 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2013- 4- 6
|
||||
|
||||
|
شرحي الخاص لمادة مبادئ الإقتصاد الجزئي .. الهجوج متجدد
السلام عليكم
المنتدى فيه مشاكل نزلت الموضوع من قبل وانحذف وكم مرة انزله وماينزل .. ان شاء الله هالمرة يضبط بعد يومين بإذن الله يعني أقدر أقول في نهاية يوم الإثنين بحول الله أرجع بشرح المنحنيات والباقي مما أستطيع جهزت شرح لزميلاتي علشان مادة الإقتصاد وصلت حاليا لنص المحاضرة الرابعه وبإذن الله بكملها شوي شوي كل جزئية أخلصها بنزلها هنا وفي منتدى ثاني ,,, بإذن الله تستفيدوا منها ... الرجاااااااااااااااااااااااااااااااااااااء الرجااااااااااااااااااااء عدم اقتباس أي من شروحاتي ووضعها في المنتديات إنتم أخواتي وحبيباتي .. ياليت ماتضيعوا حقوقي .. اللي تبي ممكن تقولي لي وأنا أنزل الشرح في المنتدى اللي هي تبغاه .. ويابنات .. دعوة في ظهر الغيب تغنيني عن كلمة شكرا ... الله يسعدكم ادعوا لي بالتوفيق بالدارين .. أختكم هبه التويجري ياليت توفروا معاكم الملخص أو المحتوى أي شيء لأني ماوفرت صور كافية .. ثالثا ,, هالشرح لزميلاتي علشان كذا كنت بكلم البنات ماعليش ياشباب العذر منكم تجاهلوا هالشيء ... دعوة في ظهر الغيب تغنيني وتسعدني .. |
|
2013- 4- 6
|
#2 |
|
متميزة بالمستوى الثاني - إدارة أعمال
|
رد: شرحي الخاص لمادة مبادئ الإقتصاد الجزئي .. الهجوج متجدد
هبه التويجري
اليوم راح أحاول أشرح محاضرات الإقتصاد ببدأ من المحاضرة الأولى لين نص السادسة لأني وصلت لين هنا ... طبعا متأخرة مرة لكن بحاول أفيدكم بإذن الله باللي درسته .. المحاضرة الثانية .... تكلفة الإختيار ... أو أقدر أقول تكلفة الفرص البديلة ... بمعنى إنه أنا عندي حاجتين ... مثلا أنا أنتج كتب وأقلام ... عندي عمّال علشان يصنعون الكتب وعمّال علشان يصنعون الأقلام ... وفجأة اكتشفت إني أحتاج أنتج أقلام أكثر .. لكن ماعندي العماله اللي تقدر تنتج لي أقلام أكثر ... فأروح آخذ أفضل العمال اللي عند الكتب علشان أخليهم ينتجون أقلام ...أنا راح أتكلم معاكم بالأرقام مثلا عندي عشر عمال للكتب وعشر عمال للأقلام ... أفضل عمال الكتب هو شخص .... أخذت هذا العامل وخليته مع عمّال الأقلام .... صار عندي 9 عمّال للكتب .. و 11 عامل للأقلام .... ((( إذا أنا هنا ضحيت بعامل من عمال الكتب مقابل الاقلام ؟؟؟ ))) بعد فترة أدركت إني أنا أحتاج عمّال كمان علشان أتوسع أكثر في إنتاج الأقلام ... لكن أنا هنا أخذت أفضل عامل من عند الكتب ... وهذا العامل علشان ألاقي إنتاج زي إنتاجه وبنفس المستوى لازم أجيب عاملين من عند الكتب ... لكن نلاحظ هنا إنه ذول العاملين الإثنين حينتجون لي بقدر عامل واحد .. اللي هو أفضل عامل أخذته من قبل وهنا راح يصير ( 2 عامل = 1 عامل ) بمعنى أقرب ... لما أنا نقلت هالعاملين على مصنع الأقلام حسبت إنتاجهم مقابل انتاج عامل واحد ... يعني صار عندي 