حـوار بـيـن البـنـات والشـبـاب هـــااام للمشــاركـه ..

[همي اشيل همك]

تسلم اخوي مستغرب ......

شووف انا من النوع اللي يتعامل مع الشغاله ع اساس انها مثل اخت لي لان الرسول كان يعامل خادمه باخلاق عاليه ..
لكن والله اخرتها طلعت ماتنعطى وجهه ...يعني عليها حركات والله ماتعجبك وخاااصه اذا قربت ترجع .... ترفع الضغط ..
<< هذي شغالتنا ... يعني هي المفروض مانعاملهم بقسوووه لانهم بالاول والاخير بشر ,, وبنفس الوقت مانرخي الحبل ..
يعني في الووووسط .........
ولاااااازم مراااااقبتهم داااااااايم ...
بس والله الشغالات همممم وخاصه في البيت اللي فيه شباب ... انا اقول لامي بعدين ماراح اجيب لي شغاله ولا ابي اشووف وجهها ..
<< يعني بصراحه ماتظمنهم في الحالتين بمعنى لو عاملتهم زين ولا بقسووه مالهم امان ...
...............................................
مختصر كلامي انا اقول مايجوز القسوووه عليهم لانهم بشر مثلنا وفي النفس الوقت مانرخي الحبل معهم يعني في الوسط ..
............................................
اجمل تحيه .... سؤال مميز ...

[همي اشيل همك]

المشاركة الأصلية كتبت بواسطة مستغرب

الجزء اللي يسبق الكلمه يا [ همي ] كان حتى لو كنت ..ومعناه حتى لو كنت بنفس وضعه ولست مع رأيه ..

اتمنى تكوني فهمتي الجزئيه

ايييه فهمت زين الحمدلله وجهة نظر اتفق معك فيها ,,,, كل الشكر اخوي واسفه على سوء الفهم
.................................................. ..........................

[مستغرب]

^ ^

عسانا ماننحرم من وجهة نظرك

انتي تكلمتي عن مسأله ما تطرَّقت لها عند الخادمـه وهي إن كان فيه شباب فـ هي تمثِّل خطر حقيقي عليهم
قبل فتره كنت عند واحد من اخوياي وقالط عنده فتح الباب وجات وحده جايبه الحلا والشآي

انا لا شعورياً اخذت وجهي ونزلته بالقاع لآني منصدم .. شافني خويي وقام يضحك يقول وش فيك هذي شغالتنا !!!

لا بسه فستان عيد ومزخرف للآخر ومفصل على جسمها ! وقت ما أقبلت والعطر ضج به المجلس والخادمه من حِسِنها ما ظنيتها خادمـه ..

وهذي تُعتبر قضيه ثانيـه المسؤول فيها بالشكل الأكبر الأب والأم وكل من له ولاية في البيت وصاحب عقل ناضج !!
ولا ياكثر البلاوي اللي نسمعها كل يوم والثاني : )

...

اما المعامله فـ قصة المأمون بن هارون الرشيد لها دلالة واضحة على كيفية طريقة خدمة الخدم عن طريق معاملتهم

قال عبد الله بن طاهر : كنت عند المأمون يوماً ، فنادى بالخادم يا غلام فلم يجبه أحد ، ثمّ نادى ثانياً وصاح : يا غلام ، فدخل غلامٌ تركيّ وهو يقول : أما ينبغي للغلام أن يأكل ويشرب ، ضجر الغلام ، كلّما خرجنا من عندك تصيح يا غلام يا غلام ، إلى كم يا غلام ، فنكس المأمون رأسه طويلاً ، قال : فما شككت بأنه يأمرني بضرب عنقه لأنه تطاول ، ثمّ نظر إليّ وقال : يا عبد الله إنّ الرجل إذا حسنت أخلاقه ساءت أخلاق خدمه ، وإنّا لا نستطيع أن نسيء أخلاقنا حتّى نحسن أخلاق خدمنا ، أي مضطرّون أن نفعل ذلك .

هذا هو تواضع من أمير المؤمنين آنذاك لخادم يستطيع أن يبيده بإصبع وهو رد على مايقال في وقتنا الحالي [ دبلوماسي ],, انا لا أقول ان نكون بمثل هذه المثالية فـ هي قد تكون سلبية أحياناً .. ولكن يجب الحزم أحيانا لضبط السلوك كما أن العقاب مطلب أساسي في عملية التقويم لأي مأمور ..

ولكن الرأفة والرحمة جانب يعتبر الأهم .. وقضيتك معها أقل من عادية نسبياً مع ضروف أقوى من قصص نسمعها ومن مصادر موثوقه أحيان ..

ايييه فهمت زين الحمدلله وجهة نظر اتفق معك فيها ,,,, كل الشكر اخوي واسفه على سوء الفهم

ايــه .. احسك بينك وبين نفسك تقولين .. [ وش هالآدمي قَلَب في نص ساعه :hahaha_2008:]

كل الشكر لتعقيبك

[قلب الاسد]

اخوي المستغرب .. وهمي اشيل همك ..

