 |
|
||||||
| مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
 |
|
|
أدوات الموضوع |
2013- 1- 17
|
#911 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
البّكاء كالمُسكنَ ؛ لا يُداوي ولكنِه يُخفف عنّا قليلاً
|
|
|
2013- 1- 17
|
#912 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
اللطف مع من لانعرف لايُعتبر نفاق بل نُضج ..
|
|
|
|
2013- 1- 17
|
#913 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
رضا الناس غايه لا تدرگ ورضا الله غايه لا تترگ
|
|
|
|
2013- 1- 17
|
#914 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
كالصَباح ، سأكونُ دائماً ، مليئاً بالأَمل
|
|
|
|
2013- 1- 17
|
#915 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
بقولكم سالفه صارت لي اليوم "
تضحك بنفس الوقت تقهرررر انا عصبت صراحه "  وحده من البنات كانت معاي ايام الثانوي ومن خلصت الثانوي ماعاد ادري عنها تقريبا 7 سنوات " وشفتها بيوم مو بعيد عند صديقاتي " طبعاا وحده ما شفتها من اول لازم نسوي انا وهي حفله - خمخمه وصياح و مناحه ونقلب الجلسه لمأسي وصياح  "وشخبارك وينك فيه تزوجتي تطلقتي عندك عيال ماعندك توظفتي ولا تدرسين ومن هالكلام " وخلصنا من ذاك اليوم وهي طالعه قالت لي - قطوه - ابي البن حقك " طبعاا صديقتي زمان واغلب بنات الثانويه حاطتهم بـ فئه لحالهم - عندي عطيتها وحطيتها معاهم " الزبده اسبوعين مدري عنهاا لا اسولف معها بالبي بي ولا شي اصلا انا مدري ليه مطلعه هالجهاز  لاارسل - برود كاستات - الا بالسنه حسنه ولا اسولف الا مع الي يسولف معاي او اعلق على بي سي عجبني او ضحكني او اعزم الشله بـ بي سي واحد للكل وارتاح غير كذا مدري وشوله مطلعته من وجهي " المهم في يوم من الأيام الي هو صار امس الحين لأننا صباح الخميس " بينما كنت في 7 نومه متلحفه و متدفيه ومعينه من الله خير " احلم اني على جزر المالديف اركض على الشطأن << كذا تنكتب ؟ الشطئان ؟؟ لا شطآن الزبده على الشاطئ الكورنيش الي هو اصلا اكذب عليكم ماحلمت شي ولا شفت شي  المهم " انا وحده جوالي 29 ساعه ع الصامت "  << التوقيت على كيفي - انا حره اشوف احد يحاججني  شايله منه كل شي الهز و البنقات و كل ما تشتهيه نفسي عشان اذا نمت ماعاد ادري عن احد << اشك ان هالبنت فيها توحد ؟ قمت من نومي على صوت المنبه << هذا الوحيد الي اخليه عشان اوقته للصلاه اقوم اصلي وارجع انام  قمت طفيته وقمت اشوف من كتب ومن ماكتب - سبحان الله على قد اني وحده ماتسولف الكل يسولف معاي قلت بشوف وش السالفه وعقب اروح اصلي" جات محادثه من المحادثات " لصديقتي الي عطيتها البن اخر مره " كاتبه ping ping ping ping ويوم شافتني مارديت قالت نحول على الموجه الثانيه الي هي وكز وكز وكز وكز ويوم شافت ان لا حياة لمن تنادي حولت علي الووووووو الووووو الووو لين استسلمت المسكينه وكتبت " قطوووووه الحقي عل انا ب مصيبه كبييييييييييييييييييره  انا طبعا وقتها نايمه ومدري عن شي لين صحيت هي كتبت هالكلام الساعه 2 الظهر تقريبا وانا مارديت الا 6 المغرب لو واحد مسافر الرياض وصل "  الموهيم قمت وخفت من كلامها وعيني يالله اشوف فيها - كتبت - ( وش فيك بسم الله  ) وش مصيبته ؟