7 عمّال للكتب (( أخذنا عامل وهو الأفضل ورجعنا أخذنا عاملين ) وفي الأقلام 12 عامل ( أخذنا عامل من عند الكتب ورجعنا أخذنا عامل ( العاملين اللي ينتجون زي إنتاج العامل الواحد) نظريا المفروض يكون عندنا 13 عامل في مصنع الأقلام .. لكن لأنه هناك عاملين ينتجون زي عامل واحد حسبناهم كعامل واحد ... وهذا السبب اللي يخلي منتحنى الإنتاج يظهر بهذا الشكل ... http://www.liilas.com/up/uploads/lii...7230591.rar((( ماعليكم بخرابيش الدجاج خخخخ)) الحين أنا عند النقطة B وعندي عدد العمالة الكافيه واللي احتاجها علشان أصنع الملابس لكن احتجت عماله علشان أنتج غذاء ... فأروح آخذ من العماله تبع الملابس علشان أنتج غذاء ... إذا نقصت عمالة الملابس وزادت عماله الغذاء .. بما إن عمالة الملابس نقصت فبديهياً إن المنحنى راح ينزل لتحت .. وبما إن عمالة الغذاء زادت فبديهياً راح يروح المنحنى لليمين ... إذا المنحنى نزل لأسف وراح لليمين ... أستمر بأخذ العماله من مصنع الملابس وأنقلهم للغذاء لين أحقق نقطة الكفاءة الإنتاجية اللي هي عند النقطة C ,,, الحين إحنا عندنا كفاءة انتاجية ... لدينا العدد اللي نحتاجه من العماله لإنتاج الملابس والعدد اللي نحتاجه من العماله لإنتاج الغذاء عند النقطة D هي نقطة إحنا نقدر نكون عندها بمعنى يمكن إنتاجها لكن هذه النقطة لو كنا عندها إحنا مااستغلينا الموارد ..( العماله اللي عندنا أو المواد الخ الخ ) يعني حيكون انتاجنا مو كويس ... (( النقطة المثلى للإنتاج)) أي نقطة موجودة على حدود المنحنى هي نقطة مثلى للإنتاج .. نكون إحنا فيها استغلينا الموارد كلها .. يعني مافقدنا عماله .. العماله اللي ماهم عند الملابس يكونون عند الغذاء .. الحين إحنا طالما عندنا عدد عماله ثابت وهم نفس العماله من أول .. ونستخدم نفس التقنية بالإنتاج ولا زاد شيء ماراح يكون انتاجنا أفضل راح يكون بنفس المستوى .. لكن متى مازادت الأيدي العاملة أو متى ماحسنا التقنية وصارت التقنية أفضل للإنتاج راح ننتقل للنقطة E لكن طالما إحنا عندنا نفس العماله هذه النقطة لا يمكن تحقيقها .. يعني لو جاكم هالسؤال بالإمتحان جاب هذا المنحنى وقال عند النقطة E ؟؟؟ حتقولون نقطة لا يمكن تحقيقها لعدم كفاية الموارد ... أتمنى يكون شرح قاعدة الإختيار واضح هو والمنحنى ... دمتم بخير ولي عودة بشرح باقي النقاط للمحاضرة |
|
2013- 4- 6
|
#3 |
|
متميزة بالمستوى الثاني - إدارة أعمال
|
رد: شرحي الخاص لمادة مبادئ الإقتصاد الجزئي .. الهجوج متجدد
تابع شرح المحاضرة الثانية .. النمو الإقتصادي .... هبه التويجري
