[ ديوان ] : خطو الولد مثل البليهي اليا ثار =* زود على حمله نقل حمل أليفه

[بحر العطا]

قصيدة شيخة القصيد وقالها الشاعر محمد بن مقحم بن فالح النجدي الصقري العنزي وهي تسمى شيخة القصايد يقول






من البارحة بالقلب هجس وتعبار =* هجس وهاجوس تعاقب نكيفه

الصبر مفتاح الفرج هو والافكار =* من لاصبر تصبححواله كسيفه

يالله يالمطلوب ياوال الاقدار =* انت الذي مدات جودكلطيفه

يالله يالمعبود عاون هل الكار =* تحل شدات عليهم كليفه

الليمجالسهم بها بن وبهار =* ونجر يصوت للمسير رجيفه

ومكارم للضيف عجلات وكبار =* ومفطحات في صحون نظيفه

تقليطهم للضيف قعدان وبكار =* وحيل الغنم وقتالسنين الحفيفه

اكرام ضيف البيت حق وتعبار =* والكل منا يفتخر فيهضيفه

يا مزنة غرا من الوسم مبدار =* اللي جذبني من بعيد رفيفه

هلت منالقبله هماليل الأمطار =* من سيلها الوادي غداله وحيفه

تمطر من الهدرا الياخشم سنار =* وتسقي ديار محقبه والحتيفه

وتضفي على كل المفالي والاقطار =* وتصبح بها خدان ربعي مريفه

عقب الحيا فاحت بها ريح الازهار =* وتعاقب النوارمثل القطيفه

وترعا بها الغرا وتبني لها طار =* عقب الضعف راحت ردوممنيفه

اذوادنا مايرتعن دمنة الدار =* ولا يرعن الا بالفياضالنظيفه

يرعن بعبدالله وجبر وجبار =* خيالة يوم الملاقا عنيفه

ترعىبها الوضحا من الذود معطار =* غبوقة الخطار عجل عطيفه

يبني عليها بنية اللبنلجدار =* عقب الضعف راحت ردوم منيفه

اذوادنا يرعن بنا سر وجهار =* من دونهننروي الغلب والرديفه

ترعى بضف الغوش بقصاف الاعمار =* تقطف زهر مرباعها معمصيفه

ما هي سوالف مسرد عقب ما نار =* اللي هرب واطراف رمحه نظيفه

إنسوهجوا عنها قليلين الابصار =* من دونها نروي السيوف الرهيفه

ان سوهجوا عنهامعاميس الابصار =* حنا نرد اللي يبيها نكيفه

خطو الولد مثل البليهي اليا ثار =* زود على حمله نقل حمل أليفه

بشدا هديب الشام شيال الاقطار =* واليا كبرحمله تزاود زفيفه

وخطو الولد مثل النداوي اليا طار =* صيده من الجزلات ماهيضعيفه

ترجي العشا من مخلبه وقع وطيار =* حسه على صيد الخلا لهوحيفه

وخطو الولد يصبر على موتة النار =* صفر على عود تضبهكتيفه

وخطو الولد يامال قصاف الاعمار =* لانافع نفسه ولا منهخيفه

ورجل بلا ربعه على الغبن صبار =* يمنى بلا يسرى تراهاضعيفه

واليا بخصته ماسوى ربع دينار =* مع العرب يشبه خطاةالهديفه

حنا فريق ولا نغبي سنا النار =* ما ننزل الا بالديارالمخيفه

ودار به الحقران ماهي لنا دار =* حتيش لو صارت خصابمريفه

وحنا لك الله من بعيدين الاخبار =* والنفس ما نلحق هواهاحسيفه

حلوين للصاحب وللخصم قهار =* وعدونا لو هو بعيد نخيفه

حنا كماالمشخص عن الصرف ما بار =* بالوزن يرجح والمصاري خفيفه

وتلقى منازلنا رفيعاتواخيار =* والرجل عن دوس القصاير حفيفه

لابد ما نسجلها تواريخ واذكار =* وتبقى لدسمين الشوارب وظيفه

الا ومع ذلك لك الله لنا كار =* عن جارنا ماقطنخفي الطريفه

نرفا خمال الجار لو هو بنا بار =* ونضحك حجاجه بالعلوماللطيفه

ولا نبدي الخافي لاصار ما صار =* وندمح خمال الجار لو بانحيفه

ونرفا خماله رفيه العش بالغار =* ونودع له النفس القويهضعيفه

والجار له قيمة وحشمة واعتبار=* وجارتنا عن كل عايز عفيفه

مازارهن من يبغي الحيف زوار =* الا ولا عنهن ندس الغريفه

نبيه إليا بدل الداربديار =* وكل بجيرانه يعد الوصيفه

نكرم سبال الضيف حق وتعبار =* لا من ولدالعفن شح برغيفه

أحد على جاره بختري ونوار =* و احد على جاره صفاتمحيفه


وصلاة ربي عد ماخضر الاشجار =* على الرسول اللي علومه شريفه

[عطرالحروف]

طرح جميل و راائع
يسلمو على الانتقاء الرااقي
بنتظار جديدك المميز
لاخلا و لا عدم
ل روحك الجوري

[فنوُ *]

ديوان رائع
سلمت يمناك على الطرح المميز

[قلبي مجنوونك]

\




طرحَ جميل جداً ....تسلم يمينك عَ هالطرح

[الجــــ@ـارح]

صح السان شاعرها

وسلمت يمينك اخوي بحر

[الشاااامخ]

انتقاء طيب

بارك الله فيك

[الــغـــدراء]

،،،

ونرفا خماله رفيه العش بالغار .... ونودع له النفس القويهضعيفه

قصيدة رآآآآئعة كم تمنى اغلب الشعار و الفرسان انهم قالوها
بحر العطا انت بحر لاينضب ،،،
شكراً لك ع القصيدة الجزلة ،،،

....

[بحر العطا]

يعطيكم العافيه جميعاً ولاهنتم



الغدراء الشكر الله سبحانه

الشعر القديم هو من يطرب البال


وقد قالوا الاولين ماخلوا اللتالين شي

[تروبادور]

قصيده رائعه وقويه في معانيها
لاهنت على النقل الرائع وهذا ماهوب غريب عليك وصح لسان الشاعرمحمد بن مقحم بن فالح
ونتظر منك المزيد
تحيتي

[محمد الشمريـ]

صح لسانه
ومشكور اخوي على القصايد البدويه هههههههههههه