[ النظام الأفتراضي ] : رسالة شكر وتقدير، وتكريم لـ مشرفتنا القديره/ د. نصرون .. من فريق عمل شباب مستوى خامس - جامعة الدمام

[TaLaL Al-AmRi]

المشاركة الأصلية كتبت بواسطة د. جمان

ما هذا يا هذا

يومين احاول اعلق ومو قادره اجمع كلمتين على بعض

هو احراج , هو مفاجأة , هو صدمة للحين مو مستوعبتها
مع انه كنت شاطرة بالتعبير دائما وابدا بس لاوصل التعبير لشيء بالخاطر ابلم

اول ما وصلتني الهدية كانت معي حبيبتي امجاد

اطالعها كذا وهي ترد بنفس النظرة ماقدرت اتخيل ايش ممكن تكون
ولما عرفت كان ودي يكون فيه بطانية اتخبى تحتها ولا احد يشوف وجهي وقتها هههههه

تلخبطت وصار ودي اطلع من الجامعة بسرعه واللي خفف علي طقطقه صديقاتي

ما ركدت شوي الا زاد الاحراج يوم وصلت البيت مع تعليقات اهلي
وما خلصت منهم الا جاء هالموضوع اللي ابدا ماتوقعت ولا 1% من التعليقات اللي فيه

ماذا فعلتم بي

ايش ما بحكي ما بوصف لكم حجم المشاعر الجميلة اللي حطيتوني فيها

كذا بخاطري اجلد كل واحد علق على الموضوع واربكني وخلاني ما اعرف ارد هههههههه

شكرا لكم من الاعماق طلاب دفعتي وشكر كبير لكل من مر هنا وعلق ولكل من راسلني

ولكل من حاول يخفف من ربكتي ههههههه شكرا لكم بحجم مافي قلبي من مشاعر

واللي يستحق الشكر والتكريم فعلا هو انتم من اول الترم الى اخره تفيدون الطلاب قد ماتقدرون

وما اقدمه الا نقطة في بحر الفائدة اللي تقدمونها للطلاب في كل ترم

ربي يسعدكم جميع ضعف ما اسعدتموني بهالمفاجأة اللطيفة

تجاهلوا تعبيري الفاشل وراعوا اني للحين منحرجه ومتفاجأة ههههه <<< هذا اللي يثبت تأثير الهدية

تستاهلين يا نصرون

وكان ودي اني شارك معهم
لكن راحت علينا

هم عبروا بالهدايا

واحنا نعبر بدعوة بظهر الغيب

تستاهلين كل خير

[Dr. nsroon]

صعب , كائن , حمودان , ابو دانه , الوسيط , الحيمود , ابو خالد , محمد , صاحب السعادة ,
فهد , عبدالرحمن , طيف , صالح , الناصر , المربع , احمد , ماجد .. وبقية الفريق


ماذا فعلتم يا انتم
ترى صدق كنت ببكي من الاحراج بس استحيت على وجهي هذا كبري وابكي

عسى ربي يسعدكم و كلام كثير ماينكتب

المشاركة الأصلية كتبت بواسطة alnaaa0d

يعجز اللسان و تعجز الكلمات في الشكر و التقدير بما تقدمه الاخت نصرون
يكفي انها تقضي جل وقتها الخاص لكي تسهل و تمهد لنا كافة المناهج و المقررات
ومن دون اي مجامله لا تتوان الاخت نصرون في مساعده الجميع
و الملتقى يشهد على مجهودها ليس في قسم المستوى الخامس فقط بل حتى المستويات
التحضيريه و المتقدمه لها مجهودات جبارة فيها

هذا مجهودي في الكتاب و اعلم انه قليل في حقها و لكن ربي لا يضيع لها مجهود و يكون في ميزان حسناتها يوم القيامه

الشكر ايضاً موصول للاخ صعب و لجميع زملائي في مستوى خامس
الله لا يحرمني منكم يا رب

و دمتم

ربي يسعدك ويحفظك

المشاركة الأصلية كتبت بواسطة كائن غير طبيعي

هي راقيه بحضورها ... مبدعه ببصماتها
هي رائعة بعطائها ... معروفه بخدماتها

هي


د. نصرون


ما قدمناه لا يوفيك حقك .. ولا يجزيك عطائك
ولكن هو تقدير منا لك وأعترافاً منا بتميزك
فأنتي يا نصرون
رائعة المنتدى و نجمة المستوى

