.. ● شـــآطىء ذكريآتي ●..

[آنسه منشن]

السسسسلام عليكم ورحمة الله ,,,

اليوم 10/7/1433 تم وبحمد الله افتتاح مدونتي المتواضعه ,,

عاد سبحان الله كان من سابع عاشر مليون المستحيلات اني افتتح مدونه

بس ما ادري وش جاني سبحان مغير الاحوال

الزبده اني شسمه مالي بَ المقدمات والاشياء هذي ابد ابد

يعني مشي حالك

[آنسه منشن]

اسمي : منشن

^

كثير كثير بَ المنتدى يجوني ليه ليه انتِ شريره

اقول يَ عالم بس تسذا نك نك ,, يَ ربي يَ سالي خليتني الناس تشك فيني

ما بيني وبين منشن اي صفه مشتركه

الا اني احياناً اعقد حواجبي مثلها وهذا هو سبب التسميه

ها يلا فكونا عاد ,, خلني اشوف احد يسألني مرآ ثانيه

تآريخ ميلادي : 5/4/1991 مـ ..

من مواليد الخبر ,, متربيه بَ الظهران ,, حالياً بَ الدمام

> الله العالم وين بتروحين عقب






احب الادب واللغه العربيه بَ شكل عام ..

وعشقي عشقي عشقي الابدي التاريخ ..

درست في كلية الاداب سمسترين تاريخ ,, وكانت من امتع السمسترات ,, ومو معناه اني طلعت من هالقسم اني ما احبه بالعكس اموت فيه

بس ودي بَ قسم يفيدني بَ حياتي العمليه ,, و بإمكاني اكتساب ثقافتي التاريخيه من خلال القراءه والاطلاع ..

[آنسه منشن]

من امتع اللحظات عندي لما ادخل مكتبه يجيني شعور غريب

كذا احسني لابسه نظاره حمرا ,, ورابطه شعري

وراسي وش كبره كأنني من هذول اللي ما ادري وش اسمهم > عاد انتم افهموا

ولا شعوري ربي يسوقني لقسم تطوير الذات والبرمجه اللغويه العصبيه وغيرها ..

مع انها بعيده كل البعد عن قسمي ,, سواء القديم اللي هو التاريخ او الجديد اللي هو الاداره

بس ممكن بعض الاحيان ينفع بَ الاداره ..

عموماً بغض النظر عن ارتباطه بالاقسام ,, مفيده هذي الكتب في الحياه العامه وكيفية التعامل مع الناس ,, والحياه بَ شكل عام ..

[آنسه منشن]

من افضل الكتب اللي قريتها وغيرت فيني الحمدلله للأحسن ..

كتاب " غير تفكيرك غير حياتك "

للكاتب : بريان تراسي

^

على قولة ابوي ليه يَ بنتي تقرين للناس هذول كفار


مفيد لدرجه كبيره ,, ان شاء الله بقتبس اقتباسات منه قريبه لنفسي وافادتني في امور كثير

[آنسه منشن]

" ما من شيء على وجه البسيطه الا ويمكنك ان تملكه _ بمجرد ان تؤمن بَ حقيقة انك تستطيع ذلك "

* روبرت كولير "

^

طبعاً كل امر يكون بإذن الله تعالى ..

وبإعانه ومساعده منه سبحانه ,,

[آنسه منشن]

" اذا ما رسمت في عقلك صورة لآمال مشرقه وسعيده ,, فإنك بهذا تهيىء نفسك وتساعدها لبلوغ اهدافك "


_

[آنسه منشن]

الذين يشاهدون محتوى الموضوع الآن : 2 ( الأعضاء 2 والزوار 0)
‏آنسه منشن, ‏*جوريه*


^


منورتني ,, صديقه قديمه من الاداب ..

تذكرت ايام التحضيري

[آنسه منشن]

الاطفاااااااااااااال بَ النسبه لي عشق لا ينتهي ,,

بس لا يجون مزعجين اكرههم

ما ادري ليه اشوف فيهم الطهر ,, البراءه ,, العفويه

اجمل لحظاتي لما امسك يد طفل وامرر يدي بين اصابعه ,, شعور لا يوصف

وانا سرحانه اتأمل ملامحه البريئه ,, خصوصاً اذا كان ولد اقول يَ ربي لا كبر بيذكرني

> اقسسسسسسم بالله قصدي شريف

[آنسه منشن]

إن التربه الخصبه التي ينمو فيها كل تقدم , وكل نجاح , وكل انجاز في الحياه الحقيقيه هي تربة العلاقات الشخصيه ..

^

صدقت يَ بن شتاين ^^

[آنسه منشن]

لما جيت اختار عنوان للمدونه حبيت اختار شي قريب من نفسي ,, في نفس الوقت له معنى

ولأنه وقتها كنت متضايقه شوي وحابه اطلع من جوي ,, اخترت الشاطئ

قريب من نفسي جداً ..

صحيح ان احب البحر ومثل ما يقولون الناس البحر صاحب الاسرار ,, بس غدار مو كل مره يصير صاحبك

الشاطئ : وانت واقف تتأمل عليه تحس بَ الامان اكثر من لما تكون في البحر