[ مذاكرة جماعية ] : تدرون ليش القسم مافيه حس؟

[Doremi]

ممكن ماعندكم علم بس معروف أن ثامن دائما ً يكون في غيبوبه من أول الترم لحد ما ينتهون من تسليم البحث تماما ً..
وقتها يكون بقي على الاختبارات قليل .. عاد الترم قصير أساسا ً، بقي من الآن على الاختبارات 80 يوم وشوي كم يوم..
معليش على الرعب بس الغرض من هالموضوع هو إيصال فكرة بسيطه.

أحط لكم رد كارزما الترم الي راح بعد الاختبارات وتأملوه كويس وأتمنى لو يُعمل به..
http://www.ckfu.org/vb/1057199277-post13.html
الي يقتنع يكمل قراءة الموضوع، الي ما اقتنع خلاص يخرج من الموضوع عادي..

أنا مجهزه موضوع كبير لمشروع التخرج وناويه على الأدب الأمريكي أبسطه لكم، بس أحتاج مساعده بباقي الشغلات والمواد..
ولقيت كم شخص مستعدين لكن العدد ما يكفي، كل ما كثر العدد كل ما صارت الشغلات أسهل.. يضرك هالترم تسوي لنا كويز واحد مثلا ً؟ وباقي الترم ترتاح..

عنوان هالموضوع بيتغير فيما بعد وهالمقدمه راح تنحذف ويصير الموضوع كالتالي ( إن شفنا فيه تعاون ):

[ALIGN=CENTER][TABLE1="width:100%;background-image:url('https://lh3.googleusercontent.com/-zqZbH8j3SzE/V2dkiT2o3mI/AAAAAAAAN0I/7E-ozdESGmAI2M_8sWc2GyLCcMF5DqyOgCCo/s132/0.png');"][CELL="filter:;"][ALIGN=center]
[/ALIGN][ALIGN=center]

هالموضوع فايدته توزيع المهمات
تسجلون أسماءكم فيه وتحجزون مهمات علشان ما يصير نفرين يشتغلون على شغله وتعبهم يضيع..

ارسل لي خاص أو اكتب هنا اسم الشغله الي تبي تمسكها مهما كانت صغيره في نظرك فهي تعني الكثير لنا.
المهمات سهله ومهمتك تكفينا طول الترم ما تزيد عليها وكثر خيرك
وبالمقابل بتحصل كل شيء بهالمستوى جاهز مسخر لك على طبق من ذهب <-- هذا في حال تعاونا
--- مفروض أسماء الأعضاء ومهماتهم المحجوزه تنضاف لأعلى الموضوع يعني لا تخافون تضيع بين الردود ---

( مستعده أشرح شرح مصور أو فيديو لأي شغله، يعني لاحد يتحجج أنه ما يعرف يسوي شيء زي كويزات ومدري وشو)

تنسيق جدول المحاضرات المباشره
أول ما ينزل الجدول يكون فيه كل الأقسام والمواد ولازم أحد يطلع موادنا فقط ومواعيدها..
ممكن 4 أنفار يمسكون المهمه لأن عندنا 4 جداول بالترم
كل واحد يمسكه مره وحده ويرتاح باقي الترم ما نطلبه شيء أبد..

الواجبات
( غالبا ً محلوله، بس وفرها بشكل مرتب وتكون أنت متواجد علشان لو تغيرت الأسئله نعرف نحصلك )

المناقشات ( زي الواجبات ^ )

أسئلة الاختبارات تبع الترم الماضي
عندنا 5 مواد فقط لهالمستوى، نحتاج 5 أنفار لهالشغله..
كل نفر يمسك ماده يحول الأسئله المصوره إلى كتابيه سواء pdf أو مفكره
أو يرسلها لي مكتوبه برساله عالخاص أو يرميها بوسط الصاله في القسم ويروح يرتاح طول الترم ما نطلبه شيء.