رزق الله كل الخير وكل الثناء لتميزك
وأسأل الله لك
الأجر والمثوبة أولاً
والتوفيق والنجاج ثانياً

اللهم امين واياك يارب ومن يقرأ
انت بالذات يبي لك حفل تكريم من الجامعه والطلاب
على مجهودك الكبير اللي تقوم به كل ترم

ربي يسعدك اخوي نبيل

المشاركة الأصلية كتبت بواسطة طيف الموادع

أختنا الغاليه د نصرون،،،،

ما أجمل العيش بين أناس احتضنوا العلم ، وعشقوا الحياة ...وتغلبوا على مصاعب العلم ...لك د نصرون الغالية ...كل تقديرنا على جهودك المضنية دائمآ .

مع تمنياتي لكم بالتوفيق والسعاده

اخوكم طيف الموادع ///

ربي يسعدك ويحفظك اخوي طيف

المشاركة الأصلية كتبت بواسطة المربع الأول

مبروك لك هذا التكريم د.نصرون وكلنا نعترف انك تستحقيين اكثر من ذلك عطائك كان لاحدود له كنت دائما رهن اشارة الجميع انت نموذج مثالي في التفاني و مدرسة في االعطاء , انسان بكل معنى الكلمه تقدم ولا تنتظر من يعطيها . اسأل الله تعالى ان يسدد خطاك ويحميك ويسعدك دنيا وأخرة

والشكر موصول لأخواني الافاضل لمبادرتهم الكريمة أقولها واني خجل من نفسي لتقصيري معكم وأسأل الله ان يأخذ بأيديكم فنعم الاخوان انتم

المربع الاول ربي يسعدك ويحفظك
اخجلتني بكلامك

المشاركة الأصلية كتبت بواسطة الحيمود

الله يجزاك خير و بيض الله وجهك وجه نصرون والاخوات والاخوان على المجهودات التي بذلت. الله يوفقكم و تفرحون بالنجاح ان شاء الله

المشاركة الأصلية كتبت بواسطة النادر فهد

السلام عليكم ورحمتة الله وبركاته
أسعد الله صباحكم بالورد والرضى والياسمين

هذا أقل تقدير وتشريف لمشرفتنا د. نصرون لما لها من إسهامات عظيمة جليلة كان لها الأثر الواضح في مسيرتنا التعليمية وأنه لا يخفى ع أحد ما يتم تقديمة من مشرفتنا ( واسمحيلنا ع القصور أختي الكريمة)

أخوكم النادر فهد

كل ذا وقصور !
ربي يسعدك ويحفظك اخوي فهد

المشاركة الأصلية كتبت بواسطة homoodan

اختنا نصرون


تتصاغر الكلمات وتقل التعابير لتوفيك الشكر والتقدير لكل ما قدمتي وتقدمين، ونصاب بالخجل والتواضع أمام عطائك المتدفق وعنايتك الكبيرة بكل ما يخص دفعتنا بل ما يخص المنتدى ككل سواء دفعتنا او الدفعات السابقة او اللاحقة بل وتعدى ذلك بعنايتك حتى بمنتسبي المنتدى من طلاب جامعة الفيصل المحترمين.

اختي نصرون كيف يكون الشكر مناسبا لك وقد فعلت ما نعجز عن شكره وقدمتي ما نحتار من احصائه وتعداده، كنت سباقة ومبادرة على الدوام وحاضرة لكل طلب وكل اشكال، تعاملتي مع الكل بحسن الخلق وبالكلمة الطيبة والمعلومة المفيدة المختصرة المباشرة.

لم تكن تعجزك المساعدة مع تكرارك لبيان بعض الظروف التي تمرين بها الا انه لم يهن عليك عدم مساعدة الآخرين ولم تتواني في التقديم لهم ومساعدة الجميع في تجاوز العقبات اللتي يمرون بها.

اختي نصرون - مشرفتنا المتميزة والخلوقة - كان تواجدك في دفعتنا دافع كبير لرفع الهمة والتمسك اكثر بمواصلة المشوار في هذا الصرح الكبير وان شاء الله تواصلين عطائك وتكونين حافز لنا جميعا في التعاون فمنك نتعلم الإهتمام بالجميع والتواضع امام جميع الطلبات والاستفسارات بنفس طيبة وروح عالية جميلة.