ياليت تقنعوني رفضكم .. صحيح انا الوحيد الذي يوافق على سياقة المرأه .. ولكن .. انا ارى انها ردت فعل طبيعيه .. وردت افعل الغريبه هي رفض سياقة المرأه .

انا متعجب جدا جدا جدا من هذا الرفض .. والاعذار واهيه جدا جدا (( ماذا ستفعل لو صار لها حادث , ماذا ستفعل لو انفجر الكفر , المرأه دره ولؤلؤه يجب الحفاظ عليها , المرأه ملكة يساق لها ولاتسوق , درءً للمفاسد )) .. احد عنده عذر غير هالاعذار ؟؟؟

اولا : سياقة المرأه للسيارة ليست حرام شرعا .. وكانت النساء بعهد الرسول صلى الله عليه وسلم يركبون الدواب .. هذه من مسأله شرعيه اذا كان يخيل لأحد بأنها حرام
اذا المسأله اجتماعيه !! ولكن المجتمع كل مايراه عيب اذا هو حرام شرعا .. وعندما نقول حرام اذا لايبحر اي شخص بهذه المسأله او يتعمق بها ... له فقط الاكتفاء بالاصغاء !!!!
(( ماذا ستفعل لو صار لها حادث ؟؟ )) تدق على الشرطه ياحبيبي وتدق على اهلها .. ماظنها معقده جدا لدرجه رفض سياقة المرأه للسياره :)
(( ماذا ستفعل اذا انفجر الكفر ؟؟ )) تنزل من السياره وتاخذ الاسبير تبع الكفر وتغير الكفر :) .. واذا مافيه سبير تدق على اهلها او احد يجي ياخذها :) .. ماظنها مسأله معقدة لايمكن حلها ورفض سياقة المرأه .
(( المرأه دره ولؤلؤه يجب الحفاظ عليها )) صراحه انا جيم مخي .. مافهمت معنى الكلام هذا ابدا .. وماقدر اناقشه ابدا لانه جدا جدا غير مفهوم .. اسف لحد يشرحها لي كمان ولا ابي افهمها لانه عذر واهي كمان ولا يعطي الاحقيه بالرفض في هذه القضيه :)
(( المرأه ملكة )) ههههههههههههههه هذي ضحكتني صراحه .. لاحد يفهمني غلط من البنات .. بس وش ملكته ههههههههههه .. ايه انتوا ونعم فيكم مليون .. بس وش ملكته .. وش دخل مثل الملكه يساق لها .. طيب واللي محد عندها يوديها ويجيبها هذي ملكه ؟؟؟ ولا نطلق عليها اسم ثاني .. طيب هل كل البنات السعوديات ملكات ؟؟؟؟ طيب ليه مايكون البنات الاماراتيات ملكات ؟؟؟ بس البنات السعوديات يعني ؟؟ ههههههههههههههه انا ضحكتني الجمله هذي .. وبصراحه اسميها يأس في النقاش .. والوصول الى طريق مسدود .. :)
(( درءً للمفاسد )) .. والله كانكم مصورين البنات على انهم حيوانات مسعوره وليس لها العقل للتفكير .. الله خلق المرأه انسان بعقل وتجيد التفكير .. لها القدر على ارتكاب ذنب ولها القدره على الاعتصام بحبل الله .. كذلك الرجل

الله خلق الرجل والمرأه واعطى كل جنس حقوقه ومميزاته .. ولكن هناك بعض الاشياء التي لايختلفون عن بعض فيها وبعض الحقوق التي بالامكان الاشتراك بها والقيام بها .. اذا فهي من حقوق المرأه .. لماذا لست موافقين على اعطاء المرأه حقوقها ؟؟ لا افهم لماذا ..
ارجوكم اقنعوني اخاف اني صرت كافر من هالكلام .. اقنعوني تكفون .. (( او اقتنعوا :) ))

اخوي المستغرب فديتك .. ترا اعزك حيل والله واقدرك واحترمك بشكل ماتتصوره .. يعني ترا ماراح افهمك غلط لاني اعرفك واعرف انك انسان ذوق واخلاق ويفرض احترامه باخلاقه وذوقه وادبه وحواره وعلمه وذكائه ..


دمتم بود ,,

[مستغرب]

^ ^

انا رايح للشباب بهالوقت .. ولما ارجع لي كلام ثاني معاك [ سأشمِّر عن ساعِديّ ] ..

اخوي المستغرب فديتك .. ترا اعزك حيل والله واقدرك واحترمك بشكل ماتتصوره .. يعني ترا ماراح افهمك غلط لاني اعرفك واعرف انك انسان ذوق واخلاق ويفرض احترامه باخلاقه وذوقه وادبه وحواره وعلمه وذكائه ..

