للجميع احتاج النصيحة في الأنسحاب او البقاء

[الحليمي أحمد]

سؤال للجميع هل اقدر انسحب و اسجل من جديد في قسم آخر؟ ارجوكم افيدوني احس اني تعبت من اسهل اختبار امس فكيف القادم و هو الاصعب

[ريما عن بعد]

يااخوي استهدي بالله يمكن الجاي اسهل صح المواد صعبه بس يمكن يكون اختبارهم سهل وتمشي الامور الحين انت كمل االاختبارات لا تحكم على القسم من اول اختبار قوي قلبك وشد حيلك وربي يوفق الجميع

اما عن انك تسحب مااعرف والله

[ǺĽ ẕeeห]

حياك الله اخوي الكريم :

بالعكس كمل لا تسحب ولا شي واصلا م بيتم تحويلك الا اذا كملت مستويين بنفس القسم وبعد كذا تطلب تحويل

في شروط خاصه بالتحويل من قسم لقسم

انت الحين كمل وذاكر واختبر وبعد م تطلع النتيجه فكر وقرر "

الحين خلي وقتك مكرس للمذاكره "

[ǺĽ ẕeeห]

+ تم تعديل عنوان الموضوع

والرجاء توضيع المطلوب بالعناوين في الأيام القادمه

موفقين ""

[ليالي القمر]

كمل يآ خوي وآنآ اختك .. يمكن بعدين بتزبط اموريك .. وبتنزل معجزه وبتصير انت بالذأت حآصل ع a+++

[الاكحل]

اخووو قلبي نصيحه من القلب

لاتسوي مثلي انا حست عمري حووووسه

اول كنت بجامعة الامام وش حلاااتي وتخصص ادارة اعمال

ومير يجيني هالوسواس الي ضيعني وش تبي بالجامعه وفيها حفظ قراان وادارة اعمال صعبهه

واجيك واروح اغير الى جامعة الملك عبدالعزيز الترم الي فاات علشان فيه تخصص ادارة عامه درست فيه ترم الي فات

ويجيك التفكير الي لعب فيني وش تبي بجامعة الملك عبدالعزيز رسومهم غاليه بالترم الواحد ادفع اربع الاف ريال علشان الاختبار يكون بالرياض

واروح اغيير الى جامعتي الموقره فيصل.

يعني لو انا الحين بالامام كان مابقى لي الا سنه واتخرج
.
يعني خذها من البدايه ولا تستسلم بالامرررررر الواقع استمر وماعليك وربك يسرها لنا ولك

شد الهمه >>>>>>>>>>>>>> كلنا ضيعنا في اول ماده.

لاتيأس من البدايه وخلي الافق عندك عاااااااالي مستواه ..

[MAJID376]

أخوي انا مثلك بالادارة جبت العيد بس بكمل الاختبارات كلها حتى لا سمح الله لو بعيد الفصل كله ما عندي مشكلة ، والواحد يتعلم من اخطائه ، كمل ما عليك وتوكل على الله وشد حيلك

[الحليمي أحمد]

مع تقديم احترامي و تقديري للجميع اشكر كل من نصحني وصحيح ان ماعندي وقت للمذاكره مايخلص دوامي الا الساعه5 المغرب بس من كلامكم كاني شاد العزم أن شاء الله و من توكل على الله فهو حسبه و لو أحمل المواد كلهم مو بيأس ان شاء الله و بالتوفيق للجميع.

[گبرياء أنثے]

ايه يا اخوي كمل وتوكل على الله انت ما يمدك تذاكر عشان كذا صار الاختبار اليوم صعب وتحطمت

طيب انا وش اقول شهر حارمه نفسي من الطلعات ومن الاجتماعات ومن كل شي وفي الاخير طلعت من الاختبار وانا كذا من قهري رفضت اطلع الين اخر دقيقه في الاختبار


ومع كذا خليت هذا دافع لي عشان اشد حيلي في الي بعده وربي ماراح يضيع لي ولك تعب يااارب

[tareq_Masood]

سلام عليكم

اخوي احمد انا فكرت انسحب ولاكن للاسف راح يطلب منك الموافقة على عدم الزام الجامعه بقبولك مرة اخرى .. عشان كذا انا اشوف كمل و الله يوفق الجميع

وللمعلومية بغيت انسحب من الترم هذا و ابداء من جديد الترم الجاي لاكن هذا راح يأثر على المعدل التراكمي .

اتمنى افدتك