وإنما هذا التكريم المتواضع ليس الا نوع من الاعتراف بفضلك ومكانتك ولا يوفيك حقك ولا يساوي ما قدمتي للجميع.

جميعنا ندعو لك بالتوفيق ونسأل الله ان يجزيك عنا كل خير وان يجعل في ذلك توفيقا لك وأن تتحقق كل أمنياتك وأن يديم عليك وعلى اسرتك السعادة والرخاء وأن يسعدهم بك ويسعدك بهم.

وأختم كلامي باعتذار عن الإطالة التي احس ماجاء فيها لا يوفيك حقك بشكرك مرة اخرى.


اخوك

حمودان

بكل صراحة جمعت لي كلمتين اعلق بها على الموضوع
ويوم فتحته عشان اكتبها قرأت ردك وضاعت

حقيقة اعجز عن التعليق
الله يسعدك اخوي حمودان

المشاركة الأصلية كتبت بواسطة ماجد 1982

.
.
.
.

.
عالما علم يقين بان الكلام لو طال لن يوفي نصرون حقها


مختصرا حديثي قائلا:

(( إن لم تستحق نصرون التكريم فبالله عليكم من يستحق ))

قال النبي صلى الله عليه وسلم (( من صنع إليكم معروفا فكافئوه فإن لم تجدوا ما تكافئونه فادعوا له حتى تروا أنكم قد كافأتموه)

فجزاك الله عنا يانصرون خير الجزاء ..



همسة
أيها الصحب الرائعون ..علي.. نبيل.. صاحب السعادة.. حمودان ..والبقية الكرام ..
دمتم ومازلتم خيرا منا.. فماذا ابقيتم لنا ..فبطيب سجاياكم .. وكريم اصلكم .. سبقتمونا في كل شي ..
فبارك الله فيكم ..وبارك الله لنا في عملكم الطيب ..وجزيتم خيرا


ماجد

المشاركة الأصلية كتبت بواسطة فارس سهم

لاهنت اخوي صعب
اختنا نصرون تستاهل
ولكل مجتهد نصيب
والكثير ماقصر معنا
ولهم الدعاء بظهر الغيب

المشاركة الأصلية كتبت بواسطة اﻷشقر

السلام عليكم ورحمه الله وبركاته
بادئ ذي بدء نشكر لك حسن تعاونك ومجهوداتك الجبارة التي تقدمينها في مساعدة زملائك الطلاب والطالبات ونقدر تعبك وسهرك للمساعده ونعم الاخت التي ساهمت بمجهودتها مع الجميع واتمنى ان يستمر ابداعك وتفوقك الي نهاية الجامعه باذن الله وهذا المجهودات سيكون لك الاجر الموفور في ميزان حسناتك ونتمنى لك المراتب العليا في الدنيا والآخرة والشكر موصول ايضا للزملاء والزميلات جميعا واخص باذت الاخ صعب انساك والاخ نبيل والاخ طالب x والاخ محمد العلي وجميع الاخوان في القروب وفي الختام نتمنى لك وللجميع التوفيق
اخوكم / سالم الأشقر .ابو خالد

ربي يسعدك اخوي ابو خالد ويحفظك

[Dr. nsroon]

المشاركة الأصلية كتبت بواسطة صقر_قريش

كل الشكر والتقدير والعرفان لهذا المجهود الجبار والنية المخلصة ولهذا التعاون وهذه الروح المثمرة والمتعاونة والسامية الى كل من ساهم وضحى وسهر وتعب في سبيل تقديم المساعدة والتعاون وعلى راسهم مشرفتنا المبدعة د.نصرون والى صاحب المقام الرفيع صعب انساك والى اصحاب القامة الرفيعة شباب دفعة مستوى خامس الذي يحق للمرء ان يفتخر بهم ويعتز بصدقاتهم وزمالتهم الدراسية شكرا ايها المبدعون وعلى هذا الدرب ان شاء الله صاعدون متمنيا لي ولكم كل النجاح والتوفيق

