كارثة تعصف بخريجي الأنتساب ( غير مقبولين في برامج التعليم العالي )

[ذكريات الرحيل]

المشاركة الأصلية كتبت بواسطة خالد الطويلعي

ياحبيبي اتكلم عن الانتساب بشكل عام اغلب اللي داخلين هنا
لتحسين وضعهم المعيشي !!
الماجستير كلام ثاني وطموح ثاني لكل شخص يبي يكمل فيه
اجل بالله عليك باخذ شهادة ماجستير عشان اكشخ فيها عند شيبان الجماعة !!
كلام فاضي قسم بالله

الحين ليه معصب كذا
اذكر الله
كلنا عارفين هالكلامْ من أولْ
عارفين الفرق بين الانتظامْ والانتسابْ
عارفين الفرق بينهم في الدراسات العليا والمفاضلة التعليمية
عارفين إنهم على مقياسْ من الأولى بالتعيين هم يتعينونْ
ليش نتكلم وكأنه شيء غريبْ وهالشيء من زمانْ يحدثْ
ليش نتكلم بصدمة وحزنْ وعارفين إن الانتساب هذا وضعه
وعمره ماراح يتساوى مع الانتظامْ لأسباب كثيرة كلنا عارفينها
وأي مسؤول عن التعليم عمره ماراح يجعل الانتسابْ والانتظام في كفة واحدة
والدليلْ تغريدة الوزيرْ قبل كم يومْ
معقولة ماحد استوعبْ وفهمْ
يكفي جملة : الانتظامْ لهم الأولوية " هذه تضع الانتظام في كفة والانتساب في كفة أخرى

[نسيم الصبا]

ياهلكوارث اللي مو راضية تخلص من أول مادخلنا الجامعة..
أنا أقول كمل اللي بدأته،ماتدري ممكن تتحسن الأوضاع لما تتخرج،ممكن باقي الجامعات تشوف لنا حل،يمكن تلقى لك واسطة
الزبدة
مابين غمضة عين وانتباهتها...يغير الله من حالٍ إلى حالِ

[foofaa]

كتبت رد طويل وانمسح بختصر لك الي كتبته في ايه

قال تعالى (قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ )

[كهف المواجع]

اذا تبي نصيحه اخ كمل دراستك

ماتدري دايم يغيرون انظمه التعليم من فتره لفتره

[شيهانه 22]

تهميش الانتساب لن يدوووم طويلا ..باذن الله :/ !

[مشاري الفالح]

ثق يا أخي أنك لن تحصل إلا على ما كتب الله لك
و إن شاء الله مشاكل المنتسبين بعد الله راح تنحل
على يد الوزير عزام الدخيل بعد الله

تفائل فقط ،

[طالب جامعي.]

صباحكم مغفرة ورضوان

انا في رايي كل ماوضعت لك هدف لاتتخلى عنه بسهولة لمجرد تصريح احد او غيره

مواصلتنا في جامعة فيصل كانت حلم واصبحت ولله الحمد حقيقة

لاتشتت تفكيرك بكثر التساؤلات

اعتقد ان ترك الجامعة للسبب اللي ذكرته هذا خطأ بنسبة قد تصل الى 95%

تقبل وجهة نظري وفكر بالموضوع على روقان بعد ماتفطر مو الحين

[AHMAD BiN SAUD]

آنــآ معك في كل كلمة , وآترك عنك المطبلين
../ آنـآ من اول يوم دخلت الجامعة وانا اصلا ماعندي ثقه فيها ابد ,, انا اصلا داخل للحصول على الترقيه لاني عارف فعلا ان شهاده الانتساب لا تسمن ولا تغني من جوع , واحب اقول اللي فوق ارحمو عقولنا شوي , كل ما تروح مكان والله مايقبلونك , وجامعة حديثه الولاده وتعليم مطور وتخرجك انتظام هذا المستقبل الصح , اما جامعتنا لتحسين وضع معيشي فقط والله ان الدبلوم عندي انتظام افضل من بكالوريوس انتساب , ولا احد يواسيكم هذا الصدق واقولها لو على رقبتي

[أبو ريــــان]

الكل يعلم ان شهادتنا ما فيها فائدة والكل مواصل
نتخرج والله سبحانه قادر على كل شي
حتى تحسين مستوى محرومين منه يعني نتوكل على الله ولا خاب من قال يا رب

[أبو ريــــان]

المشاركة الأصلية كتبت بواسطة مشاري الفالح

ثق يا أخي أنك لن تحصل إلا على ما كتب الله لك
و إن شاء الله مشاكل المنتسبين بعد الله راح تنحل
على يد الوزير عزام الدخيل بعد الله

تفائل فقط ،

لوزير عزام اول قرار له لا قبول الا للانتظام من اهم الضوابط والشروط
يعني فكونا من العزام حقكم