 |
|
||||||
| منتدى كلية الآداب بالأحساء منتدى كلية الآداب بالأحساء ; مساحة للتعاون و تبادل الخبرات بين طلاب و طالبات كلية الآداب بالأحساء و نقل آخر الأخبار و المستجدات . |
 |
|
|
أدوات الموضوع |
|
#1
2014- 7- 13
|
||||
|
||||
|
إستفسارات المستجدات _2015_ عن كل مايخص الكلية
. . . السلام عليكم ورحمة الله  السنة الماضية مثل هالوقت كنت أدور أي شي يفيدني بخصوص الكلية آحس كنت ضايعة كثير عشآن كذا فتحت هالموضوع عشان يكون مرجع للطالبات المستجدات في كلية الاداب واستفساراتهم بخصوص الكلية ونظامها والزي والاشياء المسموحة والاشياء الممنوعة وايش يعني إعداد عام ومدى سهولة أو صعوبة الدرآسة .gif "(204)") بإختصار شامل لكل شي وعشان محد يفتح مواضيع جديدة وتكثر المواضيع بلآ فايدة ألف مبروك القبول  . . . . ~
|
|
2014- 7- 13
|
#2 | |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
. . . الجآمعة مرحلة إنتقالية بحياة كل طآلبة وعن نفسي أشوفها أحلى مرحلة درآسية مرحلة غير عن الـ12 سنة اللي درسناها كلها تحسين بحرية مو مكتومة نفس المدرسة ! مو كل شي ممنوع . مو كل شي لأ ومايصير تسوينه . بس طبعاً بحدود وبما إني خلصت أول سنة بالكلية _ سنة الإعداد العام _ حبيت أفيدكم من تجربتي بهالسنة < خفي علينا  أولاً وقبل كل شي إستعدي نفسياً ! إنتي انقبلتي بالجامعة معناها انتي مسؤولة عن نفسك ماحد بيقول لك ليش ماتذاكرين ليش ماحليتي الواجبات ليش تغيبين ؟ ماحد بيقول لك يلا إدخلي المحاضرة ! عموماً ماعرف أصف حكي كثير ، هذا اقتباس من موضوع السنة الماضية اقتباس:
. . . ~
|
|
|
|
|
2014- 7- 13
|
#3 |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
_ صور للكلية _
      ^ طبعا في أشياء تغيرت بالكلية الحين ، هالصور قديمة نوعاً ما 
|
|
|
|
2014- 7- 14
|
#4 |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
بالنسبة للزي مسموحة كل الالوان
ماحد يحاسبك ع لون لبسك التنورة طويلة الميدي ممنوع بس ممكن تقصرينها بحدود المعقول الى حد الكعب مثلا! ماتكون فيها فتحات كبيرة والبلوزة يكون الكم تحت الكوع بشوي اقصر من كذا ممنوع وماتكون شفافة طبعا بالنسبة للشفاف والشيفون البسي تحته بدي وانتهى الموضوع العباية مسموحة تقدرين تداومين بعبايتك لكن بعض الدكتورات مايرضون تلبسين العباية بمحاضرتهم  وبالاختبارات ممنوع تختبري بالعباية تعتبر محاولة غش بالنسبة للميك اب ارجوكم لاتبالغون كلها بي بي كريم على ايلاينير بسيط على روج فاتح ورايق على تحديد حواجب بشكل طبيعي _ تطلعين بيرفكت  بالنسبة لي اهم شي واقي الشمس قبل الميك اب لانك رح تتعرضين للشمس كثير باول سنة خصوصا وانتي رايحة للكفتيريات اللي برا  وانتي تتنقلين بين المباني بعدوبعد النظارة الشمسية شي مهم  > لاتكلفي ع اهلك بميك اب ونظارة غالية! كلن واستطاعته بس اهم شي خوذي شي كلاسيك ومرتب او بالاحرى شي ماتروح موضته 
|
|
|
|
2014- 7- 14
|
#5 |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