الله يسعدك اخوي صقر

المشاركة الأصلية كتبت بواسطة saeed07

السلام عليكم ورحمة الله وبركاته
الف الف الف شكر لكل من فكر واقترح وساهم في هذه الفكرة الرائعة والمستحقه للاخت نصرون
الاخت نصرون ساهمت بطريقة مباشرة وغير مباشرة في مساعدة الكل ( متاثر بالادارة الاستراتيجية اعذروني )😜 وبطيب نفس فمليون ترليون نصريون شكر لها وهذا اقل ما يقدم بحقها صراحة
واسال الله العظيم التوفيق لها في حياتها العلميه والعمليه وان يجزيها عنا خير الجزاء ويوفقها ويستر عليها دنيا واخره قد ما ضحت من وقتها من اجل الكل

شكرا شكرا شكرا دكتورة نصرون

دمتي بود وعافيه

تحياتي ( Saeed07 )
🌹🌹🌹☺️

المشاركة الأصلية كتبت بواسطة Fas

اقل شي نقدمه لك الشكر والدعاء لك

المشاركة الأصلية كتبت بواسطة abu karaim

تستاهل اختنا د.نصرون كل خير فهي انسانه معطاءه بدون حدود تعطي وتقدم ولا تنتظر الشكر والثناء تجري وتبادر لخدمة الطلاب من دون م يطلب منها ذلك الف شكر لها لما قدمته وتقدمه لنا جميعا ....بادرة جدا رائعة من اخونا علي(صعب انسك) الله يجزاه خير

المشاركة الأصلية كتبت بواسطة mohanna

تستاهل نصرون بادرة جميلة تستحق الشكر
شكراً صعب انساك
شكراً كائن غير طبيعي
شكراً لكل القائمين على المنتدى

لولا الله ثم جهودكم في الملخصات والكويزات كان مااستمريت الى الان بالجامعة الفضل بعد الله يرجع لكم في استمراري

اعتذر للاخوان عن تقصيري بعدم تقديمي اي مجهود تجاة ماتبذلونه لخدمتنا

اخوكم : مهنا بن صالح المهنا التميمي

المشاركة الأصلية كتبت بواسطة صاحب السمووو

تستاهل د. نصرون واكثر من ذالك لإنها من اول سمستر وهي بارزه بمجهودهاا المميز والله يعطيهااا الف عافيه
ويسعدهاا في حياتهااا واتمني أن يكون ذا التكريم حافز الي الامام بلتميز والعاطاء الذي نتوفع منهااا اكثر واكثر في السمستر القادم حتى التخرج انشالله جميع واخير وليس اخير اتمنا لكي الصحه والعافيه وان تكوني بسعاده وهناء دوم إن شاء الله ودمتم بالف خير

اخوكي صاحب السموووو

من اول سمستر
يعني انت متابع من اول مستوى
الله يسعدك اخوي صاحب

المشاركة الأصلية كتبت بواسطة ferasko

الله يعطيكم العافية على المبادرة الطيبة الأخت نصرون تستحق هذا التكريم وأكثر على جهودها وتفاعلها وتعاونها مع زملائها الطلاب والطالبات , الله يجزاها كل خير

المشاركة الأصلية كتبت بواسطة TaLaL Al-AmRi

تستاهلين يا نصرون

وكان ودي اني شارك معهم
لكن راحت علينا

هم عبروا بالهدايا

واحنا نعبر بدعوة بظهر الغيب

تستاهلين كل خير

انا احطه بالابيض وانت ترزه احمر بالخط العريض
الله يسعدك طلال البطل < احس لايق عليك البطل اكثر من العمري


اخواني الاعزاء
ربي يسعدكم جميعا ويحفظكم
اخجلتموني بلطف كلامكم

[Dr. nsroon]

المشاركة الأصلية كتبت بواسطة _سنيوريتا

حركاات ي بت تتسستاهل نصرون كل خير انسانه تشكر على كل شي تقدمه بجد ماتقصر وتحب تفيد الكل الله يسسعدها دنيا واخره


