شباب .. أنا في حيره من أمري !!

[شرقاوي الهوى]

سلام عليكم ورحمة الله وبركاته ..

شباب الله يرضى عليكم .. أنا جاني قبول في جامعة الإمام محمد بن سعود بالرياض

وآخر موعد لتسليم الملفات يوم الأربعاء القادم 29/8

فما أدري ، المشكلة لو انتظرت نتايج كلية الجبيل وما انقبلت كذا بتروح علي جامعة الامام

وبيني بينكم مافي مواصلات حالياً تساعدني إني اروح الرياض عشان اسحب ملفي في حال قبولي بالجبيل ، والوضع صعب .

ولو الله كتب علي روحة الرياض ، سمعت إن بعض الجامعات ما تعطي ملفات لـ الطلاب إلا بعد بدء الدراسة .. بكذا بتروح علي الجبيل !!

علماً ان نسبتي الثانوية 86.78 ، والقدرات 76 ، والتحصيلي 67 ..

والانجليزي 86 ، والرياضيات 85 ..

ما ابغى مجاملات الله يسلمكم .. فيه أمل انقبل ولا لا ..

لأن هذا مستقبل .. والمجاملات ما تنفع في هذا الوقت ..

الاستفسار جاوبني عليه الأخ حسان الله يجزاه خير ، ولكن حبيت آخذ رأي كذا شخص ..

ولا هو قصور في الأخ حسان أبداً والله ..

ومشكورين ..

[الخيال2]

شررقااوي نصيحتي .., رووح لجامعة الامام محمد بن سعود ـ
اضمن لك ,, ولاتفرط فيها,,

واذا تبي تطمن .؟ لاتسلم ارواقك الا في 28 ولا 29 /8

على فكره ع حد علمي ان الدفعه الثانيه لكلية الجبيل الصناعيه يوم الخميس والله اعلم
.. فأنت لاتتسرع وألعب ع المظمون ,<< نصيحه

[شرقاوي الهوى]

لكن يا غالي تضمن أن الأوراق توصل للجامعه عن طريق البريد في نفس اليوم ؟

لأني قريت في منتدى ثاني على حسب .. مرات ياخذ يوم أو يومين أو مرات توصل لـ ثلاثة أيام ..

هذا اللي شايل همه ..

ننتظر يوم الخميس ونشوف .. ويالله يا كريم نكون منها جميع ..

[رايموند]

أخـوي أنآ مع كلامـ العضو الخيال2

انت لا تسلم أوراق للجامعه الا أخر يوم من موعد التسليمـ

واذآ مآ الله كتب وماطلع اسمك بالجبيل قدمآ الملف مشآن لا تخسر الجامعه وان شاء الله خير

[سهل 188]

عندك بالامام اخر وقت لتسليم الملفات الثلاثاء 28
اصبر لذاك الوقت اما شغلة ان وقت ارسال الملفات يومين ثلاث
انا انصحك تدخل منتدى جامعة الامام تستفسر وتأخذ الاكيد علشان تعرف كيف وضعك ..

الا عندي سؤال دامك انقبلت بالامام كيف عرفت انك مقبول انا ماني فاهم شي دخلت التخصص اللي ابغاه مكتوب قرار تم اكتفاء المقاعد حطيت الهوية طلعت تم تأكيد التسجيل جاني باليوم الثاني نهنئك تم قبولك ؟

[شرقاوي الهوى]

رايموند وسهل ، طيب مافي مشكلة لو أرسلتها الأربعاء ووصلت لهم الخميس مثلاً ؟! ..

بالنسبة لـ استفسارك يا سهل ..

افتح الرغبات وحده وحده .. بيجيك جدول مكتوب فيه كلمة القرار باللون الأحمر ..

اذا قال لك قبول مبدئي ( حتى تسليم الملف ) فمعناته انقبلت ، اذا غيره فـ لا ..

بنفس الصفحه قبل الجدول فيه شي مكتوب يلزم تأكيد رغبتك في القبول بالقسم المحدد لك بإرسال رقم سجلك المدني اضغط هنا

اضغط على كلمة اضغط هنا ، ودخل رقم بطاقة الأحوال تبعك عشان تأكد رغبتك ..

وموفق يا الغالي ..

[HaMoOoD]

مثل مآ قآلو الشبآب .. العب على الحبلين .. لا تقدم ملفك الا بأخر يوم .. ولو طلع لك شي بالجبيل يوم الخميس أو الجمعه تكون أنحلت المشكله .. وبالتوفيق للجميع ..