|
ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
|
أدوات الموضوع |
#1
|
|||
|
|||
رئيس أخوي يرفض أعطاءه الشهادة - رجل طاعن بالسنّ يختبر مستوى أول !
, السلام عليكم ورحمة الله وبركاته تغيير للجوّ شوّي عندي قّصتين كفاح , تحضّ الناس على قول : الحمد الله على نعمة الحريّه ونعمة الشباب , وأشياء كثيره ما يدركها إلا فاقدها , وأبدأ بقصّة أخوي : أخوي يشتغل في وزارة الداخليّه , وطبعاً وزارة الداخليّه أي عسكري مُنتسب لهم تكون شهادة الثانويه الخاصه فيه عندهم , وأي شخص يطلب الشهادة يقولون له : (((((( أفصل من العمل ونعطيك الشهاده )))))) سجّل أخوي قبل ما يصير الكلام هذا كلّه , وأنصدم بالردّ المثبْط للعزيمه والقاتل للطموح وسألته كيف التسجيل وش صار معك ؟ وعلمّني بسالفته وأنتبهت لشيء وعلمْته فيه قلت خلّهم ينقّعونها ويشربون مويتها مو لازم الشهاده ! روح لوزارة التعليم وطلّع بدل فاقد ! وفعلاً موعده مع الشهادة يستلمها بعد يومين وأنتهت مشكلته وأنحلّت أموره وما عقّدها وأنسحب من البدايه ! .. وإلحين بعد تجاوزه للعثره الأولى يرددّ أنا مستعد لكل عثره في طريقي .. , قصّة الرجل الشِيبه في المنطقة الوسطى : لـ الوهله الأولى أعتقدت أنّه معلّم باقي له على الخدمه سنه ويتقاعد ! وعيني تنظر إليه وهو رجل بلغ من الكبر عتيْا ولحيته وحاجباه كساها اللون الأبيض وأحدودب ظهره وثقلت خطاه ! مشى وأكمل مسيرته .. ولواحظي لا تكاد تفارقه .. فجأه ! إذ هو بالمقعد الذي بجاني وفجأه ! إذ هو يُخرج ( عدسّه مكبّره من جيبه ) وفجأه ! إذ هو يكتب ببطء شديد ! يستخدم العدسه بيدّ ويكتب بالأخرى ! والله إني تركت الأختبار وأطلت النظر إليه ! وأكرر بيني وبين نفسي : أنا كنت أقول عمري 27 وش أستفيد من الشهادة !! وهو عمره 27×3 على أقل تقدير وش يبي فيها ؟؟؟؟؟؟ وأخوي العسكري كان يقول عمري 28 وش أستفيد من الشهاده ؟؟؟؟ وغيره كثير من الناس إلي يعتقد أنّه طاعن في السنّ وهو توّه شباب , الخلاصه : إلي دوامه سهل ومعطيه راحته يكمْل دراسه / ترى هذي نعمه كبيره إلي في سنّ الشباب ويعتقد أن الدراسه للأطفال فقط .. يعدلّ أعتقاده إلي سجّل وأنقبل في الجامعه وأختبر أول ترم يكمْل لأن فيه ناس ماتقدر تسجّل . ( يحمد ربّه ) .. إلي حمل مادة ومادتين , ماهو لازم تتخرج بـ 4 سنوات , أهم شيء تتخرج ! إلي يعتقد أنه بفلوسه راح يآخذ الشهاده غلطان ! فلوسك عشان قبولك ! وشهادتك بمجهودك .. إلي فاته الترم الأول وهو مسوّف في المتابعه , يبدأ بدايه جديّه الترم الثاني ! إلي كل يومه تلفزيون وبلايستيشن وأنترنت , ويقول ماعندي وقت أذاكر , يخاف الله بنفسه .. إلي يدعي على الدكاتره يتقيّ الله , ترى لهم أهل وأبناء ! ( الغلط منك أنت ) .. توّكلوا على الله
الحياة حلوه بس نفهمها |
2011- 12- 26 | #2 |
أكـاديـمـي مـشـارك
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
بصراحة موضوع رائع ومحفز
اشكرك من الاعماق على هذا التحفيز وادعوا الجميع للتفاؤل فكل العقبات تزول ان واجهتها الارادة القوية ،، تحياتي لقلمك الرائع ،، |
2011- 12- 26 | #3 |
أكـاديـمـي فـضـي
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
ماشاء الله تبارك الرحمن
هذا اللي يسسسمونه (( حب العلم ... والطموووح )) يعطيك العافيه على نقل هالقصه |
2011- 12- 26 | #4 |
عضــو متميــز في ملتقى المواضيع العامة
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
اطلب العلم من المهد الى اللحد
والله يااخي لو اقلك انه لي 4 سنوات ابي انتسب واقول ياولد خلاص راحت عليك الدراسه وفي يوم نزلت اخوي لمقر عمله بوقت المساء وبجانب عمله متوسطة وشفت شياب طالعين والله اطالع واقول شياب عندهم الهمم وحب العلم وانا شاب ومتحطم والله غير ادفن نفسي بالتراب بعد هالنظرة وعلى طول وبنفس الليلة دخلت على النت وابحث واستقريت بجامعة الملك فيصل . تدري بالقاعة عندي ناس كبار بالسن الله يوفقنا ويوفقهم يارب شكرا على موضوعك الرائع وبالتوفيق |
2011- 12- 26 | #5 |
أكـاديـمـي فـعّـال
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
جزاك الله كل خير
الله يوفق كل واحد يطلب العلم |
2011- 12- 26 | #6 |
أكـاديـمـي
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
مشاء الله عليه
|
2011- 12- 26 | #7 |
أكـاديـمـي فـضـي
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
ماشاءالله تبارك الله
موضوع محمس ودافع لدراسه والمذاكره والله الواحد احيانا يصير عنده ظروف ومشاكل بس لمن يشوف مثل هالكلمات ينسى ويتحمس موووافقين وويعطيك العافيه |
2011- 12- 26 | #8 |
أكـاديـمـي ذهـبـي
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
بارك الله فيك اخوووي واسئل الله لك التوفيق كلامك قمه في الروووعه واشكرك على ذكر القصه العلم ابدً مايرتبط بالعمر |
2011- 12- 26 | #9 |
أكـاديـمـي فـضـي
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
درر
درر درر يعطيك الف عافيه |
2011- 12- 26 | #10 |
أكـاديـمـي فـعّـال
|
رد: رئيس أخوي يرفض أعطاءه الشهادة - رجل طاعن بالسنّ يختبر مستوى أول !
اقوووول الشيبان هذولا مشكله .... الواحد يبغا يعيش زمانه وزمان غيره
والله بغبسه !!! |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|