النمو الإقتصادي ... الحين إحنا عندنا شركة لو تفتكروا لما شرحنا الإختيار قلت لكم مانقدر ننتقل للنقطة e طالما إحنا عندنا نفس العماله ونفس التقنية ... علشان ننمو بالإقتصاد لازم يتوفر حاجتين .. 1-عناصر الإنتاج .. مثلا عماله أكثر .. مثلا سلع أفضل وهكذا 2- التقدم التقني ... يعني مثلا جبنا أجهزة أفضل بدل مانعتمد على أجهزة قديمة .. تكون أجهزتنا تنتج بشكل أسرع مثلا الأجهزة القديمة تنتج 3 سِلع بالساعه الأجهزة الجديدة تنتج 6 بالساعه ... أو مثلا نستخدم طرق أفضل بالإنتاج نعمل بحوث وهكذا .. أو إنه يكون عندنا 1 و 2 علشان يصير عندنا نمو اقتصادي .. الحين عندنا المنحنى اللي في قاعدة الإختيار لو تفتكروه كان عندنا النقطة b و a وهذه النقاط لما كان ماعندنا تقدم تقني وماتوفرت عندنا الحاجتين 1 و 2 لكن متى ماتوفرت عندنا عناصر الإنتاج الأفضل أو التقدم التقني أو اثنينهم راح يصير عندنا نمو اقتصادي ... يعني إحنا ماحنكون ثابتين في مكاننا راح نتقدم ونصير أحسن ... افتحوا معاي المنحنى تبع الإختيار .. الحين إحنا كنا عند النقطة b اوبعدين تقدمنا في صناعة الملابس وصار إنتاجنا أحسن من أول .. بديهياً راح نرتفع لأعلى ... يعني راح ننتقل من النقطة b إلى نقطة جديدة على العمود اللي في المنحنى .. وبعدين إحنا تقدمنا في إنتاج الغذاء .... بديهيا راح ننتقل لليمين ... بما إنه إحنا انتقلنا من مكان لمكان .. تقدمنا تقنيا أو صار إنتاجنا أفضل لأن عندنا عناصر أفضل راح ينتقل معانا المنحنى .. لاحظوا هنا المنحنى انتقل مو صار عندنا منحنى جديد .. لأن إحنا نفس السلع عندنا .. فما سوينا منحنى جديد بس نقلناه من مكان إلى مكان وتقدمنا بالإنتاج ماغيرنا شيء .. ... عذرا ماحطيت صورة المنحنى إفتحوا الملخصات وشوفوها <<<كسل بعيد عنكم خخخخ أتمنى يكون شرح النمو الإقتصادي واضح ... دعواتكم ولي عودة بالبقية |
|
2013- 4- 6
|
#4 |
|
متميزة بالمستوى الثاني - إدارة أعمال
|
رد: شرحي الخاص لمادة مبادئ الإقتصاد الجزئي .. الهجوج متجدد
تابع شرح المحاضرة الثانية .... التدفق الدائري للإنتاج والدخل ....
تفتكروا أول لما كنا في درس العلوم في الإبتدائي كان يعطونا رسم عن دورة الحياة .. كيف الحشرات تتغذى ع النبات وبعدين النبات ياكله الحيوان الخ الخ فكروا بهذا الرسم البياني بهذه الطريقة ... http://www.liilas.com/up/uploads/lii...5099287481.rar كالعادة ماعليكم من خرابيش الدجاج >> ترا خطي كويس لكن علشان أكتب مع الدكتور ؛؛ ترقع الأخت خخخ راح أشرح لكم الرسم واحدة واحدة ... لأني بالعافية قدرت أستوعبه ... الحين إحنا قطاع المستهلكين ... أوك .. لكن إحنا مو فقط مستهلكين إحنا كمان عمّال ,, يعني يد عامله أو ممكن أراضي وأشياء زي كذا .. طيب الحين إحنا نوفر هذه الأشياء سوق الموارد .. بحيث تنعرض هذه الأشياء أو هذول العمال في سوق الموارد وإش حنستفيد من سوق الموارد حيعطونا فلوس علشان إحنا وفرنا لهم هذه الأشياء .. لما نعطيهم عماله هي ( عوامل الإنتاج ) لما ناخذ منهم فلوس اللي هو الدخل حيكون هو عوائد عوامل الإنتاج ) << ان شاء الله تكون واضحه لو جينا عند سوق الموارد ... الحين سوق الموارد أخذ عماله أو أراضي من قطاع المستهلكين اللي شرحته فوق .. طيب إش راح يسوي فيه ؟؟؟؟ ماحيخليه عنده راح يرسله لقطاع المنتجين .... وبكذا ( الموارد ) السهم اللي طالع من سوق الموارد لين قطاع المنتجين .. ليش سموها موارد لأنها بتساعد قطاع المنتجين ... طيب سوق الموارد أخذ من عندنا عوامل الإنتاج وأعطاها لقطاع المنتجين .. طيب إش هو راح يستفيد ؟؟؟؟ أو هو كيف راح يدفع سعر ( عوامل الإنتاج )اللي أخذها من قطاع المستهلكين.... راح يعطيه قطاع المنتجين تكاليف أو بمعنى آخر .. إنه قطاع المنتجين راح يزوده بمال علشان سوق الموارد يوفر له العماله فيعطيه تكاليف هذه العملية ... طيب سوق الموارد الحين أخذ ( عوامل الإنتاج ) وأعطاها (لقطاع المنتجين ) وأخذ من قطاع المنتجين تكاليف هذه العملية ... طيب راح يرجع التكاليف أو يدفعها للعماله ( عوائد عوامل الإنتاج ) <<< ملاحظة هنا إحنا عماله نعتبر لأنه إحنا لسه مارحنا واشترينا الإنتاج ... علشان أوضح لكم أكثر الحين العامل اللي يشتغل بالمصنع هو بالصباح يعتبر عامل يشتغل بمصنع وبالليل يروح يشتري أشياء وأغراض يعني مستهلك .. الحين عندنا قطاع المنتجين ... هو أخذ موارد زي ماذكرنا اللي هي أصلا ( عوامل الإنتاج اللي أخذها سوق الموارد من قطاع المستهلكين ) طيب إش راح يستفيد من هذه الموارد عمال وأشياء يحتاجها بالإنتاج إش راح يستفيد منها .. اللي حيستفيده إنه راح يقدر ينتج سلع وخدمات أخرى أي شيء يحتاجه السوق وراح يرسلها لسوق المنتجات علشان يعرضها فيه ... طيب هو لما راح عرضها في السوق حيعرضها كذا ببلاش ؟؟ لا طبعا راح ياخذ فلوس من السوق . يعني راح تجيه إيرادات من سوق الإنتاج .... وطبعا شرحت لكم الموارد اللي ياخذها والتكاليف إش هي ... سوق المنتجات .... الحين السوق أخذ بضاعه من المنتجين وعرضها في السوق .. إش راح يسوي فيها مين الي حياخذها ... طبعا الناس راح تجي تشتريها ... مين هم الناس ؟؟ طبعا المستهلكين اللي هم زي ماقلت لكم من شوي العامل اللي يشتغل بالصباح وبالليل يروح السوق يشتري أغراض ... طيب العامل أكيد لما يجي يشتري راح يدفع فلوس .. طيب هو من وين جاب الفلوس ؟؟ جابها من سوق الموارد لما هو راح اشتغل فيه وأعطى الفلوس اللي عنده سوق الإنتاج ... يعني سوق الإنتاج أعطاه أشياء يحتاجها ( سلع وخدمات ) وأخذ منه فلوس ( إنفاق المستهلكين ) وسبق وشرحت سلع الخدمات والإيرادات ماعليش حوسه إمشوا معاي خطوة خطوة وتابعوا معاي المخطط من أول لين الأخير وبيصير كل شيء عندكم واضح بإذن الله قبل ماأنتهي في نقطة ذكرها الدكتور إنه هذا المخطط كله على بعضه في حاله واحده إذا كان العامل اللي ياخذ الراتب يصرفه كلللله بالسوق .. يعني مايبقي معه ولا قرش أتمنى يكون الشرح واضح .. دعوة في ظهر الغيب راح تسعدني ... لي باك بالبقية |
|
2013- 4- 6
|
#5 |
|
متميزة بالمستوى الثاني - إدارة أعمال
|
رد: شرحي الخاص لمادة مبادئ الإقتصاد الجزئي .. الهجوج متجدد
المحاضرة الثالثة .. الإقتصاد الجزئي ... نظرية المنفعه وخط الميزانية ..
