلمت غير حناني الي حاولت اني اترجما بضمي لها .. بعد ما هدءت قلت لها : هذا قضاء الله و قدره ربي ما كتب لك تعيشين مع متعب و ان شاء الله بيعوضك اللي احسن عنه .. نجود بنفي : لا مستحيل ما عاد بتزوج ابد ابد .. مشاعل : استغفري ربك جود حرام اللي تقولينه .. و جلست اقريها بعض الادعيه اللي تفرج الهموم " حسبي الله لا اله الا هو عليه توكلت و هو رب العرش العظيم .." و " استغفر الله العظيم الذي لا اله الا هوالحي القيوم و اتوب ايه " الى ان نامت على سريرها تركتها .. خرجت برا حجرتها و اتصلت على ماجد ... ماجد" أتصلت بعد ساعه يمكن او اكثر مشاعل , ونادتني و قالت لي لا تعلم احد اني ابيك قلت لها : ان شاء الله .. فهد لاحظت ماجد يوم رن جواله كلم بس بصوت واطئ ما ارتحت رحت وراه سمعته يكلم مشاعل : وشووووووو .. طلقها ثلاث طلقات .. و بدون سبب .. مستحيل و الله ذااابحه ذااابحه.. فهد بصوت عالي : انا اللي بذبحه .. مسكت يد ماجد قبل لا يتهور و بصوت عالي يمكن لاول مرة يكون صوتي لهالدرجة عاالي : فهد ياخوي , ماجد تكفوووون لا تتهورون .."فهد وقف و ماجد طالعني " لو ذبحتوه بتستفيدون انتم و لا ماما و لا بابا و لانجود شئ .. بهالطريقه ما بينحل شئ انتم غالين عند نجود و عند أهلكم لا صار عليكم شئ بيتعذبون .. طلبتكم .. فهد "بداخله يقول ليتني غالي عندك " : صار ..تركهم و طلع برا .. ماجد ما تكلم .. مشاعل قربت منه و عيوني بعيونه قلت: لا تحرمني منك لا صار لك شئ بمووت, مالي غيرك .. و سندت راسي على صدره .. ضمني و قال و لا يهمك مابيستوي الا اللي تأمرين فيه .. انتي الغلا و الروح و الحياة بدونك جروح بس هذي اختي ما تهون علي .. .. نزل ماجد علم اهله باللي صار .. وماما ام فهد تعبت ودوها حجرتها .. وبو فهد مو عارف شلون صار اللي صار .. .. ماجد و انا بحجرته .. مشاعل : جودي ... ماجد " بتعب مغمض عيونه : هلا عمري .. بهدؤ و حنان : اطلع لك الغدى؟؟ ماجد :لا مشكورة ما ابي شئ .. مشاعل ما غصبته لاني ادري ان ما كان يبي ماراح ياكل ... جلست بجنبه : بنرد الرياض ؟؟ ماجد "فتحت عيني " : تبين تردين ؟؟ مشاعل : مو قصدي .. ماجد : أجل .. مشاعل : كيف بتداوم ؟؟ ماجد : خذيت اجازة باكر .. مشاعل : حلو عشان نجلس مع نجود و ماما و بابا نخفف عنهم شووي .. ماجد بابتسامة طفيفه : خذيتها لاجلك .. مشاعل : عشاني ؟؟ ماجد : ايه قلت اعوضك عن شهر العسل بليله من الف ليلة عسل ما بنسيك هي .. بس كالعادة نكدت عليك .. مشاعل بحب : من قال , أهم شئ تكون معاي يكفيني وجودك .. ماجد لمست خدها برقة : الله يخليك لي .. مشاعل مارديت عليه لاني خجلت بجد خصوصا من نظراته بس بقلبي قلت اللهم امين .. خذني لصدره احساس الامان حلو الحمد لله نعمة مقدر اوفي ربي حقها .. حزنت على نجود لانها تذكرني بحالي بس الفرق ان ماجد ما طلقني .. و تقبل حياتي معه و حباني و حبيته .. ابتسمت يوم قال لي : شعولتي "و بتعب و هم "خميني , ضميني لك اغمريني بحبك و حنانك تكفين ابي احس براحه و انام ..