بالنسبة لموضوع _ الصديقآت والزميلات _ بالجامعة راح تشوفين بنات أشكال وأنواع ! أكيد فيه الزين وفيه الشين ~ نصيحة : لا تصادقين أي وحدة  . ليه ؟ لأنك بكل بساطة ماتعرفينها ممكن البنت زينة ممكن شينة ممكن توديك بستين داهية  بالعربي لاتثقين بأي أحد بالجامعة  طبعاً فيه بنات كفؤ ويستآهلون الصداقة بس القصد إنو _ جربي البنت قبل تثقين فيها وتعلمينها كل شي عنك إبعدي عن : _ البويات  ( لا تقربين منهم ابد سوي نفسك ماتشوفينهم وراح تسلمين من شرهم )_ اللي جاية الكلية بميك آب ولا تسريحة عرس بإختصار _ الفآشن _ اللي جاية الكلية تستعرض لبسها وشعرها  هذول مو حقين درآسة أبداً أبداً أبداً ، لاتقولين بصادقهم وماعلي منهم ! تذكري : الصآحب سآحب .gif "(177)") وهالشي رآح يأثر عليكلاتثقين بأي بنت تقول لك أبغى كتابك باخذه معي البيت للأسف نص بنات الجامعة _ للمصلحة !قولي لها اذا تبين شي خذيه الحين وانا واقفة ولاتعطين أحد كتابك اذا كان قريب الاختبار تكثر النكبات في هالوقت طبعاً أنا ما اقول لاتعطين أحد أبداً بس في بنات ماتعرفينهم فجأه يجون يبون كتابك ! طبعا لاتعطينها لانها ممكن ماترجعه واذا بتعطيها خذي رقمها _ احضري المحاضرة بوقتها لاتتأخرين . _ اجلسي بالصفوف الأمامية عشان تستوعبين المحاضرة ، لأنك لو جلستي ورآ ماراح تستوعبين شي  _ لاتغيبين كثير ولاتقولين بحلل الغيابات اللي باقي لي بالمادة لأنو كل غياب راح ينخصم من درجاتك ، وكله يأثر ع معدلك ._ شآركي مع الدكتور/ة بالمحاضرة < درجات المشاركة تفيد كثير  _ سوي بحوثك ومشاريعك كلهآ بدري ومن أول السمستر عشان مآيتراكمون عليك بآخر السمستر وتتوهقين _ لمآ تدخل معاك بنت ببحث أو مشروع وماتشتغل معك ؟ بكل بساطة اعطي الدكتورة خبر _ لمآ تلبسين شي مخآلف ويجونك الأمن يعطونك مخالفة  شتسوين ؟ بكل بسآطة لاتجادلينهم وقعي المخالفة وخلاص  عشآن مآيسوون لك سآلفة _ لمآ تشوفين هوشة أو شي صاير إبعدي _ ابعدي عن الغش بانواعه ذاكري لا تغشين ولا تغششين احد ! خصوصا اول سنة ترا مواد اول سنة سهلة ويمديك تجيبين معدل عالي وبقوة  ، اذا طاحوا عليك غاشة ولا مغششة احد راح يلغى اختبارك واحتمال ينزل لك حرمان بالمادة يعني F ! يعني راسبةتقريباً هذا اللي ببالي الحين ان شاء الله بس اذكر شي اكتبه لكم  |
|
التعديل الأخير تم بواسطة Rwary ~ ; 2014- 7- 14 الساعة 05:47 PM |
|
|
|
|
2014- 7- 15
|
#6 |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
هالكلام مقتبس من منتدى ثاني ، للفائدة
طبعاً كل المستجدات على اعصابهم ، مين بيكون معاي؟ كيف اقدر اتخصص واحقق رغبتي؟ طيب ايش البس و كيف يكون مظهري ؟ راح انصحكم شوية نصايح ممكن تفيدكم سواء كنتوا بنفس جامعتي او لا . (1) حددي هدفك و نظمي وقتك ، ابتعدي عن الصاحبات اللي يقولو لك يلا نسحب ، المادة مافيها حرمان ، راح نحضر لك بس نسحب ، كثير كثير بنات كانو متفوقات ف ثنوي و لكن الحال تغير ف الجامعة 😿 ممكن عشانها بداية عالم غريب ومنفتح واوسع من اسوار المدرسه 🌚 ، ولكن اللي عنده هدف وطموح يحاول ليل ونهار انه يحصله . قوي لغتك بالاجازة واخذي فكرة عن مواد التحضيري 💖 (2) نجي للمظهر العام من لبس و ميك اب وشعر ، لا تخلينه الهدف الاساسي بس ما تهمليه لدرجة يكون شكلك غير مقبول كطالبة جامعية 😱 ، البسي الشي اللي يريحك ، و لما تجهزي للجامعه جهزي بالحد المعقول ، تنورتين و تي شيرتات وقميص رسمي اظن يكفي ، لأنك اكيدراح تنزلي السوق اثناء فترة الدراسه 🙊👯 ، خذي لك لفه على الممنوع والمسموح بجامعتكم من لبس ، فصلي لك عبايه مرتبه وحلوة للأيام اللي ماراح يكون لك خلق تكشخين 😂✋ ، الميك اب هنا وقفه شوي يا يكون مرتب وحلو ويفتح النفس ولا حركات طايحه ف صحن طحين ما نبغاها 😱 راعي انك مداومة صباحاً يعني استخدمي اشياء تعطيك لوك صباحي مشرق ويفتح النفس ألوان باردةو طبيعيه آيلاينر و مسكرا و روج صباحي (ارواج ريڤلون مراا هادئة وحلوة) و بلاشر مشمشي او اي لون فاتح وراح تكونين بيرفكت و ما يمنع لو ما حطيتي ميك اب عادي اغسلي وجهك بصابونه تناسبك و قلوس خفيف وانتهينا 😻😻💖 ، الشعر !! اهتمي فيه من قبل الدوامات جربي التسريحات اللي تناسب طول شعرك واستخدمي جهاز ممتاز للشعر سواء كان ستريتنر او استشوار وسوي لك حمام زيت اسبوعاً اثناء الدوام . آخر شيء اختاري لك عطر حلو هادى والوان مناكير صباحية 💅☁️ . (3) اشياء مهم تكون ف شنطتك ، طبعاً يختلف على حسب احتياجاتك 🚶 ولكن مهم يكون عندك : معقم ، بنس ، شوية فلوس فكة ريالات وخمسات ، مناديل جيب ، قلم ونوت ، سماعاتك و شاحن 😂🌚 ، واممم اتوقع باقي الاشياء راح تكون حسب حاجتك اليومية ويختلف من بنت لبنت بس حاولي ما تحطين اشياء كثيرة بالشنطة عشان لا يتعب كتفك ✋ |
|
|
|
2014- 7- 15
|
#7 |
|
أكـاديـمـي فـعّـال
|
رد: إستفسارات المستجدات _2015_ عن كل مايخص الكلية
يعطيش العافية رقية
موضوع مفيد للمستجدات |
|
|
|
2014- 7- 15
|
#8 | |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
اقتباس:
|
|
|
|
|
2014- 7- 16
|
#9 |
|
أكـاديـمـي
|
رد: إستفسارات المستجدات _2015_ عن كل مايخص الكلية
السلام عليكم ورحمة الله وبركاته ..
يعطيك العافيه ع هالموضوعع .. عندي استفسارات والله يعينك أول شي .. اول يوم اداوم وين أروح وين اتجه بالظبط .. 2.. احاتي أمر العلاقات من الدكاتره والاساتذه سهل التعامل معهم .!! ينمزح معهم ولا جدييييين ؟ 3.. المكافأه على أي بنك تنزل وهل انا اللي افتح لي حساب واروح واجي ع البنك ولا من مسؤولية الجامعه ؟ الدوام اول أسبوع كم ساعه وشنو راح نسوي بالاسبوع الأول .! يديك العافيييه واذا كان عندي أي استفسار بجي سيده هنأ |
|
التعديل الأخير تم بواسطة تفاحه وعنب ; 2014- 7- 16 الساعة 05:18 AM |
|
|
|
|
2014- 7- 16
|
#10 | |
|
متميزة بكلية الاداب بالاحساء
|
رد: إستفسارات المستجدات _2015_ عن كل مايخص الكلية
اقتباس:
ربي يعافيك وحيييآك الله  |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