1_ نظرية المنفعه ... ... المنفعه ,, يعني إحنا كمستهلكين كيف نشوف هذه المنتجات هل هي تنفنا وتساعدنا وإلا لأ ؟؟؟أو بمعنى إنه كم هي تشبع رغباتنا مثلا لما نجي نشتري حليب .. هل هو يرضينا ويساعدنا باللي نبيه ؟؟ في عوامل تحدد هذه المنتفعه اللي ناخذها من أي سلعه ... ( إمكانيات الإستهلاك وتتمثل بالدخل ) يعني إحنا لو عندنا فلوس مثلا أربع ريال وهو دخلنا والحليب مثلا بثلاث ريال إذا إحنا نقدر نشتري حليب .. وهذا يساعدنا على إنه ننتفع منه .. العامل الثاني مستوى الأسعار .. بنفس الطريقة لو كان دخلنا أربع ريال .. والحليب سعره 5 ريال إذا سعره غالي ومانقدر نشتريه ... وهكذ ,,, إذا هذي الشيئين أو العاملين هم اللي يخلونا وويحدونا ننتفع من السلعه ... 2- خط الميزانية .... إحنا عندنا فلوس .., وهي ميزانيتنا لهذا الشهر بمعنى راتبنا 30 دينار ... مانقدر نشتري بأكثر من هالثلاثين دينار .. هذه الفلوس علشان نقدر نصرفها في عاملين اثنين راح يحكرونا بالزاوية خخ هم الدخل ( اللي هو الراتب ) والأسعار .. (سعر المنتج ) http://www.liilas.com/up/uploads/lii...5101853111.rar الحين في المثال إنه عمار عنده 30 دينار وهي راتبه ... وهو حاجته من الراتب أو يصرفه في الكتب الخيال ووالوجبات تبع الطعام ... يقولك طبعا عندنا سعر الكتاب 6 دينار وسعر الوجبة 3 دينار .. هنا اللي يحد عمار السعر وكمان لازم مشترياته ماتتجاوز الثلاثين ... كيف خياراته راح تكون الموضوع مرة بسيط ,, لكن راح أشرحه ماني خسرانه شيء ... الحين لويبغى يشتري بس كتب .... الكتاب ب6 دينار إذا 30÷6 نقسم دخله على سعر الكتاب علشان نعرف كم كتاب يقدر ياخذ ... الناتج حيكون خمسه كتب .... لكن هذه في حالة مايقدر ياكل ولا وجبه .. لو يبغى وجبتين ويبغى يشوف كم كتاب يقدر يشتري من باقي الراتب ... سعر هذه الوجبه 3 إذا 3×2 السعر في عدد الوجبات .. إذا يصرف من الراتب 6دينار على الوجبة كم باقي له علشان سعر الكتب 30 دينار الدخل ناقص 6 دينار سعر الوجبتين 30-6 =24 إذا يتبقى عنده 24 دينار يقدر يشتري فيها الكتب ,,, طيب بها ال 24 كم كتاب يقدر يشتري ..؟؟ 24 ÷6 المتبقي من الراتب نقسمه على سعر الكتاب إذا أربع كتب .. إذا هو أنفق راتبه بشراء وجبتين طعام سعرهم 6 دينار و 4 كتب سعرهم 24 دينار . وهكذا .. هذا شرح مبسط للجدول .. علشان نعرف معادلة الدخل ترا لأول مرة راح تحسونها غثيثة لكن بعدين راح تفهمونها ببساطة .. الحين فوق إحنا إش سوينا علشان استنتجنا كم قدر يستهلك في الوجبتين وكم يتبقى من الراتب علشان يشتري كتب .. معادلة الدخل = سعر الطعام × كمية الطعام + سعر الكتاب × كمية الكتب .. الحين لو افترضنا إنه إحنا ماشتغلنا الشغل اللي أول حق الوجبتين والكتب .. نفرض إنه هو قال لنا في مسأله إنه عمار دخله 30 دينار ... سعر الكتب 6 دينار وسعر الوجبة 3 دينار .. عمار يبغى يشتري وجبتين كم كتاب يقدر يشتري .. نفرض إن المطلوب اللي خو كمية الكتبX ببساطة نعوض في المعادلة تحتها معادلة ..... الدخل = سعر الطعام × كمية الطعام + سعر الكتاب × كمية الكتب .. 30= 3 × 2 + 6 × ؟؟ 30 = 6 + 6 X 30-6 =6X 24 =6X 24÷6 =X 4 =X معادلة الدخل بكل اختصااااار أعتقد إنه المخطط تبعه مايحتاج شيء أن شاء الله يكون الشرح بسيط وسهل ... أي سؤال حياكم ولي عودة بالباقي |