تأكد اني ابادلك نفس الشعور وربما أكثر

[BeeB]

رججعت ههههه ...

بو حمييد سؤال سياقة المرأه مااأحبه

ماغبت لكن كنت استنى يتغيــر الســؤال

***

سؤال مستغـــرب:

ليه كثير من الناس يتكلم من طرف خشمه مع بعضهم [ متغربه ، مشتاقه لاهلها ، تحس بضياع ، تشتغل كل الوقت وتاليها نوم وهم وغثا وكدر ، ..... ] كل هذا داخل احاسيسها !! وبالأخير تقابل ناس يسدون النفس عن الأكل بترحيبهم


وش آنسب حل للحد من الظاهره من وجهة نظركم ؟!!

ليـــه يتكلمون مع الخادمه من طرف خشمهم ؟؟ لأنهم يسيئون الظن فيهـــا ..

لأنه هذا مستواهم في التعامل مع الغير ..

ايضا ًعدم اهتمام الوالدين بتربية ابناءهم وبناتهم على حسن التعامل مع الخدم ..

سواء عاملناهم بخلق وبلطف واحتــرام او عملناهم بقسوة وتطرف , الــرد الذي نقابله منهم نحن مسؤولون عنه


وجهة نظـــري للحد من الظاهره ؟؟ هي ليست ظاهـره لكنك تجدها لدى البعض من العوائل

مع التوعيــه ان شاالله يتعلمون كيف يعاملون خدمهم عــدل ..


مشكور اخوي عالسؤال

[قلب الاسد]

حياك الله بأي وقت اخوي مستغرب .. وانا وانت والزمن طويل هههههههههه


BeeB يهمني رأيك بهذه المسأله .. ارجوا ادلاء رأيك .. واكون لك شاكرا ..


دمتم بود ,, :)

[قلب الاسد]

محمد ادلي بدلوك يهمني رأيك جدا ..

[محمد القحطاني]

بخصوص الخدم انا امي تهاوشني اذا طلبتها وانا قريب من الشي فمثلا اكون بغرفه قريبه من المطبخ وهي ابعد مني تقول لي امي قم تمقمت عظام عدوك انت اقرب
بس تدرون وش اخر هالطيبه
لما نقلنا كفالتها بسبب عدم الحاجه لها عدت ظروف تواجدها
وجدنا بعد ذهابها
ملابس داخليه لي ولاامي ولا ابويولا اغلب اخواني وعيال خواني
مسبحه لنسيبي قيمتها اكثر من 200 ريال
شعر مدري رجال او بنات
فلوس تقريبا 500 ريال

تدرون وش تقوول لاحد خواتي قالت امي لوحده من خواتي قومي اطلعي فوق شوفي المجلس نظفيه قامت اختي قالت امس مسوينه قالت امي قلت قومي مرت الخدامه قالت روحي فوق شوي وارجعي وقولي سويت وبس
الله لايجعلنا نحتاج لهن والله يخلص البلد منهم لانهم فسااد
بخصوص البيت والشباب
انا غرفتي فوق غرفه عبود اخوي عندي غرفه نايف وقت وجوده عندنا
غير مسموح لها بالطلوع للدور الثالث نهائيا الا بغيابنا واحد خواتي تكون معها
الحمد لله والشكر اعرف ربي واخاف منه
وان اردت شي مابقى الا خدامه
الزواج الله كتبه للحفاظ علينا

[BeeB]

اخووي قلب الاسد ..

ناقشت كثير هالموضوع مسبقا ** في البيت في الجامعه و في كذا منتدى ..
وفي اغلب هذه النقاشات كنت اجد واتوصل في النهايه الى ان المراه من حقها قيادة السياره في السعوديه

المــرأه السعوديه لن تسوق مهما رأينا ان لها الحق في ذلك .. لأن الاختلاف في هذه المسأله بين المواطنين والمسؤولين تعدى حدوده . وأخذ البعض يخبط ويخبص لما تسأله: لماذا لا تؤيــد قيادة المراه للسياره في السعوديه؟؟ حتى والله البعض سوا من روحه مضحكه اثناء سرده لتلك الاسباب الواهيه التي تقنعه ..

لا أرى اي مانع أبدا في سواقة المــرأه .. وأرفض ذلك البند الذي يسمح للرجل القيــاده ويمنع المرأه من ذلك ..

مع فرض الشروط واحكام المراقبه وتوعية الشعب بالعقوبات والغرامات اثناء قيادة المرأه ان شاالله تضبط ومايصير الا الخير ..
اي قرار يطبق لاااابد ميه بالميه ان له سلبيات كما له ايجابيات .. << ياما قرارات طبقت في السعوديه رغم سلبياتها لكنها طبقت واستمر تطبيقها لأكثر من سنــه

لخاطرك جاوبت على السؤال ياقلب .. تحياتي لك اخوي