[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[الــغـــدراء]

،،

ليته يمرّ بمواعيد الحزن بدري ..
قبل البكاء يحتضنّي وأجرح أهدابه

مسكين طفل الحنين الساجد بصدري ..
عزّة حنينه تجرّه لـ إثم غيّابه


.

[فايزمحمد الروقي]

من حقك امر جنبك ما تناديني ،
الوجه هذا .. غريب وما تعرفينه !
،
تحسسّي نبرتي يمكن تعرفيني ،
انا بقايا رجل !! كنتي تحبينه ..

[فايزمحمد الروقي]

على خيوط من جفا ،
لاضجيج ولادفا ..
بس هدوء الاكتئاب !
من سخافات الغياب
شخص تاخذه الدرُوب !
و شخص تاخذه الـ آفا

[فايزمحمد الروقي]

على مضض .. وبكل حزن وياس ،
بـ اودّعك وابنهي .. الموضوع
ㅤㅤ ㅤㅤ

وان كان لي خاطر فدوك الناس ،
حاول تودّعني بدون .. دموع !

[فايزمحمد الروقي]

و ما يوجعني .. إني : آخر أحبابك
شعور اني من احبابك : هو الموجع

تطمّن .... ماني بواقف على بابك
أنا مثل السنين إن رحت ما أرجع !!

[فايزمحمد الروقي]

فقدتك والغياب تشوف وش كبره
قتل لحن الفرح و اغتال موّالي

انا ما عاد باقي لي سوى بكره
تجي بكره ؟ حرام اعيشه لحالي”

[فايزمحمد الروقي]

من فراقك ما جنيت الا العنا ،
والجروح بداخل عيوني تفوح ، .

كل يوم تمر في بالي .. وأنا :
كل يوم امر في بال الجروح ! .

[n0_0r]

من يغيب بلا سبب خَله يغيبَ
ومن لقا به راحته ينعم بها
ولو لقى غيري على الدنيا حبيب
عافيه ثم عافيه يَ روحها

[n0_0r]

مضى م مضى ، والله على المقبلات يعين
و ععسى الله يزينها على الحال لاشانت ...

[2COOL]

أسلي نفسي بكثر الأماني.. واليدين قصار

وأنام وربي العالم وش اللي خاطري حاسه

كأني من ملك أسهم يبي تضحك له الأقدار

وقدّم كل ماعنده .. وفجأه أعلن إفلاسه!!

كأني طالب بغربه .. تذكّر عيلته والدار

وهو كل ما ذكر أمه ملا هالدمع كراسه