|
2013- 4- 6
|
#6 |
|
متميزة بالمستوى الثاني - إدارة أعمال
|
رد: شرحي الخاص لمادة مبادئ الإقتصاد الجزئي .. الهجوج متجدد
تابع المحاضرة الثالثة ... تفضيلات المستهلك المنفعه الكلية والمنفعه الحدية
الحين إحنا لما نروح السوبر ماركت ... أكيد ماراح ناخذ كل شيء راح نكون محددين بخياراتنا واحتياجاتنا يعني مو معقول إحنا مثلا نبي نتغدى مثلا كبسة نروح نجيب حليب << أووم الشرح ياشيخة خخخخ المهم أشرح لكم عاد نقطة نقطة ... المنفعه الكلية .. يعني الحين إحنا نستفيد من اشيء كيف ؟؟ أكيدلما نستهلكه مانخليه ع الرف .. ماادري ليش أحس شرحي مثل وجهي خخخ <<< تراني حلوة *_^ المهم ... الحين بشرح لكم نفس المثال اللي شرحه الدكتور في المحاضرة بس مو موجود بالملخص .. الحين لو إحنا لعبنا كورة وأجهدنا نفسنا .. بعد ماتخلص المباراة حنكون عطشانييين مرة أو مثلا بعد أي رياضة نسويها ... حنروح أكيد ونشرب موية .. أول كاسة حتحسي إنك استفدتي منها لكن مو بشكل كافي .. حتحسي إنك تحتاجي كمان موية .. تشربي كاسة ثانية حتحسي إنك استفدتي لكن تحتاجي كمان شووووية علشان ترتوي من الموية .. تشربي الكاسة الثالثة .. حتقولي خلااااااااااااص أنا أكتفيت ... وارتويت من الموية .. هنا حتكوني استفدتي من الموية بشكل كامل .. نقدر نقول إن هنا صارت المنفعه الكلية .. أول كاسة أخذتي منفعه .. زادت المنفعه الكلية مع ثاني كاسة .. وزادت مع ثالثت كاسة هذا معناه ( المنفعه الكلية تزداد بزيادة الكمية المستهلكه من السلع ) طبعا عند الكاسة الثالثة خلاص ماعاد تقدري تشربي موية كمان هنا حنكون وصلنا لنقطة إسمها ( النهاية العظمى ) فكري فيها إنها هي النهاية تبع الكاسات اللي حتشربيها .. الحين إحنا لو شربنا كاسة كمان وهي الكاسة الرابعه إش حيصير إحنا زدنا الكاسات لكن هل زادت المنفعه حقلكم أيوة لكن مو بالشكل اللي استفدنا منه لما شربنا الكاسات الثلاثة الأولى .. يعني المنفعه نفسها بدأت تتناقص ... إحنا يعني قاعدين ناخذ منفعه لكن منفعه تأخذ بالتناقص لين نوصل لحد ممكن الله يكرمكم نخرج كل الموية من معدتنا .. هذا شرحي للي فهمته من المنفعه الكلية ان شاء الله تكونوا فهمتوه ... مايحتاج الرسم البياني حيكون واضح لو فهمتوا اللي شرحته المنفعه الحدية ... هي التغير في المنفعه الكلية نتيجة لزيادة الإستهلاك بوحدة واحدة .. بمعنى أنا كم أخذت منفعه لما شربت الكاسة الثانية فقط المنفعه من الكاسة الثانية مالنا علاقة كم المنفعه اللي أخذناها من الكاسة الأولى .. فقط المنفعه من الكاسة الثانية .. الحين أبي أسألكم المنفعه اللي أخذناها من الكاسة الثانية هي نفسها المنفعه من الكاسة الرابعه ؟؟ نفسها من الكاسة الخامسة ؟؟ طبعا لأ المنفعه صارت تنقص لأنه إحنا وصلنا للنهاية العظمى وصلنا لمرحلة الإكتفاء والإرتواء والمنفعه اللي ناخذها من الكاسة الرابعه أقل من المنفعه اللي ناخذها من الكاسة الثانية .. هنا نقدر نقول التناقص هذا ونوصفه بإنه تناقص المنفعه الحدية ... المنفعه الكلية هي الإستفادة من جميع الوحدات بمعنى الكاسات الثلاثة كلها كم استفدنا منها المنفعه الحدية هي المنفعه من وحدة واحدة بمعنى كم استفدنا من الكاسة الثانية فقط ... في الجدول الموجود ماقدرت أرفعه مارضي شوفوه بالملخص ... في جدول المنفعه الكلية والمنفعه الحدية ... عندنا في الجدول أرقام كثيرة .. نحفظ المعادلة ... المنفعه الحدية = التغير في المنفعه الكلية ÷ التغير في الكمية .. التغير في المنفعه الكلية معناها مثلا هو طلب منك المنفعه الحدية للوجبة الرابعه .. طيب إنت كم كانت المنفعه الكلية عند الوجبة الثالثة ؟؟ هي 153 طيب كم كانت المنفعه الكلية عند الوجبة الرابعه ؟ هي 181 إذا التغير في المنفعه الكلية هو المنفعه الكلية عند الوجبة الرابعه - المنفعه الكلية عند الوجبة الثالثة أي 181_153 = 28 وهنا إحنا أوجدنا أول جزء من المعادلة اللي هي التغير في المنفعه الكلية التغير في الكمية اللي هي إحنا عند الرابعه وقبلها الثالثة نطرح 4 من 3 ,,يكون الناتج 1 طبعا المفروض نكتب المعادلة بالرموز رمز دلتا مو موجود ع اللاب ماراح أقدر أكتبه راح أستبدله بهذا ^ mu رمز للمنفعه الحدية .. Tu المنفعه الكلية .. Q اللي هي الكمية .. Mu=^tu÷^q 28÷1 =28 وبس .... هذا الحل ولا أسهل من كذا ... في الجدول عندنا قانون لازم تتساوى المنفعه الحدية للكتب مع المنفعه الحدية للطعام لو تغيرت حيتغير الجدول .. التغيرات والجداول بخليها بعدين بس أقدر أوضحها كويس عندي مو واضحه أي سؤال حياكم لا تنسوني من دعوة في ظهر الغيب |
|
2013- 4- 6
|
#7 |
|
متميزة بالمستوى الثاني - إدارة أعمال
|
رد: شرحي الخاص لمادة مبادئ الإقتصاد الجزئي .. الهجوج متجدد
المحاضرة الرابعه ... الطلب ...... أثر الدخل والإستبدال
ماادري أشوف في المنتديات كثير يسألون عنه أحس إنه سهل , ان شاء الله انكم تستمتعون فيه وتفهمون علي اللي راح أشرحه ... بسم الله ... الطلب demand الحين إحنا لو بغينا شيء أكيد راح نطلبه ... لكن ماراح نقدر نطلب إلا نكون قادرين على إنه إحنا نشتري هذا الشيء .. مثلا إحنا عاطلين عن العمل ... أكيد ماراح نقدر نشتري وهذا أول شرط من شروط الطلب اللي هو القدرة ع الشراء ... وأكيد إحنا ماراح نشتري شيء إحنا مانبيه .. راح نشتري الأشياء اللي نبيها أو نحتاجها .. وهذا ثاني عامل الرغبة في الشراء في عوامل ثانية لكن الشرح الآن بنركز عليه ... بفرض إنه باقي العوامل ثااااااااااابته ماتتغير ... أول شيء اليد الخفية ... فاكرين في المحاضرة الأولى في المدرسة الكلاسيكيه ... اليد الخفية هي المحرك الأساسي للنشاط الإقتصادي ... يعني باليد الخفية هي رغبة المستثمر بالربح عبر انتاج السلعه وبيعها ,, مايحتاج شرح واضحه *_^ جدول الطلب .... الحين خذوها قاعده .. إنتم لما يكون دخلكم ثابت .. مثلا 100 ريال وتبين تشترين بناطيل <<< بشرح باللي تعرفونه خخخخ أوك مثلا في دخلك هذا تقدرين تشترين بنطلونين الواحد سعره 50 ريال .. لو ارتفع سعر البنطلون من 50 لين 80 ريال ... هنا ماراح تقدري تشتري غير واحد لأنه ماعندك سعر الثاني ..