×.. بوابة الخدمات الإلكترونية لجامعة الدمام ..×

[αℓαα αłкнαłαf]

{ بسم الله الرحمن الرحيم ، السلام عليكم ورحمة الله وبركاته ..~ صباحكم / مساكم ورد وفل ورياحين طلاب وطالبات جامعة الدمام كيف الأحوال ؟ إن شاء الله طيبين ؟ " بوابة الخدمات الإلكترونية لجامعة الدمام ,, كثير منا ما يعرف عنها أو بالأصح ما يستخدمها ، البعض يواجه صعوبة في استخدامها أو ما يعرف ايش فايدتها . . الموضوع هذا خصصته لشرحها ، وإن شاء الله يكون الشرح سهل وواضح لكم كيف نوصل إلى البوابة ؟! نفتح موقع الجامعة (www.uod.edu.sa) ، ومن الشريط العلوي نضغط على أيقونة "E-SERVICES" . بعدها راح تفتح لنا صفحة تسجيل الدخول إلى البوابة . . . . اسم المستخدم : الرقم الأكاديمي كلمة المرور : السجل المدني@ud *بيانات الدخول على البلاك بورد* وهذا شكل الصفحة الرئيسية بعد تسجيل الدخول . قدامنا خيارين في الشريط (صفحتي - البريد الإلكتروني) ، نبدأ بالخيار الأول . راح أتكلم لكم عن 5 أشياء مهمة فيها ( 1 ) . بالضغط على الأيقونة نقدر نشوف الجدول الدراسي الخاص بالفصل الدراسي الحالي . . . ( 2 ) . من خلال البوابة يمدينا نطلع ع السجل الأكاديمي الخاص فينا . ( 3 ) . أكثر الأشياء المهمة هنا هو نظام تقييم المقررات ، بتكلم عنه بتفصيل شوي بعد ما نضغط ع الأيقونة راح تفتح لنا هذي النافذة / . . اسم المستخدم : الرقم الأكاديمي كلمة المرور : السجل المدني@ud *بيانات الدخول على البلاك بورد* . لما ننزل تحت شوي بنشوف كل المقررات اللي ندرسها هذا الترم ، نختار مقرر ونضغط ع الكلام اللي بالأزرق ! . نعبي الخانات بالأرقام وبعدها نسوي تقديم ونرجع نقيم باقي المقررات . . . إذا خلصنا تقييم المقررات ننزل تحت وبنلقى تقييم أعضاء هيئة التدريس . . ونفس الشي نضغط ع اللي بالأزرق عشان يفتح لنا التقييم . وبنفس الطريقة نكمل تقييم باقي الأعضاء ( 4 ) . من البوابة بعد نقدر نطلب خطاب تعريف . ( 5 ) . تحت ع اليمين بنشوف مربع خاص بالمستجد من الأخبار ونقدر نشوفها بالتفصيل . نروح الحين للخيار الثاني (البريد الجامعي الإلكتروني) ، أكثر شي مسحوب عليه . . اسم المستخدم : الرقم الأكاديمي كلمة المرور : السجل المدني@ud *بيانات الدخول على البلاك بورد* الحين فتحت لنا الصفحة الرئيسية للبريد الجامعي . بكل بساطة نضغط ضغطة وحدة بس ع الرسالة اللي نبغى نقراها وبتفتح لنا . لاحظوا الأيقونات اللي موجودة فوق يمين ، نقدر نسوي لايك للرسالة . . والمربع اللي جنبه هو الخاص بالرد ع البريد . . البوابة من خلال تطبيق الجامعة . . ـ اسم تطبيق الجوال / . لما نفتح التطبيق بتظهر لنا الشاشة الرئيسية التالية ، نضغط ع خيار البوابة الإلكترونية . . . بعد تسجيل الدخول بتظهر هذي الشاشة ، عشان نوصل للخيارات نتبع اتجاه السهم بقية الخطوات نفس اللي شرحناها فوق إلى هنا أكون وصلت إلى نهاية الموضوع ، أتمنى أكون أفدتكم وأضفت شي إلى معلوماتكم أي شي مو واضح أو أي أحد عنده استفسار بخصوص البوابة الإلكترونية لا يستحي ويسأل الموضوع مفتوح لأسئلتكم واستفساراتكم أحبتي ~

[نادر511]

شكراً أختي ع اهتمامك وابداعك الرايع

خطوات واضحه ومنسقه ومرتبه

بارك الله في جهودك

[Dr ʀeнαв]

_



مبَدعه بجَد
شكراً لجهوَدك الآء

[Areejona]

موضوووع مفييييد جدااا ^^

انا فاهمة كل الخطوات وكل شي اوك لاكن البلا مادري وين الموقع مو راضي يفتح عندي يظهر رسالة خطا :(

http://www.ckfu.org/vb/t736860.html
هذا موضوعي فية مشكلتي بالصور أتمنى تساعدووني :(

[αℓαα αłкнαłαf]

المشاركة الأصلية كتبت بواسطة areejona

موضوووع مفييييد جدااا ^^

انا فاهمة كل الخطوات وكل شي اوك لاكن البلا مادري وين الموقع مو راضي يفتح عندي يظهر رسالة خطا :(

http://www.ckfu.org/vb/t736860.html
هذا موضوعي فية مشكلتي بالصور أتمنى تساعدووني :(

حبيبتي البريد فيه مشكلة هالفترة ع الجوال ما يرضى يفتح ..
إذا جربتي من لابتوب وما فتح لك جربي تغيري المتصفح والأفضل فايرفوكس
وإذا ما نفع معك تواصلي مع عمادة الاتصالات وتقنية المعلومات وهم يتابعوك
لين تنحل مشكلتك بإذن الله

[Areejona]

المشاركة الأصلية كتبت بواسطة αℓαα αłкнαłαf

حبيبتي البريد فيه مشكلة هالفترة ع الجوال ما يرضى يفتح ..
إذا جربتي من لابتوب وما فتح لك جربي تغيري المتصفح والأفضل فايرفوكس
وإذا ما نفع معك تواصلي مع عمادة الاتصالات وتقنية المعلومات وهم يتابعوك
لين تنحل مشكلتك بإذن الله

يعطيييك العافية تواصلت معهم وحلوا لي المشكلة ^^

[αℓαα αłкнαłαf]

المشاركة الأصلية كتبت بواسطة areejona

يعطيييك العافية تواصلت معهم وحلوا لي المشكلة ^^

الحمد لله

[هن ريتك]

متى يبدا التسجيل انتظام