[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

صوت المطر يغري على شوفتك وانت
تغري المطر ياديمته وانسكابه

كم قلت لي بتبين لك عام مابنت
وصارت وجيه الناس عندي تشابه

[فايزمحمد الروقي]

لو يشرق الصبح نور وتطرب انفاسه
مازان في غياب وجه الجادل الطرقا !

ولو يسرف الليل شعر ويكْرم احساسه
مارد دمعة عيوني : ليلة الفرقا !

[2COOL]

ماأقولك ليت المرض فيني ولا فيك

ولا أقول ليت أوجاع روحك بروحي

لاني أعرفك بتوجع لغالـــــــــــــيك

أكثر من أوجاعك لو أوحيت نوحي

بقولك أنت الوحيد اللي أحاتيــــــك

حتى الطفل لا غبت ماهو مروحي

[بيآض]

:



وآقف - وصوتي بـ أحزاني غريق !
كنت أبرحل والرحيل أصعب قرار ..!

وش بقى ما ضـاق حتى ماأضيق ؟!
لي عمـر ماشفت شمسك يا نهار .!!

كان عندي " قلـب " وبـ نص الطريق !
أختـنق من زحمة أحزانه وطـااار ..!


.

[مشعلي]

اذا بات منهو من لظى الحب مادرا
تصحي طرف عين غدا للسهر ضاري

انا كيف ابنسى واقطع الهجس لا طرا
ورسم الغلا فــ القلب مــ اذرا به الذاري

[ليلاس]

كم خاطر عانا وكم روح عانت
والعون عونك يامعين الصابرين

[نور باوادي]

انت وانا روحين في داخل إنسان

انا يسار القلب وانت يمينه

[أسير نجد]

ماني على خبرك تراني تغيرت

القلب الاول طيبته مانفعتنا ....

[أسير نجد]

تَدرون كيف انسَانْ يَجنِي عَلَىْ انسَانْ ..؟
يَسقِيه من نَبع [..الغلآ..] . لين يروِيه

واذَا عَرَفْ بِـ انه وصَل حَالَة ادْمَان..
يصد عنه .. ويَهجرَهـ .. ما سَأَل فِيه

[(فـ@ـد)]

تعب كل الحياة, وكل هالدنيا كَلَفْ وأتعاب!
لياليها سهر,, وأيامها تقبل بي وتقفي
كذب فيها الصدوق!, وليه ما يصدق بها الكذاب
وأهوّنّها , وأسالمها, ولا ترحم,, ولا تعفي!
يطول الصمت!, يا ليل الشتا , برد ومعانا أصحاب
ومثل من يشعل الشمعة , يبي من نارها يدفي!
تعب كل الحياة , ولا بقى شيٍ بها جذّاب!!
سواك!. ولاني معوَّد على رد النظر خلفي!!
تمتع يا خلي البال,, بالسهرة , وليلك طاب!
وجِرْ الوقت موالٍ, جرحني, والنظر يكفي!
تصادفنا , وتبادلنا النظر, كنَّا الجميع أغراب!
غريبة ماني بعِرِفك,, ولا أنت اليوم في عرفي!
تغيّرتْ, وتغيرنا معك!, ولكل شي أسباب
وش الحاضر من الغايب؟!, وش البيّنْ من المخفي؟!
تعب كل الحياة !, وكل ما فيها سراب,,, وغاب!
شِربنا لين ملينا!, ولا تِرِوي, ولا تشفي