يعطيكم العافيه شي حلو منكم تسون شي يسعدها ويشجعها وصراحه كلكم فيكم خير ومتعاونين

بس اهم شي الهديه باسم نصرون مو جمان

وبما انو كان اخر اختبار لكم اليوم الله يفرحكم بنتايجكم يارب

لانه حتى لو غيرت لجمان رابح ابقى بالحقيقة نصرون
حبيبتي انتي ربي يعافيك ويسعدك

المشاركة الأصلية كتبت بواسطة د.العنود

ماشاءالله تبارك الله
والله تستاهل نصرون ماقصرت من اول سمستر الى الان


فكرة جدا راقيه من اشخاص راقيين امثالكم

المشاركة الأصلية كتبت بواسطة قودي

بطططططططله نصرون
تستاهلي كل خير وربي
ربي يسعدك ياخيتي الجميله
مبادرتك دايم من طيب خاطر
وماتنتظرين من احد شكر او ثناء

يسعدلنا قلبك الطيب ومن هالدرجات لاعلى ياكريم

اختك غدو

+--------+
لوف مي غدو
تسلمين لي حبيبتي

المشاركة الأصلية كتبت بواسطة foo0ooz

والله زين ما سويتو جزاكم الله خييييييير ونصروووووون تستاهل كل خير وتستاهل اكثر من كذا الله يسعدهم ويسعدكم يارب وانتو بعد ما تقصرون كلكم عساكم على القوه والله ان دفعتنا كلها دفعه يدنا بيد بعض والكل يحب الخير حق غيره والله يتمم علينا لين اخر مستوى ونفرح بتخرجنا مع بعض وكلكم خيييير وبركه احس مدري شقول قاعده الخبط بالكلام بس دامه كلام بقلبي طلعته لكم وان شاء الله يوصل لكم احساس كم انني سعيده معكم دفعتي الجمييييييله

بعد قلبي فوز
اذا انتي ماتدرين وش تقولين اجل انا وش اقول

المشاركة الأصلية كتبت بواسطة Hala,u

أضم صوتي معكم

جد جد جد يعجز اللسان وتعجز الكلمات عن شكر الإنسانة الراقية د. جمان لآلئ الخييير.....

وأيضا كائن طبيعي 100% ......

وجد صعب أنساك ......

وكل من حذى حذوهم

فبارك الله لكم و فيكم

حبيبتي انتي تسلمين

المشاركة الأصلية كتبت بواسطة حُروف آنثوية

ماشاءالله تبارك الرحمن
تستاهل نصنص والله يجزاها الف خير على جهودها

المشاركة الأصلية كتبت بواسطة αshwαq ♪

-

تستاهل الغاليه ♡ ♡ ♡
الله يحفظك ويحميك من كل شر ومكروه ي الحُب ♥️

بحبك قردتي

المشاركة الأصلية كتبت بواسطة أم سوسن الشيخ

عن جد شيء رائع تستاهل الأخت نصرون الله يجزاها ألف خير ماقصرت إنسانة معطائة بمعنى الكلمة والأخ صعب أنساك والأخ نبيل وكل الشباب اللي بذلوا مجهود الله يعطيكم العافية عن جد انتم ناس مميزين

المشاركة الأصلية كتبت بواسطة khatoony

تستاهل كل خير د.نصرون
انسانه مبدعة وتستاهل هدا كله
الله يعطيك العافية ع كل مجهود

فكرة رائعة تستحقون الشكر جميعا

سلمتي حبيبتي ختون

المشاركة الأصلية كتبت بواسطة sumai

،


مبادرة طيبه يجزاكم الجنه
شي ما يجازيها نص حقها
تستاهلييين حبيبتي نصرون وجعل تعبك ما يضيع
ويوفقك ويسعدك وين ما رحتي

ما اعرف اعبر بس مشاعر حلوه لك

بعد قلبي انتي

المشاركة الأصلية كتبت بواسطة بنت الجبيل~

تستاهل كل خير الغاليه نصروون

عن جد بذلت كل جهدها معانا الله يوفقها ويرضى عليها

بادره جميله منكم ياشباب دفعتي الجميله

يعطيك الف عاافية علي

المشاركة الأصلية كتبت بواسطة ابتسامه سحابه

:تستاهل كل خير نصرون ماشاء الله
مبادرة جدا رائعة منكم يجزاكم كل خير
ويسعدكم ويوفقكم ي رب اجمعين
وانا معاكم ي رب