وبعدها نحتاج 5 آخرين، كل نفر يمسك الأسئله الكتابيه لمادة وحده بس ويحوله كويز
وباقي الترم ينبطح بالصاله المذكوره أعلاه.
عاد الي يخلصون مهمه وينبطحون ما بيسمعوني أقول الجمله المعتاده ( متبطحين بالصاله ويتشرطون ).

المقـــــــــــــــررات
هذي شغلة الأشناب أمثالي أنا ويونا وكارزما ونوره
الي يبي يحتك يجي يحتك (نستقبلك بالأحضان <-- طلعوا رخوم )

الي يشوف نفسه يقدر يمسك مقرر كامل بواجباته ومناقشاته والتجمع والشرح والتلخيص والي يقدر عليه.
ترى سهله إذا كان الواحد ماسك ماده وحده بس طول الترم..
ولما يخلص يلاقي المقررات الثانيه جاهزه له مسوينها باقي الاعضاء..
( ترى كنا نمسك مليون تجمع ونذاكر ونحضر مباشرات ونحل ونناقش ونشرح وكللل شيء
يعني مب صعبه فكرة تجمع واحد ممكن تخلصه في يومين وتروح ترتاح باقي الترم)

أنا بريحكم وأمسك مقرر كامل لحالي أفصفص أبو جده لكم علشان أقلل عدد المهمات (ممكن يكون الأدب الأمريكي)
وبكذا بقي 4 مقررات فقط، كذا الواحد يقدر يركز على مشروع التخرج لأن أنا لو أسوي نفس الترم الي راح
ومع مشروع التخرج لا تتوقعون أعدي الترم معاكم لا ما قصدي أرسب، قصدي أموت -__- ..

بالنسبه للمجموعات
إذا كم عضو أو كم عضوه حابين يكونون مجموعه بإمكانهم تقسيم المهمات حسب الي يشوفونه
وحسب الي يريحهم، بس المهم تحجزون مهمتكم هنا بالموضوع علشان ما يشتغل عليها أحد ثاني ويضيع تعبكم..

----------

لا يحطمونكم الناس الاتكاليين وتقولون ليش احنا نشتغل وغيرنا يتسدح..
أقدر أصير أتكاليه أنا بعد وأروح أذاكر لحالي، بس أنا متأكده ربي بيبارك لنا أكثر لو تعاونا..

الموظفين برا السالفه لأنهم الله يكتب أجرهم يكفيهم الي هم فيه..
والي عاطل ما يحتاج يقول أنا موظف، عادي ما بنضرب أحد ولا نبي أعتذار هنا، نبي مبادرات
الي يبادر الله يحييه وبيحصل دعوات وتوفيق من ربي..


---

المواضيع المنجزه /المحجوزه للآن :
hadialshe7i / جدول متابعة مستوى ثامن
http://vb.ckfu.org/t763594.html


نوره بنت بابا / تجمع القسم واستشارات المواد والمذاكره ومنقشات بالأبيض
http://vb.ckfu.org/t763426.html

تجمع مقرر تحليل الخطاب + كويز اختبار الترم الماضي له / نوره بنت بابا

تجمع الادب الامريكي + كويز الترم الماضي له / Doremi

تجمع أدب الاطفال ( محجوز مبدئياً لأحد العضوات)

من الآخر تبون كذا ولا نكنسل الشغله من البدايه؟

[/ALIGN][/CELL][/TABLE1][/ALIGN]

على فكره هالترم الله يشهد أن وضعي مب مناسب للدراسه
وفكرت أعتذر هالترم بس الواحد ما يدري وش يصير بعدين..
علشان كذا الله يخليكم تعاونوا <-- !

[الشريف.]