على طووووول ردت قالت ( جبت العيد الحقي علي اهلي راح يذبحوني ) انا هنا قلبي بغى يوقف قلت لها وش صاير ي بنت الناس ؟ قالت شوي وارجع لك " قلت /  ي بردهااا مسويه زحمه ب جوالي والشارع فاضي بنقات ودنيا ووكزات لين نطقت وقالت الوو ومصيبه والعيد اخرتها شوي واقولك ؟ حسيت انها تستهبل قلت لها اصلا بقوم اصلي وانظف البيت و اروح لجماهيري بالمطبخ الي هم المواعين واغسلهم و اكل بيكون وقتها اذن العشاء ب اصلي واخلص وعقب ارجع لك " << انا تقولي شوي واعلمك عقب ماتخوفني ؟ اعلمها شلون تنتظرني اذا ماخليتها تنسى السالفه مايكون اسمي قطوه "  واقوم و اسوي كل هذا لا وازيدكم من الشعر بيت عزمت وحده من صديقاتي تجي تتقهوى و تتعشى معاي وسحبه من 6 لين 3 الفجر << ما امزح صح ؟ اعرف اسحب على خلق الله " المهم يوم راحت صديقتي قريب الفجر ونظفت عقبهاا" جيت غرفتي ومسكت جوالي وتذكرتها ههههههههههههاي قلت يووو مسكينه " وكتبت لها يووو صح ماعلمتيني وش السالفه ؟ وش العيد الي جبتيه ؟ اضحى ولا فطر " ردت وهي تضحك قالت بدري بقولك بس اول شي ابشرك ""قلت هااه وشو " انخطبتي ؟ قالت / لا بتتزوجين ؟ قالت / شلون اتزوج وانا ما بعد انخطب ؟ توظفتي ؟ قالت / لا حملتي ؟ ولدتي ؟ حطت / انا / اممممممممممم - نقلتو بيت جديد ؟ اخوك بيتزوج - امك ولدت - قصيتي شعرك - ضعفتي - ولد اختك مشى او حبى - قبلوك بجامعه - بتكملين دراستك - شريتي جوال جديد - نزل لك حافز ؟ وشوووو اخلصي " قالت / كل الي قلتيه غلط "  قلت/ حشااا اجل تبشريني بـ وشو ؟ قالت/  تعرفت على واحد انا / ؟؟؟؟ قالت / واي ي قطوه واحد يهبل يهبل يهبل انا / ؟؟؟؟؟  قالت / مو مصدقه صح ي عمري ادري فرحتي لي بوريك صورته بس قولي ما شاء الله اول انا / قالت / تكلمي شفيك " انا / لا خليني ساكته احسن لك مو لي انااا لأني باقي مو مستوعبه "قالت / لالا جد تكلمي الله يخليك انا عرفت واحد بس سويت مصييييييييييييييبه " انا / هنا ماقدرت و كنت ماسكه نفسي صراحه وعقب انفجرررررت فيهاا قلت : بسم الله الرحمن الرحيم والصلاه والسلام على اشرف الأنبياء والمرسلين نبينا محمد وعلى اله وصحبه اجمعين " احم احم - الي ورى تسمعوني ؟؟ << اخلصي " وااااااااااي والله قمت فيها قووومه " قلت لها انتي ما تستحين صاحيه ؟ بعقلك ولا استخفيتي ؟ مجنونه انتي ؟ هذه بشاره الحين ؟ جعلهم يبشرونك ببشاره خشب كلها مسامير " وجع ان شاء الله يالي ما تستحين ي قليله الأدب وتقولين لي ابشرك بعد ومستانسه مع ذا الوجه ؟ قسسسسسسسسم بالله لو انك قدامي صفقتك ذاك الكف الي يسنعك قليله ادب ؟ ماتستحين نزلتي راس اهلك بالقاع ؟ وعمى يعمي عدوك قولي امين قالت/ هيه شفيك ترى حبيت واحد ما كفرت بربي قلت / بعد لك عين تردين علي  المفروض تسكتين وماعاد توريني وجهك ابد ان شفتيني تتغطين وتلفين للجهه الثانيه "قالت / يووو ي قطوه الحين ابيك توقفين معاي بمصيبتي ومحد بيطلعني منها غيرك و يشور عليك تقومين تسوين فيني كذا ؟  قلت / احمدي ربك اني اعرف البن بس الحمد لله ما اعرف رقمك ولا قسم بالله لا اعلمك التهزيئ السنع وين بيتكم فيه ؟ مايردني الا باب البيت اناااا " "وأي مصيبه بعد ؟؟ هذه بكبرها مصيبه وش بيجي عقبهااا قالت اسمعي عاد " انا مخطوبه من اول طيب بس الي خاطبني واحد اهلي غاصبيني عليه وانا مابيه بس مو بكيفي " زواجي بشهر 5 " << يعني بعد شهرين قلت / اهاااااااااااا الي عرفتيه هو الي خطبك ؟  بس ماتبينه ؟ ماعليه مع الوقت بتحبينه هذاك تقولين يهبل ي قلبي انتي كان قلتي من اول طيب عشان لا افك الطبلون واطيح فيك ردح بالكلام "يابعدهم والله الله يتمم لك على خير " في شباب للحين يتعرفون و يتزوجون؟ والله الدنيا فيها خير :  قالت / انا مخطوبه من سنه والي عرفته ماكملت معاه شهر تونا جدد " انا / وشووووووووووووووووووو:حسسسسسسسسسسسسسبي الله عليك من بنت بتجيبين لي جلطه انتي "اجل منو الي يهبل هبلو بك جنانوه قولي امين : الحين مو قلتي مخطوبه ؟ قالت / ومملكه بعد انا هناا بغيت احذف الجوال بس مسكت اعصابي " قلت/ يعني تعتبرين متزوجه قالت / ايه قلت/ وجعيييييه ووجع جدي وجد جدي وجد جد جد جد الجد الأكبر حقناا ان شاء الله انا تعبت وانا اكتب لها وربي جبتي لي الهم صدقوني ي جماعه هاربه من شهار او مستشفى الأمل و يدرونها ؟ 7 سنوات ماشفتها شكلها كانت هناك المهم قلت/ ترى تعبت وانا اكتب وخري عن وجهي والي يعافيك ترى انا وحده م احب البنت الي تبيع نفسها لواحد عشانه حلو بس م احب الخفيفه الخبله الي مخليه عقلها ب اجازه وبايعه الدنيا وماهمها احد " 7 سنوات ماشفتك ورجعتي وصعقتيني وانا وحده مستعده اكملهاا 20 سنه لين يرجع لك عقلك بلا هبال خليك سنعه معاي احسن لك بلا قله ادب زايده واحترمي نفسك و ثمني كلامك معاي وش هالخربطه الي انتي فيهاا ؟؟ قالت / حشااااااااااااا وش بالعه انتي قلبتي علي شيخ هذا ومافيك حيل تكتبين وماقصرتي انا / قل اعوذ برب الفلق والله ان جاء يدي شي ياويلك وخري عني وخري " قالت طيب اسمعي / انا بمصيبه الله يخليك ساعديني  قلت خير / وش فيه بعد ؟ قالت / قابلته عند باب بيتنا جاب لي هديه و ضمني وشافنا ولد اخوي الصغير الحقي علي وش اسوي قلت مافي الا قطوه بتنقذني "انا / ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قالت / شففيك ؟ ساعديني الله يخليك قلت / كاميرآ خفيه صح ؟ قولي انك تستهبلين على راسي عشان لا يجيني شي "قامت / تضحححححححححححك كأني ماسكتها و - ادغدغها - قلت /صادوه صح ؟ وجع والله انك تنشفين الريق وممثله ممتازه في رفع الضغط والله شوي واحذفك من عندي ولا انا اقول وحده مثلك ماشاء الله ماتطلع منها العيبه : ي شينه من راسلك علي ؟اشواق صح ؟ ولا الاء ؟ ولا انهال ؟ قالو لك اني ماا احب هالسواليف وقلتي ب اهبل فيهاا اعترفي مين قالت/ قطوه بلا عبط ؟ ترى اتكلم من جد والله العظيم انااا اقولك جبت العيد وابي اقابلك نطلع انا وانتي او اجيك البيت واقولك السالفه بالتفصيل :انا /  والله باقي تستهبل هههههههاي خلاص ي ماما كشفتك خلاص انهي هالخرابيط " واطلقي العنان واخلصي علي من راسلك لي ؟
|
|
|
|
2013- 1- 17
|
#916 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
قالت / ورب البيت محد رسلني الحين علميني وش اسوي ولا تبين اقابلك ؟ واقولك كل شي صار ؟