ربي يسعدك

المشاركة الأصلية كتبت بواسطة moon2009

الف الف مبروك نصرون
وبوركت جهودك جهود العطاء والتميز

بس عندى طلب بسيط وش رايك نتقسم الهدايا نص لك ونص لي اكيج انتي كربمه وراح تعطين
هههههههههههههه عاد امزح معك انا لوعلى اعطيك اكثر من كذا على تعاونك مع الجميع شكرا شكرا
نصرون

اذا برجع نصرون الطبيعية خذيها تفداك هههههههه
احس اني قلبت هبله بس اضحك

المشاركة الأصلية كتبت بواسطة j0oj

تستاهل اختنا نصرون

وكل الشكر لجهود الطلاب يعطيكم العافيه

المشاركة الأصلية كتبت بواسطة عبير الهاجري

ماشاء الله تبارك الله
تستاهل كل خير نصرون
فعلا مجهود تشكر عليه الله يجزاها كل خير ويوفقها .

المشاركة الأصلية كتبت بواسطة wed majed

تستاهلين حبيبتي نصروووون .. كل خير ..

المشاركة الأصلية كتبت بواسطة عبير المطيري

نصنص تساهلين كل خير ي روحي الله يوفقك .....وعمل جميل صراحه من اخوانا ������❤❤❤❤

المشاركة الأصلية كتبت بواسطة ابتسامه سحابه

لا شكر على واجب ي صعب الله يكثر من امثالك ويجزاك خير
بيض الله وجهك ونصرون تستاهل امثر من كذا

تستاهلين الطيب حبيبتي

المشاركة الأصلية كتبت بواسطة Athooorh

تستاهل نصرون كل خير
الله يوفقها ويرزقها ويسعدها ويسخر لها احسن الناس يارب
ومشكورين على المبادره ❤

بعد جبدي انتي

المشاركة الأصلية كتبت بواسطة مها ناصر

مبروووك تستاهل نصرون وهي شمعة الدفعه

الله يوفقها يارب

المشاركة الأصلية كتبت بواسطة مريوم 2

ليييييييييييييييييييييييييييش انتوا كذا نمت انا كان قلتوا في مفجأة اليوم لااحد ينام لاحد يروح من الملتقى
المهم
نصرون جد تستاهلين انا فقلبي كلام بس بصراحة ماعرف اركب الجمل واطلع الكلام بس كلمة شكرا قليلة بحقش

هههههههههههه اجل حضري نفسك بعد كم يوم فيه مفاجأة
شرايك فيني وانا اعلمك من بدري
لك فقده هالترم

المشاركة الأصلية كتبت بواسطة sport girl

السلام عليكم
الكل يقف لحضوري تست تست ون تو ثري معكم نصرون باشا *
نصنص يا قلبي الصغير انتي متى كبرتي وصرنا نتكرم ويجينا هدايا الله الله
والله وطلعو الأولاد أحسن مننا *ترا احنا فكرنا قبل وهم سرقو فكرتنا سبحان الله حتى تصميم احنا لي مفكرين فيه *

بعيد عن كل هالكلام نصرون تستاهل كل خير وليوم تخرج ورمي القبعات نصرون لها شكر على كل تعب مجهود وللأسف أنه في ناس بس وظيفتها تنكد وتسرق وتنكر عمل الغير اللي ما يشكر الناس لا يشكر ولا يقدر حب للغير كما تحب نفسك
ودائما وأبدن الله يكفيك شر كل عباده قبل أن يكون وأن كان ..

صعب أنساك .كائن .حمودان.أشقر .طالب أكس. وكل من فكر في دخول الفرحه لبنتي وفلذه فؤادي نصرون شكرا من القلب وأنتو بعد شكرا على جهودكم هالترم وانشهد أنكم مبيضينها وشادين الهمه مدري وش جايكم بسس الله يزيدكم حماس وحماس

نصرون جاك ردي من الجامعة وسويت فيك حفله أتمنى يارب التوفيق لك في كل خطوه يا قلبوشتي

اي حفله ؟! اروحت من ورى حفلتك ذي هههههههه
بعد قلبي سبورت اللي كانت تنتظر ردي عشان تطقطق

يسعدك ربي على هالحكي .. اللهم امين حبيبتي

المشاركة الأصلية كتبت بواسطة حلمي الوظيفه

تستاهل د/نصرون الله يجزاها الجنه ماقصرت منذ بداية دخولناللجامعه الله يوفقك ويسعدك
ولا ننسى جهود البقيه نبيل صعب وغيرهم شكرالكم من القلب وعقبال مانتخرج سويه ان شاءالله

المشاركة الأصلية كتبت بواسطة رَذاذُ مَـطرْ

تحية كشّافة مليانة هيبة وفخر واعتزاز بشيختنا نصرون
تستاهل كل خير بنت الأكارم
وتحية وردية صوتية أرسلها لك عبر الأثير ...