مع إنه راح يتبقى من دخلك 20 ريال لكم العشرين ماتكفي علشان نشتري بنطلون ثاني .. هذا معنى كلما زاد السعر قل الطلب .... طيب لو قل سعر البنطلون ل 30 ريال .. إنتي راح تقدري تشتري ثلاث بناطيل لانه عندك فائض وهذا معنى لو قل السعر زاد الطلب ... إذا العلاقة بين السعر والطلب علاقه عكسية كلما زاد السعر قل الطلب كلما قل السعر زاد الطلب .... أعتقد جدول الطلب واضح مايحتاج شرح لما نفهم الكلام اللي قلته فوق لو تبون اشرحه بس حطوا تعليق وقولوا لي ومابقصر معكم ان شاء الله .... منحنى الطلب ... افتحوه قدامكم الصور مو راضية تتحمل من الجهاز حجمها كبير .. أوك أول شيء لازم نعرف دايما إنه الكمية q دائما تاخذ الخط الأفقي ... زي ماهي موجودة ع الرسم البياني ... والسعر p دايم ياخذ الخط العمودي بالرسم العلاقه عكسيه بين الطلب والكمية ... وشيء ثااااااااااااااااااااابت العلاقه عكسيه لما نجي نرسمها في المنحنيات تكون الميل سااااالب يعني نرسم المنحنى من فوق لين تحت مااايل ويتناقص .. فاهمين إش أقصد ؟؟ ان شاء الله تكونوا فاهمين خخخ العلاقه الطردية يعني كل مازاد الشيء زاد الشيء الثاني يكون الميل موجب يعني نرسم المنحنى من تحت لين فوق .. لاحظوا منحنى العلاقه بين السعر والطلب بتلاقوا اتجاهه من فوق لين تحت هذا علشان العلاقه عكسيه بين السعر والطلب والمنحنى بيتجه من فوق لين تحت ... الحين إذا تغير السعر ....راح أشرح على نفس مثال البناطيل خخخ الحين لما أرتفع السعر مثلا إحنا نشتري من مانجو ... ارتفع السعر عندنا ماحنقدر نشتري بنطلونين هنا بيكون عندنا أثرين اثنين نتيجه الإرتفاع أثر الدخل وأثر الإستبدال ... أثر الدخل ... الحين إحنا دخلنا كله 100 ريال أو إنه احنا مخصصين هذا المبلغ فقط للإنفاق ع البناطيل إذا ماراح نقدر ننفق أكثر منه .. وبذلك يكون الدخل أثر على انفاقنا لهذه السلعه ... ؛؛ ان شاء الله يكون واضح .. أثر الإستبدال .. إذا كان عندنا مثلا 100 ريال مخصصينها للبناطيل و100 ريال للقمصان وإحنا محتاجين بنطلونين ... ارتفع السعر تبع البنطلون من 50 إلى 80 ... وإحنا لسه محتاجين البناطيل .. طيب إحنا عندنا 100 ريال مخصصينها علشان القمصان .. حاجتنا للبناطيل أكثر إذا إحنا نستغني عن القمصان والسعر اللي استغنينا عنه نقدر نخصصه للبناطيل .. يعني نشتري بنطلونين ب 160 ريال سعر البنطلون 80 ريال والباقي 40 ريال علشان القمصان .. خفضنا كميه القمصان علشان نقدر نشتري الكمية اللي نبيها من البناطيل ان شاء الله يكون واضح .. أحس إني كثرت كلام برجع بإذن الله بشرح المنحنيات .... يوم الإثنين بحول الله ..... دعواتكم لي والعذر على الدش في الكلام إنتوا خلوا قدامكم الملخص أو المحتوى وكبروا الصفحة |
|
2013- 4- 6
|
#8 |
|
أكـاديـمـي فـضـي
|
رد: شرحي الخاص لمادة مبادئ الإقتصاد الجزئي .. الهجوج متجدد
الله يكتب اجرك ياأخت هبه
|
|
2013- 4- 6
|
#9 |
|
أكـاديـمـي مـشـارك
|
رد: شرحي الخاص لمادة مبادئ الإقتصاد الجزئي .. الهجوج متجدد
يعطيك العافيه حبيبتي
ان شاء الله يستفيدون منههه ،، وزي م قالت لحححد يلطش شرحها وتعبها وتحطه في منتدى او اذا بتاخذونه حطوا اسمها جنببه  موفقين حبايبي  
|
|
2013- 4- 6
|
#10 |
|
أكـاديـمـي
|
رد: شرحي الخاص لمادة مبادئ الإقتصاد الجزئي .. الهجوج متجدد
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| السعادة النفسيـــة | أشجـ الدموع ـان | منتدى السعادة و النجاح و البرمجة اللغوية العصبية | 15 | 2011- 2- 15 03:25 AM |
