يوم السبت 16/10/1431هـ (للطالبات المستجدات)

[حكاكة مرقة]

...

السلام عليكم ورحمة الله وبركاته


هذا الموضوع خاص للطالبات المستجدات في
كلية الدراسات التطبيقية وخدمة المجتمع - جامعة الدمام


اليوم داومت ولله الحمد
لكن للأسف ماأستفدت شئ يعني مشوار عالفاضي

طبعاً رحت الساعه 8 ونص
وأول ماتدخلين فيه ثنتين من الأمن يسألونك
_ أنتي مستجده ؟
طبعاً إجابتي كانت نعم مستجده
قالولي أفصخي العباة عشان يشيكون على لبسك إذا مخالف أو لا
طبعاً مخالف إذا كان كم البلوزة فوق الكوع بواجد أو إذا كانت التنورة قصيرة بزيادة
يعني التنورة حدك فوق كعب الرجل بأصبعين وبس

بعدين يقولولك تفضلي ويأشرولك على ممر فييه غرفة القبول والتسجيل
ولما رحت للغرفه الكبيره هاذي حصلت بنات مستجدات واجد
وجلسنا ننتظر تقريباً نص ساعه بالأخير وزعوا علينا ورقه صغيرة مكتوب فيها كذا :

إعلان هام لجميع الطالبات المستجدات
سيتم تحديد مستوى اللغة الإنجليزية من خلال اختبار يعقد :
يوم الأثنين الموافق: 18 / 10 / 1431 هـ
27 / 9 / 2010

الساعه : 9 صباحاً
المكان : القاعه الكبرى f_19


وبس أنتهى الكلام اللي مكتوب بالورقة اللي وزعوها على جميع المستجدات
وبعد ماوزعوا سألتهم كذا سؤال ~>
_ وين الجدول؟
قالوا الجدول تاخذونه بعد ماتختبرون إختيار يوم الإثنين .

_ طيب والبطاقه الجامعيه ؟
قالوا روحي لممر b عند وحده نسيت والله أسمها بس عايلتها المالكي ,,
رحت مرتين وللأسف الممر بكبره مافيه أحد من الإداريات فقط فيه طالبات تتمشى .

_ طيب وبكره الأحد نجي نداوم أو لا ؟
لا لاتجين .

_ طيب والصندق من وين أستأجر ؟
وكل وحده تقطني على الثانية يعني أروح للأمن يقولولي روحي للقبول والتسجيل
أروح للقبول والتسجيل يقولولي روحي للأمن بالأخير مليت ولبست عباتي ورحت لبيتنا .


وهذا اللي صار معي بالتفصيل
يعني ماأستفدنا شئ غير سالفة أنه في إختبار يوم الإثنين .

هذا الكلام كله كتبته عشان أفيد اللي ماداوموا اليوم السبت
المطلوب دعوه حلوه بظهر الغيب فقط =)

...

[وآقفه على بآبكم]

الله يوفقك ويسسعدك.~ .. وأنآ كذلك .. دآومت

.~ عرفت عن الإختبآر <~ شآيله همـه .~
والجدول الثلآثـأء .~
أمـا البآقي ما سألت عنـه .. أبد ~
الله يعيـن .~ ما حبيت الوضع .~
الله يسستر ~ .

[mimi1992]

انا بعد والله قطعت مشوار على الفاضي بس الله يوفقنا انشالله نسوي زين باختبار يوم الاثنين مشكوورة حبيبتي على الموضووع

موفقة

[زهراء عبدالله]

ياطالبات اليوم بس عشان تتعرفون على الجامعه وعشان القوانين..
أما البطاقة الجامعية تروحين تستلمين أوراق من عند فاطمة المالكي وتعبينها وتسلمينهم الاشياء المطلوبه
(صورة من بطاقة العائلة أو بطاقة الأحوال- صوره شخصيه) وتسلمين الاوراق وبعد اسبوع تقريباً تروحين تستلمين البطاقة.
موفقات :)

[nawwwwary]

والله حتى اناا :d1:
مااسوت علي المشاااوير بالسياااره ولاا ضيعت الكليه انا بعد دخلت من بوابه الطب وتعالي دوري الكليه

طيب وبعدين الوضع بيظل كذا مكركب لان كل الكلياات اعطوهم محاضرات تعريفييه اما احنا انسحب علينا

[عبـٍثْ ..~]

؛

الصندوق ، ( اللوكر )
إذا ماتغير نظامهم ف تستأجرينه من مبنى كلية الطب 65

الترم ب 50 ريال والسنه 100 ريال

[وآقفه على بآبكم]

يآربي توني أدري عن الحوسسسه ذي .~

هع كدينآ خير .~ .. ومتى بسسوي كل ذآ .!
الاثنين بختبر .~
الثلآثآ الجدول . أوكي يمكن نسويهآ الثلاثآ بس الصوره وش حجمهآ كم في كم ..!
بصور الحين وأفتك

[بنووووته]

صراحه اليوم سخييييييييف

وين اللي بيسوون لنا اجتماع ولقاء للمستجدات سوو حق كل الكليات الا كليتنا :tj4:

وهذا شسمه اختبار الانجليزي من وين طلع لنا الثاني :bngo12:

والبطاقات القميله متى نطلعها ؟ واللوكر القميل متى احجزه ؟

وبصراحه الجامعه حررر وقرف وزحممممه الله يعييييييييين :d1:

[كلي دلع وزين]

طيب ابي اعرف وش الالوان الي البسها حق الجامعه عادي الوان

[حكاكة مرقة]

...

المشاركة الأصلية كتبت بواسطة كلي دلع وزين

طيب ابي اعرف وش الالوان الي البسها حق الجامعه عادي الوان

إذا أنتي بكلية الدراسات التطبيقية وخدمة المجتمع اللي تبع جامعة الدمام
تلبسين الألوان اللي تعجبك كل الألوان مسموح فيها
لكن طول كم البلوزة مايكون فوق الكوع بواجد
والتنورة حدك فوق الكعب بأصبعين وبس =)

...