[ اللغة الانجليزية ] : احتاج مساعده منكم ..

[روح الصداقه]

مرحبا


اول شي احب اشكر البنات على النشاط المتعوب عليه بالجامعه جد شي حلو ومرتب كثير
لاحظت لغة البنات ماشاءالله مررا زينه ويتكلمون بسرعه
انا طالبة انجليزي مستوى رابع لغتي حليله لكن مااحكي بسرعه . بنات النشاط اليوم قالو ان تعليم اللغه يكون بالتحضيري اللي هو انجليزي كتابه وقراءه بس انا اصلا تحضيري كنت عن بعد يعني ماكنا نحكي مع دكتور ولاشي ف ماتعلمت اللغه عرفت الكلمات من معهد ومن الممارسه بالمحاضرات بالجامعه
انا احتاج اطور لغتي ومااعرف شلون .. والسبب الرئيسي اللي خلاني اكتب هالموضوع هو اني ماخذه انذار ثالث ومتوقفه هذا الترم ولي فرصه الترم الجاي انا مشكلتي افهم المنهج بس اخبص بالاختبارات , البنات اللي ماشين بالتخصص ودرجاتهم كويسه ممكن تعلموني بالطريقه اللي تدرسون فيها ! كيف تمشون بالتخصص هذا يمكن انا طريقتي غلط .. اتمنى كثير تتفاعلون معاي بهالشي لاني جد احتاج تجاربكم كثير
اعتذر ع الاطاله والله يوفق كل وحده ترد علي ..

[sh+]

لا زم لازم تطورين لغتك لان مهما حفظتي وفهمتي المواد وذاكرتي نص الدرجه تروح ع اللغه سواء كتابه او محادثه السبلنق والقرامر ترابط الافكار نفسها عرضي نفسك للغه اكثر والي ما شين بالانجليزي هم الي طورو نفسهم بنفسهم لان تحضيري مليون بنت ما في مجال تتكلمين اصلا مع الدكتوره والمنهج كله حق سادس ابتدائي

[$ زازا $]

نصيحة اذا ماتقدرين تمشين بالتخصص من البداية و ترفعين معدلك غيرية لان بتجيك مواد جدا صعبة انا ما ابغى احطمك- يعني انتي الحين ببداية المشوار و عندك انذارين , الانجليزي اذا حابتة خذية برى الجامعة بمعهد -انا عرفت بنات قعدوا بالتخصص ثلاث سنوات مع المحاولة للتخطي والنجاح بس بالاخير غيروا التخصص لان لمى جتهم مواد الادب و اللغويات ما قدروا عليها و هذي الصدمة تكون قوية لان مستوى ثالث جدا سهل و خفيف بعدين بمستوى رابع تبدأ المواد تصير صعبة و بمستوى خامس اصعب أكثر و أكثر عندك مثلا مادة الصوتيات و الخ و حطي بعين الاعتبار التأخر بالتخرج بدال ما تصير اربع سنوات تصير سبع

أذا ناوية تكملين بالتخصص لازم تسجلين بمعهد كتابة و محادثة هذا اهم شي و غير المذاكرة أول بأول صدقيني راح تصيرين واثقة من نفسك و تتطورين أول بأول .. لان اكتساب اللغة يحتاج الاستمرارية
كمان تقدرين تسجلين المحاضرات و تسمعينها بوقت فراغك كثير تساعد او تلاقين تفاريغ جاهزة


بالتوفيق

[Rawan A]

الله يعينك ويكتب لك اللي فيه الخير

[fatimah_m]

الاستماع راح يسااعد كثيير
بالعطله حاولي يوميا تشوفين فيديوات باليوتيوب او برامج او الكتب الصوتيه وتركزين ع الكلام وتحاولين تترجمينه بالانجليزي وتحطينه نفس الكلمة لاكثر من جمله او اكثر من موقف لين ماترسخ براسك

اقري كتب تكون لغتها سهله مثل كتب ال young adults واللي يمر عليك ومافهمتيه ترجميه

تابعي حسابات بالانستقرام او تويتر تعلمك اللغه
هذي بعض اللي اتابعها بالانسقرام
enwords@
fun4english@
tr_mohammad@

اهم شي يكون عندك حب واصرار انك تتعلمين عشان تستمرين باذن الله

[روح الصداقه]

الله يوفقكم كلكم ماقصرتوا حبايبي .
لا والله ماني حابه اغير التخصص وان شاءلله بمشي فيه باذن الله
دعواتكم ..

[shaqaf]

المشاركة الأصلية كتبت بواسطة روح الصداقه

الله يوفقكم كلكم ماقصرتوا حبايبي .
لا والله ماني حابه اغير التخصص وان شاءلله بمشي فيه باذن الله
دعواتكم ..

اختي
أحاول ارسال رسالة لك على الخاص لكن صندوق الوارد عندك ممتلئ
ممكن تحذفين بعض الرسائل ضروري

[shaqaf]

رفع

[روح الصداقه]

المشاركة الأصلية كتبت بواسطة shaqaf

اختي
أحاول ارسال رسالة لك على الخاص لكن صندوق الوارد عندك ممتلئ
ممكن تحذفين بعض الرسائل ضروري

ياحياتي اصلا انا حاذفه كل الرسايل مافي الا 3 لكن معلق معاي من زمان مااقدر ارسل لأحد ولا استقبل
ف مادري وش الطريقه عشان اتواصل معاك

[روح الصداقه]

تمام حذفت اقدر استقبل الحين ..