،،
الله يسعدكم يا شباب على هاللفتة الجميلة منكم يعطيكم العافية

الله انا شيخه

*امجاد تأكدي هاللقب موجود باللستة*

تسلمين حبيبتي رذاذ

المشاركة الأصلية كتبت بواسطة Reem.De

تستاهل كل خير نصرون
الله يعطيها العافيه ماتقصر معنا دايم .. والباقين طبعا ماننسى جهودكم الله يعطيكم العافيه جميعا

الله يوفقكم ويسعدكم يارب

المشاركة الأصلية كتبت بواسطة sarh2

الله يجعها في ميزان ولديكم
مشكورين
تستاهل اختي نصرون

تستاهلين الطيب

المشاركة الأصلية كتبت بواسطة Leena Alhaj

بصراحة انا فخورة اني في هالدفعة مع نصرون لأنها فعلا رمز للعطاء وماقصرت دائما تساعد الكل وتحاول توفر كل وسائل المساعدة والتسهيلات عشان مانلقى صعوبة في الدراسة

الله يعطيك الف الف الف الففف عافية نصرون وتستاهلين اكثر من كذا انتي وجميع من ساهم في المنتدى من الاخوان صعب وكائن غير طبيعي و الباقين ..

الله يسعدكم دنيا وآخرة ويسهل عليكم كما سهلتوا علينا الدراسة وتعبتوا معنا في كويزات وملخصات وحل واجبات .. إلخ

تمنياتي للجميع بالتوفيق

ربي يسعدك حبيبتي لينا

المشاركة الأصلية كتبت بواسطة عبق انثوي

فعلا اخت نصرون معطائه وجهوده جباره

وصعب انساك وكائن غير طبيعي وباقي الاعضاء للجميع

الف شكرا لكل من ساهم وقدم معلومه صغيره كانت او كبيره

وفعلا يقدمون وبدون مقابل والجميع يستحق الشكر وهدا اقل القليل بحقهم جميعا

والحركه جدا جميله ودوق من اخوانا الشباب للمشرفه المتألقه نصرون

وهدا يدل على روح التعاون والاخوه والتقدير بين الجميع

وبحبكم برشا دفعتي الجميله

المشاركة الأصلية كتبت بواسطة Abrar Al-Owaied

تستاهل نصرون وقليل بحقها

الطيب ما يستاهل الا الطيب

الله يسعدك دنيا وآخرة ويعطيك على قد نيتك

وإن شاء الله كل خير عملتيه مردود لك عاجلاً أم أجلاً

عن ابن عمر رضي الله عنهما قال :قال رسول الله صلى الله عليه وسلم :

"من استعاذ بالله فّأعيذوه ، ومن سأل بالله فأعطوه ، ومن أتى إليكم معروفا فكافئوه ، فإن لم تجدوا ما تكافئوه فادعوا له حتى يعلم أن قد كافأتموه"

هم كافؤوك وأنا أدعي لك

وشكراً لأخواني عالمبادرة الطيبة

المشاركة الأصلية كتبت بواسطة خووخه المطيري

طااااااااااااافني السبراااااايز


تسسسستاهلين كل خير نصرون على المجهود والتعب الي تبذلينه للدفعه الله يسعدج يا رب

جد شي جمييييل التكريم والتقدير , يعطيكم العافيه يا شباب مع انه حتى انتوا تستاهلون التكريم
تبذلون مجهود كبيييير ومهما تصعب الترم الا انه يتسهل بفضل الله ثم تعاونكم ربي يوفقكم