قوما تعاونو ماذلو
الله يسخر لك ولنا وللجميع كل امر عسر ويفتحها علينا جميعا
ياليت نسوي قروب واتس اب او تلجرام واحد يتكفل بنقل الزبده هنا وبكون معاك ياقمر انا اقدر اجمع لماده كل الملفات كلللل شي يخصها بس تنسيقي فاشل عشان كذا لازم نكون فقروب سهل التعامل فيه ترا اقصد الملفات واللي يخصها واجبات مناقشات والخ اجمعها يعني مو شطاره مني لا والله مجرد نقل
ويااااليت نتعااااون ونخلي ختامها مسك
علي فكره انا اخذت المشروع والله الحمد ولو حابين اساعد فيه امروني ولو تبون انزله هنا ايضا ااامرو والحمدالله درجتي فيه ممتازه
اعيد وازيد خلونا نجني ثمار تعبنا ونتعاون جميعا
موفقين يارب

[Doremi]

يمين بالله أنك كفو

أنا وانتي من أول نقدر نتواصل برا المنتدى فماعندي مشكله من هالناحيه
لكن بشكل عام انشاء الجروبات ممنوع في المنتدى علشان كذا ما سويت جروب للآن

وترى ما نحتاج تنسيق مواضيع والله، الترم الي راح ننسق ومبسوطين ما ورانا شيء
هالترم مشروع التخرج بيطلق رجل الكهف الي في داخلنا
يعني لو تبين تنزلين الملفات وما يردك إلا التنسيق لا تشغلين بالك ما بنسأل..

ولو تبين تجمعين القش وترسلينه لي أنزله بإسمك فانتي برضو مسويه خدمه جليله..
ممكن برضو ترمين مرفقات في موضوع "أيها الشعب" حق نوره، وهناك الي مسؤولين عن مواد معينه ياخذون منها ويحطونها بالتجمعات..
الي يريحك يعني

وترى الي تقولين مجرد نقل هذا بحد ذاته نعمه، يضيع وقتنا لما نجلس ندور ونجمع، فحتى تجميع الملفات والله يفك أزمه

ويعطيك العافيه يارب

[الشريف.]

الله يسعدك يارب ماطلبتي شي ابشري ويااااليت نشوف امثالك هنا
ويكفي دعوه فظهر الغيب وللجميع امثالها يارب

[الشريف.]

ان شاء افتح موضع لماده قريبا

[نوره بنت بابا]

الله يعطيك العافيه دوريمي وفعلا اذا تعاونا بننجز اسرع وماينظلم شخص لحاله ..
انا ان شالله جمعت كل مايخص تحليل الخطاب برتبها وانزلها وبس اختم الماده باذن الله راح انزل كويز الاختبار للترم الماضي

بالنسبه للمحاضرات المباشره بحاول قد ما اقدر احضرها قدر المستطاع وننسق بينا اذا ماقدرنا
والله يسهلها يارب

[B-h-s]

دوريمي كيف الحال عساك بخير

كيف المشروع معك لقيتي موضوع معين بديتي فيه ؟
بصراحه المشروع بياخذ وقت كبير من الكل بس ان شاء الله بنتعاون وانا حاضر
اي شئ تبوني اسويه مستعد له

[msyuna]

شكراً على الحجز المبدأي
ادب اطفال this Course is in the bag > محد يلمح دوتا
ان شاء الله وباذن واحد احد

وممكن بس اخلص امسك شغلات ثانية

+ اقدر مجهودك فعلا في كتابة المواضيع الطويلة زي هذي


تعديل : + الكويز نسيته , ان شاء الله

[79H]

بإذن الله أنا معكم ..

وبمسك شغلة كتابة الاسئلة تبع السمستر الماضي
( لإن دوامي 9 ساعات و عندي وقت طويل اكتبها )

بكتب اللي أقدر عليه سواء كلها أو مادة وحدة

إذا ما عليك أمر ترسلين لي الاسئلة أو تحطينها هنا مافي مشكلة

وعساكم على القوه جميعاً ويبارك في أوقاتكم يارب

[*Ashwaq*]

السلام عليكم ورحمة الله وبركاته

انا الترم هذا اخذت فقط ثلاث مواد من ثامن فقط ( ادب الاطفال + مدخل للادب الامريكي + تحليل الخطاب )مع مادة من سابع

راح اتكلف بحل واجباتهم

وممكن اعمل جدول للمحاضرات المباشرة

و اقدر اسوي كويز اذا عندكم ملف لاسئلة تبون اسويه كويز موجوده وفي الخدمة