والله اتكلم جد قطوه ساعديني مالي غيرك والله " انا / يعني تتكلمين من جد ؟ قالت/ وربي ما اكذب عليك بحرف انا / من جدك ؟ قالت / وربي من جد شوري علي دخيلك " انا / قالت / وشو قلت / اسمعي ي بنتي انتي ي ان مخك فيه شي ؟ او مخك فيه شي صدقيني واحد من الأثنين " مهبوله انتي ؟ وش قالو لك انا فوزيه الدريع احل مشاكل العالم ؟ ولا هيئه الأمر بالمعروف ولا شيخ ولا مفتي ولا امام مسجد ؟ تتعرفين لي على واحد عقب 7 سنوات وتطلعين مخطوبه من سنه و زواجك بشهر 5 وتقابلينه ولا بعد جاب لك هديه ويضمك عند باب بيتكم و يشوفكم ولد اخوك وتخلصين المسلسل حقك وتوصلين للحقله الأخيره وعقب تجين تقولين لي وش اسوي ؟؟ شوري علي ؟ انا ب مصيبه ؟ انا جبت العيد ؟ انتي مو بس جبتي العيد انتي جبتي العيد عيد فطر و اضحى ب اضحيته وعيد الأم و الكرسمس و اسبوع الشجره ويوم الكتاب بعد " ووووووووش دخلني فيك انااا تضمينه ما تضمينه ويشوفكم احد او لا ؟ وش علي منكم اناا ؟ من الي قالك ان اسمي - فزعتهم - ولا - كايدتهم - ؟ وحاطه رقمي عند خلق ربي وكاتبه الي مصيبه او مشكله الرجاء الأتصال بالرقم التالي " وسوف اخرجكم منها مثل الشعره من العجين ؟ اصحي هااه فتره مدري عنك من زمان ومن اضفتك اسبوعين ساكته حالي حال نفسي اخرتها تقولين لي انا بمصيبه ؟ ولا بعد المشكله متوقعه اطلعك منها ؟ شلون ب اطلعك ؟؟ * البس ثوب واجيكم البيت اقول ل اهلك صادووه كنت استهبل على بنتكم جيتها بثوب عبد الباب وعطيتها هديه زواجها وضمتني ومشيت ؟ *ولا اقول كان عندنا حفله تنكريه و تنكرت اني رجال وجيتكم اسير ؟ قالت / لالا شدعوه لعن الله المتشبهين بالرجال من النساء " بس الفكره الأولى حلوه صراحه ؟ قلت / انتي خبله ؟؟ بجد انا اسألك انتي خبله ؟ وش الفرررررررررق كلهم فيهم ثوب ومسويه التقيه و تنصحين لعن الله ومدري وشو "اسمعي اسمعي / حطي عقلك براسك هااه وراك زواج و زوجك المسكين ماله ذنب بوحده - خبله - مثلك والخبل الي عرفتيه ابعدي عنه ابرك لك مابيفيدك بشي ترى و دروي ترقيعه لأهلك انا مالي دخل فيك ابدآآآآ انتي مو صاحيه وانا مابي بنات مهبل عندي باللسته انا كنت اقول انتي ع نياتك بس طلعتي داهيه ولا بعد تسألني انا وش دخلللللللللللللللللللللللللللللني فيك و ب مشاكلك ؟ تعرفي على مليون واحد وش علينا احنااا ؟ بتجيك المصايب انتي لحالك متزوجه وتعرف واحد وشافوها العالم وهي تخمه خمك مارد قولي امين قالت / حشااا حشااا حشاااا كل هالكلام لي ؟؟ وش فيك هبيتي فيني هبه ترى ماسويت شي حرام ولا عيب كل البنات متعرفات على شباب و يطلعون معاهم والوضع عادي بس انتي شكلك وحده معقده ومافيك انفتاح ومنتي عايشه بالدنيااا وماتعرفين شي لو وحده غيرك بتدق الصدر وتوقف معاي صدمتيني والله بالثانوي كنتي انتي بمثابه امنااا ان فينا شي نجيك عشان كذا قلت محد بيطلعني من الي انا فيه الا انتي وتوقف معاي اخرتها كذا تجازيني .؟ والله اني غلطانه يوم جيتك " صراحه عورتي قلبي قلت / تدق الصدر ؟ وش قالو لك ابو الشباب انا ؟؟ هالبنت باقي فيها حيل تكتب لي ؟ روحي عن وجهي احذفيني لا اقولك انا ب احذفك وانسيني الله يخليكبلا انفتاح فتح الله راس عدوك انتي و الي يهبل الأهبل حقك ذا والله يعوض زوجك الجنه على صبره عليك " قالك ماني عايشه بالدنيا الا عايشه ونص بكرامتي و اخلاقي و تربيتي السنعه " قالت / امك مو عندك من احنا بالثانوي تطلقت من ابوك وخلتكم وحده بوضعك المفروض عندها خبره بالشباب من كثر ما تتعرف عليهم قلت / هذا انتم ي الشعب السعودي تفكيركم وحده امها وابوها مو عندها لازم تكون منحرفه وتعرف شباب و تطلع معاهم ؟ واذا امي مو عندي ؟ يكفي تربيتها لي من انا صغيره مأسستني صح علمتني الصح من الغلط " وبعدين تعالي هناا وش جاب طاري امي ؟ انتي تسكتين ولا ابي اسمع لك ححرف " هالكلام من متى ما شاء الله ؟ قالت/ قبل امس قلت / واليوم تقولينه لي ؟ وتبين تشوفيني وتكملين لي ؟ معناته اهلك مادروو لأنهم لو درو كانك في المسلخه الحين بيطبخونك و يوزعونك " وش تبيني انصحك فيه ؟ وش اقولك يعني عرفتي واحد وجاكم وضميتيه وانتهت الروايه وش المطلوب مني الحين ؟؟ انصحك اطلعك من مصيبه ؟ وشوو سالفه صارت وخلصت " قالت/ لا اخاف اخوي الكبير يدري ولا يشوفون الدب الي جابه لي مع الورد " قلت / دب ؟ وجايب لك دب ؟ دب يجلس فوقك ان شاء الله " شوفي ي بنت الناس درى اخوك درى ابوك درى ولد الجيران مو مشكلتي" ترى كنت مرتاحه وانتي منتي عندي باللسته شرايك احذفك ؟ حطت / قلت/ لا تتمسكنين انا احن بكل شي الا قله الحيااء الزايده ترى مابعد تعرفيني انتي انا الي مضحكني هو - وش وظيفني - ب مسلسلك الدرامي ذا ؟ حطت / قلت حطي هالفيس لين بكرى وانا اسفه على قبول اضافتك لي ما توقعتك كذا صراحه الله يعينك على نفسك ولأني وحده احب واخاف على نفسي ب احذفك " قالت/ الله يخليك لا تخليني علميني وش اسوي " قلت اسمعي " قالت / وشو ؟؟ قلت / باااااااااااايي وعطيتها ذاك دليت على كيف كيفكم " 
|
|
التعديل الأخير تم بواسطة ǺĽ ẕeeห ; 2013- 1- 17 الساعة 07:41 AM |
|
|
|
|
2013- 1- 17
|
#917 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
وش هالبنات ؟
انا الي فيني شي ولا الدنيا صايره كذا وانا مدري ؟ قعدت اضحك بعد هالسالفه وبنفس الوقت منقهره من هالغباء و حزنانه على انها وصلت لـ هالمستوى " كان ودي اسوي لها شي بس اعصابي ماتحملت استهتارهااا بكيفهاا 7 سنوات عايشه بدوني تكمل - سنوات الضياع - الباقيه برضو بدوني " ناقصين ناس مو صاحيه اناا
|
|
|
|
2013- 1- 17
|
#918 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
عشاااء مسوينه انا وصديقاتي لوحده من البنات زواجها قرب فديتها
  الله يتمم لها على خير ويوفق كل بنت مو متزوجه بزوج يصونها ويحبها و يحطها بعيونه و ويرزق كل واحد مو متزوج بوحده تصونه وتخافظ عليه وتحبه & ويرزق الأثنين الذريه الصالحه "
|
|
|
|
2013- 1- 17
|
#919 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
أحـبـبـتـك بـعـاطـفـة سـبـعـيـن أم
|
|
|
|
2013- 1- 17
|
#920 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: فـ خ آآآآمهة’ الإسم تكفي ^-^
ليسَت كُلُ الأحزان يُخرجها البُكاء ، هنُاكَ أحزانٌ قدرُها الأبدية
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
