# .. هامش احساس .. #

[M-E-D-O]

مبارك عليكم الشهر وأسأل الله العظيم أن يجعلنا من المقبولين فيه
وأن يعيننا واياكم على صيامه وقيامه

.....

للأخوة والأخوات في الملتقى حق المباركة بدخول الشهر الفضيل

وأحمد الله عز وجل أن منّ علينا ببلوغه وأسأله أن يتم علينا نعمه بتوفيقنا لحسن استغلاله


MEDO

مسرع الايام، هالكلام كتبته رمضان الماضي والله كأنه امس

الله يبارك لنا بأيامنا واوقاتنا واعمالنا وارزاقنا

[M-E-D-O]

الحيين التقييمات تشتغل ؟

[M-E-D-O]

اللهم لك الحمد حتى ترضى ولك الحمد اذا رضيت ولك الحمد بعد الرضى

نجحت في المستوى السادس بتقديرات ممتازة تفوق توقعاتي بكثير وهذا من فضل ربي

يا سرع الايام .. والله كأنه امس يوم سجلت تعليم عن بعد

هانت باقي سنة الله يعديها على خير

اللهم علمنا ما ينفعنا وانفعنا بما علمتنا

[M-E-D-O]

كل عام وانتم بخير

وتقبل الله منا ومنكم صالح الأعمال

[M-E-D-O]

السلام عليكم

اليوم كنت فاضي شوي وقعدت افرفر بالملتقى
وتحديداً قسم المدونات

بصراحة أحسد اللي لهم مدونات قديمة .. من سنوات يعني
حتى لو كانت كتاباتهم قليلة ..

يعني انا مثلاً مالي مشاركات قديمة بالمدونة، اول مشاركة كانت قبل سنة وكم شهر ما ادري كم بالضبط ولا عندي مشاركات كثيرة بعد
الا اني والله استمتعت وانا اعيد قراءتها خصوووووصاً اللي انا كتبتها او علقت فيها على اقتباس من موضوع معين ..

وقراءة التعقيبات والتعليقات وردود الافعال من الاعضاء على كتابتك شيء جميل جداً وممتع
ولكن ما يضاهي ابداً الاحساس الجميل بالكتابة حتى لو انت متيقن ان كتابتك بسيطة جداً وغير متكلفة وناقصة الاحترافية .

وبصراحة رحت ادور في المنتديات القديمة اللي كنت مشترك فيها ولكن مع الأسف كلها أغلقت

والجميل في هذا الملتقى انه دراسي، يعني باذن الله راح يستمر سنوات طويلة
حتى لو ما شاركت فيه كثير، تقدر ترجع بأي وقت

ايه .. وبس


بمان الله

[M-E-D-O]

باختصار وبدون اي مقدمات

انا من الناس اللي يفضلون الصيف على الشتاء بمليون مرة

ايه ايه انا افضل الصيف .. وش تبي !!!

يالزبدة
يالكريه


واشوف ان الشتاء ما فيه الا ثلاث مميزات مقابل عشرات الاشياء السلبية
المزايا اللي فيه ( المطر ، والشبّه ) طلعوا ميزتين .. الميزة الثالثة وانا اكتب تذكرت انها تابعة لفصل الربيع اللي نقرا عنه وما نشوفه
الميزة الثالثة هي الطلعات بالربيع اذا توسط الجو

اما سلبياته في لا تعد ولا تحصى ( اللهم لا اعتراض، الموضوع هو تفضيل نفسي لا أكثر )

ومن ابرزها تشوف الناس كلها مرضانه وما غير تنقل من هالعلاجات
واللي ما هو مريض عنده مرضى بالبيت مبتلش فيهم والا عنده كبار بالسن والابزران يخاف عليهم

غير أن الناس كلها يصيبها خمول وكسل ومحد يبي يتحرك عكس الكلام اللي يروجون له
اضف الى ذلك النهار ما فيه بركة وما يمديك تخلص شيء الا وهي ممسية عليك

واذا جيت تطلع يزيد وزنك 27 كيلو من تكويم الملابس وتروح تدور الدفا

...

اما الصيف المظلوم حبيب القلب

ما فيه امراض ولله الحمد
والنشاط فل ونفسك خفيفة
والوقت وخصوصا النهار مبرووووك
وتلبس بنص دقيقة واذا تبي تكشخ دقيقة ونص

عذروبه الوحيد شوووية حر .. وما فيه اسهل من الحل ( مكيّف )

يارب لك الحمد بيوتنا وسياراتنا وكل مكان نروح متروس مكيفات والحياة حلوه


...

هذا ماهو موضوع بقدر ماهي خربشة وسوالف غير مرتبة ولا منسقة وجت على السريع
لأني متضايق من الناس اللي تسب الصيف

والله اني احبه كأنه ولد لي
واللي يسبه يجرحن

[M-E-D-O]

على خير .. ان شاء الله

[M-E-D-O]

كل عام وانتم بخير .. وتقبل الله منا ومنكم صالح الأعمال

[M-E-D-O]

لا تقس حياتك ابدا مع غيرك ولا تصدق كل ما تراه

خصوصا في السوشال ميديا او من تجتمع معهم على فترات متباعدة

فخلف الجدران هناك حياة أخرى لا تراها

نصيحة:

حافظ على مكتسباتك واحرص على التجديد والتحسين دوماً ولكن احذر احذر احذر ان تقارنها مع غيرك

الله ياخذ ويعطي

فقد يكون سبحانه حرمك من ميزة عند غيرك لحكمة يراها وعوّضك بأفضل منها.

محدودية التفكير هدمت بفترة قصيره صروحاً استغرق بناؤها سنوات من الحب والوفاء والاحترام

[M-E-D-O]

العشق I wish ❤️❤️

اللي عايش بالشرقية و ( يحب المطاعم ) ولا جرّبه
محروووووووووم

عيبه الوحيد .. غويلي شوي
لكن من الاماكن اللي تستحق الزيارة
خصوصا اذا حبيت تكافئ نفسك [emoji12]