مشاعل بحب مع ان الخجل سيطر علي بس يوم ناظرت عينه و شفت شلون هو متضايق للحين على اخته و انا بعد متضايقه عليها بس احساسي يقول لي ان طلاقها خير لها هي ما كانت تبيه جت منه لانه مستحيل تجي منها .. " بكل عطف قربت منه وخذيت راسه بكفوف يدي و حطيته على صدري و هو لف ذراعينه على وسطي بقوة و قال احبك .. وانا بحالمية : امووت بحبك , نام ماجد .. قلت بطمن على نجود لكن ماجد مطوقني بقوة ولما حاولت اوخره عني شوي عيي يتركني الا زاد بمسكته .. ما حبيت اصحيه جلست شوي يمكن نص ساعه بصراحه مسخها ابي اقوم اشوف جود .. فكيت يده بقوة و حطيت مكاني مخده فضمها له ضحكت بصوت واطئ يحسب المخده انا ههههههههه .. طلعت برا و كان وقتها شوي و يأذن المغرب طبعا لبست عباتي بصراحه جاية بتنورة و بلوزة ماسكه علي ففضلت امشي بالبت بعباتي عشان ما يتضايقون رحت لما نجود و حصلت فهد عندها بحجرتها .. كان يصيح عند راسها تخيلوا و بدون صوت و يمسد على شعرها .. انصدمت بجد .. ما استلطفت وجودي احس اني دخيله و جيت بوقت غلط بغلط خرجت بدون ما يحس وقفت برا الحجرة ما اشوف الا ماجد قدامي ما شاء الله امداه يصحى توني تاركته بعز نومه .. ماجد : شتسوين هنا ؟؟؟ مشاعل "بصوت واطئ " : اوووووش .. ماجد "استغربت هذي ليه واقفه عند باب نجود لا و تقول لي اوووش بعد ..خذتني من ذراعي وقالت ما فيه شئ ... ماجد بشك : لا تكذبين , و كان رايح على حجرة نجود و تو فهد خارج .. ماجد انقهرت رجعت لها بقهر و قلت : شكنتي تصلحين بحجرة نجود ؟؟ مشاعل و هي متأكده انه شاك فيها : تشك فيني ؟؟ بس بقولك ما سويت شئ .. و هذا اخوك روح اسأله ... ماجد قربت منها و قلت : اشك بالعالم كلها الا عمري و الشك اللي انتي تقولي عنه تراه موب شك هو غيره .. مشاعل :ماجد انا كنت بطمن على نجود بس احترمت وجود اخوك داخل مع اخته و يفضفض مع نفسه .. و سكت .. ماجد : شعوله انا .. تركتني و راحت اكرمكم الله للحمام حتى ما خلتني اكمل كلامي .. مشاعل : الحق على الصلاة الحين بيأذن و أذن المغرب .. صليت المغرب خذيت من مكتب ماجد اللي بحجرته قران و قرأت مع اني احب اقرء من قراني ,, يبيلي اراجع كل الاجزاء اللي حفظتها قبل عشان لا انساها .. حسيت بفتح الباب ظنيت انه ماجد فما التفت بعد ما خلصت شلت سجادتي و التفت عشان اسال ماجد اذا يبيني احط له الاكل لانه ما تغدى و توني بشيل شرشف صلاتي شفت نجود واقفه .. قلت : نجود .. نجود "نزلت راسها " : بتروحون ؟؟ مشاعل " بابتسامة : اذا تبينا نروح نروح واذا تبينا نقعد نقعد اللي تامرين فيه ... نجود : مشاعل لا تتركيني و تروحين .. بجد حسيت لحظتها بصيح عليها .. قربت منها تامرين امر انتي .. شراايك نصلح لنا سندوتشات و لا شئ و نروح للحديقة .. الجو رووعه برا .. هزت راسها .. جلسنا اللي لحقنا ماجد شفته يناظر نجود بحزن اشرت له لاااا براسي و هو ما فهم جانا و قال :مساء الورد لاحلى اثنين بالقصيم .. ابتسمت و قلت : شرايك تطلعنا ندور بالسيارة شوي و لا نروح للمزرعه .. نجود : مابي اروح مكان وجت لافه على حجرتها .. سمعنا صوت فهد : وليه ما بتروحين ؟؟ نجود طالعت فهد و راحت له و حطت راسها على صدره و هو ضمها قالت : سودت بوجيهكم الحين الناس بتتكلم عني .. ماجد بسرعه قال : اللي يسولف عنك بكلمة شينه بيكون جنى على نفسه ابتسمت نجود لماجد .. قرب منها ماجد و مسد على شعرها .. نجود : لله لا يحرمني منكم .. فهد و ماجد و بو فهد : ولا منك .. راحت لابوها اللي ضمها و ضمته بقوة و قالت : سامحني يبه ,, بس و الله ما صلحت شئ و الله .. هو اللي قال .. قاطعها بو فهد : بدون ما تحلفين بنتي و انا ادرى فيك .. دخلنا داخل و جهزنا العشاء وهم راحزواعلى المسجد يصلون العشاء ولما ردوا تعشينا .. بعدها شربنا الشاي .. ماجد : ها فهد موب ناوي ترد الرياض ؟؟ فهد طالع نجود و قال : ما اعتقد .. ماجد : لا و الله أجل من بيردني .. عمر : انا راجع اذا بترد معي ؟؟ نجود " تدقني بذراعي " : وعدتيني .. مشاعل : انا .. على ايش ؟؟ نجود : يعني ما بتجلسن معي .. مشاعل طالعتها وقلت لحظه اكلم ماجد ناديته و جاء مشاعل : جودي .. ماجد : هلا عمري .. مشاعل : شرايك نجلس اليوم مع نجوود نتسلى .. تكفى .. ماجد بتفكير انزين لعيونك .. و جلسنا بالليل فهد و ماجد جلسوا مع بعضو عبد العزيز نايم و علي و عمر و احمد رجعوا لبيوتهم و حمدان بعد و بابا و ماما ناموا و انا و نجود كنا مع بعض و هي ساكته و انا ما حبيت ازعجها .. بصراحه انا ما امل السكوت ابد عكس الناس يمكن لاني تعودت عليه .. قلت لها : نجود .. التفت علي : هلا .. مشاعل : شيخه بنت خالتي ملكت .. نجود " بشحوب " : مبروك .. مشاعل : الهل يبارك فيك .. نجود : شلونها ان شاء الله مستانسه ؟؟ مشاعل بشوق : مدري عنهم .. نجود باستغراب : من صدقكك انتي ؟؟ مشاعل : ايه غيرت الموضوع ما خبرتك ماجد شرى لي جوال .. نجود فهمت تصريفتها : مبروك .. مشاعل : الله يبارك فيكي .. نجود : شلون ماجد معك ؟؟ |
|
التعديل الأخير تم بواسطة اخت البطه ; 2010- 8- 14 الساعة 05:01 AM |
|
|
|
|
2010- 8- 14
|
#89 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
مشاعل بحب و شكر : الحمد لله . ماجد حبوب و جنتل مان .. وخبرتها على الفستان اللي شراه لي و الطقم