جد أحلى دفعه الحمدلله يا رب

اي لووووف يوووووووو نصرون

اي لوف يو تو خوختي

المشاركة الأصلية كتبت بواسطة Ndooshi

*

ماشاء الله ماشاء الله
يعطيكم العافيه على المبادره الجميله
الطيب ما يستاهل الا الطيب


الله يسعدك يا نصرون دنيا واخره

المشاركة الأصلية كتبت بواسطة تهاني الخياط

اضم صوتي لدفعة ادارة الاعمال مستوي خامس بجد كل الشكر للمجهودات الجباره من الكل

اخواتي وصديقاتي وحبيباتي وجميلاتي
عسى ربي يحفظكم ويخليكم لي

[Dr. nsroon]

اخيرا وليس اخرا

اخوي الكبير صعب انساك شكرا لك وماتوفيك
على كل شيء سويته معي شخصيا ومع الجميع
من اول مستوى الى مستوانا الحالي

تجاوزنا جميعا مقررات تضررنا باختباراتها كنا قد حملناها اصلا ..
بفضل الله ثم بفضل سعيك وراء موضوعها مع العمادة
حقيقة انت من يستحق التكريم .. وانت من يستحق هالتعليقات

بارك الله فيك وكتب اجرك اضعاف مضاعفه
كل الشكر والتقدير لك اخوي صعب

[سُوج.]

رغم إنو مالي حضور بهالمنتدى ووجودي هادي لكن دايم أحس إني أنتمي لهالعائله الصغيره أو الكبيره نوعاً ما
نصرون ..
تستاهلين كل هالفرحه ، ماقصرتي بيوم دايم كنتي الشخص المعطاء اللي ماينتظر مقابل وعلى قد نيتك ربي رزقك بقلوب تتمنى لك الخير بكل خطوه تخطينها
ماني شاطره بالتعبير بس دايم متأكده الكلام اللي من القلب بيوصل للقلب
الله يحفظك

[حلاتي بعزتي]

والله تستاهل كل خير بنيتنا نصرون الجميله وعسى ربي يوفقها بحياتها

[غـدي ♥~]

قلبي نصرون تستاهلين كل خير والله ،
لو الله ثم انتي ماوصلنا اللي وصلناله الحين ،
يخليك لنا ماما نصرون ولا يحرمنا من العطاء المتميز
اي لوڤ يوو

[فنوُ *]

الف مبروك الف مبروك هذي التهنئة الجميلة والهدية الانيقة تستحق بجدارة المميزة نصرون على ان قسمها الساحة العامة فاقدتها وفاقدة عطائها
اثاريها قالبة مصطفى ههههههههه الله يوفقك اقل شيء يقدم لك تستاهلين ذهب بوزنك ووزن افعالك لبى قلبك ويكفي انك من القبيلة حقتي ههههه يعني تستاهلين دبل دبل
كل شكر لصعب انساك ع البادرة الحلوة و الفكرة المميزة الو جامعة فصول شوفو جيرنا شو عم يعملوو هههههه

[تؤبوش ألبي]

تستحق د. جمان / د. نصرون هذا التكريم بجداره
جهود واضحه وجباره ولا يمكن أن ينكرها او يتجاهلها عاقل او منصف
منذ التحاقنا بهذه الجامعه ونظام التعليم عن بعد والمشرفه نصرون دليل لنا وعون في كل ما نجهله ونحتاجه
سهلت علينا كثير من امورنا الدراسيه وساعدتنا واخذت بأيدينا لبر الأمان بعد فضل الله تعالى وتوفيقه
جهد متواصل ما شاء الله شاهدناه ونحن زوار للملتقى وحتى اشتراكنا وتسجيلنا فيه

نسأل الله عز وجل أن يجزيها خير الجزاء وأن يسهل أمرها وينير دربها

أيضاً كل الشكر للأخ صعب أنساك على هذه البادره الطيبه والنابعه من طيب أصله وصفاء سريرته ونقاء قلبه
عضو صاحب بصمه حقيقيه ومبادر دائما لا يتوانى عن مساعدة اي طالب ولا يتعب
يستحق التكريم ويستحق الشكر ويستحق بوسه على راسه وخشمه هههههههههههههههههه :) الله يسعده

فعلا اسم على مسمى لانه صديق ومحب لجميع طلاب ادارة الاعمال بكل اقسامها


أعتذر على الاطاله ودمتم على خير وفي خير