.. شفتها تبتسم بصدق وقالت : فرحتيني مشاعل بجد ماظنيت ان ماجد رومانسي تخيلت فهد يمكن يكون رومانسي بس ماجد ما ظنيته .. ضحكت اجل لو درت وش قال و لا وش صار وخدودي حمرت من الخجل و الضحك و نجود ضحكت معي حسيتها فهمت .. و قالت الله يبارك لكم ببعض .. ناداني ماجد و قال : ما شبعتم من بعض يالله شعولتي بنام .. بأوقف بحيا مسكتني نجود وقالت له : انزين ماسكتك انا روح نم مشاعل بتجلس معي .. ماجد بخفة دم : لا حلفي قال بتجلس معك .. شعوله مشي معي .. نجود : لا .. ماجد : ليه ان شاء الله .. نجود : امل بالحالي .. فهد من وراهم : انفع انا .. نجود : اكيد .. ظل فهد و ماجد و مشاعل باحراج جالسه معهم مدري احس اني غريبه وسطهم هم و اختهم انا ليشر ازه بوجههي بينهم انسحبت بهدؤ من عندهم .. نجود "التفت ادور على مشاعل ما حصلتها " : وينها شعوله ؟؟ ماجد "دورتها بعيني ما حصلتها بالحجرة " : تو كانت هنا .. فهد " لحظة خروجها لمحتها لان عقلي موب قادر يستوعب انها معنا بنفس الحجرة " : يمكن احرجتها انا بوجودي اسف ماجد .. ماجد "باخوه هو حب فهد يمكن اكثر واحد من اخوانه " : و لا يهمك .. يالله تصبحون على خير .. ماجد و انا طالع قلبي يتقطع على اختي خطرة ببالي فكرة : جود حبيبتي .. طالعته جود .. ماجد : شرايك باكر اخذك انتي و شعوله على الحصان و ادور فيكم بالمزرعه ؟؟ .. نجود : صدق .. ماجد : لا كذب ,, اكيد صدق .. ها اا .. نجود : بشرط ؟؟ , بس شعوله ما بترضى .. ماجد بنص عين و بعدها طالع بفهد : شف اختس شلون تتشرط .. فهد : افاا هذي جود الغاليه تتشرط مثل ما تبي .. نجود : فديت اخوي فهد .. ماجد يمثل الغيره : ايه فهد اخوك و انا اخو من ؟؟ نجود : عندك أصيل و لا منور ثنيناتهم يموتون عليك .. ماجد بعناد مصطنع : بس انا ما ابيك الا انتي اختي كيفي .. نجود " ضحكت على هبالهم " : ههههههههههههه .. اوكي موافقه بس مدري عن شعوله اذا بتوافق .. ماجد : ليه ؟؟ نجود : لانها اكبر خوافه ... تخاف من القطوة و من الحصان خبرك رقيقه البنت .. ماجد و فهد بقلبهم" فديت الرقيقه انا " .. ماجد : انزين وش شرطك ؟؟ نجود : تودينا القصيباء ... بشوف اثار عنتر تكفى .. ماجد : جود مية مرة شفتيهم وش بتستفيدين ؟؟ نجود : مشاعل ما شافتهم .. ماجد : عشان مشاعل بس .. نجود : لا و الله .. ماجد : ايه اجل تحبين فهد اكثر عني .. فهد : وخر زييين .. ماجد : فهد انفهدز شوي .. (( فهد ابتعد شوي )) فهد : وش تسبر المتسان مالدزيت الا متساني .. (( و ش كبر المكان مالقيت الا مكاني )) ضحكنا كلنا . الله يسعدهم اخواني هم سندي الله يخليهم لي يارب .. نجود طلع ماجد بعد ما باس راسي و قال تصبحين على خير .. فهد : ما بتعلميني وش صار ؟؟ نجود " علمته كل شئ صار حتى اني علمت امي بعد ما استوعبت انه طلقني و دخلت حجرتي و قفلت على روحي الباب .. سألني ليشق فلتي الباب قلت له مدري بس كنت مضايقه و منحرجه و حسيت مالي وجه اقابلكم و .. " فهد : نجود يا عيون اخوك اشك بنفسي ما اشك فيك و ثقتك بنفسك اهم شئ ما عليك من احد دام اخوك يشم الهوا و اذا على متعب بدور عليه و بعرف منه ليه سوا اللي سواه .. ... تركت نجود و رحت حجرني اريح شوي جاني اتصال من فيصل ياااه نسيته .. : هلا فيصل .. فيصل : شخبارك ؟؟؟ فهد : الحمد لله و انت ؟؟ فيصل : فهد بلاك اليوم الصبح مشتط و طلعت بسرعه ؟؟ علمين يالاهل بهم شئ ؟؟ فهد سكت منيب عارف وش اقول اعلمه ان اختي تطلقت لا و من ولد خاله و بدون رجعه .. بالنهاية الكل بيعرف و هذا فيصل عمره ما فشى سري و كان نعم الصديق وقت الضيق .. فيصل "بخوف خبيته " : فهد اذا ما بتعلمني براحتك بس خفت عليك .. فهد : شدعوه انت اخووي .. بضيق اختي .. فيصل و قلبي يدق بقوووة : شفيها عسى ماشر ؟؟ فهد : تطلق ... فيصل " ماقدرت انطق بكلمة " : ,,, فهد : معي ؟؟ فيصل : ها ايه .. ما سمعت شقلت ؟؟؟ فهد : اختي نجود طلقها متعب النذل ... فيصل "بعصبه و قهر من متعب و الله ان شفته قدامي بذبحه " : شلوون ؟؟ ما ظنيت متعب .. وسكت منيب عارف وش اقول ؟؟ فهد : ولا انا يافيصل .. ظنيته بيسعدها ,, لكن انا السبب .. أنا.. فيصل "بحذر " : شلون .. وانت وش دخلك ؟؟ هذا قضاء الله و قدره .. فهد : من زمان متعب يخطبها و ابوي يرفض لاجل انها صغيره .. وبعدها هي صارت ترفض الى ان اقنعتها انا . فيصل بداخلي اااه يا فهد يعني انت سبب شقاي اخوي و خويي هو سبب شقاي .. فهد : وينك فيه الحين ؟؟ فيصل رحت مخيمكم ظنيت انك بتمر هناك قلت اشو فان بغيت شئ و انتظرتك ويوم شفتك طولت قلت اتصل فيك .. خلص الحين بطلع لبيتي .. قفلت مع فهد و انا من قهري خبط الطاوله اللي قدامي حتى ان فنجان الشاي تحرك من مكانه من قوة خبطتي .. وسمعت صوت موبغريب علي .. .... : شوي شوي بينكسر الفنجان .. طالعت مكان الصوت و كان ..... ^^^^ ^^^^ ^^^^ ^^^^ ^^^^ متعـــب بابتسامة : علامك حاط حرتك بالطاوله ؟؟ فيصل ضاغط على اسنانه بقوة لا يفقد سيطرته : انت شجابك هني ؟؟ متعب بابتسامه هادئه : رجليني ساقتني للمخيم .. فيصل : لك عين تجي بعد اللي سويته ؟؟ متعب "ولا كأنه صلح شئ " : شسوويت ؟؟ فيصل "بقهر " : مايليق عليك دور البراءه فاهم .. هالحركات يا متعب موب علي .. متعب "ابتسامه صافيه قرب من فيصل بواايد وضمه " .. فيصل اتفاجأت و استغربت و لا يمكن انصدمت ما توقعته يجيني لا و يضمني ليه ؟؟ متعب و هو ضام فيصل و بصوت حاولت انه يكون عادي و سعيد : مبرووك عليك نجود .. فيصل دفيته عني : انت شتقوول ؟؟ مجنون ؟؟ متعب "بحزن " : ايه كنت مجنون فيها .. كنت مجنون بنجود .. و خذيتها منك .. فيصل من الصدمة ظليت ساكت و ما تكلمت .. متعب : انا تمنيتها قبلك بسنين وايد من صغرها و حلمت بها زوجتي .. لكن القلب و ما يهوى هي هوتك انت .. ايه لا تطالعني كذا ادري انك تبيها من ست سنين و هي بعد انتظرتك و لا قد خانتك بيوم الى ا نجيت انا ودخلت عرض بينكم و اصبحت مثل الشوك بالبلعوم .. اعذرني ياخوك هذي امانتك وصلت لك .. و ان خطيت بحقك فاسمحلي .. انا تاركها لك و تارك الديرة بكبرها عسى الله ينسيني هي .. فيصل : شلون عرفت ؟؟؟ متعب : سمعتك ذاك اليوم و انت تحكي قصتك لفهد هنا بالمخيم .. صدقني حزنت عليك وايد و على اللي صار معك و فرحت واايد انك سعودي و لي الشرف انك من بلدي حفظت اهلك و ناسك و ديرتك و انت خارج الدوله عرفت انك تحب وحده تزوجت بس ما خطر ببالي بيوم انها ممكن تكون نجود .. لكن يوم رحت لها بزورها الا عمتي طلعتني حجرتها استانست اني بدخل حجرتها و بشوف ذوقها انسدحت على سريرها .. وانا يدي تحت وسادتها الا بكتاب خذيته كان عبارة عن رواية فتحت الدرج بحط الكتاب شفت صندوق فتحته و كانت رسائل و اشعار بصراحه مستحيل ما تكون نجود تحب معقوله هالرسائل لي ,, حزة ماخطر هالشئ ببالي استانست بس بكل رساله كان فيه حرف f و الاردى ان القصايد كانت تحكي عن بعد و سفر و هجران و نسيان و انا عمري ما تركتها و لا بعدت و لا نسيتها خفت و جاني شعور ان فيه ان بالموضوع استغليت الفرصه و بحثت بكل ادراجها الا ان شفت منديل رجالي و عليه حرفك هنا تذكرت المنديل اللي شفته بيدك يوم خلصت سالفتك مع فهد تذكر ذاك اليوم دخلت عليكم و انت حزة شفتني طاحت القهوة على ثوبك .. خرجت منديل من جيبك و مسحت الثوب لفت اننتباهي المنديل و حتى قلت لك من وين مشتريه ؟؟ قلت لي انك خيطته عند خياط .. فهمت بعدها اني دخلت بينكم غلط فهمت ليش هي مارضت تشوفني بيوم الملكة ... ذاك اليوم اللي كان اسعد لحظه بحياتي و كان اتعس لحظه بحياتها .. سامحني يا خوك و يوم ربي يكرمكم ببعض علمها اني حبيتها بصدق و عمري و لو لحظه ما احتقرتها مع اني عرفت بحبها لك نظرتي لها ما تغيرت و قولها تسامحني ان اخطيت عليها .. و الحين بستودعك الله الذي لا تضيع ودائعه ... خلي بالك منها تراها جوهرة بنت العمة .. فيصل " انصدمت من كلامه بس عزيته بجد ما توقعته لهالدرجه انسان جد ماقدر اوصفه بكلمه متفاني" : من اكون لك انا لاجل تطلقها عشاني و هي الاقرب لك .. متعب : انت اخوي اللي ما جابته امي يكفي انك حفظت اخوك و مرته و حفظت نجود و انت بعيد عنها .. فيصل"نزلت راسي " : صغرتني قدااامك .. متعب "رفع راسه و قال " : و الله اني احس انا الصغير قدامك خذيت اللي لك و ما عمرها كانت لي .. سلم لي على فهد . و على الكل و قولهم اني مسافر و مدري متى برد .. فيصل : على وين ؟؟ متعب بحسرة على حاله : مدري .. ^^^^ |
|
|
|
2010- 8- 15
|
#90 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
أجزاء حلوه
ننتظر ...بسرعة |
|
|
|
| مواقع النشر (المفضلة) |
| الكلمات الدلالية (Tags) |
| >, لايعني, الماضي, الحـبـ, بعد, حزيينه, روايه, همس, هذا, وطويله, قلبي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
